ដោយ៖ ស៊ុន ណារិន | ថ្ងៃពុធ ទី11 មិថុនា 2014,
អ្នករាយការណ៍ពិសេសអង្គការសហប្រជាជាតិ(អ.ស.ប)ទទួលបន្ទុកផ្នែកសិទ្ធិមនុស្សប្រចាំនៅកម្ពុជា លោក សូរិយា ប្រាសាទស៊ូប៊ែរឌី (Surya P.Subedi) កាលពីកន្លងទៅ(រូបថតដោយតាត ឧត្តម)
អ្នករាយការណ៍ពិសេសអង្គការសហប្រជាជាតិ(អ.ស.ប)ទទួលបន្ទុកផ្នែកសិទ្ធិមនុស្សប្រចាំនៅកម្ពុជា លោក សូរិយា ប្រាសាទស៊ូប៊ែរឌី (Surya P.Subedi) នឹងមកបំពេញទស្សនកិច្ចនៅកម្ពុជាសប្តាហ៍ក្រោយ ដើម្បីពិនិត្យលើបញ្ហាសិទ្ធិមនុស្ស និងការអនុវត្តនូវអនុសាសន៍របស់លោក។
សេចក្តីជូនដំណឹងរបស់ការិយាល័យឧត្តមស្នងការ អ.ស.ប ទទួលបន្ទុកសិទ្ធិមនុស្សនៅកម្ពុជា ឲ្យដឹងថា លោក សូរិយា ប្រាសាទស៊ូប៊ែរឌី នឹងមកកម្ពុជា ចាប់ពីថ្ងៃទី១៦ដល់ថ្ងៃទី២៤ខែមិថុនា។លោកនឹងបើកឲ្យមានសន្និសីទសារព័ត៌មាននៅថ្ងៃទី២៤ខែមិថុនា។
ក្នុងរយៈពេលចុងក្រោយនេះ លោក ស៊ូប៊ែរឌី បារម្ភពីសេចក្តីព្រាងច្បាប់ចំននួនបីដែលទើបត្រូវបានអនុម័ត ដោយស្នើឲ្យរដ្ឋាភិបាលកម្ពុជា រដ្ឋសភា និងព្រឹទ្ធសភា ពិនិត្យឡើងវិញលើសេចក្តីព្រាងច្បាប់ចំនួន៣ ទាក់ទងនឹងប្រព័ន្ធតុលាការ ដើម្បីធានាថាច្បាប់នេះគោរពតាមបទដ្ឋានអន្តរជាតិ។
អត្ថបទផ្សេងៗ
សេចក្តីព្រាងច្បាប់ចំនួនបី ដែលថ្មីៗនេះត្រូវបានអនុម័តដោយរដ្ឋសភា រួមមានសេចក្តីព្រាងស្តីពីការរៀបចំអង្គតុលាការ សេចក្តីព្រាងច្បាប់ស្តីពីលក្ខន្តិកៈនៃអង្គចៅក្រម និងព្រះរាជអាជ្ញា និងសេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃឧត្តមក្រុមប្រឹក្សានៃអង្គចៅក្រម។
កាលពីខែមករា ឆ្នាំ២០១៤ លោក លោក ស៊ូប៊ែរឌី បានបំពេញទស្សនកិច្ចនៅកម្ពុជា ដោយលោកបារម្ភពីបញ្ហាសិទ្ធិមនុស្សនៅកម្ពុជា និងបញ្ហាជាប់គាំងនយោបាយ។ លោកជំរុញឲ្យភាគីគណបក្សនយោបាយទាំងពីរ ដោះស្រាយជាប់គាំង ហើយប្រសិនបើភាគីទាំងពីរត្រូវការរូបលោក លោកនឹងជួយតាមការស្នើសុំ៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
1 comment:
បើដេកចាំអង្ការសហប្រជាជាតិ ប្រហែលដាច់ពូជ សូរិយាស៊ូបាឌីគ្រាន់តែជាឆាកល្ខោនមួយប៉ុណ្ណោះ!!!!!!!!!!!!
Post a Comment