A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 20 January 2015

A European family overcame a jungle life in the middle of the mountain to preserve wildlife and forests in Cambodia [video inside] គ្រួសារ​ជនជាតិ​បរទេស​ជម្នះ​រស់នៅ​កណ្តាល​ព្រៃភ្នំ​ដើម្បី​អភិរក្ស​សត្វព្រៃ​និង​ព្រៃឈើ

សត្វឈ្លូស​បាន​រត់​មក​រក​លោក Ben នៅ​ខណៈ​ដែល​លោក​បាន​និង​កំពុង​អង្គុយ​ផ្តល់​បទសម្ភាស។
សត្វឈ្លូស​បាន​រត់​មក​រក​លោក Ben នៅ​ខណៈ​ដែល​លោក​បាន​និង​កំពុង​អង្គុយ​ផ្តល់​បទសម្ភាស។ ហេង ជីវ័ន
ព្រះវិហារៈ Ben និង Sharyn Davis បាន​ផ្លាស់ទី​លំនៅ​មក​នៅ​ភ្នំត្នោត កាលពី​ប្រាំ​បួន​ខែ​កន្លងមក​ហើយ ដោយ​សង្ឃឹម​ថា​នឹង​ចាប់ផ្តើម​គម្រោង ទេសចរណ៍​ធម្មជាតិ​ដ៏ធំ​។ ក៏​ប៉ុន្តែ បេសកកម្ម​របស់​ពួកគេ​ដែល​មនុស្ស​ពីរ​នាក់​ចូលរួម​បាន​ប្រែ​ក្លាយ​ទៅ​ជា​ការ​ប្រឈម​តទល់​នឹង​អ្នកប្រមាញ់ និង​អ្នកកាប់ឈើ។
Ben និង Sharyn Davis រស់នៅ​ក្នុង​ផ្ទះ​ឈើ​ដែល​មាន​បន្ទប់​គេង​ចំនួន​ពីរ នៅ​ចំ​កណ្តាល​ព្រៃភ្នំ​ត្នោត ក្នុង​ខេត្ត​ព្រះវិហារ។ ទីកន្លែង​នោះ​គឺ​ស្ថិត​នៅ​ដាច់​ពី​គ្នា​ទាំង​ស្រុង គឺ​ភូមិ​ដែល​នៅ​ជិត​បំផុត គឺ​ត្រូវ​បើក​រថយន្ត​រយៈពេល ២ ម៉ោង តាម​ភូមិសាស្រ្ត​ពិបាក ប៉ុន្តែ​គ្រួសារ​ថ្មី​នេះ​មាន​សត្វ​ជាច្រើន​ជុំវិញ​ពួកគេ។
នៅ​ក្រៅផ្ទះ មាន​ពស់ថ្លាន់​ធំ​មួយ ដែល​កំពុង​អាស្រ័យ​បណ្តោះអាសន្ន ក្នុង​ទ្រុង​ដែល​ផលិត​ឡើង​ដោយ​ដៃ។ សត្វ​ទោច​អាយុ​បី​ឆ្នាំ មួយ​ឈ្មោះ ម៉ូលី បាន​ហក់​នៅ​ចុងឈើ ហើយ​មក​ស្វាគមន៍​ភ្ញៀវ​នៅ​មាត់ទ្វារ​។ សត្វញី​នេះ​រមៀល​លេង​ជាមួយ​នឹង​ឆ្កែ​ពីរ​ក្បាល​របស់​គ្រួសារ ឆែកឆេរ​ទូចាន ហើយ​ដេក​លើ​គ្រែ។ ក្ងោកព្រៃ និង​សត្វស្វា បាន​មក​ម្តុំ​ផ្ទះ​គ្រួសារ​នេះ​ជា​ប្រចាំ។
រយៈពេល​ប្រាំបួន​ខែ​កន្លងមក​នេះ គ្រួសារ Davis បាន​បង្កើត​ជីវិត​មួយ​នៅ​ទី​នេះ នៅ​ចំកណ្តាល​ដីព្រៃ​ទំហំ ៦០០០ ហិកតា​ដែល​ជា​ផ្នែក​មួយ​នៃ​កិច្ចខិតខំប្រឹងប្រែង​របស់​ពួកគេ​ទាំង​ពីរ​នាក់ ដើម្បី​ប្រយុទ្ធប្រឆាំង​នឹង​ការ​កាប់បំផ្លាញ​ព្រៃឈើ​។ នេះ​គឺជា​បេសកកម្ម​ដែល​បាន​ធ្វើឲ្យ​ពួកគេ​ប្រឈម​នឹង​អ្នក​កាប់ឈើ និង​អ្នក​ប្រមាញ់​។
កូនស្រី​លោក Ben កំពុង​ធ្វើ​មេរៀន​បើ​ទោះបី​ជា​នៅ​កណ្តាលព្រៃ​។
កូនស្រី​លោក Ben កំពុង​ធ្វើ​មេរៀន​បើ​ទោះបី​ជា​នៅ​កណ្តាលព្រៃ​។ ហេង ជីវ័ន
ដោយ​និយាយ​ពី​ផ្ទះ​របស់​ខ្លួន កាលពី​ដើម​សប្តាហ៍​នេះ លោកស្រី Sharyn ជនជាតិ​អូស្រ្តាលី​អាយុ ៤១ ឆ្នាំ បាន​ឲ្យ​ដឹងថា​៖ «ខ្ញុំ​បាន​ឮ​សំឡេង​ពូថៅ​ពេល​ខ្ញុំ​គេង កាលពី​យប់​ម្សិលមិញ»។ ខណៈ​ដែល​លោកស្រី​កំពុង​និយាយ លោកស្រី​បាន​យក​ដៃ​បបោស​អង្អែល​សត្វទោច​ដែល​តោង​ក​របស់​លោកស្រី និង​កំពុង​ទាញ​សក់​លោកស្រី។
លោកស្រី​បាន​បន្ថែម​ថា៖ «ការ​កាប់​ឈើ​គឺ​ពិតជា​ក្តីបារម្ភ​ដ៏ធំ​បំផុត​នៅ​ទី​នេះ។ សល់​ដើមឈើ​មាន​តម្លៃ​មិន​ច្រើន​ទេ ប៉ុន្តែ​អ្នកកាប់ឈើ​នៅ​តែ​មក​ទី​នេះ»។
អ្នក​ទាំង​ពីរ​នេះ ដែល​បាន​មក​ដល់​កម្ពុជា​ក្នុង​ទស្សវត្សរ៍​ទី ​៩០ បាន​កំពុង​តែ​ខិតខំ​បំពេញ​នីតិវិធី​នៃ​ការិយាធិបតេយ្យ ចាប់​តាំងពី​ឆ្នាំ ២០១១ មក ដើម្បី​ឲ្យ​មាន​ការ​ទទួល​ស្គាល់​ឈ្មោះ ភ្នំត្នោត ជា​ផ្លូវការ​ជា​ព្រៃ​សហគមន៍ ដោយ​សង្ឃឹម​ថា​ការ​ទទួល​ស្គាល់​នឹង​បង្ក​ការ​លំបាក​ដល់​ក្រុមហ៊ុន​ក្នុង​ការ​ដកហូត​ដី​នេះ។ ពាក្យ​ស្នើសុំ​នោះ​ត្រូវ អនុម័ត​នៅ​ថ្នាក់​ខេត្ត​រួច​ហើយ ប៉ុន្តែ​នៅ​រង់ចាំ​ហត្ថលេខា​ពី​ក្រសួង​កសិកម្ម។
លោក ធន់ សារ៉ាត អ្នក​នាំពាក្យ​ក្រសួង បាន​ថ្លែង​ថា លោក​មិន​ច្បាស់​អំពី​របៀប​ពិនិត្យ​ពាក្យ​សុំ​ទេ។ ប៉ុន្តែ​គាត់​បាន​និយាយ​ថា​សេចក្តី​សម្រេច​មួយ​នឹង​ធ្វើ​ឡើង ផ្អែកលើ «ទំហំ​នៃ​តំបន់​នេះ និង​របៀប​ដែល​មនុស្ស​ប្រើ​វា​»។
នៅពេល​មាន​ការ​អនុម័ត ប្តី​ប្រពន្ធ​នេះ​សង្ឃឹម​នឹង​បង្កើត​តំបន់​ទេសចរណ៍​ធម្មជាតិ​មួយ ដែល​គ្រប់គ្រង​ដោយ​អ្នកស្រុក​ដែល​ទទួល​បាន​ប្រាក់ឈ្នួល​។ ពួកគេ​បាន​ចាប់ផ្តើម​កសាង​ពី​ចំណុច​សូន្យ​រួច​ហើយ ដោយ​ប្រើប្រាស់​លុយកាក់​ផ្ទាល់​ខ្លួន​។
ខុស​ឬ​ប្រយុទ្ធ​ប្រឆាំង​នឹង​ការ​កាប់ឈើ តាមរយៈ​ទេសចរណ៍​ធម្មជាតិ?

តាម​វិធី​ដែល​គ្រួសារ​Davis មើល​ឃើញ​គឺ​ទេសចរណ៍​ធម្មជាតិ អាច​សង្គ្រោះ​ព្រៃឈើ​នេះ​បាន​។ ផែនការ​របស់​ពួកគេ​ចំពោះ​តំបន់​នេះ​រួម​បញ្ចូល ខ្សែយោល អាង​ហែលទឹក​មួយ ផ្ទះលើ​ដើមឈើ និង​ផ្លូវ​ធម្មជាតិ។ ពួកគេ​សង្ឃឹម​ទាក់ទាញ​ទាំង​ភ្ញៀវទេសចរ​បរទេស និង​អ្នក​មើល​សត្វ​បក្សី​កម្សាន្ត​។
វា​ពិតជា​កន្លែង​ទាក់ទាញ​មួយ ដែល​ស្ថិត​នៅ ចំ​កណ្តាល​ព្រៃ​ធំ មាន​ដើមឈើ សត្វបក្សី ហើយ​គេ​អាច​ឮ​សំឡេង​សត្វ​ស្វា​ពី​ចម្ងាយ។
ជីវិត​ក្នុង​ព្រៃ​គឺជា​ជីវិត​កែប្រែ​មួយ។ គ្រួសារ​នេះ​រស់នៅ ដោយ​ប្រើ​ទឹកធម្មជាតិ និង​បន្លែ​ពី​សួនចម្ការ​ធំ​មួយ ដែល​ពួកគេ​ថែទាំ​។ ពួកគេ​បាន​សាងសង់​ផ្ទះ​ដែល​មាន​បន្ទប់​គេង​ចំនួន​ពីរ​ផ្ទាល់​ខ្លួន ដោយ​ប្រើប្រាស់​ឈើ​ដែល​ដួលរលំ​តាម​ធម្មជាតិ។
កូនស្រី​ពីរ​នាក់​របស់​ពួកគេ​គឺ​ឈ្មោះ Jarrah អាយុ ៦ ឆ្នាំ និង Amelie អាយុ ១០ ឆ្នាំ ទទួល​បាន​ការ​អប់រំ​នៅ​ផ្ទះ។ លោក Ben អាយុ ៤៨ ឆ្នាំ មកពី​រដ្ឋ Oregon សហរដ្ឋអាមេរិក បាន​ឲ្យ​ដឹង​ថា​៖ «​សូម​ជឿ​ខ្ញុំ​ចុះ ជីវិត​នេះ​មាន​បញ្ហា​ប្រឈម​របស់​វា ហើយ​នៅពេល​ដែល​អ្នក​មាន​អារម្មណ៍​ឯកោ​បំផុត ប៉ុន្តែ យើង​បាន​រស់រាន​មាន​ជីវិត​រហូត​មក​ដល់​ពេល​នេះ»។
