ប្រជាពលរដ្ឋរស់នៅភូមិពាមប៉ោអូរបី ជាភូមិឧបសម្ពន្ធភូមិស្រែថ្មី
ឃុំឃ្សឹម ស្រុកស្នួល ខេត្តក្រចេះ អះអាងថា
មេការនិងបុគ្គលិកក្រុមហ៊ុនសម្បទានសេដ្ឋកិច្ចវៀតណាម ឈ្មោះ ប៊ិញ ភឿក២
នៅថ្ងៃអាទិត្យ ទី២ ខែមិថុនា ឆ្នាំ២០១៣
បានប្រើប្រាស់កម្លាំងប្រដាប់អាវុធកងរាជអាវុធហត្ថ
បាញ់បណ្ដេញប្រជាពលរដ្ឋកំពុងដាំ
និងប្រមូលផលដំឡូងលើដីអ្នកភូមិដែលក្រុមហ៊ុនដណ្ដើមយក។
ប្រជាពលរដ្ឋឈ្មោះ វុធ ធី អាយុ ៤៨ឆ្នាំ មានប្រសាសន៍ថា អ្នកភូមិប្រមាណ ២០នាក់ ខ្លះកំពុងប្រមូលផលដំឡូង ខ្លះកំពុងដាំដំឡូង បានរត់ខ្ចាត់ខ្ចាយ បន្ទាប់ពីស្នូរកាំភ្លើងបាញ់បណ្ដេញអ្នកភូមិចេញពីដី។
លោកបន្តថា នេះគឺជាការរំលោភសិទ្ធិមនុស្សដោយកងកម្លាំងរាជរដ្ឋាភិបាលអ្នកយាម ការពារក្រុមហ៊ុនបរទេសរំលោភយកដីប្រជាពលរដ្ឋ៖ «ពេលកំពុងដេញបាញ់ ខ្ញុំមានតែប៉េអឹមម្នាក់ ហើយនិងយួន បីបួននាក់។ អាអ្នកបាញ់ហ្នឹងប៉េអឹម កាំភ្លើងអាកាស្វ័យវែង។ បាញ់ផ្ទុះមួយគ្រាប់ ខ្ញុំភ័យចេះតែរត់ ខ្ញុំភ័យ ខ្ញុំរត់ទៅជង់ដើមទ្រូងនឹងដើមឈើ»។
ដូចគ្នានេះដែរ ស្ត្រីជាអ្នកភូមិនៅក្នុងហេតុការណ៍សុំមិនបញ្ចេញឈ្មោះរៀបរាប់ថា នេះជាលើកទី៥ហើយដែលក្រុមហ៊ុនវៀតណាមនេះ ប្រើប្រាស់កងប្រដាប់អាវុធបាញ់គំរាមប្រជាពលរដ្ឋមិនឲ្យចូលទៅដី ចម្ការរបស់អ្នកភូមិ។
ស្ត្រីដដែលបន្តថា ដីនេះគឺជាដីដែលអ្នកភូមិបានកាប់រានមុនពេលក្រុមហ៊ុនទទួលបានដី សម្បទាននៅតំបន់នោះ ហើយរាជរដ្ឋាភិបាលដាក់ចេញគោលនយោបាយវាស់វែងចេញប័ណ្ណកម្មសិទ្ធិជូន ប្រជាពលរដ្ឋ ប៉ុន្តែក្រុមហ៊ុនមិនបានគោរពគោលការណ៍នេះឡើយ៖ «ភ្នាក់ងារ ក្រុមហ៊ុន ប៊ិញ ភឿក២ វៀតណាម គាត់មកទប់ស្កាត់មិនឲ្យដាំ គាត់ដើរដកដំឡូងប្រជាពលរដ្ឋចោល។ ប្រជាពលរដ្ឋខ្លះគេរត់ខ្ចាត់ខ្ចាយនៅពីរនាក់ប្តីប្រពន្ធគេដេញ បាញ់»។
កាលពីថ្ងៃទី១៥ ខែឧសភា ក្រុមហ៊ុន ប៊ិញ ភឿក២ បានយកគ្រឿងចក្រចំនួន ៥គ្រឿង និងប្រើកម្មករជនជាតិវៀតណាម អមដោយកងប៉ូលិស កងរាជអាវុធហត្ថ និងទាហានប្រដាប់អាវុធការពារក្រុមហ៊ុន ដើម្បីរារាំងពលរដ្ឋមិនឲ្យតវ៉ា។ ក្រុមប្រជាពលរដ្ឋអះអាងថា បានដាក់ញត្តិសុំជំនួយពីលោកនាយករដ្ឋមន្ត្រី ហ៊ុន សែន ជួយដោះស្រាយផ្ដល់ដីជូនអ្នកភូមិ និងបញ្ឈប់សកម្មភាពក្រុមហ៊ុននេះ ជាបន្ទាន់។
វិទ្យុអាស៊ីសេរី នៅថ្ងៃអាទិត្យ ទី២ ខែមិថុនា មិនអាចទាក់ទងស្វែងរកអាសយដ្ឋាន និងលេខទូរស័ព្ទតំណាងក្រុមហ៊ុន ប៊ិញ ភឿក២ សុំអធិប្បាយការចោទប្រកាន់នេះបានទេ។ ចំណែកអភិបាលស្រុកស្នួល លោក គង់ គីមនី មានប្រសាសន៍ថា លោកជាប់ប្រជុំ។
យ៉ាងនេះក្តី មន្ត្រីសម្របសម្រួលសមាគមអាដហុក ខេត្តក្រចេះ លោកស្រី ធីម ណារីម បានកត់សំគាល់ថា ប្រជាពលរដ្ឋអស់ជំនឿលើដំណោះស្រាយរបស់អាជ្ញាធរមូលដ្ឋាន និងបានស្វែងរកកិច្ចអន្តរាគមន៍ពីអាជ្ញាធរថ្នាក់ជាតិ។
អ្នកស្រីអំពាវនាវសុំឲ្យអាជ្ញាធរពាក់ព័ន្ធចាត់វិធានការដោះស្រាយ បញ្ហាជូនប្រជាពលរដ្ឋកុំឲ្យបញ្ហានេះនៅរ៉ាំរ៉ៃយូរតទៅទៀត៖ «សង្គម ស៊ីវិលយើងមានការព្រួយបារម្ភខ្លាចថា ភាពយឺតយ៉ាវយកចិត្តទុកដាក់របស់អាជ្ញាធរ វាអាចក្លាយទៅជាអំពើហិង្សាណាមួយដែលកើតឡើងរវាងប្រជាពលរដ្ឋនិង ក្រុមហ៊ុនមកដល់បច្ចុប្បន្ននេះ»។
បន្ទាប់ពីរបាយការណ៍របស់អង្គការឃ្លាំមើលពិភពលោក គ្លបល វីនេស (Global Witness) ចេញផ្សាយនៅខែឧសភា នេះថា ក្រុមហ៊ុនវៀតណាម ហ័ង អាញ់ យ៉ាឡាយ (Hoang Anh Gia Lai) វិនិយោគដាំដំណាំកៅស៊ូនិងមានសាខាក្រុមហ៊ុនវៀតណាម ចំនួន ៦ បានបំពានច្បាប់ រំលោភសិទ្ធិមនុស្ស និងកាប់បំផ្លាញព្រៃឈើនៅកម្ពុជា រួចមកមានប្រជាពលរដ្ឋជាច្រើនលើសកលលោក បានតវ៉ាសុំឲ្យក្រុមបាល់ទាត់របស់អង់គ្លេស គឺក្រុម អាស៊ើណល (Arsenal) ផ្ដាច់ការទាក់ទងជាមួយក្រុមហ៊ុនវៀតណាម មួយនេះ។ បច្ចុប្បន្នអ្នកចុះឈ្មោះគាំទ្រតាមប្រព័ន្ធអ៊ីនធឺណិត (Internet) កើនឡើងដល់ជាង ១.៤០០នាក់ហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ប្រជាពលរដ្ឋឈ្មោះ វុធ ធី អាយុ ៤៨ឆ្នាំ មានប្រសាសន៍ថា អ្នកភូមិប្រមាណ ២០នាក់ ខ្លះកំពុងប្រមូលផលដំឡូង ខ្លះកំពុងដាំដំឡូង បានរត់ខ្ចាត់ខ្ចាយ បន្ទាប់ពីស្នូរកាំភ្លើងបាញ់បណ្ដេញអ្នកភូមិចេញពីដី។
លោកបន្តថា នេះគឺជាការរំលោភសិទ្ធិមនុស្សដោយកងកម្លាំងរាជរដ្ឋាភិបាលអ្នកយាម ការពារក្រុមហ៊ុនបរទេសរំលោភយកដីប្រជាពលរដ្ឋ៖ «ពេលកំពុងដេញបាញ់ ខ្ញុំមានតែប៉េអឹមម្នាក់ ហើយនិងយួន បីបួននាក់។ អាអ្នកបាញ់ហ្នឹងប៉េអឹម កាំភ្លើងអាកាស្វ័យវែង។ បាញ់ផ្ទុះមួយគ្រាប់ ខ្ញុំភ័យចេះតែរត់ ខ្ញុំភ័យ ខ្ញុំរត់ទៅជង់ដើមទ្រូងនឹងដើមឈើ»។
ដូចគ្នានេះដែរ ស្ត្រីជាអ្នកភូមិនៅក្នុងហេតុការណ៍សុំមិនបញ្ចេញឈ្មោះរៀបរាប់ថា នេះជាលើកទី៥ហើយដែលក្រុមហ៊ុនវៀតណាមនេះ ប្រើប្រាស់កងប្រដាប់អាវុធបាញ់គំរាមប្រជាពលរដ្ឋមិនឲ្យចូលទៅដី ចម្ការរបស់អ្នកភូមិ។
ស្ត្រីដដែលបន្តថា ដីនេះគឺជាដីដែលអ្នកភូមិបានកាប់រានមុនពេលក្រុមហ៊ុនទទួលបានដី សម្បទាននៅតំបន់នោះ ហើយរាជរដ្ឋាភិបាលដាក់ចេញគោលនយោបាយវាស់វែងចេញប័ណ្ណកម្មសិទ្ធិជូន ប្រជាពលរដ្ឋ ប៉ុន្តែក្រុមហ៊ុនមិនបានគោរពគោលការណ៍នេះឡើយ៖ «ភ្នាក់ងារ ក្រុមហ៊ុន ប៊ិញ ភឿក២ វៀតណាម គាត់មកទប់ស្កាត់មិនឲ្យដាំ គាត់ដើរដកដំឡូងប្រជាពលរដ្ឋចោល។ ប្រជាពលរដ្ឋខ្លះគេរត់ខ្ចាត់ខ្ចាយនៅពីរនាក់ប្តីប្រពន្ធគេដេញ បាញ់»។
