Korea prime minister resigned amid a cruise ship tragedy [300 people died, the Korean PM resigned, but 353 Khmer people died on Hun Sen's Koh Pich in 2010 Hun Sen did not resign] នាយករដ្ឋមន្ត្រី​កូរ៉េខាងត្បូង​ចុះចេញ​ពី​តំណែង​ជុំវិញ​ការ​លិច​នាវា

«មនុស្ស ៣០០នាក់ស្លាប់នៅកូរ៉េ នាយករដ្ឋមន្រ្តីកូរ៉េលាលែងពីដំណែង តែមានខ្មែរជាង​៣៥៣នាក់បានស្លាប់នៅកោះពេជ្ររបស់ហ៊ុនសែន គឺលោកហ៊ុនសែនពុំបានលាលែងពីដណែងទេ។»

(អត្ថបទចុះ​ផ្សាយ​នៅ​ថ្ងៃ    27-04-2014,  10:19 am) |  ដោយ ថ្មីៗ

លោក Chung Hong-Won នាយករដ្ឋមន្ត្រី​របស់​កូរ៉េខាងត្បូង បានដាក់​លិខិត​ចុះ​ចេញពី​តំណែង​ជា​ផ្លូវការ​របស់លោក​កាលពី​ថ្ងៃអាទិត្យ​ជុំវិញ​ការ​លិច​នាវា​ដឹក​អ្នកដំណើរ១គ្រឿង​ដែល​បានធ្វើ​ឲ្យ​មនុស្ស​ចំនួន៣០០នាក់​ស្លាប់ ឬក៏​បាត់​ខ្លួន។


លោក​បាន​ឲ្យ​ដឹងថា៖ «ខ្ញុំ​សូម​ធ្វើ​ការសុំ​អភ័យទោស​សម្រាប់​ការមិនអាច​ការពារ​នូវ​ឧប្បត្តិ​ហេតុនេះ​មិន​ឲ្យ​កើតឡើង និង​មិនអាច​ឆ្លើយតប​យ៉ាង​សមរម្យ​ទៅកាន់់​បញ្ហា​បន្ទាប់ពីនោះ។ ខ្ញុំ​ជឿជាក់ថា ខ្ញុំ ក្នុងនាម​ជា​នាយករដ្ឋមន្ត្រី ពិតជា​ត្រូវ​ទទួលខុសត្រូវ និង​ចុះ​ចេញពី​តំណែង»។

Sewol ដែលជា​សាឡាង​ដឹក​អ្នកដំណើរ​ដ៏​ធំ​មួយគ្រឿង បាន​ក្រឡាប់​ជាមួយនឹង​មនុស្ស​ចំនួន៤៧៦នាក់ ដោយ​ភាគច្រើន​នៃ​ពួកគេ​គឺជា​សិ​ស្សា​សាលា​នោះ នៅពេលដែល​សាឡាង​នេះ​ធ្វើដំណើរ​ទៅកាន់​រមណីយដ្ឋាន​កោះ​ភាគខាងត្បូង Jeju កាលពី​ថ្ងៃទី១៦ ខែមេសា។

ការប្រកាស​ពី​ចំនួន​អ្នកស្លាប់​ពី​សោកនាដកម្ម​នេះ កាលពី​ថ្ងៃអាទិត្យ​បាន​កើន​ដល់១៨៧នាក់ ខណៈដែល១១៥នាក់​ផ្សេងទៀត​បាន​បាត់​ខ្លួន។ រដ្ឋាភិបាល​កូរ៉េខាងត្បូង រួម​ជាមួយនឹង​មន្ត្រី​មកពី​គ្រប់ផ្នែក​ទាំងអស់ បាន​រង​នូវ​ការរិះគន់​យ៉ាងខ្លាំង​ជុំវិញ​គ្រោះមហន្តរាយ និង​ការដោះស្រាយ​នៃប្រតិបត្តិ​ការសង្គ្រោះ។

លោក Chung បាន​ប្រាប់​សន្និសីទ​សារព័ត៌មាន​លើ​កញ្ចក់​ទូរទស្សន៍​ជាតិ​ថា៖ «ឧប្បត្តិហេតុថ្មីៗបានធ្វើ​ឲ្យ​ប្រជាជន​កូរ៉េខាងត្បូង​ទាំងអស់​មានការ​រន្ធត់ និង​សោកស្តាយ​យ៉ាងខ្លាំង។ អស់​រយៈពេល​ជាច្រើន​ថ្ងៃ​កន្លងផុត​ទៅហើយ​ចាប់តាំងពី​សោកនាដកម្ម​នេះ ប៉ុន្តែ សម្រែក​នៃ​គ្រួសារ​អ្នក​បាត់​ខ្លួន​នៅតែ​ធ្វើ​ឲ្យ​ខ្ញុំ​ដេក​មិន​លក់​នៅពេល​យប់»៕

ប្រែ​សម្រួល​ដោយ ផេង សំណាង