ជនវៀតណាមលួចឆ្លងដែនមកកាប់ឈើក្នុងទឹកដីកម្ពុជា ត្រូវសហគមន៍ឃាត់ខ្លួនកន្លងមក។ រូបថត សហការី
មណ្ឌលគិរីៈ បុរសជនជាតិវៀតណាមបួននាក់ ត្រូវសមត្ថកិច្ចនគរបាល ស្រុកអូររាំង ខេត្តមណ្ឌលគិរី ចាប់ឃាត់ខ្លួនកាលពីម្សិលមិញ ពីបទលួចឆ្លងដែនមកកាប់ឈើនៅក្នុងទឹកដី កម្ពុជា ខុសច្បាប់ នៅក្នុងតំបន់ជើង ភ្នំស្រឡៅ ភូមិពូហ្យាម ឃុំសែនមនោរម្យ ស្រុកអូររាំង។
ជនសង្ស័យមានឈ្មោះ អង មិញចុង អាយុ ៣០ឆ្នាំ និង ឡេ វ៉ាន់ទៀន អាយុ ៣៨ឆ្នាំ រស់នៅ ខេត្តដាក់ណុង ប្រទេសវៀតណាម និងគូកនពីរនាក់ទៀតម្នាក់ឈ្មោះ ត្វាច់ ដាក់ទិច អាយុ ៣៣ឆ្នាំ និងឈ្មោះ ថ្វាម វ៉ាន់ថៃ អាយុ ៣៦ឆ្នាំ មកពី ខេត្តដាក់ឡាក់ ប្រទេសវៀតណាម ត្រូវកម្លាំងនគរបាល ស្រុកអូររាំង ចាប់ខ្លួន ពេលកំពុងជញ្ជូនកំណាត់ឈើបេង កាត់ជាកង់ៗថ្មីៗដាក់លើគោយន្តពីរគ្រឿងបម្រុងនឹងដឹកឆ្ពោះទៅ ប្រទេសវៀតណាម។ នេះបើតាម លោក ប៊ូ ប៊ុនឈាត អធិការនគរបាល ស្រុកអូររាំង ប្រាប់ ភ្នំពេញ ប៉ុស្តិ៍ កាលពីព្រឹកម្សិលមិញ។
លោក ប៊ុនឈាត បានបញ្ជាក់ថា៖ «ពួកគេត្រូវចាប់ខ្លួនខណៈកំពុងប្រព្រឹត្តបទល្មើសព្រៃឈើក្នុងទឹកដីកម្ពុជាខុសច្បាប់»។
លោកអធិការបន្តថា ក្រោយការចាប់ខ្លួន ពួកគេទាំងបួននាក់នោះ ត្រូវបន្តបញ្ជូនទៅកាន់ការិយាល័យអន្តោប្រវេសន៍ ខេត្តមណ្ឌលគិរី ដើម្បីសាកសួរ។ចំណែកគោយន្តទាំងពីរគ្រឿង និងឈើប្រណីត ១៤ ដុំ (១ ដុំៗ ជាង ២ ម៉ែត្រ) ត្រូវរក្សាទុកនៅអធិការដ្ឋាននគរបាល ស្រុកអូររាំង ជាបណ្ដោះអាសន្ន។
លោក សុខ រដ្ឋា មន្ត្រីសម្របសម្រួលនៃសមាគមសិទ្ធិមនុស្ស អាដហុក ប្រចាំ ខេត្តមណ្ឌលគិរី បានប្រាប់ថា ការបញ្ជូនជនជាតិ វៀតណាម ទាំងបួននាក់ទៅកាន់ការិយាល័យអន្តោប្រវេសន៍ គឺជាការអនុវត្តខុសនីតិវិធី នៃច្បាប់ស្តីពីព្រៃឈើនៅកម្ពុជា។
លោកថា៖ «ជនសង្ស័យបានលួចឆ្លងដែនខុសច្បាប់ចូលមកកាប់បំផ្លាញព្រៃឈើនៅក្នុងទឹកដី កម្ពុជា ហើយត្រូវសមត្ថកិច្ចចាប់ខ្លួននៅនឹងកន្លែងកើតហេតុ វាជាបទល្មើសជាក់ស្ដែង។ តាមច្បាប់សមត្ថកិច្ចត្រូវកសាងសំណុំរឿងបញ្ជូនទៅតុលាការផ្ដន្ទាទោសតាមច្បាប់ មិនត្រូវបញ្ជូនទៅការិយាល័យនគរបាលអន្តោប្រវេសន៍នោះទេ»។
បើតាមប្រជាសហគមន៍ព្រៃឈើនៅ ភូមិពូហ្យាម ថា ការលួចឆ្លងដែនរបស់ជន វៀតណាម មកកាប់ឈើនៅក្នុងទឹកដី កម្ពុជា គឺមានក្រុមឈ្មួញនៅក្នុងស្រុកខ្លះឃុបឃិតគ្នា ជាមួយអាជ្ញាធរនគរបាលការពារព្រំដែនយកលុយពីពួកគេ បើពុំនោះពួកគេមិនហ៊ានលួចឆ្លងចូលមកកាប់ឈើលើទឹកដី កម្ពុជា ទេ។
