A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 2 August 2016

លោក​ហ៊ុន​ សែន​ហាម​អាមេរិក​មិន​ឲ្យ​លូក​ដៃ​ចូលក្នុង​កិច្ច​ការ​ផ្ទៃ​ក្នុង​កម្ពុជា​

លោក​ហ៊ុន​ សែន​ហាម​អាមេរិក​មិន​ឲ្យ​លូក​ដៃ​ចូលក្នុង​កិច្ច​ការ​ផ្ទៃ​ក្នុង​កម្ពុជា​
01 សីហា 2016 voa
ហ៊ាន សុជាតា


រូបឯកសារ៖ លោក​នាយក​រដ្ឋមន្ត្រីហ៊ុន​ សែន​លើក​ដៃ​ចង្អុល​ ខណៈពេល​ដែល​លោក​ត្រៀម​ថតរូប​រួម​គ្នា​ជា​មួយ​​នឹង​មេដឹកនាំ​ប្រទេស​ផ្សេងៗ ដែល​ចូលរួម​កិច្ច​ប្រជុំអាស៊ីអឺរ៉ុប​លើក​ទី១១ ​នៅ​ទីក្រុងអ៊ូឡង់បាទ័រ ប្រទេស​ម៉ុងហ្គោលី កាលពីថ្ងៃសៅរ៍ ទី១៦ ខែកក្កដា ឆ្នាំ២០១៦។
រូបឯកសារ៖ លោក​នាយក​រដ្ឋមន្ត្រីហ៊ុន​ សែន​លើក​ដៃ​ចង្អុល​ ខណៈពេល​ដែល​លោក​ត្រៀម​ថតរូប​រួម​គ្នា​ជា​មួយ​​នឹង​មេដឹកនាំ​ប្រទេស​ផ្សេងៗ ដែល​ចូលរួម​កិច្ច​ប្រជុំអាស៊ីអឺរ៉ុប​លើក​ទី១១ ​នៅ​ទីក្រុងអ៊ូឡង់បាទ័រ ប្រទេស​ម៉ុងហ្គោលី កាលពីថ្ងៃសៅរ៍ ទី១៦ ខែកក្កដា ឆ្នាំ២០១៦។



លោក​នាយករដ្ឋមន្ត្រី​ហ៊ុន​ សែន​បាន​អំពាវ​នាវ​ ជាថ្មី​ម្តង​ទៀត​​ កុំ​ឲ្យ​​ប្រទេស​នានា​ ដូចជា​សហរដ្ឋ​​អាមេរិក​ជាដើម​ ​ជ្រៀត​ជ្រែក​ក្នុង​រឿង​នយោបាយ និង​កិច្ច​ការ​ផ្ទៃ​ក្នុង​​របស់​ប្រទេស​តូចៗ។​ លោក​​ អះអាង​ថា​ ការ​ជ្រៀត​ជ្រែក​ពី​សហរដ្ឋ​អាមេរិក​កន្លង​មក មិន​បាន​ធ្វើ​ឲ្យ​ប្រទេស​ទាំង​នោះ​មាន​ស្ថាន​ភាព​ប្រសើរឡើង​នោះ​ទេ​។


ភ្នំពេញ —

លោក​នាយករដ្ឋមន្ត្រី​ហ៊ុន​ សែន​បាន​អំពាវ​នាវ​ ជាថ្មី​ម្តង​ទៀត កុំ​ឲ្យប្រទេស​នានា​ ដូច​ជា​សហ​រដ្ឋអាមេរិក​ជាដើម​ ​ជ្រៀត​ជ្រែក​ក្នុង​រឿង​នយោបាយ និង​កិច្ច​ការ​ផ្ទៃ​ក្នុងរបស់​ប្រទេស​តូចៗ។​ លោក​អះអាង​ថា​ ការ​ជ្រៀត​ជ្រែក​ពី​សហរដ្ឋ​អាមេរិក​កន្លង​មក មិន​បាន​ធ្វើ​ឲ្យ​ប្រទេស​ទាំង​នោះ​មាន​ស្ថាន​ភាព​ប្រសើរឡើង​នោះ​ទេ​។

ថ្លែង​ទៅ​កាន់​ក្រុម​យុវជន​ កាល​ពី​ថ្ងៃ​អាទិត្យ​ម្សិលមិញ​ ក្នុងពិធី​ប្រគល់​រង្វាន់​ នៅវិមាន​សន្តិភាព​ លោកនាយក​រដ្ឋមន្ត្រី​ហ៊ុន សែន​លើកឡើង​យ៉ាង​ដូច្នេះ​៖

