A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday, 1 July 2016

ប្រជា​ពលរដ្ឋ​ខ្មែរ​ប្រតិកម្ម​នឹង​ការ​ចាកចេញ​របស់​ចក្រភព​អង់គ្លេស​ពី​សហភាព​អ៊ឺរ៉ុប


ប្រជា​ពលរដ្ឋ​ខ្មែរ​ប្រតិកម្ម​នឹង​ការ​ចាកចេញ​របស់​ចក្រភព​អង់គ្លេស​ពី​សហភាព​អ៊ឺរ៉ុប
01 កក្កដា 2016
ហ៊ុល រស្មី

រូបឯកសារ៖ រូបភាព​បង្ហាញ​ឲ្យ​ឃើញ​ឆាត់​ដែល​មាន​រូប​ជា​ទង់ជាតិ​របស់​ចក្រភពអង់គ្លេស នៅមុខ​សភា​អង់គ្លេស​កណ្តាល​ទីក្រុង​ឡុង៍ កាលពី​ថ្ងៃទី២៥ ខែមិថុនា ឆ្នាំ២០១៦។
រូបឯកសារ៖ រូបភាព​បង្ហាញ​ឲ្យ​ឃើញ​ឆាត់​ដែល​មាន​រូប​ជា​ទង់ជាតិ​របស់​ចក្រភពអង់គ្លេស នៅមុខ​សភា​អង់គ្លេស​កណ្តាល​ទីក្រុង​ឡុង៍ កាលពី​ថ្ងៃទី២៥ ខែមិថុនា ឆ្នាំ២០១៦។



​លោក​​ Jeremy ​Chea ​ដែល​បាន​រស់នៅ​ក្នុង​ចក្រភព​អង់គ្លេស​អស់​រយៈពេល​២៩​ឆ្នាំ បាន​សម្តែង​​ការ​សោក​ស្តាយ​ចំពោះ​ប្រជាជន​អង់គ្លេស​ ​ដែល​បាន​សម្រេច​ចិត្ត​ចាក​ចេញ​ពី​សហភាព​អឺរ៉ុប។


ភ្នំពេញ —

ប្រជា​រាស្ត្រ​នៃ​ចក្រ​ភពអង់គ្លេស​បាន​បោះ​ឆ្នោត​ជ្រើស​រើស​ចាកចេញ​ពី​ សហភាព​អឺរ៉ុប​ដោយ​មាន​ចំនួន​៥១.៨៩​ភាគរយ ​ទល់​នឹង​សម្លេង​ចង់​ស្ថិត​នៅ​ក្នុង​សហភាព​អឺរ៉ុប​ចំនួន​៤៨.១១​ភាគរយ។​ ​ ពិភពលោក​មាន​ការ​ភ្ញាក់​ផ្អើល​ចំពោះ​លទ្ធផល​នេះ។

ពលរដ្ឋ​ចក្រភព​អង់គ្លេស​ដែល​ចង់​ឲ្យ​ប្រទេស​ខ្លួនស្ថិត​នៅ​ក្នុង​សហភាព​អឺរ៉ុប​ ​បាន​សម្តែង​ការ​សោក​ស្តាយ និង​ព្រួយបារម្ភ​អំពី​អនាគត​នៃ​ចក្រភព​ដែល​បាន​ស្ថិត​នៅ​ក្នុង​សហភាពអឺរ៉ុប​អស់​រយៈពេល​៤៣​ឆ្នាំ​មក​នេះ។

លោក​ ​Jeremy Chea​ មិន​ហ៊ាន​ដើរ​ទៅណា​ឆ្ងាយ​ពី​កញ្ចក់​ទូរទស្សន៍​នៅ​កម្ពុជា​ទេ​ នៅ​ពេល​មន្ត្រី​ទទួល​បន្ទុក​រាប់​សន្លឹក​ឆ្នោត​នៅ​ចក្រភព​អង់គ្លេស​ប្រកាស​លទ្ធផល​នៃ​ការ​បោះ​ឆ្នោត​ជ្រើស​រើស​ថា​ ​អង់គ្លេស​ត្រូវ​ចាក​ចេញ​ពី​សហភាព​អឺរ៉ុប ​ឬក៏​ស្ថិត​នៅក្នុង​សហភាពដែល​កំពុង​ប្រឈម​នឹង​វិបតិ្ត​កំណើន​ជន​ភៀស​ខ្លួន។ ការ​បោះឆ្នោត​ប្រជាមតិ​របស់​ចក្រភព​អង់គ្លេស ​(United Kingdom referendum)​ នោះ​ត្រូវពិភពលោក​ហៅថា​ ​«Brexit»។​



បន្ទាប់​ពី​ដឹង​លទ្ធផល​នៃ​ការ​ធ្វើ​ប្រជា​មតិ​ជា​លក្ខណៈ​ប្រវតិ្តសាស្ត្រនោះ​ភ្លាម​ ​លោក Jeremy ​Chea ​ដែល​បាន​រស់នៅ​ក្នុង​ចក្រភព​អង់គ្លេស​អស់​រយៈពេល​២៩​ឆ្នាំ បាន​សម្តែងការ​សោក​ស្តាយ​ចំពោះ​ប្រជាជន​អង់គ្លេស​ ​ដែល​បាន​សម្រេច​ចិត្ត​ចាក​ចេញ​ពី​សហភាព​អឺរ៉ុប។​

លោ​ក​និយាយ​ប្រាប់​ VOA​ ​ថា​ ប្រទេស​អង់គ្លេស​ នៅពេល​នេះ​ ពុំ​ទាន់​ជួប​បញ្ហា​ខ្លាំង​នោះ​ទេ​ ទាក់​ទិន​ចំណង​ពាណិជ្ជកម្ម​ និង​សន្តិសុខ​ក្នុង​តំបន់​ តែ​ប្រទេស​នេះ​អាច​នឹង​ជួប​រឿង​រ៉ាវ​ច្រើន​ទៅ​ថ្ងៃ​អនាគត។ លោក​បន្ត​ថា​ សហភាព​អឺរ៉ុប​ហៅកាត់​ថា​ EU​ នៅពេលនេះ​ក៏​មិន​សប្បាយ​ចិត្ត​ចំពោះ​ការ​ចាកចេញ​របស់​អង់គ្លេស​នោះ​ដែរ។​

«តាម​ EU​ ឥឡូវ​ EU ​កំពុង​តែខឹង​អង់គ្លេស​ហើយ​ ពីព្រោះ​ប្រជាជន​របស់​គេ​ដើរ​ចេញ។​ ​ គេ​សំខាន់​ធ្វើ​ម៉េច​ធ្វើឲ្យ​អង់គ្លេស​ ពេល​ចេញ​ពី​ EU ​នោះ​ ពិបាក​ជាងគេ។ ពេល​និយាយ​រឿង​ agreements ​រឿង​អី​ គេ​អត់​ចង់​ឲ្យ​ល្អ​ទេ។​ ​ ហេតុអី​គេ​អត់​ចង់​ឲ្យ​អង់គ្លេស​មាន​ល្អ​ ពីព្រោះ​វា​អត់​ចង់​ឲ្យ​ប្រទេស​ផ្សេង​ធ្វើ​តាម​អង់គ្លេស។​ គេ​ឃើញ​អង់គ្លេស​តវ៉ា​ រឿង​ល្អ​រហូត​នោះ​ គេ​គិត​ថា​ ចុម!​ អ្នក​ចេញ​ល្អ​ជាង​អ្នក​នៅ​ EU ​យើង​នៅ​ធ្វើ​អី​ ​យើង​ចេញ​ទៀត​ទៅ»។​

បើ​ទោះ​បី​ជា​ប្រជារាស្រ្ត​អង់គ្លេស​បាន​បោះ​ឆ្នោត​ចាក​ចេញ​ពី​សហភាព​អឺរ៉ុប​ក្តី​ ​ប្រទេស​នេះ​នឹង​ត្រូវ​ប្រើ​ពេល​ពីរ​ឆ្នាំ​សម្រាប់​ចរចា​ជាមួយ​ប្រទេស​សមាជិក​នៃ​សហភាព​អឺរ៉ុប​លើ​ប្រធាន​បទ​ជាច្រើន។​ នេះ​បើ​តាមមាត្រា​៥០នៃ​សន្ធិ​សញ្ញា​ទីក្រុង​ Lisbon (Treaty of Lisbon) ​ក្នុង​ប្រទេស​ព័រទុយហ្គាល់ ដែល​និយាយ​ពី​ដំណើរ​ការ​នៃ​ការ​ចាក​ចេញ​របស់​រដ្ឋ​ជា​សមាជិក​នៃ​សហភាព​អឺរ៉ុប។​

