A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Saturday 18 June 2016
ប្រមុខដឹកនាំរដ្ឋាភិបាលយោធាថៃធានាថា «ប្រទេសថៃនឹងត្រឡប់ទៅកាន់លិទ្ធិប្រជាធិបតេយ្យវិញ»
17 មិថុនា 2016 voa
Steve Herman
លោក Prayuth Chan-ocha នាយករដ្ឋមន្រ្តីថៃថ្លែងសុន្ទរកថាគន្លឹះនៅពិធីទទួលទានអាហារពេល ល្ងាយនៃកិច្ចសន្ទនា Shangri-la លើកទី១៥ របស់វិទ្យាស្ថានអន្តរជាតិសម្រាប់ការសិក្សាយុទ្ធសាស្រ្ត ក្នុងកិច្ចប្រជុំកំពូលស្តីពីសន្តិសុខអាស៊ី កាលពីថ្ងៃទី៣ ខែមិថុនា ឆ្នាំ២០១៦ ក្នុងប្រទេសសិង្ហបុរី។
ប្រមុខ ដឹកនាំរដ្ឋាភិបាលដែលដឹកនាំដោយយោធារបស់ថៃ លោក Prayuth Chan-ocha បានការពារការដណ្តើមអំណាចកាលពីពីរឆ្នាំមុន ដោយអះអាងថាដើម្បីចៀសវាងចលាចលវែងឆ្ងាយ ឬ «សង្រ្គាមស៊ីវិល»។
សិង្ហបុរី —
លោក Prayuth ដែលជាមេបញ្ជាការកងទ័ព បានដឹកនាំរដ្ឋប្រហារដែលគ្មានការបង្ហូរឈាមមួយ កាលពីខែឧសភា ឆ្នាំ២០១៤ ហើយចាប់តាំងពីពេលនោះមកបានក្លាយជានាយករដ្ឋមន្រ្តី។ កាលពីដើមខែមិថុនា លោកបានប្រាប់មេដឹកនាំដែលបានចូលរួមកិច្ចប្រជុំសន្តិសុខតំបន់ថា៖ «ខ្ញុំអាចធានាបានថាប្រទេសថៃនឹងត្រឡប់ទៅកាន់លទ្ធិប្រជាធិបតេយ្យ វិញ»។
ការក្តោបក្តាប់អំណាចដោយពួក យោធា ដែលបានបណ្តេញរដ្ឋាភិបាលស៊ីវិលទន់ខ្សោយមួយចេញពីតំណែង ត្រូវការជាចាំបាច់ «ដើម្បីដាក់ប្រទេសនេះឲ្យស្ថិតនៅលើដំណើរការនៃការធ្វើកំណែ ទម្រង់» និងដើម្បីការពារការខូចខាតបន្ថែមទៀតទៅលើសេដ្ឋកិច្ចរបស់រាជាណាចក្រ មួយនេះ ដែលបានបាត់បង់លំនឹងរបស់ខ្លួន។
ពួកយោធា នៅតែបន្តកាន់អំណាចនៅពេលដែលមានការព្រួយបារម្ភចំពោះសុខភាពរបស់ ព្រះមហាក្សត្រ Bhumibol ដែលមានព្រះជន្ម៨៨ព្រះវស្សា និងជាស្តេចដែលគ្រងរាជ្យយូរជាងគេបង្អស់នៅលើពិភពលោក។ ព្រះអង្គបានស្ថិតនៅក្នុងមន្ទីរពេទ្យស្ទើរតែគ្រប់ពេលវេលាទាំង នោះ នៅក្នុងប៉ុន្មានឆ្នាំចុងក្រោយនេះ។
ដោយធ្វើ ការវាយបកទៅលើការរិះគន់ពីសំណាក់អន្តរជាតិអំពីការឡើងកាន់អំណាច របស់យោធា និងការធ្លាក់ចុះសេរីភាពជនស៊ីវិល លោក Prayuth បាននិយាយថា៖ «យើងមិនមានបំណងរំលោភសិទ្ធិមនុស្សនោះទេ។ វិធានការទាំងអស់របស់យើងត្រូវបានធ្វើឡើងដោយផ្នែកលើនីតិរដ្ឋ»។
រដ្ឋ ធម្មនុញ្ញថ្មីមួយត្រូវបានព្រាងឡើង ដោយមានការត្រួតពិនិត្យពីយោធា ហើយនឹងត្រូវដាក់ឲ្យធ្វើប្រជាមតិនៅក្នុងខែសីហានេះ ប៉ុន្តែការតស៊ូមិតអំពីរដ្ឋធម្មនុញ្ញនេះត្រូវបានគេរឹតត្បិត។ ការណ៍នេះត្រូវបានគេរិះគន់នៅគ្រប់មជ្ឈដ្ឋាននយោបាយក្នុងស្រុកទាំង អស់។
លោក Prayuth កាលពីពេលថ្មីៗនេះបានលើកឡើងថា ការបដិសេធលើរដ្ឋធម្មនុញ្ញថ្មីអាចនឹងពន្យារពេលបោះឆ្នោតសម្រាប់ រដ្ឋាភិបាលថ្មី ហើយថាលោកអាចនឹងត្រូវកាន់អំណាចបន្តទៀត «បើទោះណាជាអ្នកគ្រប់គ្នាស្អប់ខ្ញុំខ្លាំងប៉ុនណាក៏ដោយ»។
ប្រទេស ថៃជាសម្ព័ន្ធយោធាអាមេរិកគួរឲ្យទុកចិត្តមួយក្នុងសង្រ្គាម ត្រជាក់ និងសង្រ្គាមវៀតណាម ប៉ុន្តែសព្វថ្ងៃស្ថិតនៅក្រោយរដ្ឋាភិបាលយោធាប្រទេសមួយនេះបែរជាមាន ចំណងពាណិជ្ជកម្ម និងសន្តិសុខល្អជាមួយប្រទេសចិន និងរុស្ស៊ី បន្ទាប់ពីមានការរិះគន់ពីរដ្ឋាភិបាលក្រុងវ៉ាស៊ីនតោនអំពីរដ្ឋ ប្រហារ និងក្តីបារម្ភរបស់ខ្លួនអំពីការរឹតត្បិតសិទ្ធិសេរីភាព និងការយឺតយ៉ាវក្នុងការស្តារលទ្ធិប្រជាធិបតេយ្យឡើងវិញ។
លោក Prayuth និយាយថា ប្រទេសថៃ និងប្រទេសតូចនិងមធ្យមផ្សេងទៀត «កំពុងគេចចេញពីអន្ទាក់ដែលតម្រូវឲ្យមានការប្រកាន់បក្ខពួក»។
លោក បានថ្លែងសុន្ទរកថារបស់លោកនៅពេលអាហារពេលល្ងាចក្នុងពិធីជួបជុំ មួយដែលគេស្គាល់ថា «កិច្ចសន្ទនា Shangri-La»។ មន្ត្រីប្រតិភូ អ្នកវិភាគបញ្ហាសន្តិសុខ និងបញ្ញវន្តមកពីប្រទេសជាង៥០បានចូលរួមជាភ្ញៀវក្នុងកិច្ចជួបជុំ នេះ៕
ប្រែសម្រួលដោយ ប៊ុន ប៉េងហ៊ុយ
Subscribe to:
Post Comments (Atom)
No comments:
Post a Comment