Thu, 1 October 2015 ppp
ប៉ិច សុធារី
ជនរងគ្រោះកៀបក្នុងរថយន្តក្នុងគ្រោះថ្នាក់ចរាចរណ៍មួយនៅខេត្តព្រះសីហនុថ្មីៗនេះ។ រូបថត សហការី |
ភ្នំពេញៈ របាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោកបាន ព្យាករថាចំនួនអ្នកស្លាប់ដោយសារគ្រោះថ្នាក់ចរាចរណ៍អាចនឹងកើនដល់ ៣២០០ នាក់ក្នុងមួយឆ្នាំនៅឆ្នាំ ២០២០ ប្រសិនបើពុំមានវិធានការទប់ស្កាត់ខណៈដែលចំនួនអ្នកស្លាប់ជា ផ្លូវការសម្រាប់ឆ្នាំ ២០១៤ មានជាង ២២០០ នាក់។
នៅក្នុង របាយការណ៍ប្រព័ន្ធព័ត៌មានជនរងគ្រោះ និងគ្រោះថ្នាក់ចរាចរណ៍ផ្លូវគោកឆ្នាំ ២០១៤ ដែលផ្សព្វផ្សាយជាផ្លូវការកាលពីថ្ងៃម្សិលមិញនៅក្រសួងសាធារណការ និងដឹកជញ្ជូនបានឲ្យដឹងថានៅឆ្នាំ ២០១៤ គ្រោះថ្នាក់ចរាចរណ៍មានចំនួន ៤៦៤៥ ករណី និងជនរងគ្រោះ ១៥៣១៥ នាក់ក្នុងនោះមានអ្នកស្លាប់ ២២២៦ នាក់ និងរបួសធ្ងន់ ៦០០៥ នាក់។ អត្រាអ្នកស្លាប់បានកើនឡើង ១៤ ភាគរយបើធៀបនឹងឆ្នាំចាស់ដែលមានចំនួន ១៩៥០ នាក់ហើយប្រសិនបើពុំមានវិធានការទប់ស្កាត់ និងយន្តការកាត់បន្ថយគ្រោះថ្នាក់ជាក់លាក់ទេចំនួនអ្នកស្លាប់នឹង អាចកើនដល់ ៣២០០ នាក់នៅឆ្នាំ ២០២០។
របាយការណ៍ដែលមាន ការចូលរួមផ្តល់ទិន្នន័យពីក្រសួងពាក់ព័ន្ធបញ្ជាក់ថា៖ «អត្រាអ្នកស្លាប់ ៦៤ ភាគរយនៅអាយុចន្លោះពី ១៥ ទៅ ៣៩ ឆ្នាំ។ អ្នកស្លាប់ជាកសិករមានភាគរយច្រើនជាងគេគឺ ៤២ ភាគរយបន្ទាប់មកកម្មករ ១៩ ភាគរយ និងសិស្ស ១២ ភាគរយ»។
រដ្ឋមន្ត្រី ក្រសួងសាធារណការ និងដឹកជញ្ជូន និងជាអនុប្រធានអចិន្រៃ្តយ៍គណៈកម្មាធិការជាតិសុវត្ថិភាពចរាចរណ៍ ផ្លូវគោកលោក ត្រាំ អ៊ីវតឹក និយាយថាចំនួនអ្នកស្លាប់បន្ដកើនឡើងជារៀងរាល់ឆ្នាំហើយនៅឆ្នាំ ២០១៥ នេះតួលេខអាចនឹងកើនឡើងថែមទៀតដោយសារមានករណីគ្រោះថ្នាក់ស្លាប់ ជាក្រុមដូចជាការស្លាប់កម្មករនៅខេត្តស្វាយរៀង និងករណីក្រឡាប់ឡានខេត្តឧត្តរមានជ័យជាដើម។
លោកថា៖ «កត្តាផ្លូវថ្នល់កាន់តែវែងមនុស្សកាន់តែច្រើនហើយកត្តាយានយន្ត កាន់តែច្រើន ហានិភ័យនៃគ្រោះថ្នាក់ក៏កាន់តែខ្ពស់មនុស្សស្លាប់ក៏ច្រើនដែរ បើសិនយើងគ្មានវិធានការដើម្បីទប់ស្កាត់ទេ»។
ក៏ ប៉ុន្ដែលោកថ្លែងថារាជរដ្ឋាភិបាលបានរៀបចំនូវយុទ្ធសាស្ត្រគន្លឹះ រួមទាំងការសិក្សាស្វែងរកឫសគល់នៃប្រភពបង្កគ្រោះថ្នាក់ចរាចរណ៍ បង្កើតច្បាប់ថ្មីបទដ្ឋានពាក់ព័ន្ធ និងគោលនយោបាយជាតិការបំពាក់បរិក្ខារនានាតាមដងផ្លូវព្រមទាំង ដាក់ចេញនូវវិធានការនានាជាបន្តបន្ទាប់ដើម្បីទប់ស្កាត់ និងកាត់បន្ថយនូវគ្រោះថ្នាក់ និងចំនួនអ្នកស្លាប់ឲ្យបាន ៥០ ភាគរយនៅឆ្នាំ ២០២០។