បើ​យោង​តាម​សេចក្តី​រាយ​ការណ៍​នានា​ពី​ប្រទេស​អង់គ្លេសបានឲ្យ​ដឹង​ថា ​ប្រធាន​បទ​ទាំង​នោះ​ ​អាច​មាន​ដូច​ជាការ​ធ្វើពាណិជ្ជ​កម្ម​ ​ការ​ធ្វើ​ដំណើរ និង​លក្ខខណ្ឌ​ការងារ​នៃ​ប្រជាជន​ចេញ​ពី​តំបន់​អឺរ៉ុប​ មក​ធ្វើ​ការ​នៅ​ប្រទេសអង់គ្លេស​ជាដើម។​

លោក​ Jeremy Chea ​ពលរដ្ឋ​អង់គ្លេស​ដើម​កំណើត​ខ្មែរ​ និយាយ​ពី​ការ​ចាកចេញ​របស់​ចក្រភព​អង់គ្លេស​ពីសហភាព​អឺរ៉ុប នៅ​រាជធានី​ភ្នំពេញ កាលពី​ថ្ងៃ​ទី២៩​ ខែមិថុនា​ ឆ្នាំ​ ២០១៦។​ (ហ៊ុល​ រស្មី​/VOA)​
លោក​ Jeremy Chea ​ពលរដ្ឋ​អង់គ្លេស​ដើម​កំណើត​ខ្មែរ​ និយាយ​ពី​ការ​ចាកចេញ​របស់​ចក្រភព​អង់គ្លេស​ពីសហភាព​អឺរ៉ុប នៅ​រាជធានី​ភ្នំពេញ កាលពី​ថ្ងៃ​ទី២៩​ ខែមិថុនា​ ឆ្នាំ​ ២០១៦។​ (ហ៊ុល​ រស្មី​/VOA)​


លោក​ ​Jeremy Chea​ ​ពលរដ្ឋ​អង់គ្លេស​ដើម​កំណើត​ខ្មែរ​ ​និង​ជា​អតីត​ប៉ូលិសនៅ​ក្នុង​ចក្រភព​អង់គ្លេស ​និយាយ​ថា នៅ​ក្នុង​រយៈពេល​ពីរ​ទៅបី​ឆ្នាំ​ទៀត​ ​គឺ​ជា​ការ​សាកល្បង​របស់​មេ​ដឹកនាំ​អង់គ្លេស​ថ្មី​នៃការ​ចរចា​លើ​កិច្ច​ព្រម​ព្រៀង​នានា​ ដែល​លោក​យល់​ថា​ ​ពិបាក​នឹង​ដឹង​ជាមុន​ថា​ តើ​ជោគ​វាសនា​របស់​អង់គ្លេស​នឹង​ល្អ​ប្រសើរ​ជាង​មុន​ ឬ​ក៏​កាន់​តែ​លំបាក​នោះ។

«សំខាន់​នៅ​ក្នុង​២​ [ទៅ]​៣​ឆ្នាំ​ ប្រទេស​អង់គ្លេស​ធ្វើ​ treaty ​[សន្ធិសញ្ញា] ​អា​ individual treaty [សន្ធិសញ្ញា​ដោយ​ឡែក]​ជាមួយ​អាមេរិក​ជា​មួយបារំាង​ជាមួយ​អេស្ប៉ាញ​អីហ្នឹង​ ឧទាហរណ៍​ អង់គ្លេស​ធ្វើល្អ​មែន​ទែន​នោះ​ វា​ល្អជាង​ហើយ។​ ​ Agreement [កិច្ចព្រម​ព្រៀង] ​ល្អ​ជាង​ពីមុន​ ​វា​ល្អ​ជាង​ហើយ។​ ប្រទេស​អង់គ្លេស​រីកចម្រើន​ វា​ឡើង​ទៀត​ហើយ។​ ខ្ញុំ​ថា​ agreement ​[កិច្ចព្រម​ព្រៀង] ​វាអត់​សូវល្អ​ដូចគ្នា​ពីមុន​ មាន​តែ​ធ្លាក់​ ព្រោះ​រឿង​នេះ​ នៅ​ក្នុង​២ឬ៣​ឆ្នាំ​នេះ​ សំខាន់​មែន​ទែន។​ ​ សំខាន់​អ្នក​ខ្លាំង​មែន​ទែន​ទៅ​ជួយ​តវ៉ា​យក ​agreement​ [កិច្ចព្រម​ព្រៀង]​មួយ​ត្រឹម​ត្រូវ»។​

