ដោយ សុ ជីវី
2014-03-25
ប្រធានសហព័ន្ធយុវជនខ្មែរអ្នកស្នេហាជាតិ លោក នាង សុឃុន ផ្ដល់បទសម្ភាសន៍ដល់វិទ្យុអាស៊ីសេរី ក្រោយពេលដាក់បណ្ដឹងទៅសាលាដំបូងរាជធានីភ្នំពេញ ប្ដឹងលោក ហ៊ុន សែន កាលពីថ្ងៃទី៣ ខែកុម្ភៈ ឆ្នាំ២០១៤។
RFA/Morm Moniroth
សាលាដំបូងរាជធានីភ្នំពេញ សម្រេចតម្កល់ទុកមិនចាត់ការចំពោះពាក្យបណ្ដឹងប្រឆាំងលោកនាយករដ្ឋមន្ត្រី ហ៊ុន សែន ករណីបាត់ដីកោះត្រល់ និងកោះក្រចកសេះ។
លិខិតជូនដំណឹងរបស់សាលាដំបូងចុះហត្ថលេខាដោយព្រះរាជអាជ្ញារងលោក មាស ច័ន្ទពិសិដ្ឋ ដែលប្រគល់អោយដើមបណ្ដឹងនៅព្រឹកថ្ងៃទី២៥ ខែមីនា បានបញ្ជាក់ដោយខ្លីថា តុលាការតម្កល់រឿងនេះទុកមិនចាត់ការ ប៉ុន្តែពុំបានបញ្ជាក់ហេតុផលណាមួយឡើយ។
ដើមបណ្ដឹង លោក នាង សុឃុន ដែលជាប្រធានសហព័ន្ធយុវជនខ្មែរអ្នកស្នេហាជាតិ មានប្រសាសន៍នៅក្រោយពេលទៅទទួលលិខិតជូនដំណឹងនោះថា លោកពុំសុខចិត្តនឹងការសម្រេចនេះទេ។ លោកគ្រោងនឹងប្ដឹងឧទ្ធរណ៍បន្តទៀត៖ «ខ្ញុំយល់ឃើញថា តុលាការគឺជាឧបករណ៍របស់អ្នកកាន់អំណាច និយាយអោយចំជាឧបករណ៍របស់លោកនាយករដ្ឋមន្ត្រី ហ៊ុន សែន ដែលជានាយករដ្ឋមន្ត្រីកាន់អំណាចយូរជាងគេ ហើយខុសច្បាប់ផងដែរ។ មិនត្រឹមតែខ្ញុំមិនសុខចិត្តទេ និយាយទៅពលរដ្ឋខ្មែរទាំងអស់ គឺគេមិនសុខចិត្តចំពោះការមិនមានចំណាត់ការលើរឿងនេះ»។
លោក នាង សុឃុន បានដាក់ពាក្យបណ្ដឹងទៅសាលាដំបូងកាលពីថ្ងៃ ទី៣ ខែកុម្ភៈ ដោយប្ដឹងលោកនាយករដ្ឋមន្ត្រី ហ៊ុន សែន ពីបទកាត់ដីកោះត្រល់ និងកោះក្រចកសេះ ទៅអោយយួនដោយខុសច្បាប់៕
1 comment:
The court is proxy of Hanoi due to the head of the dog's regime [Hun sick] was its slave and the court judges were its tool,soon will be changed and the rules of law will be enforced after legitimate regime (NCRP) taking power.Thanks for making noise about our beloved Koh Tral that ceded to Hanoi by ah Kwaq in the treaties in 1985 and 2005,please help us get her back.
Post a Comment