 |
| លោកនាយករដ្ឋមន្ត្រី ហ៊ុន សែន
ថ្លែងក្នុងពិធីសម្ពោធដាក់ឲ្យប្រើប្រាស់ស្ពានមិត្តភាពកម្ពុជា-ចិន
នាខេត្តស្ទឹងត្រែង នៅថ្ងៃទី១ ខែមេសា ឆ្នាំ២០១៥។
RFA/Brach Chev
|
ដោយ ប្រាជ្ញ ចេវ
2015-09-19 rfa
សង្គមស៊ីវិលដែលធ្វើការងារទាក់ទងនឹងព្រៃឈើ ស្នើឲ្យលោក ហ៊ុន សែន ទប់ស្កាត់បទល្មើសព្រៃឈើ ជាជាងការដាំដើមឈើឡើងវិញ។
ការលើកឡើងរបស់សង្គមស៊ីវិលបែបនេះ បន្ទាប់ពីលោក ហ៊ុន សែន នៅថ្ងៃទី១៩ ខែកញ្ញា ប្រាប់ឲ្យក្រសួងកសិកម្ម រុក្ខាប្រមាញ់ និងនេសាទ ដាំដើមឈើនៅក្នុងបរិវេណសាលាអន្តរជាតិមួយ ដែលមានចៅរបស់លោកកំពុងតែរៀន។
កង្វល់របស់កូនស្រីលោកនាយករដ្ឋមន្ត្រីដែលចង់ឲ្យបរិវេណសាលាឯកជនមួយមានដាំដើមឈើ ជំរុញឲ្យលោក ហ៊ុន សែន ប្រាប់ទៅមន្ត្រីក្រោមឱវាទយកដើមឈើទៅដាំនៅទីនោះ។ ប្រសាសន៍របស់លោក ហ៊ុន សែន នៅពេលនេះ ទទួលបានការស្វាគមន៍ពីអ្នកធ្វើការទាក់ទងព្រៃឈើ ប៉ុន្តែសង្គមស៊ីវិលចង់ឃើញថែមទៀតនូវបទបញ្ជាដែលមានប្រសិទ្ធភាពដើម្បីការពារព្រៃឈើ។
ប្រធានក្រុមកិច្ចការពិសេសសិទ្ធិមនុស្សកម្ពុជា លោក អ៊ូច ឡេង ស្នើឲ្យលោកនាយករដ្ឋមន្ត្រី ហាមឃាត់មិនឲ្យផ្ដល់អាជ្ញាប័ណ្ណក្នុងការកាប់ឈើបន្តទៀតទេ ព្រោះក្រុមហ៊ុនទាំងនោះជាអ្នកកាប់បំផ្លាញព្រៃឈើរបស់កម្ពុជា។ លោកបន្តថា ប្រសិនការអាជ្ញាប័ណ្ណកាប់ឈើនៅបន្ត ក្មេងជំនាន់ក្រោយនឹងលែងបានឃើញដើមឈើ៖ «»។
ថ្លែងក្នុងកម្មវិធីសម្ពោធដាក់ឱ្យដំណើរការជាផ្លូវការនូវសាលាអន្តរជាតិភ្នំពេញ (ISPP) នៅរាជធានីភ្នំពេញ លោកនាយករដ្ឋមន្ត្រី ហ៊ុន សែន ប្រាប់ឲ្យកូនស្រីរបស់លោកទៅទាក់ទងភាគីសាលា និងក្រសួងកសិកម្ម ដើម្បីបានដើមឈើដាំនៅបរិវេណសាលា។ ដំណាលគ្នានោះដែរ លោក ហ៊ុន សែន ប្រកាសថា សាលានេះគឺមានចៅរបស់លោកកំពុងរៀនច្រើននាក់នៅទីនោះ៖ «»។
ទាក់ទងរឿងព្រៃឈើនេះដែរ តួលេខសកលថ្មីដែលផ្អែកលើទិន្នន័យផ្កាយរណបរបស់សហរដ្ឋអាមេរិក បង្ហាញថា ប្រទេសកម្ពុជា បាត់បង់ព្រៃឈើលឿនជាងគេបំផុតនៅលើលោក ពីឆ្នាំ២០០១ ដល់ឆ្នាំ២១០៥។ កម្មវិធី Global Forest Watch របស់វិទ្យាស្ថានធនធានពិភពលោក បង្ហាញថា ប្រទេសកម្ពុជា បានបាត់បង់ព្រៃប្រមាណ ១,៤៤លានហិកតារ ចន្លោះពីឆ្នាំ២០០១ ដល់ឆ្នាំ២០១៣។
ចំណែកនាយកអង្គការវេទិកាមិនមែនរដ្ឋាភិបាល (NGO Forum) លោក តឹក វណ្ណរ៉ា មានប្រសាសន៍ថា ការដាំដើមឈើជាការរួមចំណែកមួយដើម្បីធ្វើឲ្យមានលំនឹងធម្មជាតិដល់ភពផែនដី។ ប៉ុន្តែសង្គមស៊ីវិលរូបនេះ ស្នើឲ្យមានការថែរក្សា និងប្រើប្រាស់ព្រៃឈើមានការចូលរួមយ៉ាងសកម្មពីរដ្ឋាភិបាល សហគមន៍ព្រៃឈើ៖ «»។
បន្ថែមពីនេះ លោក តឹក វណ្ណរ៉ា ស្នើឲ្យរដ្ឋាភិបាលផ្ដល់កញ្ចប់ថវិកាដើម្បីជំរុញពលរដ្ឋនៅក្នុងសហគមន៍ដែលជាអ្នកការពារព្រៃឈើមានធនធានគ្រប់គ្រាន់ក្នុងកិច្ចការពារ។ លោកថា សព្វថ្ងៃនេះ សកម្មភាពដាំដើមឈើមានតិចតួចណាស់ បើធៀបនឹងការកាប់បំផ្លាញ៕
1 comment:
Your regime collude with cronies and dear million years friends to destroyed atmost two third of our prestigious forest in Khmer land already,and now you came out shamelessly spread a national sentiment of good will by order of planting some new tree for the sake of a nation .It is a ridiculous and real insane leader Khmer ever see in history .Million of precious expensive tree fall every year by your companionship, but your order to plant a few tree back in Phnom Penh school is a real slap in the face of Khmer. These Khmer activist came up in group and requesting or demanding your government under your pinhead watch to help and protect these forest devatating almost every day, but your government ignore it and sometime punish by chase them away in some occasion kill score of their activists with inhumane injustice . It is a true nature of sycophant rude ruler of this century .
Post a Comment