ដោយ យ៉ង ចាន់តារា
2016-01-22 rfa
***
"សូមយុវជនប្រយ័ត្យវេទិការឆ្លើយឆ្លងតាមបណ្ដាញ facebookបើបងប្អុនមិនមែនជាគណបក្សប្រជាជន ព្រោះពេលណាយើងជជែកម្ដងៗគេនឺងrecordទីកន្លែងរស់នៅ។ បើមិនមានពាក់ពាន់មិនបាច់និយាយជាមយួយ ចំណាយពេលឥតប្រយោជន៏ ទុក្ខអោយពួកគេសំេណះសំណាលគ្នា [ហុ៊នសែនជានុស្សមិនកែប្រែពុតថ្បុុតស្លាបដើម្បីយួន]"
Reader
***
 |
លោកនាយករដ្ឋមន្ត្រី ហ៊ុន សែន ថ្លែងក្នុងពិធីខួប៧មករា លើកទី៣៧ នៅថ្ងៃទី៧ ខែមករា ឆ្នាំ២០១៦។
RFA/Brach Chev
|
លោកនាយករដ្ឋមន្ត្រី ហ៊ុន សែន ប្រកាសនៅលើទំព័រហ្វេសប៊ុក (Facebook) របស់លោកថា លោកនឹងប្រើប្រាស់ទំព័រហ្វេសប៊ុកខ្លួន ជាវេទិកាឆ្លើយឆ្លងជាមួយយុវជន និងពលរដ្ឋទូទៅ អំពីបញ្ហាសង្គមជាតិ។ ការប្រកាសបែបនេះ ទទួលបានការសាទរពីសកម្មជនសិទ្ធិអ៊ិនធឺណិត និងអ្នកតាមដានបញ្ហាយុវជន ប៉ុន្តែពួកគេមិនទាន់ជឿជាក់ថា នេះជាចេតនាចង់ដោះស្រាយបញ្ហាសង្គមជាតិឡើយ។ លើសពីនេះ ពួកគេចង់ឃើញប្រមុខរដ្ឋាភិបាល ប្រើប្រាស់បណ្ដាញសង្គមរបស់ខ្លួនជាមួយយុវជន ប្រកបដោយស្មារតីអត់ធ្មត់ខ្ពស់បំផុត។
អ្នកតាមដានបញ្ហាយុវជន និងសកម្មជនសិទ្ធិអ៊ិនធឺណិត យល់ឃើញស្រដៀងគ្នាថា ការប្រកាសរបស់លោកនាយករដ្ឋមន្ត្រី ហ៊ុន សែន នាពេលនេះ គឺជាចំណុចចាប់ផ្ដើមមួយដ៏ល្អ ក្នុងការបង្កើតឱ្យមានវប្បធម៌សន្ទនាបែបថ្មី នៅលើបណ្ដាញសង្គមហ្វេសប៊ុក។
ស្ថាបនិកក្រុមយុវជនកាហ្វេនយោបាយលោក អ៊ូ រិទ្ធី បញ្ជាក់ថា គំនិតផ្ដួចផ្ដើមឱ្យមានវេទិកាឆ្លើយឆ្លងគ្នាលើបណ្ដាញសង្គមហ្វេសប៊ុករវាងប្រមុខរដ្ឋាភិបាល ជាមួយយុវជននេះ ជារឿងមួយល្អ ពីព្រោះយុវជននឹងមានឱកាសលើកឡើងពីកង្វល់របស់ខ្លួន តាំងពីថ្នាក់មូលដ្ឋានរហូតដល់ថ្នាក់ជាតិ។
ទោះបីជាយ៉ាងនេះក្ដី លោក អ៊ូ រិទ្ធី មើលឃើញថា អ្វីដែលជាចំណុចសំខាន់ គឺការទទួលយកមតិយោបល់ទាំងនោះទៅដោះស្រាយ ដោយមិនមែនគ្រាន់តែជាការឆ្លើយតបគ្មានសកម្មភាពនោះទេ។ ក្រៅពីនេះ លោក អ៊ូ រិទ្ធី ជំរុញឱ្យលោកនាយករដ្ឋមន្ត្រី ហ៊ុន សែន មានភាពអត់ធ្មត់ខ្ពស់បំផុត ក្នុងការទទួលយកមតិយោបល់ផ្សេងៗ ទាំងវិជ្ជមាន និងអវិជ្ជមាន ពីសំណាក់យុវជន៖ «វាអាចជួយឱ្យយុវជនមានឱកាសបញ្ចេញសំឡេង បញ្ចេញនូវបញ្ហាដែលគាត់ជួប ក៏ប៉ុន្តែយើងត្រូវតាមដានឱ្យមែនទែន ថាតើការទទួលយកមតិរិះគន់ពីយុវជនមួយចំនួនមានកម្រិតប៉ុណ្ណា ឬក៏គ្រាន់តែបង្ហាញឱ្យតែល្អមើល ដើម្បីបង្ហាញថាខ្លួនជាអ្នកបើកគំនិតទទួលយកមតិយោបល់។ អញ្ចឹងគាត់ត្រូវតែអត់ធ្មត់ច្រើន ហើយទទួលយកគំនិតរិះគន់»។
កាលពីព្រឹកថ្ងៃទី ២២ មករា លោក ហ៊ុន សែន បានសរសេរនៅក្នុងទំព័រហ្វេសប៊ុក ផ្លូវការរបស់លោកថា ហ្វេសប៊ុករបស់លោក ជាហ្វេសប៊ុកសន្តិភាព ដែលលើកតម្កើងសិទ្ធិសេរីភាព និងសកម្មភាពចូលរួមកសាងសង្គមដោយអហិង្សា៖ «ដើម្បីបង្កបរិយាកាសកាន់តែរីករាយស្និទ្ធស្នាលជាមួយជនរួមជាតិ និងយុវជន សិស្ស និស្សិតនៅទូទាំងប្រទេស ខ្ញុំនឹងបើកវេទិកាឆ្លើយឆ្លងជាមួយយុវជន និងជនរួមជាតិនៅក្នុង Facebook ខ្ញុំផ្ទាល់លើប្រធានបទដែលមានសារៈសំខាន់ក្នុងការកសាងសង្គមជាតិដូចជា ការគោរពច្បាប់ចរាចរណ៍ អំពើល្អចំពោះមនុស្សចាស់ជរា និងជនពិការ អំពើល្អចំពោះកុមារ និងស្ត្រីទន់ខ្សោយ ការជួយគ្នានៅពេលមានគ្រោះថ្នាក់ចរាចរណ៍ ការចូលរួមរើសសំរាមសំអាតទីក្រុង និងតាមទីធ្លាសាធារណៈ ការទប់ស្កាត់ និងលុបបំបាត់គ្រឿងញៀន និងការឈប់ជក់បារីជាដើម»។
នៅត្រង់ចំណុចនេះ លោក អ៊ូ រិទ្ធី មើលឃើញថា បើសិនជាលោកនាយករដ្ឋមន្ត្រី ហ៊ុន សែន ធ្វើបានមែននោះ ប្រជាប្រិយភាពរបស់លោកនឹងកើនឡើងខ្លាំងជាងមុន៖ «គាត់ត្រូវទទួលគំនិតប្រឆាំង ហើយឈប់គំរាមពួកប្រឆាំងដែលគេនិយាយអីខ្លាំង រិះគន់មាំៗ។ យើងទទួលយកគំនិត ហើយឆ្លើយឆ្លងគ្នា របៀបជាយោបល់ដែលមានព័ត៌មាន ឆ្លើយឆ្លងគ្នា ហើយពន្យល់គ្នា ទទួលយកគំនិតគ្នា។ នៅពេលដែលគាត់យកគំនិតយុវជនគ្រប់និន្នាការនយោបាយបូកផ្សំ ហើយយកទៅអនុវត្តជាក់ស្ដែង នៅពេលហ្នឹងខ្ញុំជឿថា លោក សម រង្ស៊ី មិនអាចប្រៀបបានជាមួយលោកនាយករដ្ឋមន្ត្រីនៅក្នុងបណ្ដាញសង្គមហ្វេសប៊ុកហ្នឹងទេ»។
ទិន្នន័យខែ កញ្ញា ឆ្នាំ ២០១៥ របស់ក្រសួងប្រៃសណីយ៍ និងទូរគមនាគមន៍ បង្ហាញថា អតិថិជនអ៊ិនធឺណិតទាំងចល័ត និងអចល័តនៅកម្ពុជា មានចំនួនជាង ៦លាននាក់ (៦.២៥៦.៣៨៨)។ នៅឆ្នាំ ២០១៥ ដូចគ្នា ទីភ្នាក់ងារផ្សព្វផ្សាយពាណិជ្ជកម្ម We Are Social របស់សិង្ហបុរី រកឃើញថា អ្នកប្រើប្រាស់បណ្ដាញសង្គមដ៏សកម្មនៅកម្ពុជា បានកើនឡើងរហូតដល់ជាង ៣លាននាក់ (៣,៤លាននាក់)។
ទាក់ទងនឹងរឿងនេះដែរ សមាជិកក្រុមការងារសិទ្ធិអ៊ិនធឺណិត លោក សូ សៅទ្ធី បង្ហាញគំនិតសុទិដ្ឋិនិយមថា យុវជននឹងទទួលបានផលប្រយោជន៍ច្រើនពីការវេទិកានេះ។ លោក សូ សៅទ្ធី យល់ឃើញថា វាជាការបើកទូលាយនូវសេរីភាពបញ្ចេញមតិ ជាស្ពានសម្រាប់ការឆ្លើយឆ្លងគ្នារវាងយុវជន និងអ្នកដឹកនាំ ព្រមទាំងបង្ហាញពីការប្រឹងប្រែងអភិវឌ្ឍខ្លួនរបស់ថ្នាក់ដឹកនាំ។ ប៉ុន្តែលោក សូ សៅទ្ធី ក៏បានបញ្ជាក់ដែរថា អ្នកប្រើប្រាស់ហ្វេសប៊ុកនៅកម្ពុជាមួយចំនួន មានការយល់ដឹងទាប ដែលទាមទារឱ្យលោក ហ៊ុន សែន យោគយល់ និងអត់ធ្មត់ខ្ពស់ជាងនេះ។
បន្ថែមពីលើនេះ លោក សូ សៅទ្ធី លើកឡើងថា ការបង្កើតជាវេទិកាឆ្លើយឆ្លងគ្នា មិនគួរធ្វើតែរវាងលោក ហ៊ុន សែន នឹងយុវជននោះទេ ប៉ុន្តែក្រសួង និងស្ថាប័នជាតិសំខាន់ៗផ្សេងទៀត ត្រូវតែធ្វើបែបនេះដូចគ្នា ដើម្បីបើកឱកាសឱ្យមានលំហព័ត៌មានដ៏ទូលំទូលាយមួយសម្រាប់យុវជន៖ «ការឆ្លើយតបរបស់លោកនាយករដ្ឋមន្ត្រី មិនបានគ្រប់ជ្រុងជ្រោយទាំងអស់ ដែលប្រជាពលរដ្ឋចង់បាននោះទេ។ អញ្ចឹងមានតែសាមីក្រសួង មានតែអាជ្ញាធរដែលទទួលបន្ទុកផ្ទាល់ ដែលលោកត្រូវជាអ្នកឆ្លើយតប ហើយត្រូវមានសិទ្ធិឆ្លើយតបទៀតផង។ ខ្ញុំបារម្ភដែលតែថាសាមីក្រសួង ស្ថាប័ន ឬអាជ្ញាធរថ្នាក់ក្រោម មានបំណងចង់ឆ្លើយដែរ ប៉ុន្តែលោកអត់ហ៊ាន។ លោកខ្លាចថាអ្វីដែលលោកបង្ហាញទៅ ឬក៏ជូនជាដំណោះស្រាយទៅមិនត្រូវតាមថ្នាក់លើ»។
មកទល់នឹងពេលនេះ មានយុវជនជាច្រើននាក់ហើយ ដែលត្រូវបានតុលាការចាត់ការតាមផ្លូវច្បាប់ ក្រោយពេលដែលពួកគេបង្ហោះសារ ដែលត្រូវបានចាត់ទុកថាជាបទល្មើស។ ពួកគេទាំងនោះរួមមាន យុវជន ម៉ាន់ សំអ៊ាន់ នៅខេត្តកំពង់ធំ ពាក់ព័ន្ធករណីគំរាមសម្លាប់លោក ហ៊ុន សែន។ យុវជន ផង់ សីហា នៅខេត្តត្បូងឃ្មុំ ពាក់ព័ន្ធករណីគំរាមសម្លាប់ លោក សុខ ទូច។ យុវជន តៅ សាវឿន នៅខេត្តសៀមរាប ពាក់ព័ន្ធករណីគំរាមសម្លាប់លោក ស ខេង និងករណីយុវជន គង់ រ៉ៃយ៉ា ដែលបង្ហោះពីការអំពាវនាវចូលរួមបដិវត្តន៍ពណ៌កាលពីខែសីហា ឆ្នាំ២០១៥។
ដើម្បីធានាបាននូវសេរីភាព និងសុវត្ថិភាពលើបណ្ដាញសង្គមហ្វេសប៊ុក អ្នកតាមដានបញ្ហាយុវជន និងសកម្មជនសិទ្ធិអ៊ិនធឺណិត លើកឡើងស្របគ្នាថា អ្នកប្រើប្រាស់ហ្វេសប៊ុកទាំងអស់ ជាពិសេសគឺយុវជន ត្រូវចៀសវាងសម្ដីជេរប្រមាថ និងគំរាមកំហែង ដោយបញ្ចេញតែមតិយោបល់ណា ដែលមានលក្ខណៈរិះគន់បែបស្ថាបនា៕
6 comments:
សូមយុវជនប្រយ័ត្យវេទិការឆ្លើយឆ្លងតាមបណ្ដាញfacebookបើបងប្អុនមិនមែនជាគណបក្សប្រជាជន ព្រោះពេលណាយើងជជែកម្ដងៗគេនឺងrecordទីកន្លែងរស់នៅ។ បើមិនមានពាក់ពាន់មិនបាច់និយាយជាមយួយ ចំណាយពេលឥតប្រយោជន៏ ទុក្ខអោយពួកគេសំេណះសំណាលគ្នា [ហុ៊នសែនជានុស្សមិនកែប្រែពុតថ្បុុតស្លាបដើម្បីយួន]
ចង់ជជែកគ្នាពីអ្វីទៅ រឿងមួយគុំនរមិនដោះស្រាយផង ហើយថាមកចង់ដោះស្រាយ តាម ហ្វាស ប៊ុក ឃើញទែប្រជាជនទាំមទាំរគ្រប់ខេត្ត យួនចូលពេញស្រុក បឹងទន្លេសាប ជាបឹងយួនទៅហើយ តែបើថាចង់ចាប់កូនខ្មែរដែលស្នេហាជាតិយកទៅដាកើគុកវាត្រូវជាង ម៉ែនទេ???ចយដឹកអើយ
ផ្កាយពេញខ្លួន យួនពេញស្រុក