​«ចូរក្រឡេក​មើល​ទៅ​មជ្ឈឹម​បូព៌ា បន្ទាប់​ពីការ​ជ្រៀតជ្រែក​របស់បរទេស​ បង្កើត​ឱ្យ​មាន​បដិវត្តន៍​ពណ៌​ ជា​ពិសេស​ដូចជា​នៅ​លីប៊ី​ នៅ​ស៊ីរី​ នៅ​យ៉េ​មែន នៅអេហ្ស៊ីប និង​អ៊ីរ៉ាក់​ ដែល​ផ្ដួល​រំលំ​សាដាម​ ហ៊ូស​សេន​ ដោយ​អាមេរិក​។ តើ​អ្នក​ទាំង​នោះ​បាន​ទទួល​សមិទ្ធផល​អ្វី​ទៅ ក្រោម​ហេតុផល​ប្រជាធិបតេយ្យ​ និង​សិទ្ធិមនុស្ស​ ... បើ​មួយ​ថ្ងៃៗ​មនុស្ស​ស្លាប់​រាប់រយរាប់ពាន់​អញ្ចឹង​?»

លោក​សាដាម​ ហ៊ូសសេន​ អតីត​ប្រធានាធិបតី​ប្រទេស​អ៊ីរ៉ាក់​ដែល​បាន​កាន់​អំណាច​ជាង​២ទសវត្សរ៍ ​បាន​រង​ការ​ចោទ​ប្រកាន់​ថា​ លោក​កំពុង​ផលិត​អាវុធ​ប្រល័យ​លោក និង​គាំទ្រ​អំពើ​ភេរវកម្ម​ ដែលបាន​បង្ក​ការ​គំរាម​កំហែង​ដល់​សន្តិភាព និង​សន្តិសុខ​អន្តរជាតិ។ របប​លោក​សាដាម​ ហ៊ូសសេនត្រូវ​បានផ្តួល​រំលំ​ដោយ​សហ​រដ្ឋ​អាមេរិក​ក្នុង​ឆ្នាំ​២០០៣​ ហើយ​លោក​សាដាម​ ហ៊ូស​សេន​ត្រូវ​បាន​កាត់​ទោស​ប្រហារជីវិត​ជា​ផ្លូវការ​ចំពោះ​ឧក្រិដ្ឋ​កម្ម​ប្រឆាំងមនុស្ស​ជាតិ​នៅ​ឆ្នាំ២០០៤​។



លោក​អ៊ូ ​វីរៈ ​ប្រធាន​វេទិកា​អនាគត​ ​បាន​ឲ្យដឹង​ថា​ ​លោក​នាយករដ្ឋមន្ត្រីលើកឡើង​ដូច្នេះ​គឺដោយសារ​លោកមានក្តី​បារម្ភ​ថា​ អាមេរិកអាចនឹង​អនុវត្តគោល​នយោបាយ​ដូចគ្នា​នេះ​មក​កម្ពុជា​។

«​គាត់​លើក​រឿង​ហ្នឹង​ មិន​មែន​ទាក់ទង​សាដាម​ ហ៊ូសសេនទេ​ ទាក់ទង​ការ​ព្រួយ​បារម្ភ​របស់គាត់ទាក់ទង​រឿង​គាំទ្រឲ្យ​មានបដិវត្តន៍​ពណ៌​ ឬ​មាន​ការ​ទម្លាក់​បុរស​ខ្លាំង​ ដែល​គាត់គិត​ថា​ អាមេរិក​មាន​ឆន្ទៈទម្លាក់បុរស​ខ្លាំង​នៅ​តំបន់មជ្ឈិម​បូព៌ា ហើយ​ក៏អាច​មាន​ឆន្ទៈ​ក្នុង​ការ​ទម្លាក់បុរស​ខ្លាំង​នៅ​កម្ពុជា​ផងដែរ»។

សម្រាប់​លោក​អ៊ូ ​វីរៈគិត​ថា​ ​គោលនយោបាយ​របស់​សហរដ្ឋ​អាមេរិក​នៅ​តំបន់​មជ្ឈិម​បូព៌ាក្នុង​អាណត្តិ​របស់​លោក​ George W Bush ​នៃគណបក្ស​សាធារណរដ្ឋ​និងលោក​ដូណាល់​ ត្រាំ​នោះគឺ​ជា​គោល​នយោបាយ​មួយ​ដែល«​ខុស»​។

