ដោយ ដែន អយុធ្យា RFA
2013-06-17
2013-06-17
ស្ដាប់ ឬ ទាញយកសំឡេង
១៧-មិថុនា-២០១៣៖ តំណាងក្រុមប្រឹក្សាឃ្លាំមើលកម្ពុជា លោក រ៉ុង
ឈុន លើកសៀវភៅភូមិវិទ្យាថ្នាក់ទី៧ សម័យសាធារណរដ្ឋប្រជាមានិតកម្ពុជា
ដែលមាននិយាយអំពីកោះត្រល់ ក្នុងសន្និសីទកាសែត នារាជធានីភ្នំពេញ។
RFA/Den Ayuthyea
អ្នកឃ្លាំមើលព្រំដែនបានស្នើឲ្យប្រមុខដឹកនាំពិចារណាចំពោះការ
បាត់បង់ទឹកដី
និងកោះមួយចំនួនដែលក្រុមប្រឹក្សាឃ្លាំមើលក្នុងស្រុកមួយនេះអះអាង
ថា បាត់បង់ដោយសារការឈ្លានពានរបស់ប្រទេសជិតខាងជាថ្មី។
លិខិតផ្ញើជូនលោកនាយករដ្ឋមន្ត្រី ហ៊ុន សែន របស់ក្រុមប្រឹក្សាឃ្លាំមើលកម្ពុជា ចុះថ្ងៃទី១៧ ខែមិថុនា មានខ្លឹមសារថា កន្លងមកប្រមុខរាជរដ្ឋាភិបាលតែងបានលើកឡើងថា កម្ពុជាមិនអាចយកទឹកដី និងកោះរបស់ខ្មែរដែលបាត់ពីប្រទេសថៃ និងវៀតណាម មកវិញបានទេ ព្រោះការបាត់បង់ទឹកដី និងកោះទាំងនោះ បានបាត់តាំងពីយូរលង់មកហើយ។
លិខិតដដែលបានអះអាងថា ការពិត ប្រទេសកម្ពុជា នៅតែមានសិទ្ធិពេញលេញក្នុងការទាមទារទឹកដី និងកោះពីការឈ្លានពានមកវិញបានគ្រប់ពេល ទោះបីការបាត់បង់នោះអូសបន្លាយពេលយូរក៏ដោយ ក៏មិនផុតអាជ្ញាយុកាលនោះទេ ហើយថា ទឹកដី និងកោះទើបតែបាត់បង់ក្នុងចន្លោះទសវត្ស១៩៨០ ទៅទសវត្ស២០១០ ដែលប្រទេសជិតខាងឈ្លានពានចូលក្នុងអធិបតេយ្យភាពបូរណភាពទឹកដីនៃ កម្ពុជា ជាបន្តបន្ទាប់ ដូចជាករណីកោះត្រល់ ដែលទើបបាត់បង់ក្នុងពេលថ្មីៗជាដើម។
ថ្លែងក្នុងសន្និសីទកាសែត នាទីស្នាក់ការក្រុងភ្នំពេញ ព្រឹកថ្ងៃចន្ទ ទី១៧ ខែមិថុនា លោក រ៉ុង ឈុន បានបង្ហាញ និងលើកយកឯកសារសៀវភៅមេរៀនភូមិវិទ្យាថ្នាក់ទី៧ សម័យសាធារណរដ្ឋប្រជាមានិតកម្ពុជា គ្រឹះស្ថានបោះពុម្ពលើកទី៣ ចំនួន ៥ម៉ឺនច្បាប់ ដោយនៅក្នុងមេរៀនទី២ អំពីសណ្ឋានដី និងភោគទ្រព្យរ៉ែ ក្នុងទំព័រ ១៤ និង ១៥ នៃសៀវភៅនេះ បាននិយាយអំពីក្រុមកោះ នៅវាក្យខណ្ឌ ៣ នៃទំព័រ ១៥ ក៏មានកោះត្រល់ នៅក្នុងក្រុមកោះនោះដែរ ដែលជាមេរៀនដ៏សំខាន់សម្រាប់កូនខ្មែររៀន និងចងចាំច្បាស់ថា កោះត្រល់គឺជារបស់ខ្មែរ។
លោក រ៉ុង ឈុន៖ «ប៉ុន្តែបើយើងស្ដាប់រាល់ការលើកឡើងរបស់ថ្នាក់ ដឹកនាំកម្ពុជា យើងថា កោះត្រល់ហ្នឹងបានបាត់បង់តាំងពីសម័យឆ្នាំមុនទសវត្ស ឆ្នាំ១៩៩៦០ សម័យអតីតព្រះមហាវីរក្សត្រគ្រប់គ្រង។ តាមការពិត កោះត្រល់នេះបើយើងមើលទើបតែបាត់ថ្មីៗ បន្ទាប់ពីការចុះសន្ធិសញ្ញាបំពេញបន្ថែមនៅថ្ងៃទី១០ ខែតុលា ឆ្នាំ២០០៥ នេះទេ ទៅលើសន្ធិសញ្ញាឆ្នាំ១៩៨៥ ដែលកោះត្រល់បានបាត់បង់ជាស្ថាពរ»។
ផ្អែកតាមឯកសារនេះ លោក រ៉ុង ឈុន ស្នើឲ្យលោកនាយករដ្ឋមន្ត្រី ហ៊ុន សែន ត្រូវលើកបញ្ហាទឹកដី និងកោះរបស់ខ្មែរដែលបានបាត់បង់ពីការឈ្លានពានទៅឲ្យប្រទេសជិត ខាង ដាក់ជូនប្រទេសម្ចាស់ហត្ថលេខីនៃកិច្ចព្រមព្រៀងទីក្រុងប៉ារីស អំពីបញ្ហាកម្ពុជា ថ្ងៃទី២៣ ខែតុលា ឆ្នាំ១៩៩១ ជួយអន្តរាគមន៍៖ «បើ យើងមើលចម្ងាយពីប្រទេសយើងទៅកោះត្រល់ ប្រមាណជា ១៥គីឡូម៉ែត្រ ហើយបើយើងមើលចម្ងាយពីច្រាំងនៃប្រទេសយួន មកកោះត្រល់ ៤៥គីឡូម៉ែត្រ។ អ៊ីចឹងបើយើងងាកទៅមើលច្បាប់អន្តរជាតិ កោះណាដែលនៅជិតត្រើយនៃប្រទេសនោះ កោះហ្នឹងជាកោះប្រទេសហ្នឹងហើយ។ អ៊ីចឹងបើយើងមើលពីចម្ងាយរបស់ប្រទេសយើងទៅកោះត្រល់ ហើយពីប្រទេសវៀតណាម មកកោះត្រល់ យើងឃើញថា កោះត្រល់ចង្អុលបង្ហាញច្បាស់ គឺជាកោះរបស់ខ្មែរយើង»។
វិទ្យុអាស៊ីសេរី បានព្យាយាមទាក់ទងមន្ត្រីរដ្ឋាភិបាលដើម្បីបំភ្លឺបញ្ហានេះតាម ទូរស័ព្ទនៅថ្ងៃទី១៧ ខែមិថុនា ប៉ុន្តែមិនអាចទាក់ទងបាន។ ទោះយ៉ាងណាលោកនាយករដ្ឋមន្ត្រី ហ៊ុន សែន កាលពីថ្ងៃទី៩ ខែសីហា ឆ្នាំ២០១២ បានចំណាយពេលជាង ៥ម៉ោងនៅក្នុងវេទិការដ្ឋសភា ដើម្បីបំភ្លឺអំពីការបោះបង្គោលព្រំដែនគោក និងការកំណត់ព្រំដែនសមុទ្ររវាងកម្ពុជានិងវៀតណាម។
លោក ហ៊ុន សែន ថ្លែងដូច្នេះ៖ «ខ្ញុំសូមលើកឡើងនូវជំហរដ៏ ត្រឹមត្រូវ និងភ្លឺស្វាងមួយរបស់ព្រះករុណាសម្ដេចព្រះ នរោត្តម សីហនុ ដែលព្រះអង្គបានបញ្ជាក់នៅក្នុងព្រះរាជសារចុះថ្ងៃទី២៧ ខែកញ្ញា ឆ្នាំ១៩៩៩ ថា ក្នុងប្រវត្តិសាស្ត្រកម្ពុជា ទឹកដីកម្ពុជាក្រោមទាំងមូល បានបាត់បង់រួចទៅហើយ។ បន្ទាប់មកគឺកោះត្រល់ ដែលវៀតណាម ឲ្យឈ្មោះថា ហ្វូកុក និងកោះមួយចំនួនដែលឋិតនៅខាងត្បូងខ្សែបន្ទាត់ ប្រេវីយ៉េ ក៏បន្តបាត់តទៅទៀត ដោយសារតែសារាចររបស់លោកអគ្គទេសាភិបាលបារាំង ថ្ងៃទី៣១ ខែមករា ឆ្នាំ១៩៣៩»។
លោក ហ៊ុន សែន មានប្រសាសន៍ថា នៅឆ្នាំ១៩៣៩ អគ្គទេសាភិបាលឥណ្ឌូចិន របស់បារាំង គឺលោក ប្រេវីយ៉េ បានដាក់កោះត្រល់ ឲ្យស្ថិតនៅក្រោមការគ្រប់គ្រងរបស់វៀតណាម (កូសាំងស៊ីន)។ នៅឆ្នាំ១៩៤៩ កូសាំងស៊ីន (ដែលជាទឹកដីកម្ពុជាក្រោម) ត្រូវបានបារាំង ប្រគល់ទៅឲ្យព្រះចៅបៅដាយ។ នៅឆ្នាំ១៩៦៤ សម្ដេចព្រះ នរោត្ដម សីហនុ បានយកផែនទីខ្សែប្រេវីយ៉េ ឆ្នាំ១៩៣៩ ទៅតម្កល់នៅអង្គការសហប្រជាជាតិ ហើយស្នើសុំឲ្យអន្តរជាតិ និងប្រទេសសាមីទទួលស្គាល់ថា ជាខ្សែព្រំដែនសមុទ្ររវាងកម្ពុជា និងវៀតណាម។
ទោះយ៉ាងណា ប្រធានគណៈកម្មាធិការព្រំដែនកម្ពុជា ប្រចាំប្រទេសបារាំង និងជាអតីតរដ្ឋមន្ត្រីក្រសួងឧស្សាហកម្ម រ៉ែ និងថាមពល នៃរបបសាធារណរដ្ឋខ្មែរ លោក ស៊ាន ប៉េងសែ ធ្លាប់មានប្រសាសន៍ថា កោះត្រល់នៅតែជាកោះរបស់ខ្មែរ ពីព្រោះប្រទេសវៀតណាម បានទន្ទ្រានកាន់កាប់កោះនេះដោយខុសច្បាប់ ហើយថា កម្ពុជាមានសិទ្ធិពេញលេញក្នុងការទាមទារកោះត្រល់មកវិញ។
លោក ស៊ាន ប៉េងសែ៖ «កោះត្រល់ហ្នឹងទើបតែនឹងបាត់នៅឆ្នាំ១៩៨២។ បាត់ហ្នឹង គឺបាត់តាមផ្លូវការ ពីព្រោះពីដើមមកហ្នឹង ដូចជាស្ដេចជ័យជេដ្ឋាទី២ ដែលបានឲ្យយួន មកនៅស្រុកខ្មែរ ហើយបានមករស់នៅរហូតដល់សព្វថ្ងៃហ្នឹង ប៉ុន្តែមិនដែលបានចុះហត្ថលេខាទទួលស្គាល់ដីហ្នឹងជាដីរបស់យួនទេ ហើយចំណែកលោក ហ៊ុន សែន បានទទួលស្គាល់កោះត្រល់ ហើយនិងកោះប៉ូឡូប៉ងសង់ (កោះក្រចកសេះ) ជារបស់យួន។ អាហ្នឹងវាខុសគ្នាត្រង់ហ្នឹង»។
បញ្ហាកោះត្រល់ លោក ស៊ាន ប៉េងសែ បញ្ជាក់ថា ប្រទេសសិង្ហបុរី ក៏មិនទទួលស្គាល់ការកាន់កាប់កោះត្រល់របស់ប្រទេសវៀតណាមនេះដែរ៖ «ប្រទេស សិង្ហបុរី នៅឆ្នាំ១៩៨៥ បានធ្វើសំបុត្រមួយទៅអង្គការសហប្រជាជាតិ នៅក្នុងឆ្នាំ១៩៨៦ គឺថា លោក ហ៊ុន សែន បានចុះហត្ថលេខាជាមួយយួនហ្នឹង ជាសន្ធិសញ្ញាខុសច្បាប់ ពីព្រោះពេលហ្នឹងខ្មែរយើងនៅក្រោមអំណាចយួន។ អាហ្នឹងជាការមួយដែលខ្មែរយើងឲ្យដឹង មានសិង្ហបុរីជាសាក្សីផង»។
