A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Wednesday 13 March 2013

Three people arrested and three injured during police crackdown on Boeung Kak Lake protesters in front of PM Hun Sen's house អ្នក​បឹង​កក់​៣​នាក់​ត្រូវ​ចាប់​ខ្លួន​និង​៣​នាក់​របួស​ក្នុង​ពេល​ប៉ះ​ទង្គិច

អ្នក​បឹង​កក់ ៣​នាក់ ត្រូវ​បាន​សមត្ថកិច្ច​រាជធានី​ភ្នំពេញ ចាប់​ខ្លួន និង ៣​នាក់​ទៀត​រង​របួស ខណៈ​ដែល​មាន​ការ​ប៉ះ​ទង្គិច​គ្នា​មួយ​ប្រាវ​រវាង​ក្រុម​សមត្ថកិច្ច​ចម្រុះ និង​ក្រុម​អ្នក​ភូមិ​បឹងកក់ ជិត ១០០​នាក់ នៅ​ព្រឹក​ថ្ងៃ​ទី​១៣ ខែ​មីនា។
ដោយ ទេព សុរ៉ាវី RFA Service
2013-03-13
បឹងកក់​តវ៉ា មីនា ២០១៣ ៣០៥
ប៉ូលិស​រារាំង​អ្នក​បឹងកក់ តវ៉ា​សុំ​ឲ្យ​ដោះលែង​លោកស្រី យ៉ោម បុប្ផា នៅ​ខាង​មុខ​ផ្ទះ​លោក ហ៊ុន សែន ជិត​វិមានឯករាជ្យ នៅ​ថ្ងៃ​ទី១៣ ខែ​មីនា ឆ្នាំ​២០១៣។
RFA/Mom Sophon
អ្នកស្រី ទេព វន្នី តំណាង​អ្នក​ភូមិ​បញ្ជាក់​ថា អ្នក​ភូមិ​ចំនួន ៣​នាក់​នោះ ត្រូវ​បាន​ចាប់​បញ្ចូល​ក្នុង​រថយន្ត​នៃ​ស្នងការ​នគរបាល​រាជធានី​ភ្នំពេញ ប៉ុន្តែ​រហូត​ដល់​ម៉ោង​ជាង ១១​ថ្ងៃ​ត្រង់ ត្រូវ​បាន​ដោះលែង​វិញ​ហើយ។ រី​ឯ​អ្នក​រង​របួស ៣​នាក់​ផ្សេង​ទៀត កំពុង​សម្រាក​ព្យាបាល​នៅ​ក្នុង​មន្ទីរពេទ្យ។ អ្នកស្រី​ចាត់​ទុក​ការ​បង្ក្រាប​របស់​ក្រុម​សមត្ថកិច្ច​នេះ​ថា ជា​ការ​គំរាម​កំហែង​អ្នក​ភូមិ​មិន​ឲ្យ​ចេញ​មក​តវ៉ា​រឿង​ទំនាស់​ដីធ្លី។
សូម​រង់ចាំ​អាន និង​ស្ដាប់​ព័ត៌មាន​បន្ថែម...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។
ភ្នំពេញ: ​ប្រជាពលរដ្ឋ​បឹងកក់ បាននាំគ្នា​សម្រុក​ចូលទៅ​ភូមិគ្រឹះ​សម្តេចនាយក​រដ្ឋមន្ត្រី នៅក្បែរ​វិមានឯករាជ្យ នៅ​ព្រឹក​ថ្ងៃទី​១៣ ខែមីនា ឆ្នាំ​២០១៣ ដើម្បី​ឲ្យ​សម្តេច ជួយ​អន្តរាគមន៍ រឿង​ដី​នៅ​បឹងកក់ និង​ដោះលែង​អ្នកស្រី យ៉ោ​ម បុ​ប្ឆា​។ ប៉ុន្តែ​ត្រូវបាន​កម្លាំង​នគរបាល ធ្វើការ​ទប់ស្កាត់ និងបង្ក្រាបដោយហិង្សាលើ​ក្រុម​ស្ត្រី​បឹងកក់ នាំឲ្យមានរបួស សន្លប់ និងឃាត់ខ្លួនអ្នកភូមិថែមទៀត។


Police violently cracked down on Boeung Kake Lake residents during their protest in front PM Hun Sen's home.
បន្ទាប់មក ​ ក៏មាន​ការប៉ះទង្គិច​គ្នា ​រវាងសមត្ថកិច្ច និងប្រជាពលរដ្ឋ​ទាំងនោះ ហើយ​ការ​រា​រាំង​នេះ​ បានធ្វើអោយ​ប្រជាពលរដ្ឋ​បាន​សម្រុក​ទម្លុះ​របាំង​ការពារ​សមត្ថកិច្ច​ជាច្រើន ​លើក​ច្រើនសារ ហើយ​ក៏បាន​ផ្ទុះ​ហឹ​ង្សា​រវាង សមត្ថកិច្ច និងប្រជាពលរដ្ឋ បណ្តាល​ឲ្យ​ប្រជាពលរដ្ឋ​រងរបួស​ធ្ងន់​ស្រាល និងបាក់ដៃ ជើង សន្ល​ប់។ ចំណែកឯ​កម្លាំង​សមត្ថកិច្ច​ក៏ត្រូវ​រងរបួស​ធ្ងន់​ស្រាល​ដូចគ្នា​ដែរ។


ក្នុង ​ហេតុការណ៍​ផ្ទុះហឹង្សានោះ ​គេ​សង្កេតឃើញ​កម្លាំង​សន្តិសុខ​របស់​សាលាខណ្ឌ​ដូនពេញ រងរបួស​ចំនួន ២ នាក់ ដោយ​ប្រជាពលរដ្ឋ​បាន​វាយ​នឹងមេក្រូ បណ្តាល​ឲ្យ​បែក​ក្បាល និងម្នាក់ទៀត​បែកក្តោងច្រមុះ ត្រូវបាន​សមត្ថកិច្ច​ប​ញ្ជូ​ន​ទៅ​ព្យាបាល​ភ្លាមៗ​នោះ​។​

​ក្នុង​ព្រឹ ​ត្ត​ការណ៍​ដ៏​គួរ​ឲ្យ​រន្ធត់​នេះ​ គេ​សង្កេតឃើញ​ប្រជាពលរដ្ឋបឹងកក់ចំនួន ៣ នាក់ ត្រូវបាន​សម​ត្ត​កិច្ច​ប្រមាណ​ជា ២០០ នាក់ ចាប់បញ្ចូលឡាន​ឃ្លុប របស់​ស្នងការ​ដ្ឋាន​នគរបាល​រាជធានី​ភ្នំពេញ។ ក្រោយមក ​ត្រូវបាន​ដោះលែង​វិញ​។

​អ្នកស្រី ទេព វ​ន្នី តំណាង​ប្រជាពលរដ្ឋ​តំបន់ បឹងកក់ ភូមិ ២១ បាន​ឲ្យ​អ្នកយកព័ត៌មាន​ដឹងថា ពួកគាត់​មកនេះ ​ដើម្បី​សុំ​ឲ្យ​សម្តេចនាយក​រដ្ឋមន្ត្រី ហ៊ុន សែន ជួយ​អន្តរាគមន៍​ទៅ​សាលា រាជធានី​ភ្នំពេញ​ចុះ​ធ្វើការ​វាស់វែង និង កាត់​ដី​ចំនួន ១២,៤៤ ហិកតា ដែល​សម្តេចនាយក​រដ្ឋមន្ត្រី បាន​កាត់​ពី​ក្រុមហ៊ុន ស៊ូ​កា​កូ​អ៊ី​ន កាលពីពេល​ថ្មីៗ​នេះ​អោយមក​ប្រជាពលរដ្ឋ​បឹងកក់ ធ្វើការ​អភិវឌ្ឍន៍​ដោយ​ខ្លួនឯង​នៅត្រង់ណា​ពិតប្រាកដ និង សុំអោយ​សម្តេចនាយករ​ដ្ឋ​មន្ត្រី​ជួយ​អន្តរាគមន៍​ទៅ​តុលាការ​ឲ្យ​ដោះលែង​ អ្នកស្រី យ៉ោម បុ​ប្ជា​។​

​អ្នកស្រី ទេព វ​ន្នី បាន​បន្តថា មិនគួរណា​សមត្ថកិច្ច​ដែលជា​អ្នកមើលការខុសត្រូវ​លើ​ប្រជាពលរដ្ឋ និង ជា​អ្នកច្បាប់​នោះ បាន​ប្រើ​ហឹ​ង្សា​មកលើ​ប្រជាពលរដ្ឋ បាក់ដៃ បាក់ជើង បែបនេះ​ទេ ព្រោះ​ពួកគាត់​ធ្វើការ​តវ៉ា​នេះ​ដើម្បី​ផ្ទះសម្បែង​ពួកគាត់​តែប៉ុណ្ណោះ​។​

​ សូមបញ្ជាក់ថា ក្នុង​ហេតុការណ៍​ផ្ទុះ​ហឹ​ង្សា​រវាង សមត្ថកិច្ច និង ប្រជាពលរដ្ឋ បណ្តាលអោយ​រងរបួស​ជាច្រើន​អ្នកនោះ ត្រូវបាន​មតិ​មហាជន និង អ្នកច្បាប់​បានធ្វើការ​រិះគន់​ទៅលើ​អាជ្ញាធរ ទាំងនោះ​ថា បាន​រំលោភ​លើ​សិទ្ធិសេរីភាព ការបញ្ចេញមតិ ជា​សាធារណៈ​ទាំងស្រុង ទង្វើ​ទាំងនេះ​ដែល​ធ្វើអោយ​ពួកគាត់​មិនអាច​ទទួលយក​បានឡើយ​។​

​ ជាមួយគ្នានេះដែរ​ប្រជាពលរដ្ឋ​តំបន់ បឹងកក់ ដែល​រងរបួស និង សមត្ថកិច្ច​ចាប់ខ្លួន ទី​១ មានឈ្មោះ ឡេង ជីន (​សន្លប់​) អាយុ ៥៧ ឆ្នាំ រស់នៅ​ភូមិ ២១, ទី​២ លោកយាយ ង៉ែត ឃុន អាយុ ៧០​ឆ្នាំ ភូមិ ២១ បាន​សន្លប់​បន្ទាប់ពី​បាន​ដោះលែង​មកវិញ និង អ្នកស្រី សួន ចន្ថា ក្រោយមក​ត្រូវបាន​សមត្ថកិច្ច​ធ្វើការ​ដោះលែង​។​

​ចំណែកឯ​ជនរងគ្រោះ ២ ម្នាក់ទៀត ដែលជា​សន្តិសុខ​របស់​សាលាខណ្ឌ​ដូនពេញ ទី​១ ឈ្មោះ ហោ យឿន រងរបួស​បែកក្បាល និង ទី​២ ឈ្មោះ ជា រតនា រងរបួស​ធ្ងន់​ធរ​។​
​តាម​ ប្រភពពី​សមត្ថកិច្ច​បានអោយ​ដឹងថា សមត្ថកិច្ច​របស់​សាលាខណ្ឌ​ដូនពេញ នឹងដាក់​ពាក្យបណ្តឹង​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​ជនដៃដល់​ដែល​បាន​វាយ សន្តិសុខ​ឲ្យ​រងរបួស​នេះ​តាមផ្លូវ​ច្បាប់​ក្នុងពេល​ឆាប់ៗ​នេះ​៕
Bewol are scenes of violent police crackdown on Boeung Kake Lake residents during their protest in front PM Hun Sen's home.






- See more at: http://www.cen.com.kh/localnews/show_detail/135?token=NDczOGVhYj#sthash.PG8oUjsO.dpuf  

No comments: