ភ្នំពេញ: នៅថ្ងៃសៅរ៍ ទី១៥កុម្ភៈនេះ គណបក្សប្រជាជនកម្ពុជាកំពុងរៀបចំជូនដំណឹងទៅកាន់គណបក្សសង្គ្រោះជាតិ ដើម្បីកំណត់ថ្ងៃនិងទីកន្លែងជួបចរចា។កិច្ចប្រជុំចរចាជាថ្មីដែលនឹងធ្វើនៅសប្តាហ៍នឹងនិយាយពីយន្តការរៀបចំកំណែទម្រង់ការបោះឆ្នោត។ នេះបើតាមការបញ្ជាក់របស់លោក ព្រំ សុខា មន្ត្រីជាន់ខ្ពស់តំណាងក្រុមចរចាគណបក្សប្រជាជនកម្ពុជា។
ចំណែកលោក សុន ឆ័យ តំណាងក្រុមការងារ ដែលមាន ៣ រូប របស់គណបក្សសង្គ្រោះជាតិ បានឲ្យដឹងនៅព្រឹកថ្ងៃទី១៥កុម្ភៈថា គណបក្សសង្គ្រោះជាតិ រង់ចាំតែគណបក្សប្រជាជនកម្ពុជា កំណត់ថ្ងៃ ដើម្បីជួបចរចាគ្នាឡើងវិញ។ ជាកិច្ចប្រជុំចរចា ដែលលោកសុនឆ័យ អះអាងថា ដើម្បីជជែកលើគោលការណ៍កែទម្រង់ការបោះឆ្នោត ស្របតាមកិច្ចព្រមព្រៀងរវាងថ្នាក់ដឹកនាំកំពូលរវាងគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១៦ ខែកញ្ញា ឆ្នាំ២០១៣។
ចាប់តាំងពីថ្ងៃទី១២ ថ្ងៃទី១៣ និងថ្ងៃទី១៤កុម្ភៈ គណបក្សប្រជាជនកម្ពុជា និងគណបក្សសង្គ្រោះជាតិ បានថ្លែងការណ៍ចំហ ឆ្លងឆ្លើយបន្តបន្ទាប់។ សេចក្តីថ្លែងការណ៍ទាំងនោះ បានបង្ហាញជំហរ ព្រមព្រៀងបញ្ជូនក្រុមការងារជាន់ខ្ពស់ ដើម្បីជួបចរចាគ្នាឡើងវិញ និយាយពីយន្តការរៀបចំកំណែទម្រង់ការបោះឆ្នោត៕
ប្រភពពី CEN
1 comment:
khnom jang banh kbal ah Hun sen.
Post a Comment