លោក ហ៊ឹម យ៉ាន អគ្គស្នងការរងនគរបាលជាតិបានឲ្យដឹងថាគ្រោះថ្នាក់ភាគច្រើនកើតឡើង ដោយសារឥរិយាបថរបស់មនុស្សដូចជាការបើកបរហួសល្បឿនកំណត់ បើកបរក្រោមឥទ្ធិពលគ្រឿងស្រវឹង មិនគោរពស្លាកសញ្ញាជាដើម។
លោក ថា៖ «នៅរាជធានីភ្នំពេញដែលមានគ្រោះថ្នាក់ច្រើនជាងគេនេះគឺមួយចំនួន ធំជាអ្នកមកពីជនបទដែលគាត់មិនធ្លាប់ធ្វើចរាចរណ៍នៅកន្លែង មានមនុស្សច្រើនព្រោះគាត់ធ្វើដំណើរនៅស្រុកស្រែស្ងាត់គាត់ចេញ មិនបាច់មើលមុខមើលក្រោយគាត់ជិះម៉ូតូមិនមានភ្លើងស្តុប មិនស្គាល់ស្លាកសញ្ញាជាដើមអ៊ីចឹងត្រូវការពេលវេលាច្រើនទៀត ដើម្បីកែទម្លាប់នេះ»។
តំណាងអង្គការជនពិការអន្តរជាតិ លោក Gilles Nouzies បានថ្លែងថារាជរដ្ឋាភិបាលកម្ពុជាបានយកចិត្តទុកដាក់ខ្ពស់ក្នុងការ ទប់ស្កាត់គ្រោះថ្នាក់ចរាចរណ៍តែកំណើនអ្នកស្លាប់ក្នុងមួយថ្ងៃមាន យ៉ាងហោចណាស់ជាង ៦ នាក់ និងរបួស ១៧ នាក់នេះដែលជាកត្តាគួរឲ្យព្រួយបារម្ភមួយដែលទាមទារឲ្យយក ចិត្តទុកដាក់បន្ថែម។
តួលេខជាបឋមនៃគ្រោះថ្នាក់ ចរាចរណ៍ក្នុងរយៈពេល ៩ ខែឆ្នាំ ២០១៥ របស់ក្រសួងមហាផ្ទៃមានគ្រោះថ្នាក់ចរាចរណ៍ចំនួន ៣៥០៥ លើកក្នុងនោះមានអ្នកស្លាប់ ១៧៣៤ នាក់របួសធ្ងន់ ៣៣០៩ នាក់របួសស្រាល ២៣៦៤ នាក់ហើយគ្រោះថ្នាក់ធ្ងន់ធ្ងរដែលមានអ្នកស្លាប់ចាប់ពី ២ នាក់ឡើងទៅមាន ១១៧ លើក៕
1 comment:
សូមទិរទានបន្តិច អភិវ័័ឌ្ឍសំអាចម៏ជោ ហុ៊ន សែន មានលក្ខណៈជឿនលឿនជាគេនឺងសម្បូរណ៏បែប ស្របៀ, ស្រាងានសបេរង,ស្រាបៀអង្គរ,បើរាប់ប្រហែល១០យា៉ង ហើយកំ ពុងពេញនិយមសំរាប់យុវជន នឺងយុវចាស់ ហើយកំពុងប្រកួតប្រជែងគ្នា ផឺកច្រើនឈ្នះរង្វាន់ច្រើន ដូច្នេះមា្នក់ៗខំផឺកដើម្បីយករង្វាន់ តែខ្លះក៏បាន ឯខ្លះទៀតអកុសលក៏បានរង្វាន់ ម្ឈូសទៅវិញ សព្វផ្ងៃបងប្អូនគួរជៀសវាង បើជៀសមិនបានពេលស្រវឺងគួរកុំបើកបរ តែភាគច្រើនមិនអាច ព្រោះខ្ញំុស្គាល់អ្នកស្រវឺងច្បាស់ណាស់ ពេលស្រវឺងច្រើនអួតអាងផ្សំផង ខ្លះទៅជាឆ្កួតវង់វេង អ្វីដែលធ្វើមិនកើតចចេសនៅតែធ្វើ ។ បើនៅតែយា៉ងនេះយួនវានឺងស្រណុកដីយើងណាស់,ខ្លះត្រូវវាបំពុល,ខ្លះត្រូវវាយសំលាប់ជាបន្តរបន្ទាប់ ខ្លះត្រូវឡានបុក ខ្លះគ្រោះផ្នាក់ចរាចរជរៀងរាល់ផ្ងៃ សូមប្រើបញ្ញាមុននឺងផ្វើអ្វីមួយ អោយស្គាល់ខុសនឺងត្រូវទើបគេហៅផាមុនស្ស ។
Post a Comment