ប្រធានគណៈកម្មការហិរញ្ញវត្ថុព្រឹទ្ធសភាប្រទេសបារាំង លោក ហ្វីលីព ម៉ារីនី (រូបថត daoonline.info)
ដោយ៖ ដួង សុខា | ថ្ងៃអង្គារ៍ ទី19 ខែវិច្ឆិកា ឆ្នាំ2013 | 2 ម៉ោង មុន VOD
ប្រធានគណៈកម្មការហិរញ្ញវត្ថុព្រឹទ្ធ សភាប្រទេសបារាំង លោក ហ្វីលីព ម៉ារីនី (Philippe Marini) ស្នើឲ្យរដ្ឋាភិបាលខ្លួនចាប់អារម្មណ៍ចំពោះភាពមិនប្រក្រតីនៃការបោះឆ្នោតជ្រើសតាំងតំណាងរាស្ត្រ នីតិកាលទី៥ កាលពីថ្ងៃទី២៨ ខែកក្កដា ឆ្នាំ២០១៣ នៅកម្ពុជា ដែលបានតវ៉ាដោយគណបក្សប្រឆាំង [គណបក្សសង្គ្រោះជាតិ]។
ក្នុងសំណួរចុះថ្ងៃទី៧ ខែវិច្ឆិកានេះ របស់លោក ហ្វីលីព ម៉ារីនី ផ្ញើជូនរដ្ឋមន្ត្រីការបរទេសបារាំង ឲ្យដឹងថា គណបក្សប្រឆាំងនៅកម្ពុជាទទូចឲ្យមានការបង្កើតគណៈកម្មការ ឯករាជ្យមួយស៊ើបអង្កេតពីភាពមិនប្រក្រតីនៃការបោះឆ្នោត។ លោកបន្តថា ដើម្បីពង្រឹងលទ្ធិប្រជាធិបតេយ្យ និងពហុបក្ស នៅកម្ពុជា ប្រទេសបារាំងគួរតែបង្ហាញពីកង្វល់របស់ខ្លួន ដោយបង្កកជំនួយអភិវឌ្ឍន៍ប្រទេសទាំងអស់ ឬមួយផ្នែករបស់ខ្លួនចំពោះប្រទេសកម្ពុជា ដូចជាតាមរយៈគម្រោងដែលផ្តល់ដោយទីភ្នាក់ងារអភិវឌ្ឍន៍បារាំង(AFD) ជាដើម។
រហូតមកដល់ពេលនេះ រដ្ឋាភិបាលបារាំងមិនទាន់ឆ្លើយតបនឹងការលើកទ្បើងរបស់លោក ហ្វីលីព ម៉ារីនី នៅទ្បើយទេ។
កាលពីថ្ងៃទី២៤ ខែតុលា ឆ្នាំ២០១៣ ប្រធាន និងអនុប្រធានគណបក្សសង្គ្រោះជាតិ លោក សម រង្ស៊ី និង លោក កឹម សុខា ដឹកនាំពលរដ្ឋជាបាតុករដង្ហែក្បួនមកដាក់ញត្តិនៅស្ថានទូតបារាំងប្រចាំកម្ពុជា ដើម្បីស្នើឲ្យប្រទេសបារាំងដែលជាសហប្រធានសន្និសីទនៃកិច្ចព្រមព្រៀង សន្តិភាពទីក្រុងប៉ារីស ២៣ តុលា ១៩៩១ ជួយដោះស្រាយភាពមិនប្រក្រតីនៃការបោះឆ្នោតនៅកម្ពុជា និងជំរុញឲ្យមេដឹកនាំប្រទេសកម្ពុជាបច្ចុប្បន្ន គោរពឲ្យបានពេញលេញនូវកិច្ចព្រមព្រៀងនេះ។
គណបក្សសង្គ្រោះជាតិក៏គ្រោងដឹកនាំធ្វើមហាបាតុកម្មលើកទី៤ ចំថ្ងៃទិវាសិទ្ធិមនុស្សអន្តរជាតិ ១០ធ្នូ ខាងមុខនេះ ដើម្បីបន្តរកយុត្តិធម៌ជូនម្ចាស់ឆ្នោត។
ទោះយ៉ាងណា គណបក្សប្រជាជនកម្ពុជារបស់ លោកនាយករដ្ឋមន្ត្រី ហ៊ុន សែន បដិសេធជាច្រើនលើកការទាមទារសើរើលទ្ធផលបោះឆ្នោត។ គណបក្សកាន់អំណាច បកស្រាយថា ការទទូចឲ្យស៊ើបអង្កេតភាពមិនប្រក្រតីនៃការបោះឆ្នោតហួសពេល និងហួសក្របខណ្ឌច្បាប់ ដោយសារ
គណៈកម្មាធិការជាតិរៀបចំ ការបោះឆ្នោត (គ.ជ.ប) និងក្រុមប្រឹក្សាធម្មនុញ្ញ បានដោះស្រាយជាស្ថាពររួចហើយរាល់វិវាទបោះឆ្នោត។
លទ្ធផលបោះឆ្នោតផ្លូវការរបស់ គ.ជ.ប បង្ហាញថា គណបក្សប្រជាជនកម្ពុជាទទួលបានអាសនៈរដ្ឋសភាចំនួន៦៨ ក្នុងចំណោមអាសនៈ១២៣។ ចំណែក គណបក្សសង្គ្រោះជាតិទទួលបាន៥៥អាសនៈ៕
សរសេរមកកាន់លោក ដួង សុខា តាមរយៈ duong.sokha@vodhotnews.com
ដោយ៖ ដួង សុខា | ថ្ងៃអង្គារ៍ ទី19 ខែវិច្ឆិកា ឆ្នាំ2013 | 2 ម៉ោង មុន VOD
ប្រធានគណៈកម្មការហិរញ្ញវត្ថុព្រឹទ្ធ សភាប្រទេសបារាំង លោក ហ្វីលីព ម៉ារីនី (Philippe Marini) ស្នើឲ្យរដ្ឋាភិបាលខ្លួនចាប់អារម្មណ៍ចំពោះភាពមិនប្រក្រតីនៃការបោះឆ្នោតជ្រើសតាំងតំណាងរាស្ត្រ នីតិកាលទី៥ កាលពីថ្ងៃទី២៨ ខែកក្កដា ឆ្នាំ២០១៣ នៅកម្ពុជា ដែលបានតវ៉ាដោយគណបក្សប្រឆាំង [គណបក្សសង្គ្រោះជាតិ]។
ក្នុងសំណួរចុះថ្ងៃទី៧ ខែវិច្ឆិកានេះ របស់លោក ហ្វីលីព ម៉ារីនី ផ្ញើជូនរដ្ឋមន្ត្រីការបរទេសបារាំង ឲ្យដឹងថា គណបក្សប្រឆាំងនៅកម្ពុជាទទូចឲ្យមានការបង្កើតគណៈកម្មការ ឯករាជ្យមួយស៊ើបអង្កេតពីភាពមិនប្រក្រតីនៃការបោះឆ្នោត។ លោកបន្តថា ដើម្បីពង្រឹងលទ្ធិប្រជាធិបតេយ្យ និងពហុបក្ស នៅកម្ពុជា ប្រទេសបារាំងគួរតែបង្ហាញពីកង្វល់របស់ខ្លួន ដោយបង្កកជំនួយអភិវឌ្ឍន៍ប្រទេសទាំងអស់ ឬមួយផ្នែករបស់ខ្លួនចំពោះប្រទេសកម្ពុជា ដូចជាតាមរយៈគម្រោងដែលផ្តល់ដោយទីភ្នាក់ងារអភិវឌ្ឍន៍បារាំង(AFD) ជាដើម។
រហូតមកដល់ពេលនេះ រដ្ឋាភិបាលបារាំងមិនទាន់ឆ្លើយតបនឹងការលើកទ្បើងរបស់លោក ហ្វីលីព ម៉ារីនី នៅទ្បើយទេ។
កាលពីថ្ងៃទី២៤ ខែតុលា ឆ្នាំ២០១៣ ប្រធាន និងអនុប្រធានគណបក្សសង្គ្រោះជាតិ លោក សម រង្ស៊ី និង លោក កឹម សុខា ដឹកនាំពលរដ្ឋជាបាតុករដង្ហែក្បួនមកដាក់ញត្តិនៅស្ថានទូតបារាំងប្រចាំកម្ពុជា ដើម្បីស្នើឲ្យប្រទេសបារាំងដែលជាសហប្រធានសន្និសីទនៃកិច្ចព្រមព្រៀង សន្តិភាពទីក្រុងប៉ារីស ២៣ តុលា ១៩៩១ ជួយដោះស្រាយភាពមិនប្រក្រតីនៃការបោះឆ្នោតនៅកម្ពុជា និងជំរុញឲ្យមេដឹកនាំប្រទេសកម្ពុជាបច្ចុប្បន្ន គោរពឲ្យបានពេញលេញនូវកិច្ចព្រមព្រៀងនេះ។
គណបក្សសង្គ្រោះជាតិក៏គ្រោងដឹកនាំធ្វើមហាបាតុកម្មលើកទី៤ ចំថ្ងៃទិវាសិទ្ធិមនុស្សអន្តរជាតិ ១០ធ្នូ ខាងមុខនេះ ដើម្បីបន្តរកយុត្តិធម៌ជូនម្ចាស់ឆ្នោត។
ទោះយ៉ាងណា គណបក្សប្រជាជនកម្ពុជារបស់ លោកនាយករដ្ឋមន្ត្រី ហ៊ុន សែន បដិសេធជាច្រើនលើកការទាមទារសើរើលទ្ធផលបោះឆ្នោត។ គណបក្សកាន់អំណាច បកស្រាយថា ការទទូចឲ្យស៊ើបអង្កេតភាពមិនប្រក្រតីនៃការបោះឆ្នោតហួសពេល និងហួសក្របខណ្ឌច្បាប់ ដោយសារ
គណៈកម្មាធិការជាតិរៀបចំ ការបោះឆ្នោត (គ.ជ.ប) និងក្រុមប្រឹក្សាធម្មនុញ្ញ បានដោះស្រាយជាស្ថាពររួចហើយរាល់វិវាទបោះឆ្នោត។
លទ្ធផលបោះឆ្នោតផ្លូវការរបស់ គ.ជ.ប បង្ហាញថា គណបក្សប្រជាជនកម្ពុជាទទួលបានអាសនៈរដ្ឋសភាចំនួន៦៨ ក្នុងចំណោមអាសនៈ១២៣។ ចំណែក គណបក្សសង្គ្រោះជាតិទទួលបាន៥៥អាសនៈ៕
សរសេរមកកាន់លោក ដួង សុខា តាមរយៈ duong.sokha@vodhotnews.com
No comments:
Post a Comment