Kem Sokha launched an election campaign ប្រធានស្តីទី គណបក្ស សង្គ្រោះជាតិ ចេញសេចក្តី អំពាវនាវ សម្រាប់ការ ឃោសនា រកសំឡេងឆ្នោត ឆ្នាំ២០១៣

Wednesday, 26 June 2013 ដោយ ៖ ដើមអម្ពិល(DAP): ID-014

ភ្នំពេញ៖ នៅរសៀលថ្ងៃទី២៦ ខែមិថុនា ឆ្នាំ២០១៣នេះ លោក កឹម សុខា ប្រធានស្តីទីគណបក្សសង្គ្រោះជាតិ បានចេញសេចក្តីអំពាវនាវមួយ ក្នុង ឱកាសឃោសនាបោះឆ្នោតនីតិកាលទី៥។

សេចក្តីអំពាវនាវនោះ បានឲ្យដឹងថា ថ្ងៃឃោសនានឹងចាប់ផ្តើម ពីថ្ងៃទី២៧ ខែមិថុនា ដល់ថ្ងៃទី២៦ ខែកក្កដា ឆ្នាំ២០១៣ ដើម្បីផ្តល់ឱកាស ដល់ជនរួម ជាតិ បានយល់ពីកម្មវិធីនយោបាយ របស់គណបក្សនយោបាយនានា ក្នុងនោះក៏មានគណបក្សសង្រ្គោះជាតិ ដែលជាទីសង្ឃឹម របស់ប្រជាពលរដ្ឋខ្មែរ ផងដែរ។ ការបោះឆ្នោត ជ្រើសរើសតំណាងរាស្រ្តនេះ មានសារសំខាន់ ជាប្រវត្តិសាស្រ្ត ក្នុងការផ្តល់លទ្ធភាព ជូនប្រជាជាតិខ្មែរ ដើម្បីទទួលបានអ្នក ដឹកនាំល្អ ក្នុងការសង្គ្រោះជាតិ ហើយក៏ផ្តល់ឱកាស ដល់ជនរួមជាតិ ទទួលបានជីវភាព រស់នៅសុខសាន្ត សម្រាប់គ្រប់គ្នា៕