ហេតុ​ផល​សំខាន់ៗ​ ដែល​នាំ​ឲ្យ​ប្រទេស​អង់គ្លេស​ចាក​ចេញ​ពី​សហភាព​អឺរ៉ុ​ប​រួម​មាន​ការ​ខាត​បង់​ផ្នែកសេដ្ឋ​កិច្ច​របស់​អង់គ្លេស​ក្នុង​តំបន់​អឺរ៉ុប​ ​កំណើន​ជន​ចំណាក​ស្រុក​មក​ដណ្តើម​ការងារក្នុង​ចក្រភពអង់គ្លេស​ដែល​មាន​វប្បធម៌​អភិរក្ស​និយម​ ការ​គំរាម​កំហែង​លើ​អធិបតេយ្យ​ភាព​របស់​អង់គ្លេស​ពីអំណាច​នីតិ​ប្រតិបត្តិ ឬ​ហៅ​ម្យ៉ាង​ទៀត​ថា​ គណៈ​កម្មការ​អឺរ៉ុប​នៅ​ក្នុង​ទីក្រុង​ប្រ៊ុចសែល​ (Brussels)​ ប្រទេស​ប៊ែល​ហ្ស៊ិក​ (Belgium)។​

ក្រុម​អ្នក​ធ្វើ​យុទ្ធនាការ​កៀង​គរ​ការ​គាំទ្រ​ឲ្យ​អង់គ្លេស​ចាក​ចេញ​ពី​សហភាព​អឺរ៉ុប​បាន​យក​ថវិកា​ចំនួន​៣៥០លាន​ផោន​ ដែល​អង់គ្លេស​បាន​បង់​សម្រាប់​ភាព​ជា​សមាជិក​របស់​សហភាព​អឺរ៉ុប​ នោះ​ ធ្វើ​ជា​ហេតុផល​បញ្ចុះ​បញ្ចូល​ប្រជាជន​អង់គ្លេស។​ ពួក​គេថា​ ថវិកា​នេះ​អាច​យក​មក​ចំណាយ​លើ​វិស័យ​សុខាភិបាល​របស់​អង់គ្លេស។​

លោក​បណ្ឌិត​ ចាប​ សុថារិទ្ធិ​ អ្នក​ស្រាវជ្រាវ​ជាន់​ខ្ពស់​ផ្នែក​សេដ្ឋកិច្ច​នៃ​វិទ្យាស្ថាន​ខ្មែរ​សម្រាប់​សហ​ប្រតិបត្តិការ​ និង​សន្តិភាព ​បាន​ប្រាប់​ VOA​ ​ថា​ ប្រជារាស្ត្រ​នៃ​ចក្រភព​អង់គ្លេស​នឹង​ស្តាយ​ក្រោយ​ ចំពោះ​ការ​សម្រេច​ចិត្ត​របស់​ខ្លួនចាក​ចេញ​ពី​សហភាព​អឺរ៉ុប​នេះ។​

លោក​ពន្យល់​ថា​ ប្រទេស​មួយ​ចំនួន​ដែល​និយម​ EU​ នឹង​ដក​ទី​ស្នាក់ការ​របស់​ខ្លួន​ចេញ​ពី​ចក្រភព​អង់គ្លេស​ ហើយ​ចក្រភព​នេះ​នឹង​ប្រឈម​បញ្ហា​ផ្សារ​ភាគហ៊ុន​របស់​ខ្លួន ​ដែល​បាន​ធ្លាក់ចុះ​ភ្លាមៗ​ ក្រោយ​ការ​ប្រកាស​លទ្ធផល​នៃ​ការ​ធ្វើ​ប្រជាមតិ​ រួមទាំង​ការ​បាត់​បង់​ជំនឿ​ចិត្ត​ពី​មេ​ដឹកនាំ​ក្នុង​ប្លុក​អឺរ៉ុប។​

«បញ្ហា​មួយ​ទៀត​គឺ​គេ​បាត់​ជំនឿ​ទុកចិត្ត ជាកិត្តិយស​ ជា​កិត្យានុភាព​របស់​អង់គ្លេស​ដែរ​ ដោយ​សារ​ពេល​ដែល​ EU​ មាន​ការ​លំបាក​ ស្រាប់​តែ​គេ​ហៅ​ថា​ រត់​ចោល​គ្នា​អា​ហ្នឹង»។​

ប្រទេស​អង់គ្លេស​បាន​ចូល​រួម​ជាមួយ​នឹង​អ្វី​ដែល​ហៅថា​ ​សហគមន៍​សេដ្ឋកិច្ច​អឺរុប (European Economic​ Community)​ ​នៅ​ក្នុង​ឆ្នាំ​១៩៧៣​ ​នៅគ្រា​ដែល​ប្រទេស​អង់គ្លេសស្ថិត​ក្នុង​ស្ថានភាព​ជាជំងឺ​សេដ្ឋកិច្ច​របស់​អឺរ៉ុប។​

ចាប់​តាំងពី​ការ​ចូល​រួម​សហគមន៍​នោះ​មក​ អង់គ្លេស​បាន​ពង្រឹង​ស្ថានភាព​សេដ្ឋកិច្ចរបស់​ខ្លួន​ដោយ​សន្សឹមៗ រហូត​បាន​ក្លាយ​ជា​ប្រទេស​ដែល​រុងរឿង​ជាង​ប្រទេស​ស្ថាបនិក​ធំៗ​ចំនួន​បី​គឺ​ប្រទេស​បាំរាំង​ ​អាល្លឺម៉ង់​ខាង​លិច​ ដែល​ពេល​នេះ​ជា​ប្រទេស​អាល្លឺម៉ង់​តែមួយ​ និងប្រទេស​អ៊ីតាលី។ នេះ​បើ​យោង​តាមសេចក្តី​រាយការណ៍​របស់​កាសែត​ Financial Times ​ដែល​មាន​ទីតាំង​នៅ​ក្នុង​ចក្រភព​អង់គ្លេស។​

ទាក់​ទិន​នឹង​ផល​ប៉ះ​ពាល់​មក​លើ​ប្រទេស​កម្ពុជា​ដោយសារ​ការ​ចាក​ចេញ​របស់​អង់គ្លេស​ពី​សហភាព​អឺរ៉ុប​នោះ លោក​បណ្ឌិត​ ចាប​ ​សុថារិទ្ធិ ​និយាយ​ថា​ ​ការ​នាំ​ចេញ​ទំនិញ​របស់​កម្ពុជា​ទៅ​កាន់​ចក្រភព​អង់គ្លេស​នឹង​រង​ផល​ប៉ះពាល់​ ដោយហេតុ​ថា​ កម្ពុជា​មិន​អាច​នាំ​ចេញ​ទំនិញ​របស់​ខ្លួន​ក្នុង​ក្រប​ខណ្ឌ​សហភាព​អឺរ៉ុប​ទៅ​កាន់​ចក្រភព​អង់គ្លេស​បាន​ដូច​មុន​ទៀត​នោះ​ទេ។​

លោក​បន្ថែម​ថា​ ការ​ចរចា​ទ្វេភាគី​រវាង​អង់គ្លេស​ និង​កម្ពុជា​អំពី​ការ​យក​ពន្ធ​នឹង​អាច​ធ្វើ​ឡើង​ ប្រសិន​បើ​អង់គ្លេស​ចាក​ចេញ​ពី​សហភាព​អឺរ៉ុប​ជា​ផ្លូវការ។​

«បើ​សិន​ជា​អង់គ្លេស​គេ​យក​ពន្ធ ​យើង​វាប្រាកដ​ជា​មាន​ប៉ះ​ពាល់។ ​ហើយ​បើ​សិន​ជា​យើង​មាន​ពាណិជ្ជ​កម្ម​ជា​មួយ​គ្នា​ ​ពេល​ហ្នឹង​យើង​នឹង​ចរចា​ពាណិជ្ជ​កម្ម​ថ្មី​ទៀត​ ​ទៅ​លើ​ការ​ចរ​ចា​រវាង​ប្រទេស​ និង​ប្រទេស។ ពេល​ហ្នឹង​យើង​លែង​និយាយ​ជាមួយ​អង់គ្លេស​ក្នុង​នាម​ជា​ EU​ សមាជិក​ EU​ ហើយ​ណ៎ា»។​

តាម​តួលេខ​ដែល​ផ្តល់ពីស្ថានទូត​ប្រទេស​អង់គ្លេស​ ដែល​ VOA ​ ទទួល​បាន​ កាលពី​ថ្ងៃ​ពុធ​ បាន​បង្ហាញកំណើន​នៃ​ទំហំ​ពាណិជ្ជ​កម្ម​រវាង​ប្រទេស​កម្ពុជា​និង​ប្រទេស​អង់គ្លេស​ ដោយការ​ផ្លាស់​ប្តូរ​ពាណិជ្ជ​កម្ម​បាន​កើន​ពី​ជាង​៩៣០​លានដុល្លារក្នុង​ឆ្នាំ​២០១៤​ដល់​ជា​ង​១ពាន់លាន​ដុល្លារ​នៅ​ឆ្នាំ​ ២០១៥​ គឺ​ស្មើ​នឹង​២២,៧៧​ភាគរយ។​

លោក​ជុំ សុន្ទរី​ អ្នក​នាំពាក្យ​ក្រសួង​ការ​បរទេស​កម្ពុជា​ បាន​ប្រាប់​ ​VOA​ ​នៅថ្ងៃ​ព្រហស្បតិ៍​នេះ​ថា​ ការ​ការ​ចាក​ចេញ​របស់​អង់គ្លេស​នឹង​មិនមាន​ផល​ប៉ះពាល់​ទៅ​លើ​កិច្ច​ព្រមព្រៀង​នានា​ ដែលកម្ពុជា​បាន​ចុះ​ហត្ថលេខាជាមួយ​សហភាព​អឺរ៉ុប​ និង​ចក្រភព​អង់គ្លេស​នោះ​ទេ ព្រោះវាជាកិច្ច​ព្រម​ព្រៀង​ដែល​ត្រូវ​បាន​ធ្វើ​ឡើង​ដាច់ដោយ​ឡែក​ពី​គ្នា។​ ​យ៉ាង​ណាក៏​ដោយ​ ​លោក​មិន​អាច​បញ្ជាក់​លម្អិត​អំពី​កិច្ចព្រម​ព្រៀង​នោះ​ទេ​ ហើយ​ថា​ អង់គ្លេស​ក៏​ពុំទាន់​បាន​ចាក​ចេញ​ពី​ EU ​ជា​ស្ថាពរ​នោះ​ដែរ។​

លោក​បន្ថែម​ថា​ ដំណាក់​កាល​នេះ​ ជា​ការ​តាម​ដាន​របស់​ពិភពលោក​អំពី​ការ​រៀបចំ​ការ​ចាក​ចេញ​របស់​អង់គ្លេសពី​សហភាព​អឺរ៉ុប​ ហើយអាច​ប្រើ​ពេល​យ៉ាង​ហោច​ណាស់​ពីរ​ឆ្នាំ។​

«ដំណាក់​កាល​នេះ​គឺ​ជា​ដំណាក់​កាល​ដែល​យើង​ត្រូវតាមដាន​ការ​វិវត្ត​នៃ​សភាព​ការ។​ វាអត់​ទាន់​ដល់​ពេល​ដែល​យើង​ត្រូវ​មាន​ការ​វាយ​តម្លៃ​ឲ្យ​បាន​ច្បាស់​លាស់ទេ​គឺ​យើង​មិន​ទាន់​អាច​ធ្វើ​បាន​ទេ»។​

រូបឯកសារ៖ លោក David Cameron នាយករដ្ឋ​មន្ត្រី​របស់​ចក្រភពអង់គ្លេស មក​ដល់​ក្រុមប្រឹក្សា​សហភាពអ៊ឺរ៉ុប នៅ​ទីក្រុង​ព្រុចស៊ែល ប្រទេស​ប៊ែលហ្ស៊ិក កាលពីថ្ងៃទី២៨ ខែមិថុនា ឆ្នាំ២០១៦។
រូបឯកសារ៖ លោក David Cameron នាយករដ្ឋ​មន្ត្រី​របស់​ចក្រភពអង់គ្លេស មក​ដល់​ក្រុមប្រឹក្សា​សហភាពអ៊ឺរ៉ុប នៅ​ទីក្រុង​ព្រុចស៊ែល ប្រទេស​ប៊ែលហ្ស៊ិក កាលពីថ្ងៃទី២៨ ខែមិថុនា ឆ្នាំ២០១៦។


លោក​ ​Jeremy​ ​Chea ​ដែល​បាន​មក​រស់​នៅ​ប្រទេស​កម្ពុជា​ជា​អចិន្ត្រៃយ៍​តាំង​ពី​ឆ្នាំ​២០០៩​ មក​នោះ​ ថ្លែង​ថា​ ​នាយក​រដ្ឋមន្ត្រី​ថ្មីដែលនឹងឡើង​មក​ជំនួស​លោក​នាយ​ករដ្ឋមន្ត្រី​អង់គ្លេស​បច្ចុប្បន្ន​គឺ​លោក​ David Cameron​ នោះ​ នឹង​ត្រូវ​ទទួល​បន្ទុក​ជាច្រើន​ក្នុង​ដំណើរ​ចរចា​សម្រាប់​ការ​ចាក​ចេញ​របស់​អង់គ្លេស​ ដែល​ជាដំណើរ​ស្មុគស្មាញ​មួយ។​ លោក​ ​Cameron ​បាន​ប្រកាស​លាលែង​ពី​តំណែង​ បន្ទាប់ពីប្រជារាស្ត្រ​អង់គ្លេស​បោះ​ឆ្នោត​ចាក​ចេញពី​សហភាព​អឺរ៉ុប​កាល​ពីថ្ងៃ​ទី​២៣​ ខែ​មិថុនា​កន្លង​ទៅ។​

លោក​ Cameron ​ដែល​មក​ពី​គណបក្ស​អភិរក្ស​និយម​ (Conservative Party)​ គឺ​ជា​អ្នក​តស៊ូ​មតិ​យ៉ាង​ខ្លាំង​ក្លា​សម្រាប់ការ​ស្ថិត​នៅ​របស់​អង់គ្លេស​ក្នុង​សហភាព​អឺរ៉ុប។ ​នៅ​ក្នុង​ថ្ងៃ​លោក​ប្រកាស​លាលែង​ពីមុខ​តំណែង​របស់​លោក​ លោក​ Cameron​ ថ្លែង​ថា​ លោក​គោរព​ការ​សម្រេច​ចិត្ត​របស់​ប្រជារាស្ត្រ​អង់គ្លេស តែ​លោក​មិន​អាច​ធ្វើ​ជា​មេដឹកនាំ​ ដែល​នាំ​ប្រទេស​អង់គ្លេស​ទៅ​កាន់​គោលដៅ​ផ្សេង​ទៀតបាន​នោះ​ទេ៕

1 comment:

Anonymous said...


Something to think about:

Hun Sen has a new title: Ah Chror Vak Hun Sen

People said Ah Chror Vak Hun Sen has very low education.

How can he lead Cambodia?

How come he can stay in power so long?

Answer:

Ah Chror Vak Hun Sen has an EXCEPTIONAL COURAGE that other Khmer people don't have: Hun Sen is NOT AFRAID to hurt Khmer people or DESTROY Cambodia to please his master Yuon.

For example: Hun Sen carried and executed the K5 plan that killed hundreds thousands of Khmer people while Penn Sovann had refused to do it. Hun Sen killed the demonstrators on Veng Sreng Blvd after he returned from Vietnam. Hun Sen has silenced and imprisoned any Khmer who dared to raise the border issues with Vietnam

In addition, Hun Sen has signed a 2005 supplemental treaty with Vietnam, resulting the loss of Koh Tral. Millions of illegal Vietnamese have crossed into Cambodia, worrying Khmer people about the prospect of Cambodia becomes a second Kampuchea Krom. A big chunk of Khmer natural resource has been destroyed, etc...

My question:

How many Khmer people did Ah Chror Vak Hun Sen kill in order to convince Vietnam that he will be a faithful servant of Vietnam and made Vietnam put him in power to replace Penn Sovann?

What did Ah Chror Vak Hun Sen promise to give in to Vietnam in exchange for Vietnam to let him stay in power?

Bun Thoeun