Watch videos of CPP gangs trying to prevent the meeting.
Post by Tippana Tith.
Post by Tippana Tith.
ដោយ៖ ណុល ដារ៉ា | ថ្ងៃអាទិត្យ ទី8 មិថុនា 2014 |
យ៉ាងហោចណាស់តំណាងរាស្ត្រជាប់ឆ្នោតពីររូប របស់គណបក្សសង្គ្រោះជាតិ ត្រូវបានរាយការណ៍មកថា ត្រូវបានកម្លាំងប្រដាប់អាវុធស្ទាក់ផ្លូវដកយកទូរស័ព្ទដៃនៅព្រឹកថ្ងៃអាទិត្យនេះ ខណៈពួកលោកធ្វើដំណើរទៅចូលរួមវេទិកាសាធារណៈរបស់បក្សនៅស្រុកអន្លង់វែង។
តាមក្រុមការងារគណបក្សសង្គ្រោះជាតិ លោកហុង សុខហួរ ឲ្យដឹងថា តំណាងរាស្ត្រជាប់ឆ្នោតពីររូបនោះមានលោកប៉ុល ហំម និងលោក អ៊ុជ ឆយយុទ្ធ ត្រូវបានកម្លាំងប្រដាប់អាវុធដែលបានដាក់ពង្រាយត្រៀមចាំមុននៅចំណុចព្រៃស្អាក ព្រំប្រទល់ខេត្តសៀមរាប និងខេត្តឧត្តរមានជ័យ បានដកហូតយកទូរស័ព្ទដៃ និងអាយផេត ព្រមទាំងស្លាកលេខរថយន្ត។
លោកបន្តថា ការដកហូតនោះធ្វើឡើងនៅពេលដែលអ្នកតំណាងរាស្ត្រជាប់ឆ្នោត បានធ្វើដំណើរទៅដល់ចំណុចឈរជើងរបស់កម្លាំងប្រដាប់អាវុធទាំងនោះមុនគេ ក្នុងបំណងទៅចូលរួមវេទិកាសាធារណៈរបស់គណបក្សសង្គ្រោះជាតិ នៅស្រុកអន្លង់វែង ខេត្តឧត្តរមានជ័យនៅព្រឹកនេះ ដែលមានលោកសម រង្ស៊ី និងលោកកឹម សុខាចូលរួម។
លោកហុង សុខហួរ យល់ថា ហេតុការណ៍នេះ ជាការគំរាមកំហែងមួយទ្រង់ទ្រាយធំ ដែលជាការព្រួយបារម្ភអំពីការប្រព្រឹត្តទៅនៃលទ្ធិប្រជាធិបតេយ្យនៅក្នុងប្រទេសកម្ពុជា។
ទោះយ៉ាងណា ការចោទប្រកាន់នោះ ត្រូវបានសមត្ថកិច្ចដែលឈរជើងនៅគោលដៅនោះច្រានចោល។
ទោះយ៉ាងណា ការចោទប្រកាន់នោះ ត្រូវបានសមត្ថកិច្ចដែលឈរជើងនៅគោលដៅនោះច្រានចោល។
សរសេរមកកាន់លោក ណុល ដារ៉ា តាមរយៈ dara@vodhotnews.com
No comments:
Post a Comment