1. អាហារូបករណ៍ទៅប្រទេសបារាំង ផ្នែកអនុបណ្ឌិត
ថ្ងៃផុតកំណត់៖ ២ ខែកុម្ភៈ ឆ្នាំ២០១៥
អាហារូបករណ៍នេះសម្រាប់និស្សិតដែលមានបំណង ទៅបន្តអនុបណ្ឌិតនៅប្រទេសបារាំងដែលត្រូវបានផ្តល់ពីសាលា ENS de Lyon។ មុខជំនាញដែលត្រូវសិក្សាមានក្នុងដេប៉ាតឺម៉ង់វិទ្យាសាស្ត្រពិត សិល្បៈ សង្គមសាស្ត្រ និងមនុស្សសាស្ត្រ ដែលមានមុខវិជ្ជាមួយចំនួនត្រូវសិក្សាជាភាសាបារាំង។ និស្សិតនឹងត្រូវទទួលបានប្រាក់ឧបត្តម្ភចំនួន ១០០០ អឺរ៉ូក្នុងមួយខែ ដែលមានរយៈពេលមួយឆ្នាំពេញ។ បេក្ខជនដែលមានចំណាប់អារម្មណ៍ ត្រូវមានអាយុច្រើនបំផុតត្រឹម ២៦ឆ្នាំគិតត្រឹមថ្ងៃផុតកំណត់ទទួលពាក្យ។ សម្រាប់ព័ត៌មានបន្ថែម សូមចូលទៅកាន់៖ http://www.ens-lyon.eu/international/scholarships-for-international-stud...? RH=ENS-LYON-ANG-STUDYIN
2. អាហារូបករណ៍ នៅប្រទេសស៊ុយអែត
ថ្ងៃផុតកំណត់៖ ១៥ ខែមីនា ឆ្នាំ២០១៥
សាកលវិទ្យាល័យ Umea បានផ្តល់អាហារូបករណ៍ដល់សិស្សនិស្សិតទៅសិក្សាក្នុងប្រទេសស៊ុយអែតសម្រាប់ឆ្នាំសិក្សា ២០១៥-២០១៦។ អាហារូបករណ៍នេះគឺសម្រាប់សិស្ស ដែលមានសមត្ថភាពខ្ពស់លើកលែងតែបេក្ខជនក្នុង សហភាពអឺរ៉ុប ឬតំបន់សេដ្ឋកិច្ចអឺរ៉ុប(EU/EEA)។ អាហារូបករណ៍នេះគឺសម្រាប់និស្សិតដែលមានបំណងចង់បន្តថ្នាក់អនុបណ្ឌិតនៅសាកលវិទ្យាល័យ Umea និងជានិស្សិតកម្រិតសិក្សាល្អ។ ព័ត៌មានបន្ថែម សូមចូលទៅកាន់៖http://www.umu.se/english/education/tuition/scholarships/
3. អាហារូបករណ៍ ទៅសិក្សានៅចក្រភពអង់គ្លេស
ថ្ងៃផុតកំណត់៖ ០១ ខែមេសា ឆ្នាំ២០១៥
សាកលវិទ្យាល័យ Edinburgh នឹងផ្តល់អាហារូបករណ៍ចំនួន៣០កន្លែងសម្រាប់និស្សិតដែលមានបំណងចង់បន្តថ្នាក់អនុបណ្ឌិត ក្នុងសាកលវិទ្យាល័យក្នុងឆ្នាំសិក្សា ២០១៥ -២០១៧។
ព័ត៌មានបន្ថែម សូមចូលទៅកាន់៖ http://www.ed.ac.uk/schools-departments/student-funding/postgraduate/int...
4. អាហារូបករណ៍ នៅប្រទេសស្វ៊ីស
ថ្ងៃផុតកំណត់៖ ១៥ ខែមីនា ឆ្នាំ២០១៥
មហាវិទ្យាល័យវិទ្យាសាស្ត្រនៃសាកលវិទ្យាល័យGeneva បានសហការជាមួយអ្នកឧបត្ថម្ភផ្សេងៗទៀតបង្កើតអាហារូបករណ៍សម្រាប់លើកទឹកចិត្តនិស្សិតដែលមានបំណងបន្តការសិក្សាផ្នែកអនុបណ្ឌិត។ មុខវិជ្ជាសិក្សាមានដូចជា៖ ថ្នាក់អនុបណ្ឌិតខាងវិទ្យាសាស្ត្រ ជីវសាស្ត្រគីមីវិទ្យា ផែនដីវិទ្យា វិទ្យាសាស្ត្របរិស្ថាន វិទ្យាសាស្ត្រកុំព្យូទ័រ គណិតវិទ្យា ឱសថសាស្ត្រ និងរូបវិទ្យា។ បេក្ខជននឹងទទួលបានប្រាក់ឧបត្ថម្ភ ប្រហែល ពី ១០០០០ CHF ទៅ១៥០០០ CHF ក្នុងមួយឆ្នាំ។
ព័ត៌មានបន្ថែម សូមចូលទៅកាន់៖http://www.unige.ch/sciences/Enseignements/Formations/Masters/Excellence...
5. អាហារូបករណ៍ ទៅសិក្សានៅប្រទេសបែលហ្សិក
ថ្ងៃផុតកំណត់៖ ៣១ ខែមករា ឆ្នាំ២០១៥
អាហារូបករណ៍នេះគឺសម្រាប់និស្សិត ដែលមានចំណាប់អារម្មណ៍ទៅសិក្សានៅប្រទេសបែលហ្សិក ថ្នាក់អនុបណ្ឌិតក្នុងមហាវិទ្យាល័យវិទ្យាសាស្ត្រនៃសាកលវិទ្យាល័យ KatholiekeUniversiteit Leuven(K.U.Leuven)។ ជំនាញដែលត្រូវសិក្សាមានដូចជា អនុបណ្ឌិត តារាសាស្ត្រ និងតារារូបវិទ្យា ជីវសាស្ត្រ គីមីវិទ្យា ភូមិសាស្ត្រ គណិតវិទ្យា រូបវិទ្យា ស្ថិតិជាដើម។ បេក្ខជនអាចទទួលបានប្រាក់អាហារូបករណ៍រហូតដល់៨០០០អឺរ៉ូក្នុងមួយឆ្នាំ បូករួមនឹងថ្លៃសិក្សា ធានារ៉ាប់រងសុខភាពផ្សេងៗទៀត។
ព័ត៌មានបន្ថែម សូមចូលទៅកាន់៖ http://wet.kuleuven.be/english/scienceatleuvenscholarship
6. អាហារូបករណ៍ ទៅសិក្សានៅប្រទេសហូឡង់
ថ្ងៃផុតកំណត់៖ ០១ ខែមករា ឆ្នាំ២០១៥
សាកលវិទ្យាល័យ Hague បានផ្តល់អាហារូបករណ៍សម្រាប់ថ្នាក់អនុបណ្ឌិតទៅសិក្សាក្នុងឆ្នាំសិក្សាថ្មីនេះលើមុខជំនាញកម្មវិធីអន្តរជាតិ។ បេក្ខជន៩នាក់ដែលបានជ្រើសរើស និងបានទទួលប្រាក់អាហារូបករណ៍ចំនួន៥០០០អឺរ៉ូសម្រាប់ថ្លៃចាយវាយ។
ព័ត៌មានបន្ថែម សូមចូលទៅកាន់៖ http://www.thehagueuniversity.com/master-studies/financing-your-master-s...
7. អាហារូបករណ៍ ទៅសិក្សានៅប្រទេសអ៊ីតាលី
ថ្ងៃផុតកំណត់៖ ១៥ ខែមករា ឆ្នាំ២០១៥ (Winter),១៩ ខែមីនា ឆ្នាំ២០១៥ (Spring)
សាកលវិទ្យាល័យ Bocconi នៅទីក្រុងមីឡាន(Milan) ប្រទេសអ៊ីតាលី បានផ្តល់អាហារូបករណ៍ សម្រាប់ថ្នាក់បរិញ្ញាបត្រ និងថ្នាក់អនុបណ្ឌិតទៅលើជំនាញខាងផ្នែកវិទ្យាសាស្ត្រ។ សម្រាប់បេក្ខជនដែលទៅរៀនថ្នាក់បរិញ្ញាបត្រ នឹងទទួលបានប្រាក់អាហារូបករណ៍ ចំនួន ១១០០០ អឺរ៉ូ ក្នុងមួយឆ្នាំ ចំណែកឯបេក្ខជនដែលទៅរៀនថា្នក់អនុបណ្ឌិត នឹងទទួលបានប្រាក់អាហារូបករណ៍ ចំនួន១២០០០ អឺរ៉ូក្នុងមួយឆ្នាំ។
ព័ត៌មានបន្ថែម សូមចូលទៅកាន់៖ http://goo.gl/SU6cpp
ឆាយ គីមហ៊ង
No comments:
Post a Comment