កោះត្រល់មានទំហំផ្ទៃដីសរុបចំនួន ៥៤០គីឡូម៉ែត្រក្រឡា គឺជិតប៉ុនប្រទេសសិង្ហបុរី ដែលមានផ្ទៃដី ៥៨១គីឡូម៉ែត្រក្រឡា។ កោះត្រល់ ស្ថិតនៅចម្ងាយ ៥គីឡូម៉ែត្រ ពីកោះក្រចកសេះ ១៥គីឡូម៉ែត្រ ពីឆ្នេរសមុទ្រខ្មែរភាគខាងត្បូង និង ៤៥គីឡូម៉ែត្រ ពីខេត្តហាទៀង ប្រទេសវៀតណាម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
លិខិតផ្ញើជូនលោកនាយករដ្ឋមន្ត្រី ហ៊ុន សែន របស់ក្រុមប្រឹក្សាឃ្លាំមើលកម្ពុជា ចុះថ្ងៃទី១៧ ខែមិថុនា មានខ្លឹមសារថា កន្លងមកប្រមុខរាជរដ្ឋាភិបាលតែងបានលើកឡើងថា កម្ពុជាមិនអាចយកទឹកដី និងកោះរបស់ខ្មែរដែលបាត់ពីប្រទេសថៃ និងវៀតណាម មកវិញបានទេ ព្រោះការបាត់បង់ទឹកដី និងកោះទាំងនោះ បានបាត់តាំងពីយូរលង់មកហើយ។
លិខិតដដែលបានអះអាងថា ការពិត ប្រទេសកម្ពុជា នៅតែមានសិទ្ធិពេញលេញក្នុងការទាមទារទឹកដី និងកោះពីការឈ្លានពានមកវិញបានគ្រប់ពេល ទោះបីការបាត់បង់នោះអូសបន្លាយពេលយូរក៏ដោយ ក៏មិនផុតអាជ្ញាយុកាលនោះទេ ហើយថា ទឹកដី និងកោះទើបតែបាត់បង់ក្នុងចន្លោះទសវត្ស១៩៨០ ទៅទសវត្ស២០១០ ដែលប្រទេសជិតខាងឈ្លានពានចូលក្នុងអធិបតេយ្យភាពបូរណភាពទឹកដីនៃ កម្ពុជា ជាបន្តបន្ទាប់ ដូចជាករណីកោះត្រល់ ដែលទើបបាត់បង់ក្នុងពេលថ្មីៗជាដើម។
ថ្លែងក្នុងសន្និសីទកាសែត នាទីស្នាក់ការក្រុងភ្នំពេញ ព្រឹកថ្ងៃចន្ទ ទី១៧ ខែមិថុនា លោក រ៉ុង ឈុន បានបង្ហាញ និងលើកយកឯកសារសៀវភៅមេរៀនភូមិវិទ្យាថ្នាក់ទី៧ សម័យសាធារណរដ្ឋប្រជាមានិតកម្ពុជា គ្រឹះស្ថានបោះពុម្ពលើកទី៣ ចំនួន ៥ម៉ឺនច្បាប់ ដោយនៅក្នុងមេរៀនទី២ អំពីសណ្ឋានដី និងភោគទ្រព្យរ៉ែ ក្នុងទំព័រ ១៤ និង ១៥ នៃសៀវភៅនេះ បាននិយាយអំពីក្រុមកោះ នៅវាក្យខណ្ឌ ៣ នៃទំព័រ ១៥ ក៏មានកោះត្រល់ នៅក្នុងក្រុមកោះនោះដែរ ដែលជាមេរៀនដ៏សំខាន់សម្រាប់កូនខ្មែររៀន និងចងចាំច្បាស់ថា កោះត្រល់គឺជារបស់ខ្មែរ។
លោក រ៉ុង ឈុន៖ «ប៉ុន្តែបើយើងស្ដាប់រាល់ការលើកឡើងរបស់ថ្នាក់ ដឹកនាំកម្ពុជា យើងថា កោះត្រល់ហ្នឹងបានបាត់បង់តាំងពីសម័យឆ្នាំមុនទសវត្ស ឆ្នាំ១៩៩៦០ សម័យអតីតព្រះមហាវីរក្សត្រគ្រប់គ្រង។ តាមការពិត កោះត្រល់នេះបើយើងមើលទើបតែបាត់ថ្មីៗ បន្ទាប់ពីការចុះសន្ធិសញ្ញាបំពេញបន្ថែមនៅថ្ងៃទី១០ ខែតុលា ឆ្នាំ២០០៥ នេះទេ ទៅលើសន្ធិសញ្ញាឆ្នាំ១៩៨៥ ដែលកោះត្រល់បានបាត់បង់ជាស្ថាពរ»។
ផ្អែកតាមឯកសារនេះ លោក រ៉ុង ឈុន ស្នើឲ្យលោកនាយករដ្ឋមន្ត្រី ហ៊ុន សែន ត្រូវលើកបញ្ហាទឹកដី និងកោះរបស់ខ្មែរដែលបានបាត់បង់ពីការឈ្លានពានទៅឲ្យប្រទេសជិត ខាង ដាក់ជូនប្រទេសម្ចាស់ហត្ថលេខីនៃកិច្ចព្រមព្រៀងទីក្រុងប៉ារីស អំពីបញ្ហាកម្ពុជា ថ្ងៃទី២៣ ខែតុលា ឆ្នាំ១៩៩១ ជួយអន្តរាគមន៍៖ «បើ យើងមើលចម្ងាយពីប្រទេសយើងទៅកោះត្រល់ ប្រមាណជា ១៥គីឡូម៉ែត្រ ហើយបើយើងមើលចម្ងាយពីច្រាំងនៃប្រទេសយួន មកកោះត្រល់ ៤៥គីឡូម៉ែត្រ។ អ៊ីចឹងបើយើងងាកទៅមើលច្បាប់អន្តរជាតិ កោះណាដែលនៅជិតត្រើយនៃប្រទេសនោះ កោះហ្នឹងជាកោះប្រទេសហ្នឹងហើយ។ អ៊ីចឹងបើយើងមើលពីចម្ងាយរបស់ប្រទេសយើងទៅកោះត្រល់ ហើយពីប្រទេសវៀតណាម មកកោះត្រល់ យើងឃើញថា កោះត្រល់ចង្អុលបង្ហាញច្បាស់ គឺជាកោះរបស់ខ្មែរយើង»។
វិទ្យុអាស៊ីសេរី បានព្យាយាមទាក់ទងមន្ត្រីរដ្ឋាភិបាលដើម្បីបំភ្លឺបញ្ហានេះតាម ទូរស័ព្ទនៅថ្ងៃទី១៧ ខែមិថុនា ប៉ុន្តែមិនអាចទាក់ទងបាន។ ទោះយ៉ាងណាលោកនាយករដ្ឋមន្ត្រី ហ៊ុន សែន កាលពីថ្ងៃទី៩ ខែសីហា ឆ្នាំ២០១២ បានចំណាយពេលជាង ៥ម៉ោងនៅក្នុងវេទិការដ្ឋសភា ដើម្បីបំភ្លឺអំពីការបោះបង្គោលព្រំដែនគោក និងការកំណត់ព្រំដែនសមុទ្ររវាងកម្ពុជានិងវៀតណាម។
លោក ហ៊ុន សែន ថ្លែងដូច្នេះ៖ «ខ្ញុំសូមលើកឡើងនូវជំហរដ៏ ត្រឹមត្រូវ និងភ្លឺស្វាងមួយរបស់ព្រះករុណាសម្ដេចព្រះ នរោត្តម សីហនុ ដែលព្រះអង្គបានបញ្ជាក់នៅក្នុងព្រះរាជសារចុះថ្ងៃទី២៧ ខែកញ្ញា ឆ្នាំ១៩៩៩ ថា ក្នុងប្រវត្តិសាស្ត្រកម្ពុជា ទឹកដីកម្ពុជាក្រោមទាំងមូល បានបាត់បង់រួចទៅហើយ។ បន្ទាប់មកគឺកោះត្រល់ ដែលវៀតណាម ឲ្យឈ្មោះថា ហ្វូកុក និងកោះមួយចំនួនដែលឋិតនៅខាងត្បូងខ្សែបន្ទាត់ ប្រេវីយ៉េ ក៏បន្តបាត់តទៅទៀត ដោយសារតែសារាចររបស់លោកអគ្គទេសាភិបាលបារាំង ថ្ងៃទី៣១ ខែមករា ឆ្នាំ១៩៣៩»។
