ភ្នំពេញ:
ទោះបីជាមានគណបក្សនយោបាយចំនួន៨ចូលរួមការបោះឆ្នោតលើកនេះក្តី
ប៉ុន្តែការប្រកួតប្រជែងគ្នាខ្លាំង នឹងកើតមាន ចំពោះ
គណបក្សប្រជាជននិងគណបក្សសង្គ្រោះជាតិ។
ខណ:ដែលអ្នកវិភាគជាច្រើនគិតថា គណបក្សប្រជាជន នឹងនៅតែបន្ត កាន់អំណាច
ដោយឈ្នះការបោះឆ្នោតលើកនេះនោះ
តំបន់មួយចំនួននឹងក្លាយជាការប្រទាញប្រទង់គ្នារវាងគណបក្សទាំងពីរ។
លោក កឹម សុខា ប្រធានស្តីទី គណបក្សសង្គ្រោះជាតិបានសម្លឹងឃើញថាភ្នំពេញ
កំពង់ចាម កណ្តាល និងព្រៃវែង ជាកន្លែងដែល
គណបក្សរបស់លោកនឹងប្រឹងដើម្បីដណ្តើមអាសន:ជាមួយគណបក្សប្រជាជន។
លោកនិយាយថា លោកនឹងដឹកនាំ ការឃោសនានៅតាមក្រុងនិងខេត្តទាំងនេះ។
ដោយពិនិត្យមើលលទ្ឋផលនៃការបោះឆ្នោតកាលពីឆ្នាំ២០០៨
ភូមិសាស្ត្រមួយចំនួន នឹងត្រូវមានការប្រកួតប្រជែងគ្នាខ្លាំង
រវាងគណបក្សធំទាំងពីរ។ ភ្នំពេញ កណ្តាល កំពង់ចាម ព្រែវែង បាត់ដំបង តាកែវ
កំពង់ស្ពឺ កំពង់ធំ បន្ទាយមានជ័យ កំពត សៀមរាប កំពង់ឆ្នាំ
ក្រចេះគឺជាក្រុងនិងខេត្តដែលគណបក្សសមរង្ស៊ី និងសិទ្ធិមនុស្ស
ដែលឥឡូវរួមគ្នាក្លាយជា គណបក្សសង្គ្រោះជាតិ
ធ្លាប់បានទទួលអាសន:កាលពីការបោះឆ្នោតឆ្នាំ២០០៨។
ខេត្តក្រុង១១ផ្សេងទៀតត្រូវបានដណ្តើមកាន់កាប់ស្ទើរទាំងស្រុងដោយគណបក្សប្រជាជនកម្ពុជា។
កាលពីការបោះឆ្នោតឆ្នាំ២០០៨ ភ្នំពេញ១២
អាសន:គឺគណបក្សប្រជាជនដណ្តើមបាន ៧ អាសនះ ចំណែក
គណបក្សសមរង្ស៊ីបាន៥។ ខេត្តកំពង់ចាម ១៨ អាសនះ គណបក្សប្រជាជនបាន ១១
គណបក្សសមរង្ស៊ីបាន៥ គណបក្ស សិទ្ធិមនុស្ស ១ និងគណបក្ស នរោត្តម រណឫទ្ធិ
១។ ខេត្តកណ្តាលមាន១១អាសនះគណបក្សប្រជាជនបាន៧
គណបក្សសមរង្ស៊ីបាន៣និងគណបក្សសិទ្ធិមនុស្ស១។ ខេត្តព្រៃវែងមាន ១១
អាសនះដោយគណបក្សប្រជាជនកម្ពុជាបាន ៧ អាសនះ គណបក្ស សមរង្ស៊ី២
គណបក្សសិទ្ធិមនុស្ស១និងគណបក្សនរោត្តមរណឫទ្ធ១។ ខេត្តបាត់ដំបងមាន៨
អាសនះ គណបក្សប្រជាជនបាន៦ហើយគណបក្សសមរង្ស៊ី២។
ខេត្តតាកែវមាន៨អាសនះ
គណបក្សប្រជាជនបាន៦អាសនះហើយគណបក្សសមរង្ស៊ី២។
ខេត្តសៀមរាប
មាន៦អាសនះ គណបក្សប្រជាជនបាន៥ហើយគណបក្សសមរង្ស៊ី១។
ខេត្តបន្ទាយមានជ័យ៦អាសនះ គណបក្សប្រជាជនបាន៤
គណបក្សសមរង្ស៊ី១និងគណបក្សហ្វ៊ុន ស៊ិនប៉ិច១។ ខេត្តក្រចេះមាន៣អានះ
គណបក្សប្រជាជនកម្ពុជា២ និង គណបក្សសមរង្ស៊ី១។ កំពង់ស្ពឺមាន៦អាសនះ
គណពក្សប្រជាជន៥និងគណបក្សសមរង្ស៊ី១។
ខេត្តក្រុងទាំង១៣
នឹងស្ថិតនៅក្រោមការតាមដាន។ ប៉ុន្តែទីក្រុងភ្នំពេញ កណ្តាល កំពង់ចាម
ព្រៃវែង បាត់ដំបងនិង តាកែវ
នឹងក្លាយជាកន្លែងប្រកួតតឹងតែងសម្រាប់គណបក្សទាំងពីរដោយហេតុថា
គណបក្សប្រឆាំង ក៏ធ្លាប់បានអាសនៈលើសពី១
នៅតាមក្រុងនិងខេត្តទាំងនេះ៕
- See more at: http://www.cen.com.kh/localnews/show_detail/29?token=MjM4ZGNjZj#sthash.wtNrdsZC.dpuf
2 comments:
regardless, CPP will win the election, no wonder!!no comments
CPP will kill & kisses all opposition parties good bye,,
yes, the cpp will win by cheating only. it lost the 1993 but hun sen refused to step down and transfer power.
Post a Comment