Content image - Phnom Penh Post
ប៉ុន្តែ លោក​បាន​ពន្យល់​ថា ការ​លះបង់​គឺ​មាន​តម្លៃ។ លោក Ben បាន​ថ្លែង​ថា៖ «​អ្នក​ត្រូវ​នៅ​ទីកន្លែង​គ្រប់​ពេល​ទាំងអស់​ប្រសិន​បើ​អ្នកពិត​ជា​ចង់​ឱ្យ​វា​កើតឡើង​មែន​នោះ បើ​មិន​ដូច្នេះ​ទេ​វា​គឺជា​ភាព​ស្មុគស្មាញ ដោយសារ​កងកម្លាំង​ខាង​ក្រៅ​ជាច្រើន​ប្រឆាំង​នឹង​អ្នក។ ខ្ញុំ​គ្រាន់តែ​ព្យាយាម​ស្នើសុំ​ព្រៃ​សហគមន៍​យ៉ាង​ហោច​ណាស់​ឲ្យ​បាន​មួយ​ដោយ ជោគជ័យ​ប្រសិនបើ​អាច​ធ្វើ​ទៅ​បាន គឺ​ខ្ញុំ​មិន​ចង់​ត្រូវ​គេ​វាយ​នោះ​ទេ»។
លោក Ben បាន​ជ្រើស​យក​តំបន់​នេះ បន្ទាប់ពី​បាន​វាស់ស្ទង់​ព្រៃឈើ​ច្រើន​កន្លែង​នៅ​ភាគ​ខាង​ត្បូង​ខេត្ត​ព្រះវិហារ ដើម្បី​ស្វែងរក​កន្លែង​ប្រមូលផ្តុំ​សត្វព្រៃ​ច្រើន​បំផុត​។ ប៉ុន្តែ ខណៈពេល​ដែល​តំបន់​នៅ​តែ​ជា​តំបន់​ប្រព័ន្ធ​អេកូ​ដែល​កំពុង​លូតលាស់ តំបន់​នេះ​បាន​រង​ការ​បំផ្លាញ​កាលពី​ឆ្នាំ​មុន នៅពេល​ដែល​អ្នក​កាប់ឈើ​ដែល​ធ្វើការ​ឱ្យ​លោក​ឧកញ៉ា ទ្រី ភាព បាន​មក​យក​ឈើ​មាន​តម្លៃ​បំផុត​ក្នុង​ព្រៃ​នេះ ដែល​បណ្តាល​ឱ្យ​«មាន​ការ​ខូចខាត​តាម​កន្លែង» ក្នុង​ព្រៃ​ទាំងមូល​។
លោកស្រី Sharyn បាន​ឲ្យ​ដឹង​ថា៖ «​គ្រប់​គ្នា​ច្រើន​គួរសម [ក្នុង​សហគមន៍​មូលដ្ឋាន​] បាន​ពាក់ព័ន្ធ​នឹង [ការ​កាប់ឈើ] តាម​របៀប​មួយ ឬ​របៀប​មួយ​ផ្សេង​ទៀត»។
ប៉ុន្តែ​ខណៈ​ពេល​ដែល​លោក ភាព បាន​ផ្លាស់ទីតាំង និង​មាន​តែ​ដើមឈើ​ប្រណីត​តិចតួច​នៅ​សល់ អ្នក​កាប់ឈើ និង​អ្នកប្រមាញ់​បាន​បន្ត​ទាញ​យក​អ្វី​ដែល​នៅ​សល់​ក្នុង​ព្រៃ។ លោក Ben បាន​ថ្លែង​ថា៖ «គ្មាន​នរណា​ម្នាក់​គិត​ពី​អនាគត​»។
