A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Thursday 7 March 2013

Prime Minister Hun Sen warned the government spokesman not to reveal government's secrets នាយករដ្ឋមន្ត្រី​ព្រមាន​មន្ត្រី​នាំ​ពាក្យ​មិន​ឲ្យ​ទម្លាយ​ការសម្ងាត់

ដោយ សុខ សេរី RFA Service
2013-03-07
ហ៊ុន សែន ៣០៥ ថ្មី
១៥-មិថុនា-២០១១៖ លោក​នាយករដ្ឋមន្ត្រី ហ៊ុន សែន ថ្លែង​ក្នុង​ឱកាស​ចែក​សញ្ញាបត្រ​ដល់​និស្សិត​នៅ​សាកលវិទ្យាល័យ​ វិទ្យាសាស្ត្រ​សុខាភិបាល រាជធានី​ភ្នំពេញ។
RFA/Sok Serey 
ប្រមុខ​រដ្ឋាភិបាល លោក ហ៊ុន សែន នៅ​ថ្ងៃ​ទី​៧ ខែ​មីនា បាន​ព្រមាន​ចំពោះ​មន្ត្រី​អ្នក​នាំ​ពាក្យ​រដ្ឋាភិបាល និង​មន្ត្រី​អ្នក​នាំ​ពាក្យ​គណបក្ស​ប្រជាជន​កម្ពុជា មិន​ឲ្យ​និយាយ​ទម្លាយ​ការសម្ងាត់​នានា​ប្រាប់​អ្នក​កាសែត បើ​សិន​ណា​មន្ត្រី​អ្នក​នាំ​ពាក្យ​នោះ​មិន​បាន​ដឹង យល់​មិន​ច្បាស់លាស់។ ប៉ុន្តែ​លោក​ក៏​មិន​បាន​ប្រកាស​ដាក់​ទណ្ឌកម្ម​យ៉ាង​ណា​នោះ​ទេ បើ​សិន​ណា​មន្ត្រី​នោះ​ធ្វើ​ល្មើស​នឹង​ការ​ព្រមាន​នេះ។
លោក​នាយករដ្ឋមន្ត្រី ហ៊ុន សែន បាន​មាន​ប្រសាសន៍​ជា​ចំហ​ថា អ្នក​នាំ​ពាក្យ​នានា​សូម​កុំ​តាំង​ខ្លួន​និយាយ​គ្រប់​រឿង​នាំ​ឲ្យ​មាន​ កំហុស។ ការ​ព្រមាន​នេះ​ធ្វើ​ឡើង​ជា​សាធារណៈ​នៅ​ក្នុង​ពិធី​ប្រគល់​សញ្ញាបត្រ​ជូន​ និស្សិត​មន្ត្រី​ជាន់​ខ្ពស់​ជា​ច្រើន​រយ​នាក់​នៅ​រាជធានី​ភ្នំពេញ នៅ​ថ្ងៃ​ព្រហស្បតិ៍ ទី​៧ ខែ​មីនា ប៉ុន្តែ​លោក​មិន​បាន​បញ្ជាក់​ចំ​ឈ្មោះ​លើ​មន្ត្រី​អ្នក​នាំ​ពាក្យ​ណា​មួយ​ ទេ។
លោក ហ៊ុន សែន៖ «មាន​អ្នក​ខ្លះ​គេ​សួរ​ទៅ​មិន​ទាន់​ដឹង​រឿង​ស្អី​ផង មិន​ថា​នៅ​ក្នុង​គណបក្ស​ប្រជាជន ឬ​ខាង​រាជរដ្ឋាភិបាល ឬ​ខាង​បក្ស​ប្រឆាំង​ទេ។ ...ដូច​ជា​រឿង​ខ្លះ​អត់​ទាន់​ស្ដាប់​ខ្ញុំ​និយាយ ពីព្រោះ​ទូរទស្សន៍ និង​វិទ្យុ​អត់​ទាន់​ចាក់​ផ្សាយ ធ្វើ​អត្ថាធិប្បាយ​អ៊ីចឹង​ទៅ លេង​ទៅ... រួច​ហើយ​អ្នក​សរសេរ​នោះ​ទៀត ខ្ញុំ​មើល​សារព័ត៌មាន...។ អញ​និយាយ​ដាក់​ទូរទស្សន៍ គេ​ចាក់​ផ្សាយ​គ្រប់​ទូរទស្សន៍ កោត​តែ​វា​សរសេរ​ខុស​កើត។ អ៊ីចឹង​បាន​ជា​ខ្ញុំ​គ្រាន់​តែ​ផ្ដល់​មតិ​ទេ សារព័ត៌មាន​បែប​ហ្នឹង​លែង​មាន​តម្លៃ»

ទោះ​យ៉ាង​នេះ​ក្ដី ការ​ប្រកាស​ហាមឃាត់​នេះ ទំនង​ជា​សំដៅ​ទៅ​លើ​លោក ជាម យៀប ជា​មន្ត្រី​ជាន់​ខ្ពស់​គណបក្ស​ប្រជាជន​កម្ពុជា និង​អ្នក​នាំ​ពាក្យ​សភា​ជាតិ ព្រម​ទាំង​ជា​ប្រធាន​គណៈកម្មាធិការ​ហិរញ្ញវត្ថុ និង​សេដ្ឋកិច្ច​របស់​សភា​ជាតិ។ លោក​ធ្លាប់​បាន​ប្រាប់​អ្នក​កាសែត​អំពី​កូន​ប្រុស​របស់​លោក ហ៊ុន សែន គឺ​លោក ហ៊ុន ម៉ានី បាន​ឈរ​ឈ្មោះ​ជា​បេក្ខជន​តំណាងរាស្ត្រ​នៅ​មណ្ឌល​ខេត្ត​កំពង់ស្ពឺ សម្រាប់​ការ​បោះ​ឆ្នោត​សកល​ថ្ងៃ​ទី​២៨ ខែ​កក្កដា ឆ្នាំ​២០១៣ ខាង​មុខ​នេះ។
លោក ហ៊ុន សែន បាន​សំដែង​ការ​មិន​សប្បាយ​ចិត្ត​ចំពោះ​រឿង​នេះ​ថា ជា​ទម្លាយ​ការសម្ងាត់​ទៅ​ខាង​ក្រៅ ធ្វើ​ឲ្យ​មាន​ការ​ធ្វើ​អត្ថាធិប្បាយ​ច្រើន​ជុំវិញ​រឿង​នេះ ថា​ជា​ការ​ដឹកនាំ​បែប​សន្តតិវង្ស ឬ​ការ​ដឹក​នាំ​តពូជ។
វិទ្យុ​អាស៊ីសេរី មិន​អាច​ទាក់ទង​លោក ជាម យៀប បាន​ទេ នៅ​ថ្ងៃ​ទី​៧ ខែ​មីនា ដើម្បី​សុំ​ការ​បំភ្លឺ ដោយសារ​លោក​បាន​បិទ​ទូរស័ព្ទ​មិន​អាច​ទាក់ទង​បាន។
លោក ហ៊ុន ម៉ានី ជា​កូន​ប្រុស​លោក ហ៊ុន សែន អាយុ​ប្រមាណ ៣០​ឆ្នាំ បាន​បញ្ចប់​ការ​សិក្សា​ជាន់​ខ្ពស់​ផ្នែក​យោធា​នៅ​សាកលវិទ្យាល័យ​យោធា​នា​ ទីក្រុង​វ៉ាស៊ីនតោន (Washington) សហរដ្ឋ​អាមេរិក កន្លង​មក។ បច្ចុប្បន្ន​លោក​ជា​ប្រធាន​នៃ​ចលនា​យុវជន​គណបក្ស​ប្រជាជន​កម្ពុជា។
ទាក់ទង​នឹង​ការ​ព្រមាន​នេះ​ដែរ តំណាងរាស្ត្រ​គណបក្ស សម រង្ស៊ី អ្នកស្រី មូរ សុខហួរ បាន​មាន​ប្រសាសន៍​ថា នេះ​ជា​ការ​បិទ​មាត់ និង​បិទ​សេរីភាព​សារព័ត៌មាន​នៅ​មុន​ពេល​បោះ​ឆ្នោត​សកល​ឈាន​មក​ដល់​ខាង​មុខ​ នេះ៖ «នាយក​រដ្ឋមន្ត្រី​មិន​អាច​មាន​សិទ្ធិ​អ្វី​រារាំង​ឲ្យ​គេ​និយាយ ឬ​មិន​និយាយ​ទេ សិទ្ធិ​ក្នុង​ការ​បញ្ចេញ​មតិ​ជា​សិទ្ធិ​របស់​គេ​ហើយ គេ​និយាយ​ខុស ឬ​និយាយ​ត្រូវ​ជា​ការ​ទទួល​ខុស​ត្រូវ​របស់​គេ។ សញ្ញា​ទាំង​អស់​នេះ មិន​មែន​ជា​សញ្ញា​វិជ្ជមាន​នៅ​ពេល​ដែល​យើង​ឈាន​ចូល​ការ​បោះឆ្នោត​ខាង​មុខ​ នេះ​ទេ»
ប្រធាន​ក្លឹប​អ្នក​កាសែត​កម្ពុជា លោក ប៉ែន សមិទ្ធិ និង​ជា​ចាងហ្វាង​កាសែត​រស្មី​កម្ពុជា បាន​មាន​ប្រសាសន៍​ថា ការ​ព្រមាន​នេះ​មិន​ប៉ះពាល់​ដល់​សេរីភាព​ក្នុង​ការ​ផ្ដល់​ព័ត៌មាន ឬ​ទទួល​ព័ត៌មាន​ទេ ពីព្រោះ​វា​ជា​វិន័យ​ក្នុង​ការងារ៖ «ខាង​មន្ត្រី​ រាជរដ្ឋាភិបាល មន្ត្រី​គណបក្ស​ក៏ដោយ ធ្វើ​ការ​ត្រូវ​មាន​វិន័យ​មួយ​ថា ខ្លួន​មាន​សមត្ថកិច្ច​ក្នុង​ការ​និយាយ​ឬ​ក៏​អត់? បើ​ខ្លួន​មាន​សមត្ថកិច្ច​និយាយ អា​ហ្នឹង​និយាយ​ទៅ ប៉ុន្តែ​បើ​អត់​ទេ យើង​បែរ​ជា​និយាយ វា​មិន​មាន​ប្រយោជន៍​អ្វី»
កន្លង​មក​សកម្មជន​ការពារ​សិទ្ធិ​មនុស្ស​ជាតិ និង​អន្តរជាតិ ព្រម​ទាំង​អ្នក​រាយការណ៍​ពិសេស​របស់​អង្គការ​សហប្រជាជាតិ​ស្ដីពី​សិទ្ធិ​ មនុស្ស​នៅ​កម្ពុជា លោក សុរិយា ស៊ូប៊ែឌី (Surya Subedi) ធ្លាប់​បាន​រិះគន់​ថា សេរីភាព​នៃ​ការ​បញ្ចេញ​មតិ សេរីភាព​ប្រមូល​ផ្ដុំ​តវ៉ា និង​សេរីភាព​សារព័ត៌មាន​នៅ​កម្ពុជា កំពុង​តែ​រួម​តូច​ចង្អៀត និង​រង​ការ​គំរាម​កំហែង។
របាយការណ៍​របស់​អង្គការ​អ្នក​កាសែត​គ្មាន​ព្រំដែន​ដែល​បាន​ចេញ​ផ្សាយ​ សម្រាប់​ឆ្នាំ​២០១១ និង​ឆ្នាំ​២០១២ ស្ដីពី​ស្ថានការណ៍​សេរីភាព​សារព័ត៌មាន​នៅ​កម្ពុជា កន្លង​មក​នេះ បាន​ចាត់​ចំណាត់ថ្នាក់​កម្ពុជា ស្ថិត​នៅ​លំដាប់​លេខ​រៀង ១១៧ នៅ​ក្នុង​ចំណោម​ប្រទេស ១៧៩ គឺ​មាន​ន័យ​ថា សេរីភាព​សារព័ត៌មាន​នៅ​កម្ពុជា ស្ថិត​ក្នុង​សភាព​យ៉ាប់យ៉ឺន​នៅ​ឡើយ។
លោក ហ៊ុន សែន រំឭក​មន្ត្រី​ឲ្យ​ប្រព្រឹត្ត​អំពើ​ល្អ
នៅ​ថ្ងៃ​ដដែល​នេះ​ដែរ លោក ហ៊ុន សែន ​ក៏​បាន​ក្រើន​រំលឹក​ឲ្យ​មន្ត្រី​រដ្ឋាភិបាល និង​មន្ត្រី​គណបក្ស​ប្រជាជន​កម្ពុជា​នានា ប្រព្រឹត្ត​នូវ​អំពើ​ល្អ​ចំពោះ​ប្រជាពលរដ្ឋ​នៅ​មូលដ្ឋាន ដើម្បី​ឲ្យ​ពួកគាត់​ស្រឡាញ់ និង​ចូល​ចិត្ត ហើយ​នៅ​ពេល​ដែល​មន្ត្រី​នោះ​បញ្ចប់​ពី​ការងារ គឺ​ធ្វើ​ឲ្យ​ប្រជាពលរដ្ឋ​សោកស្ដាយ និង​អាឡោះអាល័យ។
លោក​បាន​បញ្ជាក់​ថា មន្ត្រី​រាជការ​មិន​មែន​ជា​អ្នក​ត្រួតត្រា​លើ​ប្រជាពលរដ្ឋ​ទេ ផ្ទុយ​ទៅ​វិញ គឺ​ជា​ខ្ញុំ​បម្រើ​ប្រជាពលរដ្ឋ៖ «ជា ​អ្នក​ផ្ដល់​សេវា​ជូន​ប្រជាជន ត្រូវ​ចាំ​ឲ្យ​ច្បាស់​ទៅ​លើ​ចំណុច​នេះ។ បើ​តែងតាំង​ជា​មន្ត្រី ហើយ​បែរ​ជា​ថា​ខ្លួន​ជា​ម្ចាស់​របស់​ប្រជាជន​ជា​ចៅហ្វាយ​របស់​ប្រជាជន នេះ​គឺ​ជា​ការ​ខុស​ឆ្គង​ដ៏​ធ្ងន់ធ្ងរ​នៃ​សីលធម៌​របស់​មន្ត្រី»
ទាក់ទង​នឹង​ការ​លើក​ឡើង​នេះ អ្នកស្រី មូរ សុខហួរ តំណាងរាស្ត្រ​គណបក្ស សម រង្ស៊ី បាន​មាន​ប្រសាសន៍​ប្រតិកម្ម​ថា ការ​ណែនាំ​របស់​ប្រមុខ​រដ្ឋាភិបាល លោក ហ៊ុន សែន នោះ ប្រៀប​បាន​ជា​ខ្យល់ ពីព្រោះ​គាត់​មិន​បាន​ធ្វើ​ជា​គំរូ​ល្អ​សម្រាប់​ឲ្យ​ប្រជាពលរដ្ឋ​អនុវត្ត​ តាម​ឡើយ។
អ្នកស្រី​បន្ត​ថា មាន​មន្ត្រី​គណបក្ស​ប្រជាជន​កម្ពុជា មួយ​ចំនួន​បាន​រំលោភ​យក​ដីធ្លី​ពី​ប្រជាពលរដ្ឋ​ក្រីក្រ​នៅ​មូលដ្ឋាន​ដោយ​ គ្មាន​ទោសពៃរ៍​អ្វី​ឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

3 comments:

Anonymous said...

stop fooling around RFA,
i had read news / radio, it not like u said,, on ur articles...

i don't believe RFA any more,
big boss RFA needs to look into this matter asap.

stop, stop,, exaggerated

Anonymous said...

What secret Hun Sen has to hide? As a government and as the PM Hun Sen must be upfront and tell voters and the citizens everything his government or he has been doing. If he has some secrets inside the government, then the people need to know. After all, like he said, the PM is not the boss, but the servant of the people.

Anonymous said...

Ah Kwak Hun Sen last year made a 4 hour speech on why he gave Khmer land to Youn. During that 4 hours speech, he also reveal his secret, removing all border post and replace it with Casinos.