ស្ដាប់ ឬ ទាញយកសំឡេង
ពលករខ្មែរដែលអាជ្ញាធរថៃ ចាប់បញ្ជូនមកដល់ក្រុងប៉ោយប៉ែត កាលពីថ្ងៃ២២ មិថុនា ២០១៤។
RFA/Soun Sophalmony
២០ឆ្នាំហើយដែលកម្ពុជា មានច្បាប់ស្ដីពីអន្តោប្រវេសន៍។ ប៉ុន្តែការអនុវត្តច្បាប់នេះមានកម្រិតនៅឡើយ។ ជនអន្តោប្រវេសន៍ជាច្រើន ពិសេសជនជាតិវៀតណាម បានមករស់នៅកម្ពុជា ទាំងស្របច្បាប់ និងមិនស្របច្បាប់តាំងពីឆ្នាំ១៩៧៩ ក្រោយការផ្ដួលរំលំរបបខ្មែរក្រហម។ តាំងពីពេលនោះមក ពលរដ្ឋខ្មែរ អង្គការសង្គមស៊ីវិល និងគណបក្សប្រឆាំង បានស្តីបន្ទោសនិងរិះគន់ចំៗចំពោះប្រមុខរដ្ឋាភិបាលកម្ពុជា ថាបានបណ្ដោយ និងមិនអើពើចំពោះជនអន្តោប្រវេសន៍ខុសច្បាប់ទាំងនោះ។
ថ្មីៗនេះរដ្ឋាភិបាលថៃ គ្រប់គ្រងដោយរបបយោធាបានអនុវត្តច្បាប់អន្តោប្រវេសន៍ ដោយបោសសំអាតជនអន្តោប្រវេសន៍ខុសច្បាប់ទាំងអស់ចេញពីប្រទេសថៃ ក្នុងនោះទាហានថៃ ក៏បានចាប់បញ្ជូនពលករខ្មែរខុសច្បាប់រាប់ម៉ឺននាក់ត្រឡប់មកកម្ពុជា វិញដែរ។
តើកម្ពុជាអាចអនុវត្តច្បាប់អន្តោប្រវេសន៍ឲ្យមានប្រសិទ្ធភាពដូចប្រទេសថៃបានដែរឬទេ?
ការបោសសំអាតជនអន្តោប្រវេសន៍ខុសច្បាប់នៅប្រទេសថៃ កំពុងបង្រៀនឲ្យរដ្ឋាភិបាលកម្ពុជា ដឹងថាគ្មានជនបរទេសណាម្នាក់អាចរស់នៅខុសច្បាប់នៅកម្ពុជា បានទេ។ រដ្ឋាភិបាលកម្ពុជា ដែលមានកាតព្វកិច្ចអនុវត្តច្បាប់ ត្រូវធ្វើយ៉ាងណាគ្រប់គ្រងជនបរទេសដែលកំពុងរស់នៅកម្ពុជា ឲ្យបានតាមរយៈច្បាប់អន្តោប្រវេសន៍ និងច្បាប់សញ្ជាតិ។
ផ្ទះបណ្ដែតទឹក និងបែរត្រីជនជាតិវៀតណាម ចល័តចូលកណ្ដាលទន្លេនៅសង្កាត់ផ្សារឆ្នាំង នៃខេត្តកំពង់ឆ្នាំង កាលពីថ្ងៃទី១០ ខែមិថុនា ឆ្នាំ២០១៤។ RFA/Chin Chetha
ស្ថិតិរបស់ក្រសួងមហាផ្ទៃ ក្រោមកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យថ្នាក់ក្រោមជាតិឆ្នាំ២០១០ រកឃើញថា អន្តោប្រវេសន៍វៀតណាម មានប្រហែលជិត ១០ម៉ឺននាក់ (១០០.