លោក ហ៊ូ កល្យាណ ប្រធាន​ប្រចាំ​ប្រទេស​នៃ​អង្គការ​អន្តរជាតិ មជ្ឈមណ្ឌល​ដើម្បី​ប្រជាជន និង​ព្រៃឈើ បាន​ឲ្យ​ដឹង​ថា ក្នុង​ឆ្នាំ ២០១៣ ការ​កាប់ឈើ និង​ប្រមាញ់​ខុស​ច្បាប់ បាន​បំផ្លាញ​តំបន់​នេះ​។ លោក​បន្ត​ថា៖ «​មាន​សកម្មភាព កាប់ឈើ​និង​បរបាញ់​សត្វ ខុស​ច្បាប់​ជាច្រើន​កើតឡើង​នៅក្នុង​តំបន់​នេះ កាលពី​ឆ្នាំ ២០១៣ ដោយ​យោធា​និង​ប្រជាពលរដ្ឋ ពី​ខេត្ត​សៀមរាប​និង​ខេត្ត​កំពង់ធំ​ដែល​រួមបញ្ចូល​ប្រជាពលរដ្ឋ​មូលដ្ឋាន​ផង​ដែរ»។
លោក​បន្ត​ថា៖ «លើស​ពី​នេះ​ទៀត ការ​រំលោភ​ដីធ្លី​ពី​សំណាក់​ប្រជាជន​ក្នុង​តំបន់ ដើម្បី ដីកសិកម្ម ក៏​បាន​បណ្តាល​ឱ្យ​មាន​ការ​បំផ្លាញ​ធនធាន​ព្រៃឈើ និង​សត្វព្រៃ​នៅក្នុង​តំបន់​នេះ​ផង​ដែរ​»។
យោងតាម​លោកស្រី Sharyn បាន​ឲ្យ​ដឹង​ថា ក្រៅពី​អ្នកភូមិ​ក្នុង​ស្រុក​ក៏​ក្រុម​អ្នក​កាប់ឈើ​ធំៗ បាន​ធ្វើ​ដំណើរ​ទៅ​មក​រយៈពេល​ពីរ​សប្តាហ៍​ចូល​ទៅក្នុង​ព្រៃ តាម​រទេះ​គោ គឺ​ពី​ភូមិ​នានា នៅ​ខេត្ត​សៀមរាប។ ពួកគេ​រង់ចាំ​រហូត​ដល់​យប់ ដើម្បី​កាប់ឈើ។
ក្នុង​កិច្ច​ខិតខំប្រឹងប្រែង​ទប់ស្កាត់​អ្នកកាប់ឈើ ប្តីប្រពន្ធ​នេះ​បង់​ប្រាក់​ឲ្យ​អ្នកភូមិ​មួយ​ក្រុម ដើម្បី​ដើរល្បាត​ព្រៃ។ ក្រៅពី​ប្រាក់​ប្រចាំ​ថ្ងៃ ពួកគេ​បាន​បង់​ប្រាក់ $ ៧០ ដល់​ក្រុម​អ្នកភូមិ នៅពេល​ដែល​អ្នកភូមិ​រឹបអូស​បាន​រណារអារឈើ​។ កាលពី​សប្តាហ៍​មុន អ្នក​ដើរល្បាត​រក​បាន​រណារអារឈើ​ចំនួន​បួន។
អ្នក​ទាំង​ពីរ​បាន​បញ្ជាក់​ថា វត្តមាន​របស់​ពួកគេ ក្នុង​ព្រៃ​បាន​ទប់ស្កាត់ អ្នក​កាប់ឈើ ក្នុង​តំបន់​ជាប់​នោះ ប៉ុន្តែ​ពួកគេ ឬ​អ្នក​ដើរល្បាត មិន​អាច​ទៅ​ការពារ​ដីព្រៃ​ទាំង​មូល​បាន​ឡើយ​។
លោក Ben បាន​លើក​ឡើង​ថា៖ «សត្វព្រៃ​គឺ​កាន់តែ​ពិបាក​ការពារ​ជាង​ដើមឈើ​ទៅ​ទៀត​»។
Content image - Phnom Penh Post
