Posted by DTN7 on August 1, 2015
កាលពីថ្ងៃទី៣១ ខែកក្កដា ឆ្នាំ២០១៥ម្សិលមិញ ដែលជាថ្ងៃសម្តេចអគ្គមហាសេនាបតីតេជោ ហ៊ុន សែន ហៅបុរសខ្លាំង និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាភរិយា និងជាប្រធានកាកបាទក្រហមកម្ពុជា អញ្ជើញនាំយកទេយ្យវត្ថុ និងទៀនវស្សាប្រគេនព្រះសង្ឃ តាជី ដូនជី នៅវត្តចំពុះក្អែក ឋិតក្នុងសង្កាត់ព្រែកថ្មី ខណ្ឌមានជ័យ រាជធានីភ្នំពេញ(អតីតខេត្តកណ្តាល) គឺក្បួនរថយន្តរបស់បុរសខ្លាំង និងភរិយា បានឈប់នៅលើស្ពាន ដើម្បីចុះថត Selfie ពីរនាក់ប្តី-ប្រពន្ធនៅលើស្ពាន ដែលការឈប់ ឬចតយានជំនិះនៅលើស្ពានក្នុងនាមជាថ្នាក់ដឹកនាំកំពូលនេះ បានរំលោភបំពានប្រព្រឹត្តផ្ទុយទៅនឹងច្បាប់ស្តីពីចរាចរណ៍ផ្លូវគោក ។
អនុលោមតាមមាត្រា២៣ ចំណុចទី៧ នៃច្បាប់ស្តីពីចរាចរណ៍ផ្លូវគោក ដែលប្រកាសឲ្យប្រើដោយព្រះរាជក្រមលេខនស/រកម/០១១៥/០០១ ចុះថ្ងៃទី០៩ ខែមករា ឆ្នាំ២០១៥ គឺដាក់បំរាមនូវការឈប់ ឬចតយានជំនិះនៅលើស្ពាន ។ ដូច្នេះ ក្បួនរថយន្តរបស់បុរសខ្លាំងដែលឈប់នៅលើស្ពាន បានបំពានច្បាប់ស្តីពីចរាចរណ៍ផ្លូវគោកយ៉ាងច្បាស់ក្រឡែត ។
នេះគឺជាព័ស្តុតាងមួយក្នុងចំណោមព័ស្តុតាងជាច្រើនទៀត ដែលបង្ហាញពីការមិនគោរពច្បាប់ស្តីពីចរាចរណ៍ផ្លូវគោក បង្កដោយថ្នាក់ដឹកនាំកំពូលនៃព្រះរាជាណាចក្រកម្ពុជា ៕
No comments:
Post a Comment