New Year Message from Sam Rainsy to the Khmer People សារជូនពរ

ថ្ងៃទី១២ ខែមេសា ឆ្នាំ២០១៣

            សារជូនពរ

            ក្នុងឱកាសប្រកបដោយមហានក្ខត្តឫក្ស ដ៏ឧត្តុងឧត្តមដែលឆ្នាំថ្មី ឆ្នាំម្សាញ់បញ្ចស័ក មហាសង្ក្រាន្តដែលនឹងចូលមកដល់
            នៅថ្ងៃ៤កើត ខែចែត្រ ព.ស. ២៥៥៧   ត្រូវនឹងថ្ងៃអាទិត្យទី១៤ ខែមេសា      ឆ្នាំ២០១៣ ខាងមុខនេះ ។

            ខ្ញុំសូមបួងសួងដល់វត្ថុស័ក្តសិទ្ធទាំងនៅក្នុងព្រះរាជាណាចក្រកម្ពុជា និងនៅក្នុងលោក ព្រមទាំង
            ទេវតាឆ្នាំថ្មីព្រះនាម ទុង្សាទេវី សូមឱ្យលោកប្រគេន ថ្វាយ និងជូនពរសិរីសួស្តីបវរមហាប្រសើរ
            ដល់ប្រជាជាតិខ្មែរទាំងមូលឱ្យទទួលបាន សុភៈមង្គលគ្រប់ប្រការ ដូចមានចែងក្នុងពុទ្ធពរ  គឺ
            អាយុ  វណ្ណៈ  សុខៈ ពលៈ ។ 

            ជាពិសេស សូមឱ្យប្រជាជាតិខ្មែរទាំងមូលទទួលបានមហាជ័យជំនះក្នុងការជួយសង្គ្រោះជាតិ
            នៅឆ្នាំថ្មីនេះ និងឆ្នាំបន្តបន្ទាប់ តាមរយៈ គណបក្សសង្គ្រោះជាតិ ក្នុងពេលបោះឆ្នោតខាងមុខ
            ហើយសូមឱ្យប្រទេសកម្ពុជា ទទួលបានជោគជ័យក្នុងការបង្កើតរដ្ឋាភិបាលសង្គ្រោះជាតិមួយ   ​​​​​​​​​​​​​​​​​​​​​​​​                                                                      ដើម្បីធានាដល់ការរស់រានមានជីវិត និងវិសាលភាពរបស់មាតុភូមិយើង ព្រមទាំងភាពចំរុងចំរើន                                                                                             សម្បូណ៌សប្បាយ វិបុលសុខដល់ប្រជារាស្ត្រខ្មែរទាំងមូល ៕

            សម រង្ស៊ី