ព្រៃភ្នំ​ត្នោត មាន​សត្វកម្រ និង​ជិត​ផុតពូជ​ជាច្រើន​ប្រភេទ ដែល​រួមបញ្ចូល​ទាំង​សត្វ​ទា​ឈើ​ស្លាប​ពណ៌ស ក្ដាន់ សំបារ និង​គោព្រៃ​។
លោក Chris Shepherd នាយក​ប្រចាំ​តំបន់​អាស៊ីអាគ្នេយ៍​នៃ​អង្គការ TRAFFIC ដែល​ជា​អង្គការ​ឃ្លាំមើល​ពាណិជ្ជកម្ម​សត្វព្រៃ​ថ្លែង​ថា ការ​ការពារ​សត្វ​ទាំងនេះ​គឺ​មាន​សារៈសំខាន់​ណាស់​។
ដោយសារ​តែ​ការ​បរបាញ់ និង​ការ​បំផ្លាញ​ទីជម្រក​របស់​ពួកវា ហើយ​រាល់​ការ​ខិតខំប្រឹងប្រែង​ទាំងឡាយ​គួរ​អនុវត្ត ដើម្បី​ការពារ និង​អភិរក្ស​តំបន់​ដែល​រកឃើញ​សត្វ​ទាំងនេះ។ ប៉ុន្តែ​នេះ​មិនមែន​ជា​ការងារ​ងាយស្រួល​ទេ»។
អ្នក​ដើរល្បាត​បាន​ប្រមូល​អន្ទាក់​ជា​ប្រចាំ ដែល​ប្តីប្រពន្ធ​ទាំង​ពីរ​បាន​បញ្ជាក់​ថា ត្រូវ​បាន​ដាក់​ពង្រាយ គ្រប់​កន្លែង ដើម្បី​ប្រថុយ ចាប់​សត្វព្រៃ​ដ៏កម្រ និង​ជិត​ផុតពូជ។
លោក Ben បាន​ថ្លែង​ថា៖ «អ្នកភូមិ​មាន​វប្បធម៌​បរបាញ់ ដរាប​ណា​នៅ​មាន​សត្វ​បរបាញ់ ពួកគេ​នឹង​បរបាញ់​វា​រហូត​ទាល់តែ​អស់»។
ប៉ុន្ដែ លោក​នៅ​តែ​បន្ត​សង្ឃឹម​មើល​ឃើញ​សត្វព្រៃ​កម្រ​ច្រើន​ថែម​ទៀត​។
លោក​បាន​ពន្យល់​ថា៖ «នៅពេល​ដែល​ពួកគេ​ឃើញ​ថា ពួកគេ​មិន​ត្រូវ​បាន​បរបាញ់ សត្វ​ទាំងនោះ​នឹង​ផ្សាំង​ដោយ​ស្វ័យប្រវត្តិ។ ប្រសិន​បើ​អ្នក​អាច​បញ្ឈប់​ការ​បរបាញ់ មិន​យូរ​ទេ ពួកវា​នឹង​ឈប់​រត់ នៅពេល​ឃើញ​អ្នក​»។
កិច្ចខិតខំប្រឹងប្រែង​របស់​ប្តីប្រពន្ធ​ទទួល​បាន​អ្នកគាំទ្រ​ពី​ក្នុង​ចំណោម សហគមន៍​មូលដ្ឋាន​។
អ្នកភូមិ​ម្នាក់ ឈ្មោះ ឈាង វុទ្ធី បាន​ឱ្យ​ដឹង​ថា គាត់​មាន «មោទនភាព» ចំពោះ​ការងារ​របស់​ពួកគេ​។ លោក Ben គឺជា​ជនបរទេស ប៉ុន្តែ​គាត់​ស្រឡាញ់​ព្រៃឈើ និង​សត្វព្រៃ​កម្ពុជា​។ បើ​គ្មាន​គាត់ សត្វព្រៃ​ទាំងអស់​នឹង​ត្រូវ​បាត់បង់​»។ ប៉ុន្តែ​ខណៈ​ពេល​ដែល​អ្នកភូមិ​ភាគច្រើន​ទទួល​យក​ផែនការ​នេះ អ្នកភូមិ​មួយ​ចំនួន​ទៀត មិន​សូវ​ជា​សប្បាយចិត្ត។
