ក្រុមមន្ត្រីគណបក្សសង្គ្រោះជាតិ
ដែលជាគណបក្សប្រឆាំងក្នុងប្រទេសកម្ពុជា បានឲ្យដឹងថា
គេបានបញ្ជូនលិខិតទៅកាន់សាលាក្រុងភ្នំពេញហើយ សម្រាប់ការធ្វើបាតុកម្មថ្ងៃទី ២០ ឧសភា ខាងមុខ
ទាមទារឲ្យមានការផ្លាស់ប្រព័ន្ធបោះឆ្នោតនៅកម្ពុជា ។
បាតុកម្ម របស់បក្សប្រឆាំង កាល ពីខែមេសា ទាមទារ ឲ្យ ផ្លាសប្ដូរ គ.ជ.ប
មន្ត្រីមួយរូបរបស់គណបក្សនេះនិយាយថា
លិខិតនោះត្រូវបានចុះហត្ថលេខាកាលពីព្រឹកថ្ងៃទី ១៤ ឧសភា នេះ
ដោយមន្ត្រីជាន់ខ្ពស់៣រូប នៃ គណបក្សសង្គ្រោះជាតិ ក្នុងនោះមានលោក ហូរ
វ៉ាន់ លោក គួយ ប៊ុនរឿន និង លោក ម៉ៅ មុនីវណ្ណ
ដើម្បីស្នើសុំការអនុញ្ញាតិធ្វើបាតុកម្ម នាថ្ងៃទី២០ ឧសភា ខាងមុខ
ទាមទារឲ្យមានការធ្វើកំណែទម្រង់គណៈកម្មាធិការជាតិរៀបចំ
ការបោះឆ្នោត (គ.ជ.ប) តាមអនុសាសន៏តំណាងផ្នែកសិទ្ធិមនុស្ស
របស់អង្គការសហប្រជាជាតិ ប្រចាំកម្ពុជា និង
អនុសាសន៏របស់អង្គការសង្គមស៊ីវិល ។
ការទាមទារបែបនេះ បានធ្វើម្ដងរួចមកហើយកាលពីខែ មេសា កន្លងទៅ
ហើយគម្រោងធ្វើជាលោកទីពីរនេះ ត្រូវបានគេកត់សម្គាល់ថា
ស្របគ្នាទៅនឹងដំណើរមកកាន់កម្ពុជា របស់លោក ស៊ូរិយា ស៊ូប៊ែឌី
តំណាងពិសេសផ្នែកសិទ្ធិមនុស្ស របស់អង្គការសហប្រជាជាតិ ប្រចាំកម្ពុជា ។
ក្រុមអង្គការសង្គមស៊ីវិលដែលបំរើការពាក់ព័ន្ធការបោះឆ្នោតនៅ
កម្ពុជា កាលពីខែមេសា កន្លងទៅបានរកឃើញថា យ៉ាងហោចណាស់មានប្រជាពលរដ្ឋ
១,៥លាន នាក់ដែលធ្លាប់ មានឈ្មោះក្នុងបញ្ជីបោះឆ្នោត
ត្រូវបានគេលុបចេញពីបញ្ជីឈ្មោះ សម្រាប់ការបោះឆ្នោតជាតិថ្ងៃទី
២៨កក្កដា ខាងមុខនេះ ដែលក្លាយជាសំអាង របស់គណបក្សប្រឆាំង
ក្នុងការទាមឲ្យផ្លាសប្ដូរក្បាលម៉ាស៊ីនរបស់ គ.ជ.ប ។
ប៉ុន្តែយ៉ាងណាក៏ដោយកន្លងទៅ គ.ជ.ប
ធ្លាប់បានបញ្ជាក់ថាការសម្រេចទាំងអស់របស់ស្ថាប័នគឺសុទ្ធតែយោងទៅតាម
ច្បាប់ ៕
No comments:
Post a Comment