អ្នកគាំទ្រគណបក្សប្រជាជន នៅក្នុងយុទ្ធនាការឃោសនានៅសង្កាត់កោះដាច់ពីចុងសប្តាហ៍មុន។ រូបថត ហុង មិនា
កំពង់ចាមៈ ក្រុមប្រឹក្សាគណបក្សសង្គ្រោះជាតិ CNRP
បានដាក់ពាក្យបណ្តឹងលើករណីដែលមេភូមិ នៅក្នុងស្រុកមេមត់
មកពីគណបក្សប្រជាជន CPP
បានបំពានច្បាប់ដោយដើរប្រមូលអត្តសញ្ញាណប័ណ្ណពីប្រជាពលរដ្ឋ
ដែលត្រូវបានអ្នកសង្កេតការណ៍ចាត់ទុកថា
ជាយុទ្ធសាស្ត្របំភិតបំភ័យដល់អ្នកបោះឆ្នោត។
លោក គង់ សំអាន ក្រុមប្រឹក្សាគណបក្សសង្គ្រោះជាតិ ប្រចាំស្រុកមេមត់
បានឲ្យដឹងថា កាលពីថ្ងៃអាទិត្យ
លោកបានដាក់ពាក្យបណ្តឹងទៅគណៈកម្មាធិការបោះឆ្នោតខេត្ត
ដើម្បីឲ្យជួយអន្តរាគមន៍ ចំពោះករណីមេភូមិសម្បូរ
ដែលបានដើរប្រមូលយកអត្តសញ្ញាណប័ណ្ណពីប្រជាពលរដ្ឋនៅក្នុងភូមិយក
ទៅទុក។ លោកបានឲ្យដឹងទៀតថា
៖ «ខ្ញុំបានឃើញលោកមេភូមិនិងគ្នាគាត់បីនាក់ទៀត
កំពុងតែដើរប្រមូលអត្តសញ្ញាណប័ណ្ណប្រជាជន
តែនៅពេលខ្ញុំសួរគាត់បានឆ្លើយថាប្រមូលយកទៅទុកក្នុងថង់ឲ្យ
ស្អាត
ដើម្បីកុំឲ្យត្រូវទឹកភ្លៀងខ្លាចខូចតែហេតុអ្វីបានជាគាត់ដាក់
សន្លឹកឆ្នោតគណបក្សប្រជាជននៅជាមួយ»។លោកបានឲ្យដឹងថា
នៅពេលដែលលោកបានជួបនោះ
គឺក្រុមមេភូមិប្រមូលអត្តសញ្ញាណប័ណ្ណបានចំនួន២០ សន្លឹក
តែប្រសិនបើលោកពុំបានជួបករណីនេះទេគឺនឹងមានប្រជាពលរដ្ឋច្រើន
ទៀតដែលគាត់នឹងត្រូវប្រមូលយកពីគេទៅទុក។
លោកបានថ្លែងឲ្យដឹងថា៖ «ខ្ញុំសួរពលរដ្ឋនៅក្នុងតំបន់នោះគេថា
នេះជាទម្លាប់របស់អាជ្ញាធរគាំទ្រគណបក្សប្រជាជនទៅហើយ
ដែលតែងតែធ្វើដូច្នេះគឺយកអត្តសញ្ញាណប័ណ្ណទៅទុកដើម្បីគេផ្ទៀង
ឈ្មោះហើយនៅពេលដែលឃើញឈ្មោះហើយ
គេយកមកឲ្យវិញដោយមានដាក់ភ្ជាប់មកជាមួយនូវលេខរៀងរបស់គណបក្ស
ប្រជាជន»។
លោក ហុង ហៀង មេភូមិសម្បូរ បានថ្លែងថា
លោកពិតជាបានប្រើសមាជិករបស់លោកឲ្យដើរប្រមូលអត្តសញ្ញាណប័ណ្ណពី
ប្រជាពលរដ្ឋពិតមែនដើម្បីយកទៅដាក់ថង់ប្លាស្ទិកឲ្យបានស្អាត
ពីព្រោះខ្លាចប្រជាពលរដ្ឋធ្វើឲ្យត្រូវទឹកភ្លៀងខូច
ដែលនាំឲ្យមានការពិបាកនៅថ្ងៃបោះឆ្នោត។
លោកនិយាយថា៖«នៅពេលយើងដាក់ថង់ហើយគឺយើងយកឲ្យពលរដ្ឋវិញភ្លាមយើង
មិនទុកនោះទេ»។ លោកបានឲ្យដឹងថា
ការប្រមូលអត្តសញ្ញាប័ណ្ណប្រជាពលរដ្ឋដែលបានប្រមាណជា៤០ នោះ
បានយកទៅឲ្យប្រជាពលរដ្ឋវិញអស់ហើយ បន្ទាប់ពីគណបក្សសង្គ្រោះជាតិ
បានសួរនាំអំពីបញ្ហានេះ។ លោកហុង
ហៀងបានបញ្ជាក់ថា៖«ខ្ញុំធ្វើដូច្នេះតាមបញ្ជារបស់លោកមេឃុំ»។
លោក សុខ ឈិន អនុប្រធានគណៈកម្មាធិការរៀបចំការបោះឆ្នោតខេត្ត
បានបដិសេធពុំធ្វើការអត្ថាធិប្បាយទេដោយថ្លែងថា
កំពុងជាប់រវល់ប្រជុំ។
លោក ទេព នីថា អគ្គលេខាធិការ គ.ជ.ប បានឲ្យដឹងថា
ការប្រមូលយកប័ណ្ណព័ត៌មានបោះឆ្នោត និងអត្តសញ្ញាណប័ណ្ណ
ពីប្រជាពលរដ្ឋ
ដោយមិនមានការអនុញ្ញាតឬដោយប្រការផ្សេងទៀត«គឺជាអំពើល្មើស
ច្បាប់»ដែលប្រជាពលរដ្ឋអាចដាក់ពាក្យប្តឹងទៅ
គណៈកម្មាធិការរៀបចំការបោះឆ្នោតឃុំ សង្កាត់
ឬអាជ្ញាធរដែនដីដោយផ្ទាល់។
លោក ហង្ស ពុទ្ធា នាយកអង្គការឃ្លាំមើលការបោះឆ្នោត ហៅកាត់ និកហ្វិច
បានឲ្យដឹងថានៅក្នុងច្បាប់
បានចែងយ៉ាងច្បាស់ហើយមន្ត្រីអាជ្ញាធរភូមិ ឃុំ សង្កាត់
គឺត្រូវអព្យាក្រឹត
ហើយក្នុងករណីមានការប្រមូលអត្តសញ្ញាណប័ណ្ណពីប្រជាពលរដ្ឋ
ក្នុងន័យគាបសង្កត់ដើម្បីបម្រើឲ្យគណបក្សនយោបាយណាមួយនោះ
គឺជារឿងខុសច្បាប់ដែលអាចធ្វើឲ្យល្អក់កករដល់ការបោះឆ្នោត។
លោកបានថ្លែងថា៖«នៅក្នុងស្រុកខ្មែរយើងអួតថា ជាប្រទេសនីតិរដ្ឋ
តែប្រកាន់យកការសម្របសម្រួលច្រើន»។
យោង តាម គ.ជ.ប គិតមកដល់ថ្ងៃទី ១២ ខែកក្កដា គ.ជ.ប
បានទទួលបណ្តឹងចំនួន ១៩០ បណ្តឹង ហើយបានដោះស្រាយនៅថ្នាក់ឃុំ សង្កាត់
បានចំនួន១២៥ បណ្តឹងហើយ នៅសល់៦៥បណ្តឹងទៀត។
ចំពោះបណ្តឹងនៅគណៈកម្មការរៀបចំការបោះឆ្នោត ថ្នាក់ខេត្តមានចំនួន២៧
បណ្តឹង ហើយដោះស្រាយបានចំនួន ១៥បណ្តឹងនៅសល់១២បណ្តឹងទៀត។
បើគ្មានអត្តសញ្ញាណប័ណ្ណឬប័ណ្ណសម្គាល់ផ្សេងទៀតដែលមានការទទួលស្គាល់ជាផ្លូវការ ពលរដ្ឋមិនអាចទៅបោះឆ្នោតបានឡើយ៕
No comments:
Post a Comment