លោកស្រី Sharyn ថ្លែង​ថា៖​«ប្រជាជន ដែល​យើង​កំពុង​ប៉ះពាល់ ដូចជា​មនុស្ស​ដែល​កំពុង​កាប់ឈើ យ៉ាង​សកម្ម និង​អ្នក​ដែល​បរបាញ់​ទៀងទាត់ គឺ​យើង​បាន​ប្រមូល​អន្ទាក់​ជាច្រើន ហើយ​ពួកគេ​មិន​សប្បាយ​ចិត្ត​ទេ»។
ទោះបី​ជា​មាន​ការ​ប្រឆាំង​ខ្លះៗ​ក៏ដោយ ក៏​ប៉ុន្តែ គ្រួសារ​នេះ​នៅ​តែ​មាន​ទំនុកចិត្ត​ថា​គោលគំនិត​របស់​ពួកគេ​សម្រាប់​តំបន់​អេកូទេសចរណ៍​មួយ​ដែល​គ្រប់គ្រង​ដោយ​សមាជិក​សហគមន៍ អាច​ជា​គន្លឹះ​ក្នុង​ការ​ដោះស្រាយ​សកម្មភាព​ខុសច្បាប់​នេះ​។
លោក Ben បាន​បញ្ជាក់​ថា អ្នក​ប្រមាញ់ និង​អ្នក​កាប់ឈើ​ត្រូវការ​មធ្យោបាយ​ផ្សេង ដើម្បី​រក​ប្រាក់ចំណូល គ្មាន​នរណា​ម្នាក់​ឈប់​បរបាញ់ ដោយសារ​តែ​សិក្ខាសាលា ឬ ផ្ទាំង​ប៉ាណូ​ទេ ហើយ​គ្មាន​នរណា​ម្នាក់​ឈប់​កាប់ឈើ​ទេ​។
លោក Alex Gonzalez-Davidson សហស្ថាបនិក​នៃ​អង្គការ​មិនមែន​រដ្ឋាភិបាល​ក្នុង​ស្រុក ដែល​ហៅថា Mother Nature បាន​ថ្លែង​ថា លោក​បាន​ពិចារណា​ពី​វិធីសាស្រ្ត​ស្រដៀង​គ្នា​នេះ​នៅ​ជ្រលង​អារ៉ែង​នៅក្នុង​កិច្ចខំប្រឹងប្រែង​ដើម្បី រារាំង​ការ​សាងសង់​ទំនប់​វារីអគ្គិសនី​មួយ​ដែល​គេ​រំពឹង​ថា នឹង​បំផ្លាញ​បរិស្ថាន​ក្នុង​តំបន់​។ ប៉ុន្តែ​គាត់​បាន​លើក​ឡើង​ថា​មាន«​ឧបសគ្គ​ច្រើន​ណាស់​»។
លោក​បន្ត​ថា៖​«​ចំពោះ​ប្រជាជន​ក្នុង​សហគមន៍​ទាំងនេះ ជា​ការពិបាក​ក្នុង​ការ​ពន្យល់​អំពី​ការ​រក​ប្រាក់​បាន​៧​ដុល្លារ​ក្នុង​មួយ​ថ្ងៃ ដោយ​ធ្វើ​ជា​មគ្គុទ្ទេសទេសចរណ៍ នៅពេល​ដែល​ពួកគេ​អាច រក​ប្រាក់ចំណូល​បាន​ច្រើន​ជាង​នេះ​ទៅ​ទៀត​ពី​ការ​កាប់ឈើ»។
លោក​បាន​បន្ត​ថា អាជ្ញាធរ​មិន​ស្វាគមន៍​វិធីសាស្រ្ត​នេះ​ដែរ ដោយសារ​តែ​«វា​មិន​រក​បាន​ប្រាក់ចំណេញ​»។
យោងតាម Gonzalez-Davidson បាន​ឲ្យ​ដឹង​ថា គម្រោង​ចុះ​ទៅ​កន្លែង​ទាក់ទាញ​ភ្ញៀវទេសចរ​នៅ​ជ្រលង​អារ៉ែង​នេះ​ត្រូវ​បាន​រារាំង​ដោយ​មន្ត្រី​។ លោក​បន្ថែម​ថា៖ «រដ្ឋាភិបាល​កំពុង​ការពារ​ផលប្រយោជន៍​របស់​ជនល្មើស.នៅពេល​ដែល​អ្នក​មិន​មាន​រដ្ឋបាល​ព្រៃឈើ​ដែល​ធ្វើ​ការងារ​នោះ អ្នក​កំពុង​ខ្វះ​ធាតុផ្សំ​សំខាន់​មួយ​»។
យ៉ាងណា​ក៏ដោយ អេកូទេសចរណ៍​នេះ​គឺជា​«​ជម្រើស​មួយ​ដែល​អាច​សម្រេច​បាន ក្នុង​ចំណោម​ជម្រើស​មួយ​ចំនួន​ផ្សេង​ទៀត​»។
លោក​បាន​បន្ថែម​ទៀត​ថា វា​ជា​ការ​សំខាន់​ដែល​ប្រជាពលរដ្ឋ​កំពុង​«ដាំ​គ្រាប់ពូជ ដើម្បី​អនាគត នៅពេល​ដែល​មាន​រដ្ឋាភិបាល​ពិតប្រាកដ ដែល​ចក្ខុវិស័យ​នេះ គឺ​អាច​សម្រេច​ទៅ​បាន​។
គ្រួសារ Davis ឯកភាព​ថា បើ​គ្មាន​កិច្ចខិតខំ​ប្រឹងប្រែង​នា​បច្ចុប្បន្ន​នេះ ដើម្បី​ការពារ​ធនធាន​ធម្មជាតិ​ដ៏សម្បូរបែប​របស់​កម្ពុជា​ទេ​នោះ នៅ​ថ្ងៃ​អនាគត អាច​គ្មាន​អ្វី​សល់​ទេ​។
លោក Ben បាន​លើក​ឡើង​ថា ស្ទើរតែ​គ្មាន​ធនធាន​សល់​ទៅ​ហើយ ដូច្នេះ​ពេល​អនាគត ដើម្បី​បន្ត​ផ្គត់ផ្គង់​តម្រូវការ​ក្នុង​ស្រុក នឹង​ត្រូវ​ប្រើ​អ្វី​ដែល​នៅ​សល់ ខ្ញុំ​ពិតជា​ព្រួយបារម្ភ​អំពី​បញ្ហា​នោះ»៕ TK

2 comments:

Anonymous said...

Welcome to Cambodia,we love you all.

Huge hug from me to your family especially your girl.

I would like to say thank you for looking after the mother nature. We need people like you.

It's your planet, it your right.

True Khmer

Anonymous said...

Its sad to see that happening to the forest with nobody care about it except Ben Davis.