ធ្លាយរឿងឧត្តមសេនីយ៍ ឧកញ៉ា ថោង សារ៉ាត់ ធ្លាប់ធ្វើជាទីប្រឹក្សាឯកឧត្តម ឧកញ៉ា ស ខេង
ថ្វីដ្បិតបច្ចុប្បន្នលោកឧត្តមសេនីយ៍ទោ(ផ្កាយ២)យោធា ឧកញ៉ា ថោង សារ៉ាត់ មានឈ្មោះដើមជាភាសាយួនថា "ប៊ិន ទឹង" នាយកក្រុមហ៊ុន Meanchey International Investment និងក្រុមហ៊ុនបុរី៩៩៩ ដ៏ល្បីល្បាញ បានក្លាយជាជនត្រូវចោទពីបទផ្តើមគំនិតក្នុងអំពើឃាតកម្មគិតទុកជាមុនទៅលើលោកឧកញ៉ា អ៊ឹង ម៉េងជឺ ថៅកែក្រុមហ៊ុនស៊ីម៉ងត៍ត្បូងពេជ្រ នារាត្រីថ្ងៃទី២២ ខែវិច្ឆិកា ឆ្នាំ២០១៤កន្លងទៅ ដែលជាបទល្មើសឧក្រិដ្ឋ ត្រូវផ្តន្ទាទោសដាក់ពន្ធនាគារអស់មួយជីវិត និងកំពុងរត់គេចសំងំលាក់ខ្លួនពួនអាត្មាខ្លាចក្រែងសមត្ថកិច្ចចាប់ដាក់គុកក៏ដោយ ក៏មជ្ឈដ្ឋាននានាបានចាប់អារម្មណ៍ខ្លាំងទៅលើករណីលោកឧត្តមសេនីយ៍យោធា ឧកញ៉ារូបនេះធ្លាប់ត្រូវបានតែងតាំងជាទីប្រឹក្សាឯកឧត្តម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ទទួលបានងារជា"ឯកឧត្តម" ។
កាលមិនទាន់ធ្លាក់ខ្លួនជាប់ឈ្មោះជាជនត្រូវចោទនៅស្ថាប័នតុលាការ និងមិនទាន់រត់គេចខ្លួនពួនសំងំលាក់អាត្មាពីការតាមប្រមាញ់ចាប់ខ្លួនរបស់សមត្ថកិច្ចសាធារណៈតាមដីកាបង្គាប់របស់តុលាការ កាលពីថ្ងៃទី០៥ ខែធ្នូ ឆ្នាំ២០១៤នោះ និងនៅពេលមានអំណាចដ៏ល្បីល្បាញនៅឡើយ លោកឧត្តមសេនីយ៍ទោយោធា ឧកញ៉ា ថោង សារ៉ាត់ ធ្លាប់ត្រូវបានតែងតាំងជាទីប្រឹក្សាឯកឧត្តម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មានឋានៈស្មើអនុរដ្ឋលេខាធិការ ដោយពុំទទួលប្រាក់បំណាច់ ដោយព្រះរាជក្រឹត្យលេខនស/រកត/០៨១១/៧១៩ ចុះថ្ងៃទី០១ ខែសីហា ឆ្នាំ២០១១ ។
មជ្ឈដ្ឋានអ្នកច្បាប់ឯករាជ្យនៅកម្ពុជា បានសម្តែងនូវការចាប់អារម្មណ៍ថា ក្រៅពីមានងារជាឧកញ៉ា គឺលោក ថោង សារ៉ាត់ មានឋានន្តរស័ក្តិថ្នាក់ឧត្តមសេនីយ៍ទោ(ផ្កាយ២)យោធានៃស្ថាប័នកងយោធពលខេមរភូមិន្ទ បែរជាលោកឧកញ៉ារូបនេះទៅធ្វើជាទីប្រឹក្សាឯកឧត្តម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃទៅវិញ ។ ម្យ៉ាងទៀត ស្ត្រីឈ្មោះ កែវ សារី មានឈ្មោះដើមជាភាសាយួនថា "ហាយ" ត្រូវជាម្តាយលោកឧត្តមសេនីយ៍យោធា ឧកញ៉ា ថោង សារ៉ាត់ ដែលជានាយទាហាននៃកងយោធពលខេមរភូមិន្ទ អត្តលេខ០៤៣១៧២ មានឋានន្តរស័ក្តិថ្នាក់វរសេនីយ៍ទោ ក៏ធ្លាប់ទទួលបានការតែងតាំងជាទីប្រឹក្សាអគ្គលេខាធិការដ្ឋានព្រឹទ្ធសភានៃព្រះរាជាណាចក្រកម្ពុជា មានឋានៈស្មើរដ្ឋលេខាធិការ ទទួលបានងារជា"លោកជំទាវ" ដែលជាស្ថាប័នមានសម្តេចអគ្គមហាធម្មពោធិសាល ជា ស៊ីម ជាប្រធានព្រឹទ្ធសភាផងដែរ ។
នៅក្នុងការងារផ្ទៃក្នុងគណបក្សប្រជាជនកម្ពុជា លោកឧត្តមសេនីយ៍ ឧកញ៉ា ថោង សារ៉ាត់ គឺជាក្រុមការងារចុះជួយពង្រឹងគណបក្សក្នុងខណ្ឌមានជ័យ រាជធានីភ្នំពេញ ជាមួយលោកឧត្តមសេនីយ៍ឯក ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ៕
2 comments:
It is real amazing and extraordinary strange, that Youn secret agent can attained to this high ranking magnitude . It smell rotten and fishy . Youn event don't speak Khmer properly, no education in Khmer school can climb to that high level security in this government are not surprise to us ? What going on behind the scene of Khmer political scenario? what else , we Khmer don't know, can Khmer intellectual dig out about Yuon spies agents in this incredible high ranking ministerial of Khmer administration, of to day ? Please we need fact finding and the truth ?
Sam Mouk Heuy Ah Kanchas Sar Kheng York Ah Kaun Kmeng Yuon Thong Sarath Chea Advisor !!
Post a Comment