Hun Sen saw Sam rainsy get 2 millions follow him and look in his Facebook account have nothing that why He cry like a baby let Hun cry and cry it will not get 2 millions follower .
Watch out Hun Sen New boss from Hanoi will squish your throat to get more more and more dollars . be happy Hun Dou Mai this time and can't hide
I wonder hun sen will employ threat and intimidation tactics when things don't go his way or what he likes to be, when he communicates with youth on the face book? .Would he take tough questions from the young people? whatever it is in the offings he can't undo what he and his regime have committed, if laid bare is indefensible. he has never been in rock and hard places before, now he is.
Now he seems to pay more attention to his popularity on the social media which is a good thing .Is it Kama or is it action and reaction or consequence to be had for the misdeeds they have done. Whatever it is,it continues to give him and his family a lingering headache sometimes to come. It certainly lets them know how it feels like when you are under, for them is the due pressures.
The Grass Root party, the Sambok Ping Peang party of Mam Sonando, the Chuong party of Khem Oth Veasna will be a perfect tools for Yuon to use to keep Hun Sen in power.
They forgot or they acted as they did not know that the people who had voted for the CPP are Yuon. And these same people will vote for the CPP again in 2018.
That's why these 3 parties cannot get any votes from the CPP's supporters. They will get some votes only from some former CNRP's supporters who are not happy with the CNRP's decision to join the National Assembly.
Therefore, these 3 parties will serve Yuon and Hun Sen well.
Keep going Mam Sonando, Khem Veasna, Yang Sess Komar !! You will be a great help for Hun Sen to stay in power legally and help Vietnam to swallow Cambodia.
Post a Comment