ដោយ ថា កិត្យា
2016-05-02
អគ្គលេខាធិការរង គ.ជ.ប លោក នី ចរិយា (រូបឈរ)។ ពីឆ្វេងខាងលើ៖ មន្ត្រីសមាគមអាដហុក (ADHOC) លោក យី សុខសាន្ត អ្នកស្រី លឹម មុន្នី លោក ណៃ វ៉ង់ដា និងលោក នី សុខា។
RFA
តុលាការសម្រេចបញ្ជូនមន្ត្រីសិទ្ធិមនុស្ស៤រូបទៅឃុំខ្លួនបណ្ដោះអាសន្ន នៅពន្ធនាគារព្រៃស ខណៈ មន្ត្រីគ.ជ.ប១រូប ទៅពន្ធនាគាររាជធានីភ្នំពេញ ហៅកាត់(PJ) ក្រោមបទចោទសូកប៉ាន់សាក្សី និងសមគំនិតសូកប៉ាន់សាក្សី។
ខណៈការសាកសួរបានបញ្ចប់ដែលធ្វើឡើងអស់ពេលរយៈពេល២ថ្ងៃនេះ សម្រែកទាមទាររកយុត្តិធម៌កក្រើកឡើងកាន់តែខ្លាំង នៅពេលដែលចៅក្រមនៃអយ្យការអមសាលាដំបូងរាជធានីភ្នំពេញ រៀបបញ្ជូនអ្នកទាំង៥ ទៅឃុំខ្លួន នៅល្ងាចថ្ងៃទី២ ឧសភា។
អ្នកនាំពាក្យសាលាដំបូងរាជធានីភ្នំពេញ លោក លី សុផាណា ឲ្យដឹងពីព្រឹកមិញថា តំណាងអយ្យការចោទប្រកាន់មន្ត្រីសិទ្ធិមនុស្សអាដហុក (ADHOC) ៤រូប រួមមានលោក នី សុខា លោក ណៃ វ៉ង់ដា លោក យី សុខសាន្ត និងអ្នកស្រី លឹម មុន្នី ពីបទសូកប៉ាន់សាក្សី តាមមាត្រា៥៤៨ ក្រមព្រហ្មទណ្ឌ ចំណែកអគ្គលេខាធិការរង គ.ជ.ប លោក នី ចរិយា និងមន្ត្រីអង្គការសហប្រជាជាតិ លោក សឺន សាលី ត្រូវបានតុលាការពីបទសមគំនិតសូកប៉ាន់សាក្សី តាមមាត្រា២៩ និងមាត្រា ៥៤៨ ក្រមព្រហ្មទណ្ឌ។
ចំណែកមន្ត្រីអង្គការសហប្រជាជាតិ លោក សឺន សាលី មិនមានវត្តមានក្នុងតុលាការទេ នៅថ្ងៃនេះ ព្រោះលោកមិនបានមកឆ្លើយបំភ្លឺការកោះហៅ របស់អង្គភាពប្រឆាំងអំពើពុករលួយ ហើយអង្គភាពនេះ ថានឹងចេញដីកានាំខ្លួនលោក គ្រាន់តែមិនបានបញ្ជាក់ពេលវេលា។
មាត្រា៥៤៨ នៃក្រមព្រហ្មទណ្ឌ បញ្ជាក់ថា បុគ្គលណាដែលប្រគល់ឲ្យសាក្សីដោយផ្ទាល់ ឬប្រយោល នូវអំណោយ ជំនូន ការសន្យា ឬអត្ថប្រយោជន៍អ្វីមួយ ដើម្បីមិនធ្វើជាសាក្សី ឬផ្ដល់សក្ខីកម្មភូតកុហក នឹងត្រូវផ្ដន្ទាទោសដាក់ពន្ធនាគារពី៥ ដល់១០ឆ្នាំ។
ចំណែកមាត្រា២៩ នៃក្រមព្រហ្មទណ្ឌ ស្ដីពីនិយមន័យនៃអ្នកសមគំនិត ត្រូវចាត់ទុកក្នុងបទឧក្រិដ្ឋ ឬបទមជ្ឈិម ចំពោះបុគ្គលណាដែលជួយសម្រួលដោយចេតនា ដល់ការប៉ុនប៉ង ឬសម្រេចបទឧក្រិដ្ឋ ឬបទមជ្ឈិមនោះ ដោយផ្ដល់ជំនួយ ឫការឧបត្ថម្ភរបស់ខ្លួន។ អ្នកសមគំនិតនឹងអាចត្រូវផ្ដន្ទាទោសបានលុះត្រាតែបទឧក្រិដ្ឋ ឬបទមជ្ឈិមត្រូវបានសម្រេច ឬបានប៉ុនប៉ង ហើយអ្នកសមគំនិតនៃបទឧក្រិដ្ឋ ឬបទមជ្ឈិម ត្រូវផ្ដន្ទាទោសដូចគ្នានឹងចារីដែរ។
មន្ត្រីសិទ្ធិមនុស្ស៤រូប និងមន្ត្រីគ.ជ.ប១រូប ត្រូវបានអង្គភាពប្រឆាំងអំពើពុករលួយកោះហៅមកសាកសួរតាំងពីថ្ងៃទី២៧ ២៨ មេសាមក និងឈានដល់ឃាត់ខ្លួន កាលពីយប់ថ្ងៃទី២៨ មេសា រួចបញ្ជូនមកតុលាការ កាលពីល្ងាចថ្ងៃទី៣០ មេសា ពាក់ព័ន្ធនឹងអំពើពុករលួយ ជុំវិញការចោទប្រកាន់របស់អ្នកនាង ខុម ចាន់តារាទី ហៅ ស្រីមុំ។
2 comments:
រឿងបែកធ្លាយដំបូងគឺ សារសំឡេងសារសងស្នេហារវាង លោកកឹម សុខា និងរូបនាង។ យើងទាំងអស់គ្នាបានស្តាប់សារសំឡេងនាងឆ្លើយឆ្លងទូរស័ព្ទជាមួយ លោកកឹម សុខា រួចហើយ។ សារសំឡេងទាំងនោះ យើងស្តាប់ទៅគឺច្បាស់ណាស់ថាជាសំឡេងសារសងស្នេហារវាង លោក កឹមសុខា និងស្រីមុំ ហើយមានសារសំឡេងមួយទៀតគឺ លោក កឹមសុខា និយាយរឿងរ៉ាវទាក់ទងនឹង នាងធីសុវណ្ណថា។ ដែលជាប់ទាក់ទងនឹងស្រីមុំ គឺមានតែសាររសំឡេងប៉ុណ្ណឹងគត់។
យើងវិភាគទាំងអស់គ្នា ដោយផ្អែកលើសារសំឡេងប៉ុណ្ណឹង តើស្រីមុំអាចនឹងមានទោសអ្វី ឬនាងត្រូវអ្នកណាកេងចំណេញ ឬរំលោភបោកប្រាស់ ដែលយើងអាចចាត់ទុកនាងថាជាជនរងគ្រោះនោះ?
បើសំឡេងទាំងនោះជាសំឡេងពិតរបស់ លោក កឹម សុខានិងស្រីមុំប្រាកដមែននោះ ចំពោះបណ្តឹង នាង ធីសុវណ្ណថា ស្រីមុំគ្មានទោសអ្វីទេ ព្រោះស្រីមុំ មិនបាននិយាយបង្ខូច ធីសុវណ្ណថា ទេ។ ដូច្នេះស្រីមុំគ្មានទោសទេ ក្នុងបណ្តឹងធីសុវណ្ណថា។ សារផ្សេងទៀត គឺគ្រាន់តែបញ្ជាក់ពីទំនាក់ទំនងស្នេហារវាង នាងនិង លោក កឹម សុខាតែប៉ុណ្ណោះ បើមានអ្នកណាចោទរឿងនេះពីបទពេស្យាកម្ម គឺការជួញដូរភេទ ក៏ស្រីមុំគ្មានទោសដែរ។ ព្រោះនាងនឹងក្លាយជាតួអង្គរងគ្រោះក្នុងសំណុំរឿងជួញដូរមនុស្សនេះ មានតែ លោក កឹមសុខា និងតំណាងរាស្ត្រពីរនាក់ទៀតដែលរៀបចំអោយស្រីមុំបានជួបជាមួយ លោក កឹមសុខា តែប៉ុណ្ណោះដែលជាជនត្រូវជាប់ចោទ បើមានបណ្តឹងរឿងពេស្យាកម្មនោះ។
លោក កឹមសុខា និងស្រីមុំទេ។ បើដឹងហើយ ចុះហេតុអ្វី ពួកមន្ត្រីចិត្តល្អនៃសមាគម ADHOC ដ៏មហិមានៃប្រទេសយើង បែរជាគ្រាន់តែ ស្រីមុំ ប្រាប់ថាមិនមែនជាសំឡេងរបស់នាង ពួកមន្ត្រីទាំងនោះជឿរហូតដល់ទៅចាត់ទុកស្រីមុំជាជនរងគ្រោះ ហើយសំរេចផ្តល់ដល់ទៅមេធាវីការពារស្រីមុំទៅវិញ? គោលការណ៍អង្គការ ADHOC គឺផ្តល់មេធាវីអោយតែជនដែលត្រូវបានគេរំលោភបំពានសិទ្ធិយ៉ាងធ្ងន់ធ្ងរទេ ចុះករណីស្រីមុំនេះ សំឡេងខ្លួនឯងនិង លោក កឹមសុខា ជាសំឡេងពិត ម្តេចមន្ត្រីអង្គការ ADHOC ចាត់ទុកនាងជាជនរងគ្រោះដែលត្រូវបានគេបំពានរឿងសាររសំឡេងនេះទៅវិញ? ឬដោយផ្អែកថាខ្លួនបានធ្វើសម្ភាសស្រីមុំ ហើយស្រីមុំប្រាប់អញ្ចឹង ខ្លួនជឿយកតែម្តង។ មុននឹងផ្តល់មេធាវីការពារក្តីអ្នកណាម្នាក់ មន្ត្រីអង្គការទាំងនោះចាំបាច់ណាស់ត្រូវស្ទង់ស្ទាបរកការពិត ថាតើអ្នកដែលមកពឹងពាក់ខ្លួននោះ ជាជនរងគ្រោះពិតប្រាកដដែរឬទេ? ខ្លួនបានស្តាប់សំឡេងស្រីមុំនិង ដែលគេបង្ហោះតាម FACEBOOK រួចហើយ បន្ទាប់មកស្តាប់ ស្រីមុំ ទៅជួបខ្លួនហើយរៀបរាប់ប្រាប់ខ្លួនថា នាងជាជនរងគ្រោះ សារសំឡេងសារសងនឹង លោក កឹមសុខា មិនមែនជាសំឡេងរបស់នាងទេ ហើយពួកមន្ត្រីADHOC ទាំងនោះជឿ គឺមិនបាច់ធ្វើការអង្គាការស៊ីប្រាក់ខែអីទេ ទៅរកពេទ្យឆ្កួតមើលក្បាលទៅ ទៅប្រាប់មនុស្សដែលក្បាលនៅប្រើការកើតមួយពិភពលោកទៅ តើអ្នកណាមួយអាចព្រមទទួលនូវរឿងមិនសម ហេតុផលបែបនេះទៅកើត? បើល្ងង់ងាប់យ៉ាងនេះ គេកុហកអីក៏ចេះតែជឿ មិនសមអីមកធ្វើការងារខាងការពាសិទ្ធិមនុស្សទេ ទៅបន្ទោសប៉ូលីសយុត្តិធម៌ ឬមន្ត្រីតុលាការថាអយុត្តិធម៌យ៉ាងម៉េចកើត? បើខ្លួនគ្មានសមត្ថភាពយល់ដឹងថារឿងណាមួយការពិតវាយ៉ាងម៉េចផងនោះ ចាំតែស្រែកតាមមនុស្សដែលមកប្រាប់ខ្លួនថា ជាអ្នករងគ្រោះអីចឹងនោះ ប្រឹងធ្វើការងារសិទ្ធិមនុស្សទាល់តែងាប់ទៀត ក៏វាគ្មានអីទៅនិយាយអោយបានលើគេដែរ តែការពិតពួកនេះមិនល្ងង់ជឿស្រីមុំឡើយ។
គ្មានអ្វីដែលយើងខ្លាចមិនហ៊ានសន្និដ្ឋានថា ពួកមន្ត្រីអង្គការទាំងនេះដឹងការពិតក្នុងរឿងហ្នឹងច្បាស់ណាស់ តែមានចិត្តចង់ជួយបិទបាំងរឿងពិតរបស់ លោក កឹមសុខា តែប៉ុណ្ណោះ។
បើមន្ត្រីអង្គការ ADHOC ជាមនុស្សល្អ មិនលំអៀង ក្នុងចិត្តរបស់ខ្លួនដែលដឹងច្បាស់ថា ស្រីមុំ កុហក ត្រូវតែក្រើនរំលឹកនាងជាប្រយោលដោយពាក្យថា ក្មួយស្រី រឿងនេះ បើទោះបីជាសំឡេងនោះជាសំឡេង ពិតរបស់ក្មួយនិង លោក កឹមសុខា ក៏ដោយ បើក្មួយសារភាពតាមត្រង់ថាវាជាការពិត ក៏ក្មួយគ្មានទោសអ្វីដែរ ហើយ បើនេះជាការពិត មុននឹងក្រោយ ក្មួយគេចមិនផុតពីគេរកឃើញការពិតនោះទេ ហើយបើរឿងនេះជារឿងពិត ស្រាប់តែក្មួយស្រីបដិសេធនៅពេលប៉ូលីស ឬមន្ត្រីយុត្តិធម៌ណាមួយគេហៅសួរ នោះក្មួយនឹងត្រូវមានទោសពីបទផ្តល់ចំលើយក្លែងក្លាយណាក្មួយ។ ក្មួយដេកគិតមើលទៅ តើរឿងហ្នឹងវាយ៉ាងម៉េច? ពិតឬមិនពិត? ក្មួយត្រូវចាំថា ចុងក្រោយបំផុត ដាច់ខាតការពិត ត្រូវតែបានលាតត្រដាងចៀសមិនផុតទេណាក្មួយ។ ខ្ញុំសូមអោយក្មួយនិយាយតែការពិតណាក្មួយ។ បើស្រីមុំ ដឹងថាបើនាងនិយាយតាមការពិត នាងគ្មានទោស បើនាងនិយាយកុហក ចុងក្រោយក៏នាងនៅតែគេចមិនផុតពីគេរកឃើញតែដដែល ហើយពេលគេរកឃើញការពិតដាច់ខាតនាងត្រូវតែមានទោសពីបទផ្តល់ចំលើយក្លែងក្លាយនោះ។ តើនាងនឹងសំរចចិត្តបែបណា? ច្បាស់ណាស់នាងត្រូវតែឆ្លើយការពិត។ ចុះជាក់ស្តែងម្តេចក៏នាងមិនឆ្លើយការពិតទៅវិញ នៅពេលនាងទៅឆ្លើយនៅមុខប៉ូលីសនៅក្រសួងមហាផ្ទៃ? នេះជារឿងច្បាស់ដូចថ្ងៃដែលមន្ត្រីអង្គការអស់នោះមានបំណងជួយបិទបាំងរឿងអសីធម៌របស់លោកឹមសុខា។ ពួកនោះក៏ដឹងច្បាស់ដែរថា ចុងក្រោយបំផុត គេគង់តែរកឃើញថាការពិតវាយ៉ាងម៉េចតែដដែលហ្នឹង ប៉ុន្តែពួកគេគិតថា អោយតែ ស្រីមុំ មានជំហររឹងនៅតែមិនសាររភាព ទោះជារកឃើញទៅជាបែបណា ក៏ពួកអង្គការដ៏លំអៀងទាំងនោះ នៅតែស្រែកបំពានចិត្តខ្លួនឯងដើម្បីបំភាន់ភ្នែកមហាជនថា វាអយុត្តិធម៌ណាស់ ការកាត់ក្តីនេះអយុត្តិធម៌ណាស់មិនអាចទទួលយកបានទេ។ ពួកគេក៏បានមានរបៀបដោះខ្លួន ដ៏ល្ងង់ខ្លៅមួយទៀតគឺ ថតវីដេអូ ស្រីមុំនិយាយរៀបរាប់ថានាងនិយាយទាំងនេះ អត់មានអ្នកណាបង្ខំទេ គឺនាងនិយាយតែការពិត ដោយខ្លួននាងផ្ទាល់ តែគេភ្លេចគិតថា ស្រីមុំក៏អាចនិយាយថា វីដេអូនេះ គឺគេបញ្ចេះខ្ញុំអោយនិយាយអញ្ចឹង ដើម្បីថតទុកបានដែរ ហើយរឿងហ្នឹងវាច្បាស់ណាស់ គឺវាអីចឹងមែន ព្រោះមន្ត្រីអង្គការអស់នោះ មិនល្ងង់ទៅជឿ ស្រីមុំ ថានោះមិនមែនជាសំឡេងនាងនិងនោះទេ គេដឹងថាអ្វីដែលស្រីមុំឆ្លើយគឺមិនពិត។ ដូច្នេះមានតែអោយស្រីមុំនិយាយហើយថតទុកការពារខ្លួននៅពេលមានរឿង។ នេះយើងវិភាគតែទៅលើថា ស្រីមុំសំរេចចិត្តកុហកដោយចិត្តឯងទេ។
Post a Comment