លោក ជឹម យាន តំណាងសហគមន៍ព្រៃឈើ អូរខ្លា បានប្រាប់ថា មានឈ្មួញរកស៊ីឈើម្នាក់ក្នុងភូមិរបស់គាត់ [ភូមិពូហ្យាម] ឈ្មោះ ជា និងប្រពន្ធឈ្មោះ បូក ជាញឹកញាប់បាននាំជនជាតិ វៀតណាម បីបួននាក់ចូលមកកាប់ឈើធ្នង់ និងបេង នៅក្នុងព្រៃសហគមន៍គាត់ ប៉ុន្តែអាជ្ញាធរមិនចាត់វិធានការចាប់ឃាត់ខ្លួនគ្រួសារនេះទៅសាកសួរ ឬអប់រំអ្វីឡើយ។
លោកបន្តថា៖ «កន្លងមកប្រជាពលរដ្ឋបានរាយការណ៍ទៅអាជ្ញាធរឲ្យជួយអន្តរាគមន៍ បង្ក្រាបក្រុមគ្រួសារនេះដែរ តែហាក់ដូចជាមិនមានចំណាត់ការអ្វីសោះ ទំនងអាជ្ញាធរមានការត្រូវរ៉ូវគ្នាជាមួយនឹងពួកគេ»។
ទាក់ទងនឹងបញ្ហានេះ លោក ញ៉ែម វ៉ាន់នី ស្នងការនគរបាល ខេត្តមណ្ឌលគិរី បានអះអាងថា កម្លាំងលោកបានទទួលសេចក្ដីរាយការណ៍ថា គ្រួសារលោក ជា និងយាយ បូក នោះធ្លាប់ឃុបឃិតនឹងជនជាតិ វៀតណាម ចូលមកកាប់ឈើក្នុងព្រៃសហគមន៍មែន ប៉ុន្តែពេលកម្លាំងសមត្ថកិច្ចចុះទៅពិនិត្យមិនឃើញមានពួក វៀតណាម នោះទេ។
លោក វ៉ាន់នី បញ្ជាក់ថា ទោះយ៉ាងណាករណីនេះ សមត្ថកិច្ចកំពុងធ្វើការស្រាវជ្រាវទៅតាមនីតិវិធី ដើម្បីចៀសវាងការចាប់ឃាត់ខ្លួនដោយគ្មានភ័ស្ដុតាង។ ចំណែកជនជាតិ វៀតណាម ទាំងបួននាក់ ខាងជំនាញកំពុងសាកសួរ និងកសាងសំណុំរឿងដើម្បីបញ្ជូនទៅតុលាការខេត្តផ្តន្ទាទោសទៅតាមនីតិវិធីច្បាប់ នៅព្រឹកថ្ងៃពុធនេះ។ លោកប្រាប់ថា៖ «ពួកគេត្រូវចោទប្រកាន់ពីបទលួចឆ្លងដែនមកកាប់ឈើខុសច្បាប់ក្នុងទឹកដី កម្ពុជា»៕
3 comments:
if they were to cross into thailand they would be dead by now....
Those policemen will be punished for arresting our heros. Cambodia belongs to Vietnam and they should know better not to arrest the master family.
Military suppose shoot to kill the foreing invaders and sabatagers of ours. Not the police, the police's duty is to keep peace and order domestically. Military is to protect all borders of all areas. Where are the military at the border with the Yuon. The Yuon and Siam military would shoot to kill all intruders. They deploy MILITARY at the border, NOT police.
Post a Comment