ដោយ៖ សេង ម៉ូលីនី | ថ្ងៃអង្គារ៍ ទី22 ខែតុលា ឆ្នាំ2013 | VOD
អាជ្ញាធររាជធានីភ្នំពេញ នៅរសៀលថ្ងៃអង្គារនេះ ចាប់ផ្តើមការងារដាក់រនាំងការពារនៅតាមផ្លូវតូចៗ កែងនឹងមហាវិថីព្រះនរោត្តម តែមិនមានលួសបន្លាទេ ដើម្បីត្រៀមសម្រាប់ការធ្វើមហាបាតុកម្មរបស់គណបកសង្គ្រោះជាតិ ដែលគ្រោងនឹងធ្វើឡើងរយៈពេលបីថ្ងៃ ចាប់ពីទី២៣ ដល់ទី២៥ ខែតុលា។
នៅតាមបណ្ដាយផ្លូវនរោត្តម ឆ្លងកាត់វិមានឯករាជ្យ និងតាមច្រកតូចៗ កែងនឹងផ្លូវព្រះនរោត្តម កម្លាំងសមត្ថកិច្ច គេសង្កេតឃើញមានការដាក់ជារនាំង ទុកត្រៀមសម្រាប់ការពារ។ចំណែកនៅទីលានប្រជាធិបតេយ្យវិញ គណបក្សសង្គ្រោះជាតិ បានរៀបចំជារោងសម្រាប់មហាបាតុកម្ម នៅថ្ងៃពុធស្អែកនេះ។ប្រជាពលរដ្ឋមួយចំនួន មកពីបណ្ដាលខេត្តនានា បានមកដល់ទីលានប្រជាធិបតេយ្យ ដោយបានត្រៀមមុង និងភួយ មកជាមួយផងដែរ។
ពលរដ្ឋម្នាក់មកពីខេត្តកំពត សុំមិនបញ្ចេញឈ្មោះ ឲ្យដឹងថា អ្នកស្រី មកចូលរួមមហាបាតុកម្ម ដោយមិនខ្លាចការគំរាមពីកម្លាំងសមត្ថកិច្ច ដោយសារគាត់មកទីនេះ ដើម្បីយុត្តិធម៌។
អ្នកនាំពាក្យក្រសួងមហាផ្ទៃលោក ខៀវ សុភ័គ ប្រាប់VODកាលពីថ្ងៃចន្ទថា ការដែលអាជ្ញាធរ ចាប់ផ្តើមពង្រាយកងកម្លាំងការពារ និងរបាំងការពារនេះ គឺដើម្បីត្រៀមការពារសន្តិសុខសង្គម ដោយសារអាជ្ញាធរ មិនអាចស្មានដឹងមុនថា នឹងគ្រប់គ្រងកម្លាំងបាតុកម្មនៅថ្ងៃទី២៣ខែតុលា បានឬយ៉ាងណា។
គណបក្សសង្គ្រោះជាតិ បានធ្វើមហាបាតុកម្មអហិង្សាចំនួន២លើកមកហើយ ដើម្បីទាមទាររកដំណោះស្រាយពីភាពមិនប្រក្រតីជូនម្ចាស់ឆ្នោត។ អាជ្ញាធរ តែងតែរឹតបន្តឹងការធ្វើដំណើរគ្រប់ច្រកចេញចូល នៅពេលគណបក្សសង្គ្រោះជាតិ ចាប់ ផ្តើមមហាបាតុកម្មនៅទីលានប្រជាធិតេយ្យ៕
សរសេរមកកាន់ កញ្ញា សេង ម៉ូលីនី តាមរយៈ sengmoliny@gmail.com
No comments:
Post a Comment