(អត្ថបទចុះផ្សាយនៅថ្ងៃ | ដោយ រ៉េន រតនៈ
សេចក្ដីប្រកាសព័ត៌មានចេញផ្សាយដោយក្រុមចលនាយុវជនគណបក្សសង្គ្រោះជាតិ កាលពីថ្ងៃព្រហស្បតិ៍ម្សិលមិញបញ្ជាក់ ថាក្រៅពីចលនាយុវជននោះ ក្រុមអ្នកតំណាងរាស្ត្ររបស់គណបក្សសង្គ្រោះជាតិមួយចំនួនទៀត ក៏មានវត្តមានចូលរួមក្នុងកម្មសិក្សានេះផងដែរ។ ដោយឡែក ដំណើរកម្មសិក្សានៅតំបន់ព្រំដែននឹងរៀបចំឡើងនៅព្រឹកថ្ងៃអាទិត្យ ទី២៩ ខែមិថុនា ដោយក្បួនរថយន្តធំតូចប្រមាណ១០គ្រឿង នឹងចាកចេញពីរាជធានីភ្នំពេញវេលាម៉ោង ៥ និង៣០នាទីព្រឹក ឆ្ពោះទៅកាន់ ឃុំថ្នាថ្នង់ ស្រុករំដួល និងឃុំដូង ស្រុករមាសហែក ខេត្តស្វាយរៀង។ លទ្ធផលនៃដំណើរកម្មសិក្សានេះត្រូវបានប្រធានក្រុមចលនាយុវជនគណបក្សប្រឆាំងបញ្ជាក់ថាពួកគេនឹងរៀបចំជាអានុសាសន៍ ថ្វាយព្រះមហាក្សត្រ និងស្ថាប័នជាតិកំពូលៗមួយចំនួនទៀត។
បើតាមលោក ហ៊ីង សុខសាន្ត ក្រុមយុវជននឹងរៀបចំសិក្ខាសាលាមួយនៅទីរួមខេត្តស្វាយរៀង មុននឹងពួកគេបន្តដំណើរទៅតំបន់ព្រំដែន។ «យើងនឹងបើកសិក្ខាសាលាខ្លីមួយ ដើម្បីពន្យល់ពួកគេឲ្យបានដឹងអំពីមូលហេតុនានា ដែលនាំឲ្យវៀតណាមអាចរំលោភយកទឹកដីកម្ពុជាបាន។ ការចុះហត្ថលេខាលើអនុសញ្ញាមួយចំនួនពីសំណាក់លោក ហេង សំរិន ឬលោក ហ៊ុន សែន ជាមួយមេដឹកនាំវៀតណាម ហើយដែលនាំឲ្យកម្ពុជាបាត់បង់ទឹកដីនោះ យើងនឹងពន្យល់ប្រាប់ក្រុមយុវជន ដើម្បីឲ្យពួកគេមានមូលដ្ឋានក្នុងការចុះទៅពិនិត្យតំបន់ព្រំដែន»។
យ៉ាងណាក៏ដោយដំណើរចុះទៅកាន់តំបន់ព្រំដែននេះ លោក ហ៊ីង សុខសាន្ត ហាក់ដូចជាមិនមានក្ដីបារម្ភចំពោះការរំខាន ឬរារាំងពីអាជ្ញាធរនោះទេ ដោយលោកអះអាងថា ក្រុមយុវជនរបស់លោក គ្រាន់តែចុះកម្មសិក្សាក្នុងគោលដៅបង្ហាញការស្រលាញ់ជាតិ ស្រលាញ់ទឹកដីតែប៉ុណ្ណោះ ហើយថា ក្រុមយុវជនទាំងនោះ នឹងមិនបង្កបញ្ហានៅតំបន់ព្រំដែននោះទេ។ ប៉ុន្តែលោកបានសង្កត់ធ្ងន់ថា ក្រុមយុវជននឹងថតយកភាពមិនប្រក្រតីនៃបង្គោលព្រំដែន ដើម្បីផ្សព្វផ្សាយតាមបណ្ដាញទំនាក់ទំនងសង្គមចែករលែកដល់យុវជនដទៃទៀតឲ្យបានជ្រាបពីការបាត់បង់ទឹកដីរបស់កម្ពុជាផងដែរ។
គួរបញ្ជាក់ថា មួយរយៈចុងក្រោយនេះ អ្នកតំណាងរាស្ត្រគណបក្សសង្គ្រោះជាតិ បានចុះទៅកាន់តំបន់ព្រំដែនជាបន្តបន្ទាប់ ពិសេសព្រំដែនកម្ពុជា វៀតណាម ដើម្បីត្រួតពិនិត្យដំណើរការបោះបង្គោលព្រំដែន និងស្ដាប់ការរៀបរាប់របស់ប្រជាពលរដ្ឋ ដែលបាត់បង់ដីធ្លីដោយសារការបោះបង្គោលព្រំដែននោះ។ តំណាងក្រុមចលនាយុវជនគណបក្សសង្គ្រោះជាតិ បានអះអាងថាពួកគេនឹងបន្តចុះទៅកាន់តំបន់ព្រំដែនកម្ពុជា វៀតណាមដ៏ទៃទៀត រួមមានខេត្តក្រចេះ និងកំពង់ចាម។ មន្ត្រីគណបក្សកាន់អំណាចតែងតែទទូចឲ្យគណបក្សសង្គ្រោះជាតិ យកបញ្ហាព្រំដែននោះ មកដាក់លើវេទិកាសភា ដើម្បីជជែកដេញដោលស្វែងរកដំណោះស្រាយតាមនីតិវិធីច្បាប់៕
3 comments:
You guys still respect the Cambodia clown King? The King doesn't care about Cambodia or the fate of the khmer people, he is only after his thrown! The whole Cambodia royal institution must be destroyed.
This king was always under pressures from CPP/Youn. They only sat on the thrown to appease Khmer subjects and international doners that CPP government is legit. He was never wanted to be king but was forced upon him by CPP and his father. He just wanted to dance ballet. Lol. The CPP/Youn never wanted to installed Sisowath side because they are smarter and loyal to Khmers. In Cambodia PM Hun Sen is the king of Cambodia and his master in Hanoi is his emperor. Lol. We will never be independent unless CPP gave up powers. I don't see this happening because Cambodia had many corrupted Royal Cambodia generals and Vietnamese agents within Cambodia armed forces. We need People Republic of China to fully committed to help Cambodia gain independent but they just not interfered and not care about Viets took over.
5:27 am
Well expressed.
We agree.
Thanks
Post a Comment