​លោក​សុខ ​ឥសាន​ អ្នក​នាំ​ពាក្យ​គណបក្ស​ប្រជាជន​កម្ពុជា​ ថ្លែង​ការពារ​សម្តី​របស់​លោក​នាយករដ្ឋមន្ត្រី​ហ៊ុន​ សែន​ថា​ ការ​លុកលុយ​ប្រទេស​អ៊ីរ៉ាក់ និង​ការ​សម្លាប់លោក​សាដាម​ ហ៊ូសសេនគឺ​ជា​ទង្វើ​ខុសច្បាប់​ និង​គ្មាន​ភស្តុតាង​ជាក់លាក់​។​ ហើយ​លោក​ថា ​អន្តរាគមន៍​ពី​បរទេសមិន​មាន​ផលចំណេញ​ដល់​ប្រទេស​សាម៉ឺនោះ​ទេ​។

«បទ​ពិសោធន៍​យើង​មាន​ហើយ​តើ​!​ ប្រវត្តិសាស្ត្រ​បាន​បញ្ជាក់ ​តើ​ពួក​អ៊ុនតាក់​ចូល​មក​ដោយ​ចាយ​លុយ​អស់ជាង​២ពាន់លាន​ដុល្លារ​ហ្នឹង បាន​សន្តិភាព​មក​កម្ពុជាទេ?​ វា​អត់មាន​។ ​មាន​តែ​ខ្មែរ​យើងដោះស្រាយរវាង​ខ្មែរ​ និង​ខ្មែរ​ ទើប​អាចរកសន្តិភាព​បាន»។​

កាល​ពី​ខែ​កញ្ញា​ឆ្នាំ​២០១៥​កន្លង​ទៅ​ លោក​នាយក​រដ្ឋ​មន្ត្រី​ហ៊ុន សែន​ធ្លាប់​មាន​ប្រតិកម្ម​ខ្លាំង​ៗនឹង​លោក​សម រង្ស៊ី​ ប្រធាន​គណក្ស​ជំទាស់​ ដែល​បាន​ប្រដូច​រូប​លោក​ទៅនឹង​លោក​ Muammar Gaddafi អតីត​មេដឹកនាំ​ប្រទេស​លីប៊ី។​ លោក​ Gaddafi ​ត្រូវ​បាន​បណ្តេញ​ចេញ​ពី​អំណាចក្នុង​ឆ្នាំ​២០១១​ ​ដោយ​អំណាច​ប្រជាជន​ បន្ទាប់​ពី​លោក​បាន​ដឹកនាំ​ប្រទេស​អស់​រយៈពេល​៤២​ឆ្នាំ។

លោក​នាយក​រដ្ឋ​មន្ត្រី​ហ៊ុន សែន​ធ្លាប់​បាន​អះអាង​ក្នុង​ពេល​កន្លង​មក​ថា​ លោក​នឹង​មិន​អាច​មាន​ជោគ​វាសនា​ដូច Gaddafi អតីត​មេដឹកនាំ​ប្រទេស​លីប៊ីនោះទេ​ ដោយ​សារ​រូប​លោកផ្ទាល់​ជា​មេដឹកនាំ​ ដែលទទួល​បាន​ការបោះឆ្នោត​គាំទ្រពី​ប្រជាពលរដ្ឋ​ ហើយ​នេះ​ជា​ការ​ធានា​ដល់ស្ថិរភាព​នយោបាយ​នៅ​កម្ពុជា​។​

នៅក្នុង​ពិធី​នោះ​ដែរ​ លោក​ហ៊ុន សែន​ក៏​បាន​សម្តែង​ការ​គាំទ្រចំពោះ​ការ​លើក​ឡើង​របស់​បេក្ខជន​ប្រធានាធិបតី​អាមេរិក​គឺ​លោកដូណាល់ ​ត្រាំ​ផង​ដែរ។ លោក​ដូណាល់ ត្រាំ​បាន​អះអាង​កាល​ពី​ខែ​កក្កដា​ថា​ ​ការ​លូកដៃ​ផ្តួល​រំលំ​លោកសាដាម​ ហ៊ូសសេន​ ប្រធានាធិបតី​ប្រទេសអ៊ីរ៉ាក់​ និង​ហ្គាដាហ្វី​ មេដឹក​នាំ​ប្រទេស​លីប៊ី​នោះ​គឺ​ ជា​កំហុស​របស់​សហរដ្ឋ​អាមេរិក ហើយវា​បាន​បង្ក​ឲ្យ​ប្រទេស​ទាំង​នោះ​កាន់​តែ​មាន​ស្ថានភាព​អាក្រក់​ដុនដាបជាង​មុន​។​

លោក​ហ៊ុន សែន​ថ្លែង​ថា៖​

«នេះ​ហើយ​ជា​លទ្ធផល​នៃ​ការ​ធ្វើ​នយោបាយ​ខុស​ ហើយ​អ្នក​ដែល​ខុស​គឺ​អាមេរិកាំង​តែ​ម្ដង​។ ឥឡូវ​នេះ​ សូម្បី​ដូណាល់​ ត្រាំ​ ដែល​ជា​បេក្ខជន​នៃ​គណបក្ស​សាធារណរដ្ឋ​ ក៏​បាន​ចេញ​មុខ​មក​អះអាង​ថា​ ជា​ការ​ខុស​ឆ្គង​មួយ​ដែល​ចេញ​មក​ទម្លាក់​ បាន​ត្រឹម​តែ​សម្លាប់​សាដាម​ ហ៊ូសសេន។ ទី​ចុង​បំផុត​ តើ​អ៊ីរ៉ាក់​បាន​សេចក្ដី​សុខ​ហើយ​ឬ​នៅ​? អត់​ទេ​!​ ឥឡូវ​ទឹកដី​មួយ​ចំនួន​ពួក​ក្រុម​ ISIS​ កំពុង​កាន់កាប់​នៅ​ឡើយទេ»។

មេ​ដឹកនាំ​ពិភព​លោកបង្ហាញ​ការ​ព្រួយ​បារម្ភ​ពី​បេក្ខភាព​ប្រធានាធិបតី​របស់​លោកដូណាល់​ ត្រាំ​នៃគណបក្ស​សាធារណរដ្ឋ​ ដែល​ជា​មហាសេដ្ឋី​អចលនទ្រព្យ។​ លោក ដូណាល់​ ត្រាំបាន​បង្ហាញ​គោល​ជំហរ​ជ្រុល​និយម​របស់​លោក​ទៅ​លើ​បញ្ហា​ជន​អន្តោប្រវេសន៍​ ដូចជាការសាងសង់​ជញ្ជាំង​តាម​ព្រំដែន​សហរដ្ឋ​អាមេរិក ​និង​ប្រទេស​ម៉ិកស៊ិក និង​ការហាម​ឃាត់​សាសនិកឥស្លាម​មិន​ឲ្យ​ចូល​សហរដ្ឋ​អាមេរិក​ជា​ដើម។​

នៅក្នុង​បទ​សម្ភាសន៍​ជាមួយ​ VOA​ កាល​ពី​ខែ​មីនា​កន្លង​មក​ លោកសុន​ ឆ័យ​ សមាជិកសភា​គណបក្ស​សង្គ្រោះ​ជាតិ​ ក៏បានបង្ហាញ​ក្តីបារម្ភអំពី​«ភាព​កម្រោល»របស់លោកដូណាល់​ ត្រាំ​ផង​ដែរ​៕​

6 comments:

Anonymous said...

I hate when his pointing finger and open is nasty mouth. You don't shit about the world history or don't even read/speak proper khmer. Know the global news from your KR interpretors. The Huns dynasty will be ended soon. Just SHUT UP and stop threat anybody Ah Kouk, Ah Pleu, Ah Kwak.

Anonymous said...

I so not like that guy's face.

Anonymous said...

Dictator & Traitor Hun Sen hates the US.
The US is the lead country of the top six of
the 21 signatories of the Paris Peace Accods
that will, among other actions impose sanctions
on this Hun & cronies PERSONALLY .

Anonymous said...

Talk less, communicate with one another more. Plan and organize safely by not giving the CPP, our frenemies, the reasons to destroy us all.

Anonymous said...

AH KOK do it again.

Anonymous said...

ហា ហា​ផ្ទៃក្នុងអាគុកឯង មើលទៅវាមិនស្រួលបានជាជួយតម្រង់នោះ ហើយនៅលូយទៀត ឲ្យពូលីសវាសម្លាប់គេរបៀបណឺង ឲ្យគេនៅស្ងឿមម្តេចកើតទៅ តែបើរឿងលុយវិញ អាគុក ឃើញមិនបានទេ។