លោក ហ៊ុន សែន មានប្រសាសន៍ថា នៅឆ្នាំ១៩៣៩ អគ្គទេសាភិបាលឥណ្ឌូចិន របស់បារាំង គឺលោក ប្រេវីយ៉េ បានដាក់កោះត្រល់ ឲ្យស្ថិតនៅក្រោមការគ្រប់គ្រងរបស់វៀតណាម (កូសាំងស៊ីន)។ នៅឆ្នាំ១៩៤៩ កូសាំងស៊ីន (ដែលជាទឹកដីកម្ពុជាក្រោម) ត្រូវបានបារាំង ប្រគល់ទៅឲ្យព្រះចៅបៅដាយ។ នៅឆ្នាំ១៩៦៤ សម្ដេចព្រះ នរោត្ដម សីហនុ បានយកផែនទីខ្សែប្រេវីយ៉េ ឆ្នាំ១៩៣៩ ទៅតម្កល់នៅអង្គការសហប្រជាជាតិ ហើយស្នើសុំឲ្យអន្តរជាតិ និងប្រទេសសាមីទទួលស្គាល់ថា ជាខ្សែព្រំដែនសមុទ្ររវាងកម្ពុជា និងវៀតណាម។
ទោះយ៉ាងណា ប្រធានគណៈកម្មាធិការព្រំដែនកម្ពុជា ប្រចាំប្រទេសបារាំង និងជាអតីតរដ្ឋមន្ត្រីក្រសួងឧស្សាហកម្ម រ៉ែ និងថាមពល នៃរបបសាធារណរដ្ឋខ្មែរ លោក ស៊ាន ប៉េងសែ ធ្លាប់មានប្រសាសន៍ថា កោះត្រល់នៅតែជាកោះរបស់ខ្មែរ ពីព្រោះប្រទេសវៀតណាម បានទន្ទ្រានកាន់កាប់កោះនេះដោយខុសច្បាប់ ហើយថា កម្ពុជាមានសិទ្ធិពេញលេញក្នុងការទាមទារកោះត្រល់មកវិញ។
លោក ស៊ាន ប៉េងសែ៖ «កោះត្រល់ហ្នឹងទើបតែនឹងបាត់នៅឆ្នាំ១៩៨២។ បាត់ហ្នឹង គឺបាត់តាមផ្លូវការ ពីព្រោះពីដើមមកហ្នឹង ដូចជាស្ដេចជ័យជេដ្ឋាទី២ ដែលបានឲ្យយួន មកនៅស្រុកខ្មែរ ហើយបានមករស់នៅរហូតដល់សព្វថ្ងៃហ្នឹង ប៉ុន្តែមិនដែលបានចុះហត្ថលេខាទទួលស្គាល់ដីហ្នឹងជាដីរបស់យួនទេ ហើយចំណែកលោក ហ៊ុន សែន បានទទួលស្គាល់កោះត្រល់ ហើយនិងកោះប៉ូឡូប៉ងសង់ (កោះក្រចកសេះ) ជារបស់យួន។ អាហ្នឹងវាខុសគ្នាត្រង់ហ្នឹង»។
បញ្ហាកោះត្រល់ លោក ស៊ាន ប៉េងសែ បញ្ជាក់ថា ប្រទេសសិង្ហបុរី ក៏មិនទទួលស្គាល់ការកាន់កាប់កោះត្រល់របស់ប្រទេសវៀតណាមនេះដែរ៖ «ប្រទេស សិង្ហបុរី នៅឆ្នាំ១៩៨៥ បានធ្វើសំបុត្រមួយទៅអង្គការសហប្រជាជាតិ នៅក្នុងឆ្នាំ១៩៨៦ គឺថា លោក ហ៊ុន សែន បានចុះហត្ថលេខាជាមួយយួនហ្នឹង ជាសន្ធិសញ្ញាខុសច្បាប់ ពីព្រោះពេលហ្នឹងខ្មែរយើងនៅក្រោមអំណាចយួន។ អាហ្នឹងជាការមួយដែលខ្មែរយើងឲ្យដឹង មានសិង្ហបុរីជាសាក្សីផង»។
កោះត្រល់មានទំហំផ្ទៃដីសរុបចំនួន ៥៤០គីឡូម៉ែត្រក្រឡា គឺជិតប៉ុនប្រទេសសិង្ហបុរី ដែលមានផ្ទៃដី ៥៨១គីឡូម៉ែត្រក្រឡា។ កោះត្រល់ ស្ថិតនៅចម្ងាយ ៥គីឡូម៉ែត្រ ពីកោះក្រចកសេះ ១៥គីឡូម៉ែត្រ ពីឆ្នេរសមុទ្រខ្មែរភាគខាងត្បូង និង ៤៥គីឡូម៉ែត្រ ពីខេត្តហាទៀង ប្រទេសវៀតណាម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment