PHNOM PENH (The Cambodia Herald) -- The ruling Cambodian People's Party (CPP) called on the opposition Cambodia National Rescue Party (CNRP) to assign its representatives to discuss measures for the election reforms, according to its statement released today .
"Creation of committee of government to study the options for the election reform is the willingness of the Cambodian People's Party," said the statement.
CPP blamed the Cambodia National Rescue Party for the delay of the election reform as it keep changing its demands from what agreed during a previous summit with Cambodian People's Party.
ដោយ៖ ជន ស្រីណុច | ថ្ងៃព្រហស្បតិ៍ ទី13 ខែកុម្ភៈ ឆ្នាំ2014, ម៉ោង 05:13 PM
ស្តាប់សំឡេង៖ | ចម្លងទុក |
គណបក្សប្រជាជនកម្ពុជា នៅថ្ងៃព្រហស្បតិ៍នេះ ស្នើសុំគណបក្សសង្គ្រោះជាតិឲ្យចាត់តំណាងរបស់ខ្លួន ជួបចរចាជាមួយតំណាងគណបក្សប្រជាជនកម្ពុជា ដើម្បីរៀបចំយន្តការមួយសម្រាប់កិច្ចដំណើរការកែទម្រង់ការបោះឆ្នោតនាពេលខាងមុខ តាមស្មារតីនៃកិច្ចប្រជុំកំពូលកាលពីថ្ងៃទី១៦ ខែកញ្ញា ឆ្នាំ២០១៣។
កាលពីថ្ងៃទី១២ ខែកុម្ភៈ គណបក្សសង្គ្រោះជាតិ បានចេញសេចក្តីថ្លែងការណ៍មួយ ដោយសោកស្តាយចំពោះសេចក្តីសម្រេចរបស់រាជរដ្ឋាភិបាល ដឹកនាំដោយគណបក្សប្រជាជនកម្ពុជា ដែលបង្កើតគណៈកម្មការសិក្សាស្រាវជ្រាវ កែទម្រង់លើការបោះឆ្នោត ដោយមិនបានដាក់បញ្ចូលសមាសភាព មកពីគណបក្សសង្គ្រោះជាតិ។
សេចក្តីថ្លែងការណ៍ របស់គណបក្សប្រជាជនកម្ពុជា ចុះថ្ងៃទី១៣ ខែកុម្ភៈ នេះឲ្យដឹងថា កំណែទម្រង់ការបោះឆ្នោត ជាកិច្ចដំណើរការដែលធ្លាប់បានអនុត្តជាបន្តបន្ទាប់កន្លងទៅ និងជាកំណែទម្រង់ដ៏ស្មុគស្មាញ ដែលទាមទារពេលវេលា ដោយមិនអាចអូសបន្លាយពេលវេលាតទៅទៀតបានឡើយ។
គណបក្សប្រជាជនកម្ពុជាបញ្ជាក់ទៀតថា កន្លងទៅគណបក្សសង្គ្រោះជាតិ តែងតែផ្លាស់ប្តូរប្រធានបទ និងលក្ខខណ្ឌនែការទាមទារជាបន្តបន្ទាប់ ជាហេតុធ្វើឲ្យការពិភាក្សាអំពីកិច្ចដំណើរការកំណែទម្រង់ការបោះឆ្នោត ត្រូវបានអូសបន្លាយរហូតមកទល់បច្ចុប្បន្ននេះ។
តំណាងគណបក្សប្រជាជនកម្ពុជា លោក ព្រំ សុខា ប្រាប់VODថា តាងនាមឲ្យបក្សកាន់អំណាច លោកសប្បាយចិត្ត នៅពេលដែលគណបក្សសង្គ្រោះជាតិ ចេញសេចក្តីថ្លែងការណ៍បែបខកចិត្តបែបនេះ ព្រោះនេះអាចបញ្ជាក់ឲ្យឃើញថា បក្សប្រឆាំងចង់ចូលរួមដំណើរការនៃការកែទម្រង់ការបោះឆ្នោត។ លោកបន្តថា កិច្ចការកន្លងមកទាក់ទងនិងការកែទម្រង់ការបោះឆ្នោត និងការគ្រោងឲ្យមានសិក្ខាសាលាថ្នាក់ជាតិស្វែងរកមតិយោបល់សម្រាប់ការកែទម្រង់ការបោះឆ្នោតក្តី ក៏ត្រូវបានរាំងស្ទះ ដោយសារតែគណបក្សសង្គ្រោះជាតិមិនព្រមចូលតុចរចា នឹងមានឆន្ទៈពិតដើម្បីដោះស្រាយ «គណបក្សប្រជាជនដែលបង្កើតគណៈកម្មការហ្នឹង គឺវាបានបង្ហាញច្បាស់ថា គណបក្សប្រជាជន ឬរដ្ឋាភិបាលរបស់គណបក្សប្រជាជន គឺថាមានឆន្ទៈពិតប្រាកដក្នុងការកែទម្រង់កន្លងទៅ ក្នុងការជួបជាបន្តបន្ទាប់ យើងស្នើឲ្យគាត់ថាមានបញ្ហាអ្វី យកមកជជែកគ្នាដាក់លើតុទៅ ដើម្បីជជែកគ្នារកដំណោះស្រាយ ហើយយើងកែទម្រង់ទាំងអស់គ្នា បើគាត់មានបំណង គឺថា ខ្ញុំនិយាយខ្លួនខ្ញុំផ្ទាល់ទេ គាត់អាចចូលរួមពេលណាក៏បានដែរ គាត់មកជួបគ្នា ដើម្បីជជែកពីការកែទម្រង់ហ្នឹង ប៉ុន្តែចូលត្រូវមានឆន្ទៈពិតប្រាកដ»។
អ្នកនាំពាក្យគណបក្សសង្គ្រោះជាតិ លោក យ៉ែម បុញ្ញារិទ្ធ មានប្រសាសន៍ថា គណបក្សនេះ បានត្រៀមសមាសភាពនៅក្នុងគណៈកម្មការកែទម្រង់បោះឆ្នោតនោះហើយ តែគណបក្សប្រជាជនទេ ដែលប្រើអំណាចខ្លួន ដាក់សមាសភាពតែចិត្តឯង «យើងបានបញ្ជាក់ហើយកិច្ចព្រមព្រៀងមានបីរចំណុច ហើយយើងស្វាគមន៍ ក៏ប៉ុន្តែដូចគណបក្សសង្គ្រោះជាតិប្រកាន់ជំហរមួយថា កំណែទម្រង់នោះយើងនឹងត្រូវរៀបចំរបៀបម៉ិចនៅពេលណា ហើយដោយខាងគណបក្សប្រជាជនលោកបញ្ចេញគណកម្មាការតែឯងចឹងវារំលោភទៅលើកិច្ចព្រមព្រៀងមួយដែលយើងថានឹងរៀបចំទាំងពីរគណបក្សដែលមានអាសនៈនៅសភា»។
គួរបញ្ជាក់ថា សេចក្តីសម្រេចរួមនៃជំនួបកំពូលរវាងគណបក្សសង្គ្រោះជាតិ និងគណបក្សប្រជាជនកម្ពុជា កាលពីថ្ងៃទី១៦ ខែកញ្ញា ឆ្នាំ២០១៣ ត្រង់ចំណុចទី២ បានចែងថា ភាគីទាំងពីរ បានព្រមព្រៀងគ្នានឹងបង្កើតយន្តការមួយ ដើម្បីកែទម្រង់ការបោះឆ្នោតនាពេលខាងមុខនេះ។
កាលពីចុងឆ្នាំ២០១៣ លោក ហ៊ុន សែន បានតែងតាំងលោក ស ខេង ធ្វើជាប្រធានគណៈកម្មការសិក្សាស្រាវជ្រាវ កែទម្រង់លើការបោះឆ្នោត បន្ទាប់ពីការរិះគន់ថា ការបោះឆ្នោតកន្លងមក ធ្វើឡើងដោយ គជប មិនឯករាជ្យ៕
សូមសរសេរមកកញ្ញា ជន ស្រីណុច តាមរយៈ chornsreynoch@vodhotnews.com
No comments:
Post a Comment