មជ្ឈដ្ឋានខ្លះ ព្រួយបារម្ភខ្លាចមានការប្រយុទ្ធគ្នាជាថ្មី
នៅពេលដែលតុលាការយុត្តិធម៌អន្តរជាតិ បានកោះហៅកម្ពុជា និងថៃ
ទៅឆ្លើយផ្ទាល់មាត់
ជុំវិញទំនាស់ដីព្រំដែននៅជុំវិញតំបន់ប្រាសាទព្រះវិហារ
នៅតែប៉ុន្មានថ្ងៃខាងមុខទៀតនេះ។
ទោះយ៉ាងណា កងការពារព្រំដែនខ្មែរ បានបន្ថែមការប្រុងប្រយ័ត្ន ដើម្បីត្រៀមតទល់នឹងហេតុការណ៍ណាមួយ ប្រសិនបើអាចកើតឡើងនៅតាមព្រំដែននោះ។
ប្រភពពីក្រុមការងារទំនាក់ទំនងព្រំដែនកម្ពុជា-ថៃ ខេត្តឧត្តរមានជ័យ បានឱ្យដឹងថា កងការពារព្រំដែនខ្មែរ បានចាប់ខ្លួនបុរសជនជាតិថៃ ម្នាក់ ដែលបានឆ្លងចូលមកក្នុងព្រំដែនខ្មែរ ដោយមិនដឹងពីបំណងច្បាស់លាស់ កាលពីថ្ងៃទី១២ ខែមេសា។
អនុប្រធានក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកជាំសាង៉ាំ ស្រុកអន្លង់វែង គឺលោកវរសេនីយ៍ទោ តូច រ៉ា លោកបានមានប្រសាសន៍កាលពីរសៀលថ្ងៃសៅរ៍ ទី១៣ ខែមេសា ថា កាលពីវេលាម៉ោងប្រមាណ ៩ព្រឹកថ្ងៃទី១២ ខែមេសា កន្លងទៅ ទាហានខ្មែរ នៃវរការពារព្រំដែនលេខ៤១៥ បានឃាត់ខ្លួនបុរសជនជាតិថៃ ម្នាក់ នៅតំបន់ព្រំដែនឈ្មោះក្បាលអូរស្វាយ។
មន្ត្រីដដែលបានបញ្ជាក់ថា តាមការសាកសួរ គឺបុរសជនជាតិថៃ ម្នាក់នោះ ជាអ្នកភូមិស្រែត្រាវ ឃុំដងរែក នៃស្រុកភូស៊ីង ខេត្តស៊ីសាកេត៖ «គាត់ថា គាត់ដើរមក គាត់វង្វេង គាត់ឆ្លងដែនមកដល់តំបន់ចំណុចដែលយើងចាប់ហ្នឹង។ ឆែកឆេរពិនិត្យមើលទៅ វាអត់មានអីទេ មានតែអង្ករ ១គីឡូក្រាម ខោអាវ១កំប្លេ ខោខ្លី ខោអី កន្សែងតែប៉ុណ្ណឹងទេ វាអត់មានអីសំខាន់ទេ»។
ការចាប់ខ្លួនបុរសជនជាតិថៃ ម្នាក់នោះ នៅពេលដែលកងការពារព្រំដែនខ្មែរ បង្កើនការប្រុងប្រយ័ត្ននៅតាមព្រំដែនថែមទៀត ខ្លាចក្រែងកងទាហានថៃ ធ្វើការវាយប្រយុទ្ធណាមួយនៅពេលដែលតុលាការអន្តរជាតិក្រុងឡាអេ កោះហៅតំណាងកម្ពុជា និងថៃ ទៅឆ្លើយអំពីរឿងជម្លោះព្រំដែនជុំវិញប្រាសាទព្រះវិហារ ដែលនឹងចាប់ផ្ដើមពីថ្ងៃទី១៥ រហូតទៅដល់ថ្ងៃទី១៩ ខែមេសា ខាងមុខ។
ទោះយ៉ាងណា គ្មានមន្ត្រីយោធាណាម្នាក់នៅក្នុងវរការពារព្រំដែនលេខ៤១៥ ធ្វើការបញ្ជាក់អំពីការចាប់ខ្លួននោះយ៉ាងណានៅឡើយទេ។
មេបញ្ជាការវរការពារព្រំដែនលេខ៤១៥ គឺលោក ធឿង ធា បានមានប្រសាសន៍ថា លោកមិនទាន់បានដឹងអំពីព័ត៌មាននោះនៅឡើយ៖ «ខាងមុខមិនទាន់រាយការណ៍មក មិនទាន់ឃើញមានយកមកនេះទេ»។
អាជ្ញាធរថៃ នៃខេត្តស៊ីសាកេត កំពុងស្នើសុំឱ្យភាគីកម្ពុជា ដោះលែងប្រជាពលរដ្ឋថៃ ម្នាក់នោះ ត្រឡប់ទៅភូមិកំណើតវិញ ក៏ប៉ុន្តែកងការពារព្រំដែនកម្ពុជា កំពុងធ្វើការពិចារណាចំពោះការស្នើសុំនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ទោះយ៉ាងណា កងការពារព្រំដែនខ្មែរ បានបន្ថែមការប្រុងប្រយ័ត្ន ដើម្បីត្រៀមតទល់នឹងហេតុការណ៍ណាមួយ ប្រសិនបើអាចកើតឡើងនៅតាមព្រំដែននោះ។
ប្រភពពីក្រុមការងារទំនាក់ទំនងព្រំដែនកម្ពុជា-ថៃ ខេត្តឧត្តរមានជ័យ បានឱ្យដឹងថា កងការពារព្រំដែនខ្មែរ បានចាប់ខ្លួនបុរសជនជាតិថៃ ម្នាក់ ដែលបានឆ្លងចូលមកក្នុងព្រំដែនខ្មែរ ដោយមិនដឹងពីបំណងច្បាស់លាស់ កាលពីថ្ងៃទី១២ ខែមេសា។
អនុប្រធានក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកជាំសាង៉ាំ ស្រុកអន្លង់វែង គឺលោកវរសេនីយ៍ទោ តូច រ៉ា លោកបានមានប្រសាសន៍កាលពីរសៀលថ្ងៃសៅរ៍ ទី១៣ ខែមេសា ថា កាលពីវេលាម៉ោងប្រមាណ ៩ព្រឹកថ្ងៃទី១២ ខែមេសា កន្លងទៅ ទាហានខ្មែរ នៃវរការពារព្រំដែនលេខ៤១៥ បានឃាត់ខ្លួនបុរសជនជាតិថៃ ម្នាក់ នៅតំបន់ព្រំដែនឈ្មោះក្បាលអូរស្វាយ។
មន្ត្រីដដែលបានបញ្ជាក់ថា តាមការសាកសួរ គឺបុរសជនជាតិថៃ ម្នាក់នោះ ជាអ្នកភូមិស្រែត្រាវ ឃុំដងរែក នៃស្រុកភូស៊ីង ខេត្តស៊ីសាកេត៖ «គាត់ថា គាត់ដើរមក គាត់វង្វេង គាត់ឆ្លងដែនមកដល់តំបន់ចំណុចដែលយើងចាប់ហ្នឹង។ ឆែកឆេរពិនិត្យមើលទៅ វាអត់មានអីទេ មានតែអង្ករ ១គីឡូក្រាម ខោអាវ១កំប្លេ ខោខ្លី ខោអី កន្សែងតែប៉ុណ្ណឹងទេ វាអត់មានអីសំខាន់ទេ»។
ការចាប់ខ្លួនបុរសជនជាតិថៃ ម្នាក់នោះ នៅពេលដែលកងការពារព្រំដែនខ្មែរ បង្កើនការប្រុងប្រយ័ត្ននៅតាមព្រំដែនថែមទៀត ខ្លាចក្រែងកងទាហានថៃ ធ្វើការវាយប្រយុទ្ធណាមួយនៅពេលដែលតុលាការអន្តរជាតិក្រុងឡាអេ កោះហៅតំណាងកម្ពុជា និងថៃ ទៅឆ្លើយអំពីរឿងជម្លោះព្រំដែនជុំវិញប្រាសាទព្រះវិហារ ដែលនឹងចាប់ផ្ដើមពីថ្ងៃទី១៥ រហូតទៅដល់ថ្ងៃទី១៩ ខែមេសា ខាងមុខ។
ទោះយ៉ាងណា គ្មានមន្ត្រីយោធាណាម្នាក់នៅក្នុងវរការពារព្រំដែនលេខ៤១៥ ធ្វើការបញ្ជាក់អំពីការចាប់ខ្លួននោះយ៉ាងណានៅឡើយទេ។
មេបញ្ជាការវរការពារព្រំដែនលេខ៤១៥ គឺលោក ធឿង ធា បានមានប្រសាសន៍ថា លោកមិនទាន់បានដឹងអំពីព័ត៌មាននោះនៅឡើយ៖ «ខាងមុខមិនទាន់រាយការណ៍មក មិនទាន់ឃើញមានយកមកនេះទេ»។
អាជ្ញាធរថៃ នៃខេត្តស៊ីសាកេត កំពុងស្នើសុំឱ្យភាគីកម្ពុជា ដោះលែងប្រជាពលរដ្ឋថៃ ម្នាក់នោះ ត្រឡប់ទៅភូមិកំណើតវិញ ក៏ប៉ុន្តែកងការពារព្រំដែនកម្ពុជា កំពុងធ្វើការពិចារណាចំពោះការស្នើសុំនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment