A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Thursday, 4 August 2016

ក្រុមអ្នកការពារសិទ្ធិមនុស្សកំពុងបារម្ភពីការផ្ទុះហិង្សានៅក្នុងប្រទេសថៃ



ក្រុមអ្នកការពារសិទ្ធិមនុស្សកំពុងបារម្ភពីការផ្ទុះហិង្សានៅក្នុងប្រទេសថៃ
ដោយ លោក ពៅ មេត្តា​​ | ថ្ងៃព្រហស្បតិ៍ ទី៤ ខែសីហា ឆ្នាំ២០១៦ vod


ក្រុមអ្នកការពារសិទ្ធិមនុស្សកំពុងសម្តែងការព្រួយបារម្ភថាអាចនឹងមានអំពើហិង្សាកើតឡើងនៅក្នុងប្រទេសថៃ  ពេលធ្វើប្រជាមតិលើរដ្ឋធម្មនុញ្ញថ្មី ដែលព្រាងឡើងដោយពួកយោធានៅថ្ងៃទី៧ខែសីហាខាងមុខនេះ។

អ្នកបោះឆ្នោតជាង៤០លាននាក់នឹងធ្វើដំណើរទៅកាន់ការិយាល័យបោះឆ្នោតនៅថ្ងៃទី៧ខែសីហា ដើម្បីផ្តល់សេចក្តីសម្រេចរបស់ពួកគេថា តើគាំទ្រឬមិនគាំទ្រចំពោះសេចក្តីព្រាងរដ្ឋធម្មនុញ្ញថ្មី ហើយបើសិនជាមានការគាំទ្រនោះគឺជាការប្រគល់អំណាចឲ្យកាន់តែខ្លាំងដល់រដ្ឋាភិបាលយោធាថៃ។

អ្នកវិភាគជាច្រើននិយាយថាប្រជាជនថៃរាប់លាននាក់ប្រាកដជាទៅបោះឆ្នោតនៅថ្ងៃតី៧ខែសីហា ដើម្បីសម្រេចលើជោគវាសនាប្រទេសរបស់ពួកគេ ប៉ុន្តែថាប្រទេសនេះនៅតែស្ថិតនៅក្រោមការគ្រប់គ្រងរបស់ពួកយោធាដដែល។ កន្លងទៅមេដឹកនាំយោធាថៃលោក ប្រាយុទ្ធ ធ្លាប់ថ្លែងថាបើការធ្វើប្រជាមតិនេះមិនទទួលបានការគាំទ្រពីពលរដ្ឋនោះលោកនៅតែបន្តកាន់ដឹកនាំទៀត ដើម្បីគ្រប់គ្រងសន្តិសុខសណ្តាប់ធ្វើឲ្យមានការរួបរួមជាតិ។



បើសិនជាសេចក្តីព្រាងច្បាប់នោះពិតជាមានការគាំទ្រពីប្រជាពលរដ្ឋមែននោះគឺពួកយោធានឹងបង្ក្រាបកាន់តែខ្លាំងលើសកម្មជនផ្សេងៗដែលហ៊ានចេញមុខតវ៉ា រិះគន់ និងបង្រ្កាបលើប្រព័ន្ធផ្សព្វផ្សាយ។

កាលពីខែមុន អង្គការលើកលែងទោសអន្តរជាតិបានព្រមានថា ភាពជម្រូងចម្រាស់ក្នុងការធ្វើប្រជាមតិលើសេចក្តីព្រាងរដ្ឋធម្មនុញ្ញនៅថៃថាកំពុងធ្វើឲ្យសង្គមបាត់បង់យុត្តិធម៌ ព្រោះតែការចាប់អ្នករិះគន់ដាក់ពន្ធនាគាររហូតដល់១០ឆ្នាំ។

ស្ថានទូតជាង២០នៅថៃរូមទាំងអាមេរិក កាណាដា និងប្រទេសនៅអឺរ៉ុបផ្សេងទៀតបានបង្ហាញការព្រួយបារម្ភលើសេចក្តីថ្លែងការណ៍រួមគ្នាពីស្ថានការណ៍នយោបាយនៅថៃ។

មាត្រា៦នៃសេចក្តីព្រាងរដ្ឋធម្មនុញ្ញដែលដាក់ធ្វើប្រជាមតិនេះគឺបានវាយប្រហារខ្លាំងលើក្រុមអ្នកការពារសិទ្ធិមនុស្សដែលរិះគន់រដ្ឋាភិបាល។ នេះបើតាមសារព័ត៌មាន The Gardian៕

No comments: