A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Sunday 3 July 2016
តំណាងរាស្ត្របក្សប្រឆាំងព្រមានថាអ្នកគាំទ្រនឹងមិនឈរអោបដៃបើមានការចាប់លោក កឹម សុខា
ដោយ ម៉ម មុនីរតន៍
2016-07-03
តំណាងរាស្ត្រមណ្ឌលខេត្តព្រៃវែង នៃគណបក្សសង្គ្រោះជាតិ លោក គង់ បូរ៉ា (កណ្ដាល) ថ្លែងទៅកាន់អ្នកគាំទ្រនាទីស្នាក់ការគណបក្ស នាសង្កាត់ចាក់អង្រែលើ នៅថ្ងៃទី៣ កក្កដា ឆ្នាំ២០១៦។
RFA/Morm Moniroth
តំណាងរាស្ត្រគណបក្សប្រឆាំង ព្រមានថា អ្នកគាំទ្រគណបក្សសង្គ្រោះជាតិ នឹងមិនឈរអោបដៃមើលឡើយ ប្រសិនមានការចាប់ខ្លួនប្រមុខដឹកនាំបក្សប្រឆាំងមែន។ ជុំវិញបបញ្ហានេះ លោកនាយករដ្ឋមន្ត្រីបញ្ជាក់ជំហរកាលពីថ្ងៃទី២៩ មិថុនា ថា ប្រសិនបើមានបាតុកម្មប្រឆាំងការចាប់ខ្លួនលោក កឹម សុខា ពីអ្នកគាំទ្រមែន នោះអ្នកគាំទ្របក្សអំណាចនឹងមានបាតុកម្មប្រឆាំងវិញដែរ។
ថ្លែងនៅចំពោះមុខអ្នកគាំទ្រ និងកម្មករជាច្រើនរយនាក់ នៅទីស្នាក់ការកណ្ដាលគណបក្សសង្គ្រោះជាតិ នាសង្កាត់ចាក់អង្រែលើ លោក គង់ បូរ៉ា ឲ្យដឹងថា គេពិបាកស្មាន និងទស្សន៍ទាយណាស់ថា តើនឹងមានព្រឹត្តិការណ៍អ្វីកើតឡើង ព្រោះនឹងមានអ្នកគាំទ្ររាប់ម៉ឺននាក់ នឹងងើបតវ៉ាប្រឆាំងចំណាត់ការនេះ ប្រសិនបើប្រធានស្ដីទីលោក កឹម សុខា ពិតជាត្រូវចាប់ខ្លួនដោយអាជ្ញាធររដ្ឋមែន។
តំណាងរាស្ត្រមណ្ឌលខេត្តព្រៃវែង នៃគណបក្សសង្គ្រោះជាតិ លោក គង់ បូរ៉ា អះអាងកាលពីព្រឹកថ្ងៃទី៣ ខែកក្កដា ថា បើមានការចាប់ខ្លួនលោក កឹម សុខា នោះជាការពិត នឹងមានអ្នកគាំទ្ររាប់ម៉ឺននាក់ ងើបតវ៉ាប្រឆាំងវិធានការនេះ។
លោក គង់ បូរ៉ា មានជំនឿថា បាតុកម្មអាចកើតឡើង ប៉ុន្តែលោកមិនហ៊ានទស្សន៍ទាយទុកជាមុនទេអំពីហេតុការណ៍ដែលនឹងកើតឡើងក្នុងពេលចាប់ខ្លួននេះ។ បើទោះជាបែបណា តំណាងរាស្ត្ររូបនេះយល់ឃើញថា ម្ចាស់ឆ្នោតនឹងមិនព្រងើយកន្តើយឡើយ ប្រសិនអាជ្ញាធរពិតជាចេញវិធានការតានតឹងដូចការគំរាមមែន៖ «»។
អ្នកវិភាគនយោបាយយល់ឃើញថា ស្ថានភាពនយោបាយសព្វថ្ងៃពិតជាមិនអំណោយផលសោះឡើយសម្រាប់ការវិនិយោគ។ ការបង្កើនកម្ដៅនយោបាយនៅពេលនេះ វាជាការបិទផ្លូវលំហូរនៃវិនិយោគនៅកម្ពុជា។ ផ្ទុយពីអ្វីដែលរដ្ឋាភិបាលតែងអះអាងថា កម្ពុជាសព្វថ្ងៃស្ងប់ស្ងាត់ និងមានភាពប្រក្រតីនៃចរន្តនយោបាយ ក៏ប៉ុន្តែសហគមន៍អន្តរជាតិវិញ យល់ឃើញថា បរិយាកាសនយោបាយនៅកម្ពុជា មិនអំណោយផលសោះឡើយ។ ក្នុងអំឡុងខែមិថុនា សហគមន៍អន្តរជាតិបានដាក់ការបារម្ភព្រមគ្នាចំពោះការវិវត្តនយោបាយនៅកម្ពុជា ពេលនេះ។
ជុំវិញបញ្ហានេះ អគ្គលេខាធិការអង្គការសហប្រជាជាតិ លោក បាន គីមូន (Bann Ki-moon) រួមទាំងសហគមន៍អឺរ៉ុប និងក្រសួងការបរទេសសហរដ្ឋអាមេរិក ជាដើម មើលឃើញថា ទិដ្ឋភាពនយោបាយកំពុងគំរាមកំហែងដល់ពន្លកនៃប្រជាធិបតេយ្យ និងសន្តិភាពរបស់កម្ពុជា។ ទន្ទឹមនឹងនេះ មេដឹកនាំពិភពលោកទាំងនោះ សុទ្ធតែបានអំពាវនាវឲ្យអ្នកនយោបាយខ្មែរវិលទៅរកតុចរចាឡើងវិញ ដើម្បីបន្ធូរបន្ថយភាពតានតឹងនេះ។
ផ្ទុយពីសារនយោបាយរបស់ប្រមុខការទូតអន្តរជាតិនេះ កាលពីថ្ងៃទី២៩ ខែមិថុនា លោកនាយករដ្ឋមន្ត្រី ហ៊ុន សែន បញ្ចេញសាច់ដុំនយោបាយជាថ្មីថា បើបក្សប្រឆាំងពិតជាមានអ្នកងើបតវ៉ារឿងចាប់ខ្លួនលោក កឹម សុខា នេះមែន នោះបក្សកាន់អំណាចក៏នឹងមិនអត់ឱនឲ្យវិញឡើយ៖ «»។
តំណាងរាស្ត្រគណបក្សប្រឆាំងធ្លាប់ចោទប្រកាន់ថា មូលហេតុដែលនាំឲ្យអ្នកនយោបាយទាំងពីរបក្សចាប់ផ្ដើមខ្វែងគំនិតគ្នានេះ ក៏ព្រោះរដ្ឋាភិបាលប្រើវិធានការចាប់ខ្លួនអ្នកតំណាងរាស្ត្របក្សប្រឆាំងទាំងបំពានច្បាប់ គឺរំលោភអភ័យឯកសិទ្ធិសភា។ ផ្ទុយពីនេះ បក្សកាន់អំណាចចោទប្រកាន់ថា បក្សប្រឆាំងទៅវិញទេដែលចេះតែដើរបរិហារកេរ្តិ៍រដ្ឋាភិបាលរហូតហ៊ានចោទថា រដ្ឋាភិបាលដែលដឹកនាំដោយគណបក្សប្រជាជន លួចរំលាយខ្សែបន្ទាត់ព្រំដែនរវាងកម្ពុជា-វៀតណាម។
លោក កែម ឡី អ្នកវិភាគបញ្ហាសង្គមមើលឃើញថា ប្រសិនបើភាគីម្ខាងព្យាយាមបិទច្រកម្ខាងទៀត នោះលទ្ធភាពនៃការតវ៉ាចៀសមិនផុតពីផ្ទុះឡើងទេ។ លោក កែម ឡី ប្រៀបធៀបថា គេមិនត្រូវឲ្យអ្នកជិះទូករួមគ្នា ហើយមានម្នាក់រត់ចុះរត់ឡើងស្រេចនឹងចិត្តនៅក្នុងទូក ដែលអាចនាំឲ្យគ្រោះថ្នាក់នោះបានទេ៖ «»។
វិបត្តិនយោបាយដែលឈានទៅដល់ការបិទច្រកចរចានេះ មន្ត្រីគណបក្សប្រឆាំងអះអាងថា ខ្លួនបានព្យាយាមណាត់ជួបបក្សកាន់អំណាចជាញឹកញាប់មកហើយ ដើម្បីបញ្ចប់វិវាទ និងការខ្វែងគំនិតគ្នានេះ។ ប៉ុន្តែរហូតមកពេលនេះ នៅពុំទាន់ឃើញឃើញបក្សគ្របគ្រងរដ្ឋាភិបាលផ្ដល់ភ្លើងខៀវវិញនៅឡើយទេ៕
Subscribe to:
Post Comments (Atom)
1 comment:
តើអ្នកណាជាអ្នកឃុំខ្លួន កឹម សុខា?ឃុំព្រោះរឿងអី? គ្មានអ្នកណាឃុំគាត់ទេ គឺគាត់ខ្លួនឯងទេដែលមិនហ៊ាប្រឈមនឹងទង្វើថោកទាបដែលគាត់បានធ្វើនោះ(មានស្រីក្មេងរាប់មិនអស់ក្បត់ប្រពន្ធកូននិងក្នុងនោះមានទាំងប្រពន្ធចុងជាយួនរហូមានកូនបីនាក់)ផង) ព្រោះតែខ្លាចខ្មាស់គេមិនហ៊ានប្រឈមនឹងសំនួរនេះនៅតុលាការ ទើបកឹម សុខាសុខចិត្តបដិសេធនឹងការកោះហៅរបស់តុលាការ រហូតឈានដល់ការបង្កើតបទល្មើសជាក់ស្តែង។ ព្រោះតែរឿងនេះទេទើបកឹម សុខា សុខចិត្តបង្ខំចិត្តនៅក្នុងផ្ទះខ្លួនឯង គ្មានអ្នកណាគេចាប់គាត់ឬឃុំគាត់ឡើយ ឬយើងអាចនិយាយអោយខ្លីថា កឹម សុខាគាត់សុខចិត្តឃុំឃាំងខ្លួនឯងនៅក្នុងផ្ទះព្រោះរឿងពងក្តគាត់ទេកុំមកចង់បន្លប់ថាគេចាប់បង្ខំកឹម សុខាដូចអង់សានស៊ូជីប្រយត្នគុក។ រឿងកឹម សុខានេះគឺមិនអាចយកទៅធៀបនឹងអ្នកស្រីអង់សានស៊ូជីឡើយព្រោះអង់សានស៊ូជីគេឃុំគាត់ក្នុងបុព្វហេតុដែលលោកស្រីតស៊ូរកសេរីភាពដើម្បីជាតិមាតុភូមិ មិនដូចកឹមសុខាឡើយ។ រីឯអ្នកគាំទ្រកឹម សុខាវិញក៏មិនអាចយកទៅធៀបនឹងអ្នកគាំទ្រអ្នកស្រីអង់សានស៊ូជីបានដែរ អ្នកគាំទ្រកឹម សុខា គឺការពារកឹមសុខា ព្រោះរឿងពងក្តកឹម សុខាតែប៉ុណ្ណោះ ឯអ្នកគាំទ្រលោកស្រីគឺក្នុងបុព្វហេតុសិទ្ធសេរីភាពរបស់ពលរដ្ឋមួយប្រទេស។ អ្នកគាំទ្រកុំថាថោកដូចកែមឡី ទោះថ្លៃជាងឬឆ្លាតជាង មិនល្ងង់ងាប់ដូចកែមឡី ក៏ទៅមិនរួចដែរ។រឿងពងក្តកឹម សុខានេះ កុំមកចង់បិទបាំងឬមកលើកអោយថ្លៃទៅមិនរួចទេ គ្មានអ្នកណាអាចបិទបាំងពងកឹមសុខាបានទេបិទមិនជិតទេ ហើយពួកគេក៏មិនអាចលើកពងកឹម សុខារួចបានដែរ។ថោកណាស់បណ្ឌិតមួយក្បាលនេះ។ចាំមើលកឹម សុខាទ្រាំលាក់ខ្លួនរហូតដល់ពេលណាទៀតទៅ? នេះបើដល់ថ្ងៃគេចូលចាប់តាំងអោយលេសព្រោះមកពីចេះមួយចុះមួយទៀតហើយ ហើយក៏ចាប់ផ្តើមអួតរឿងក្លាហាន ធ្វើដូចវិរបុរសទៀតហើយ ការពិតគង់ហ៊ានសោះ។ ស្រម័យមើលទៅគ្រាន់តែរឿងកាមតណ្ហាខ្លួនឯងសោះទុកអោយងាប់គេឯង ផ្អើលអស់អន្តជាតិ រហូតសុំអោយអន្តរជាតិជួយអន្តរាគមន៍។ តើអន្តរជាតិអន្តរាគមន៍ មានអីក្រៅពីដកជំនួយទៅ? នេះបើអន្តរជាតិព្រមដកជំនួយបង្អត់ខ្មែរអោយរហាម ក៏កឹម សុខាអាចធ្វើបានដែរ។ តើនេះឬចិត្តអ្នកស្នេហាជាតិឬHero នោះដែលស្រលាញ់ខ្មែរ? នេះឬចិត្តអ្នកអ្នកនយោបាយដែលមានការទទួលខុសត្រូវ?ព្រោះតែកាមតណ្ហាកញ្ចាស់ក្បាលហើយ នៅទៅមានស្រីរាប់មិនអស់ក្បត់ប្រពន្ធកូនខ្លួនឯង រហូតរាលដាលងាប់អស់គេឯងទៅទៀត ពិតជាថោកទាបណាស់តាកញ្ចាស់នេះ។
Post a Comment