០០០) នៅទូទាំងប្រទេស។ នេះមិនរាប់ជនអន្តោប្រវេសន៍ដទៃទៀតផង។ ប៉ុន្តែការស្រាវជ្រាវជាក់ស្តែងរបស់អ្នកវិភាគខ្លះទៀតរកឃើញថា ចំនួនជនអន្តោប្រវេសន៍វៀតណាម មានចំនួនច្រើនជាងនេះដោយសាររយៈពេលជិត ១០ឆ្នាំចុងក្រោយ រដ្ឋាភិបាលកម្ពុជា បានអនុវត្តគោលនយោបាយផ្តល់ដីសម្បទានសេដ្ឋកិច្ចទៅឲ្យក្រុមហ៊ុននៅជាប់ព្រំដែនវៀតណាម នៅក្នុងខេត្តរតនគិរី និងខេត្តមណ្ឌលគិរី ហើយជនអន្តោប្រវេសន៍វៀតណាម បានសម្រុកចូលមកកម្ពុជា កើនឡើងទ្វេដង។
អ្នកច្បាប់និងអ្នកវិភាគខ្លះលើកឡើងថា កម្ពុជាមានលទ្ធភាពគ្រប់គ្រាន់ក្នុងការអនុវត្តច្បាប់អន្តោប្រវេសន៍ និងច្បាប់សញ្ជាតិ ដោយប្រមូលជនអន្តោប្រវេសន៍ទាំងអស់ ពិសេសជនអន្តោប្រវេសន៍វៀតណាម ឲ្យត្រឡប់ទៅប្រទេសវៀតណាមវិញ ប្រកបដោយសន្តិវិធី និងការគោរពសិទ្ធិមនុស្សពេញលេញ តាមច្បាប់រដ្ឋធម្មនុញ្ញ និងកតិកាសញ្ញាស្ដីពីសិទ្ធិមនុស្ស។ រដ្ឋាភិបាលកម្ពុជា អាចមានជម្រើសល្អ និងអាចធ្វើតាមជំហានៗ ក្នុងការសំអាតជនអន្តោប្រវេសន៍បានល្អជាងប្រទេសថៃ ដែលកំពុងបោសសំអាតជនអន្តោប្រវេសន៍យ៉ាងគំហុក ដោយមិនគិតគូរអនុវត្តពីការគោរពសិទ្ធិមនុស្ស។
អ្នកវិភាគសង្គមគិតថា រដ្ឋាភិបាលអាចបោសសំអាតជនអន្តោប្រវេសន៍បាន។ ទី១ តាមរយៈការអញ្ជើញរដ្ឋាភិបាលវៀតណាម មកទទួលជនអន្តោប្រវេសន៍របស់ខ្លួនទៅវិញ។ ទី២ ប្រសិនបើជនអន្តោប្រវេសន៍វៀតណាម មករស់នៅកម្ពុជា ដើម្បីគេចវេះពីបញ្ហានយោបាយនៅប្រទេសវៀតណាម នោះ រដ្ឋាភិបាលកម្ពុជា ត្រូវមានជំរំឲ្យពួកគេរស់នៅបណ្ដោះអាសន្ន ដើម្បីអាចស្វែងរកសិទ្ធិជ្រកកោនទៅរស់ប្រទេសទី៣។ ទី៣ កម្ពុជាត្រូវដាក់ទោសទណ្ឌចំពោះជនអន្តោប្រវេសន៍ណាដែលរស់នៅកម្ពុជា ខុសច្បាប់តាមច្បាប់អន្តោប្រវេសន៍ និងទី៤ ចំពោះជនអន្តោប្រវេសន៍ដែលរស់នៅកម្ពុជា យូរយារមកហើយនោះ អាចឲ្យពួកគេស្នើសុំចូលសញ្ជាតិដោយត្រូវអនុវត្តច្បាប់សញ្ជាតិគ្រប់ចំណុចដែលមានចែង។ ប៉ុន្តែអ្វីជាចំណោទនោះ ថាតើរដ្ឋាភិបាលកម្ពុជា មានឆន្ទៈបោសសំអាតជនអន្តោប្រវេសន៍ទាំងនោះដែរឬទេ?
តាមមើលទៅរាជរដ្ឋាភិបាលដែលដឹកនាំដោយគណបក្សប្រជាជនកម្ពុជា នៅពេលនេះ ទំនងចិត្តមិនសឿង ក្នុងការបោសសំអាតជនអន្តោប្រវេសន៍នោះទេ។ នរណាក៏ដឹងដែរថា មុននឹងបានថ្ងៃរំដោះ៧ មករា ឆ្នាំ១៩៧៩ មានការជ្រួយជ្រោមជ្រែងសម្បើមណាស់ពីប្រទេសវៀតណាម។ ទំនងជាគុណបំណាច់នេះហើយមើលទៅ ដែលមិនអាចឲ្យប្រមុខរដ្ឋាភិបាលលោកនាយករដ្ឋមន្ត្រី ហ៊ុន សែន មិនចង់លេចឈ្មោះជាមនុស្សរមិលគុណ និងមិនហ៊ានអនុវត្តច្បាប់អន្តោប្រវេសន៍ឲ្យបានពេញលេញ។
មួយទៀតជនអន្តោប្រវេសន៍វៀតណាមខ្លះ មិនទាំងចេះនិយាយខ្មែរច្បាស់ស្រួលបួលផង តែមានកាន់អត្តសញ្ញាណប័ណ្ណខ្មែរ មានសៀវភៅគ្រួសារ និងប័ណ្ណបោះឆ្នោតយកទៅបោះឆ្នោត។ រួមផ្សំនឹងជំងឺពុករលួយរ៉ាំរ៉ៃក្នុងការផ្ដល់អត្តសញ្ញាណប័ណ្ណ ការអនុវត្តច្បាប់អន្តោប្រវេសន៍ធូររលុង កង្វះការត្រួតពិនិត្យការអនុវត្តច្បាប់ កង្វះបច្ចេកទេសត្រួតពិនិត្យ និងកង្វះធនធានមនុស្ស ទំនងជាលំហូរនៃជនអន្តោប្រវេសន៍អាចមានការកើនឡើងបន្ថែមទៀត។
តាមមើលរាជរដ្ឋាភិបាលកម្ពុជា ដឹកនាំដោយគណបក្សប្រជាជនកម្ពុជា ទំនងជាគ្មានឆន្ទៈបោសសំអាតជនអន្តោប្រវេសន៍ចេញពីប្រទេសបានទេនៅបរិបទនេះ ហើយពេលនោះ ដូចគេដំណាលតៗគ្នាតែម្ដងថា ទល់ដែនដាច់ខ្សែខ្មែរស្ទើរដាច់ពូជ៕
8 comments:
YES WE CAN. WE MUST USE THE SAME PROCESS AS THE THAI. THROUGH MILITARY PROCESS AND WITHOUT ADVANCE NOTICE.
CNRP MUST ORGANIZED A SPECIAL NATIONAL FORCES (W/O EMBEDDED ENEMY) TO EXODUS THESE ILLEGAL IMMIGRANTS FROM CAMBODIA. IF THEY REFUSED, MARSHALL LAW MUST BE IMPLEMENTED.
Easy said than done! do you think in the split second the CPP will allow this scenario to be happen?
It's not impossible. The question is, does the cpp have the will to do it. The answer is " NO". The leadership or lack thereof is apparent. Change is needed.
CCP not cpp
Hun Sen will not deport illegal Viet because:
1. He is a Viet puppet.
2. He need the Viet to vote for him and protect his power.
I believe that if more Viet come illegal to Cambodia and take Khmer land, Khmer jobs and Khmer businesses, there will be resentment from the Khmer people and there might be an explosion of violence like during the Lon Nol regime in the 1970s which saw thousands of Viet massacred.
Cambodia should integrate and assimilate - gave them Khmer citizenship like they have to use Khmer name and learn Khmer language and culture - and then close the border to new illegal immigration. Any future immigration has to be done orderly - the Viet has to apply to Immigration Ministry or Foreign MInistry - to come and live in Cambodia, not through the border illegally.
Let calm down folks the strong man never kick people out of the country, but to bring more Viet in and brain wash them and send them back to kill Viet.
Ah kha will sent viet back and create another killing field.
24 June 2014 8:26 am
What planet do you live in? Do you know that even Hun Sen is a nationalist, he will not give citizenship to Vietnamese Cambodians? The reason they are illegal because they couldn't get citizenship because of racism. Khmers borned in Vietnam are automatically Vietnamese citizens. See the difference. Cambodia has a long way to go before true democracy. Racism gets in the way, Cambodia will never be democratic. That's the reason for Hun Sen, the strong man who can only unite Cambodia, and preserve peace and prosperity. Yeah, Hun Sen could only help so much, the rest depends on Cambodians' intelligence. You can't help your country if your not smart.
Post a Comment