“អតិផរណាហក់ឡើងស្ទើររាល់ថ្ងៃដោយគ្មានការទប់ស្កាត់។
តម្លៃទំនិញសព្វសារពើលើទីផ្សារ ចាប់តាំងពីអគ្គិសនីរហូតដល់អាហារជាមូលដ្ឋាន
(ដូចជាអង្ករ បន្លែ ត្រី សាច់ជាដើម) ឡើងថ្លៃឥតឈប់ឈរ
តែប្រាក់ចំណូលរបស់ប្រជាពលរដ្ឋខ្មែរវិញ ស្ទុះឡើងមិនដែលទាន់ទំនិញសោះ។
ប្រទេសកម្ពុជាយើងចាំបាច់ត្រូវតែមាននាយករដ្ឋមន្ត្រីមួយរូប
ដែលយល់អំពីចរន្តសេដ្ឋកិច្ច។”
អនុសាសន៍ទាំងនេះត្រូវបានផ្សព្វផ្សាយលើទំព័របណ្តាញសង្គម (Facebook)
ផ្លូវការរបស់លោក សម រង្ស៊ី ប្រធានគណបក្សសង្រ្គោះជាតិ។
លោក សម រង្ស៊ី បានបន្ថែមថា លោកជឿថា បទពិសោធន៍របស់លោក
ជាអតីតរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ
ដែលធ្លាប់បានបញ្ចុះតម្លៃទំនិញ
និងតម្លើងប្រាក់ខែជូនមន្ត្រីរាជការកាលពីអាណត្តិទី១ បូកផ្សំជាមួយចំណេះដឹង
និងជំនាញរបស់លោក លើវិស័យសេដ្ឋកិច្ចបានមកពីការសិក្សា
និងធ្វើការក្នុងប្រព័ន្ធហិរញ្ញវត្ថុនៅប្រទេសបារាំង,
ទាំងអស់នេះនឹងផ្តល់សមត្ថភាពគ្រប់គ្រាន់ឲ្យរូបលោក
អាចដោះស្រាយបញ្ហាជីវភាពរស់នៅ របស់ប្រជារាស្ត្រខ្មែរ នៅពេលនេះបាន ៕
No comments:
Post a Comment