កាលពីថ្ងៃទី១៥ ខែឧសភា ក្រុមហ៊ុន ប៊ិញ ភឿក២ បានយកគ្រឿងចក្រចំនួន ៥គ្រឿង និងប្រើកម្មករជនជាតិវៀតណាម អមដោយកងប៉ូលិស កងរាជអាវុធហត្ថ និងទាហានប្រដាប់អាវុធការពារក្រុមហ៊ុន ដើម្បីរារាំងពលរដ្ឋមិនឲ្យតវ៉ា។ ក្រុមប្រជាពលរដ្ឋអះអាងថា បានដាក់ញត្តិសុំជំនួយពីលោកនាយករដ្ឋមន្ត្រី ហ៊ុន សែន ជួយដោះស្រាយផ្ដល់ដីជូនអ្នកភូមិ និងបញ្ឈប់សកម្មភាពក្រុមហ៊ុននេះ ជាបន្ទាន់។
វិទ្យុអាស៊ីសេរី នៅថ្ងៃអាទិត្យ ទី២ ខែមិថុនា មិនអាចទាក់ទងស្វែងរកអាសយដ្ឋាន និងលេខទូរស័ព្ទតំណាងក្រុមហ៊ុន ប៊ិញ ភឿក២ សុំអធិប្បាយការចោទប្រកាន់នេះបានទេ។ ចំណែកអភិបាលស្រុកស្នួល លោក គង់ គីមនី មានប្រសាសន៍ថា លោកជាប់ប្រជុំ។
យ៉ាងនេះក្តី មន្ត្រីសម្របសម្រួលសមាគមអាដហុក ខេត្តក្រចេះ លោកស្រី ធីម ណារីម បានកត់សំគាល់ថា ប្រជាពលរដ្ឋអស់ជំនឿលើដំណោះស្រាយរបស់អាជ្ញាធរមូលដ្ឋាន និងបានស្វែងរកកិច្ចអន្តរាគមន៍ពីអាជ្ញាធរថ្នាក់ជាតិ។
អ្នកស្រីអំពាវនាវសុំឲ្យអាជ្ញាធរពាក់ព័ន្ធចាត់វិធានការដោះស្រាយ បញ្ហាជូនប្រជាពលរដ្ឋកុំឲ្យបញ្ហានេះនៅរ៉ាំរ៉ៃយូរតទៅទៀត៖ «សង្គម ស៊ីវិលយើងមានការព្រួយបារម្ភខ្លាចថា ភាពយឺតយ៉ាវយកចិត្តទុកដាក់របស់អាជ្ញាធរ វាអាចក្លាយទៅជាអំពើហិង្សាណាមួយដែលកើតឡើងរវាងប្រជាពលរដ្ឋនិង ក្រុមហ៊ុនមកដល់បច្ចុប្បន្ននេះ»។
បន្ទាប់ពីរបាយការណ៍របស់អង្គការឃ្លាំមើលពិភពលោក គ្លបល វីនេស (Global Witness) ចេញផ្សាយនៅខែឧសភា នេះថា ក្រុមហ៊ុនវៀតណាម ហ័ង អាញ់ យ៉ាឡាយ (Hoang Anh Gia Lai) វិនិយោគដាំដំណាំកៅស៊ូនិងមានសាខាក្រុមហ៊ុនវៀតណាម ចំនួន ៦ បានបំពានច្បាប់ រំលោភសិទ្ធិមនុស្ស និងកាប់បំផ្លាញព្រៃឈើនៅកម្ពុជា រួចមកមានប្រជាពលរដ្ឋជាច្រើនលើសកលលោក បានតវ៉ាសុំឲ្យក្រុមបាល់ទាត់របស់អង់គ្លេស គឺក្រុម អាស៊ើណល (Arsenal) ផ្ដាច់ការទាក់ទងជាមួយក្រុមហ៊ុនវៀតណាម មួយនេះ។ បច្ចុប្បន្នអ្នកចុះឈ្មោះគាំទ្រតាមប្រព័ន្ធអ៊ីនធឺណិត (Internet) កើនឡើងដល់ជាង ១.៤០០នាក់ហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
1 comment:
If the land is within the land concession, there is nothing illegal about that. If the land is not within the land concession, you have every rights to file a lawsuit. Obey the laws.
Post a Comment