រយៈពេលប៉ុន្មានថ្ងៃកន្លងទៅនេះ លោកនាយករដ្ឋមន្ត្រី
ហ៊ុន សែន
អនុប្រធានគណបក្សប្រជាជនបានអំពាវនាវឱ្យប្រជាពលរដ្ឋនៅទូទាំងប្រទេស
បន្តបោះឆ្នោតគាំទ្រគណបក្សប្រជាជន
ដើម្បីឱ្យគាត់បានកាន់តំណែងជានាយករដ្ឋមន្ត្រីតទៅទៀត។
សេចក្តីអំពាវនាវរបស់នាយករដ្ឋមន្ត្រី ហ៊ុន សែន
ធ្វើឱ្យក្រុមអ្នកវិភាគជាតិ និងអន្តរជាតិវាយតម្លៃថាលោក ហ៊ុន សែន
កំពុងព្រួយបារម្ភខ្លាចគណបក្សប្រជាជនកម្ពុជារបស់ខ្លួនចាញ់ឆ្នោត
នៅថ្ងៃទី២៨ ខែកក្កដាឆាប់ៗខាងមុខ
ព្រោះសន្ទុះគាំទ្រគណបក្សសង្គ្រោះជាតិក្រោមការដឹកនាំរបស់លោក សម
រង្ស៊ី មានការកើនឡើងឥតឈប់ឈរ។
សន្ទុះគាំទ្រគណបក្សសង្គ្រោះជាតិនោះហើយ
ដែលជាមូលហេតុធ្វើឱ្យនាយករដ្ឋមន្ត្រី ហ៊ុន សែន និងក្រុមមេដឹកនាំ
គណបក្សប្រជាជនខ្លាចបាត់បង់អំណាច
រួចអំពាវនាវឱ្យប្រជាពលរដ្ឋបន្តគាំទ្រគណបក្សប្រជាជនតទៅទៀត
ដោយលើកពីស្នាដៃនៃការដឹកនាំរបស់ខ្លួនផងដែរ។
ក៏ប៉ុន្តែអ្នកវិភាគស្ថានការណ៍នយោបាយក្នុងប្រទេសកម្ពុជាវាយតម្លៃថា
ប្រសិនបើការបោះឆ្នោតជ្រើសតាំងតំណាងរាស្ត្រអាណត្តិទី៥ ថ្ងៃទី២៨
ខែកក្កដា ឆ្នាំ ២០១៣ ប្រព្រឹត្តទៅដោយសេរីត្រឹមត្រូវ
និងយុត្តិធម៌ស្របតាមគោលការណ៍ប្រជាធិបតេយ្យសេរីពហុបក្ស
គឺគណបក្សប្រជាជនរបស់លោក ហ៊ុន សែន មិនអាចបន្តកាន់អំណាចបានទៀតទេ
ព្រោះប្រជាពលរដ្ឋខ្មែរទូទៅអស់ជំនឿលើការដឹកនាំរបស់លោក ហ៊ុន សែន
និងគណបក្សប្រជាជនរួចទៅហើយ។
នៅក្នុងពិធីសម្ពាធសមិទ្ធផលសាសនានៅខេត្តកំពង់ធំ កាលពីថ្ងៃទី២១
ខែមីនា ឆ្នាំ ២០១៣ លោកហ៊ុន សែន
បានអំពាវនាវជាសាធារណៈទៅកាន់ប្រជាពលរដ្ឋថា បើស្រឡាញ់ ហ៊ុន សែន
បើអាណិត ហ៊ុន សែន បើពេញចិត្តហ៊ុន សែន បើជឿទុកចិត្តលើ ហ៊ុន សែន
សូមបោះឆ្នោតឱ្យគណបក្សប្រជាជននៅថ្ងៃទី២៨ ខែកក្កដា ឆ្នាំ២០១៣
ឆាប់ៗខាងមុខ។ លើសនេះទៅទៀតលោកនាយករដ្ឋមន្ត្រី ហ៊ុន សែន
បានខិតខំអួតអាងអំ
ពីស្នាដៃរបស់ខ្លួនក្នុងការដឹកនាំប្រទេសជាតិដែលនាំមកនូវសន្តិភាព
ពេញ លេញ និងមានការអភិវឌ្ឍរីកចម្រើនលើគ្រប់វិស័យ
ដូច្នេះពលរដ្ឋត្រូវបោះ ឆ្នោតគាំទ្រឱ្យ ហ៊ុន សែន
ធ្វើជានាយករដ្ឋមន្ត្រីបន្តទៀត។ សេចក្តីអំពាវនាវរបស់លោក ហ៊ុន សែន
គឺជាការឃោសនាមុនកាលបរិច្ឆេទរបស់គណៈកម្មាធិការជាតិរៀបចំ
ការបោះឆ្នោត (គ.ជ.ប) ព្រោះតាមកាលវិភាគរបស់ គ.ជ.ប
បានបញ្ជាក់ថាយុទ្ធនាការឃោសនារកសំឡេងឆ្នោតត្រូវចាប់ផ្តើមពីថ្ងៃទី
២៧ ខែមិថុនា ដល់ថ្ងៃទី២៦ ខែកក្កដា ឆ្នាំ២០១៣។
មជ្ឈដ្ឋានជាច្រើនបានវាយតម្លៃថាសេចក្តីអំពាវនាវជាសាធារណៈរបស់លោក ហ៊ុន
សែន ជាបន្តបន្ទាប់កន្លងទៅនេះមិនមែនជារឿងចៃដន្យទេ
ប៉ុន្តែកើតឡើងនៅពេលដែលប្រជាប្រិយភាពបក្សសង្គ្រោះជាតិកំពុងកើនឡើង
ហើយប្រជាប្រិយភាពរបស់បក្សប្រជាជនកម្ពុជាកំពុងធ្លាក់ចុះយ៉ាងគំហុក។
មន្ត្រីអង្គការក្រៅរដ្ឋាភិបាលដែលឃ្លាំមើលការបោះឆ្នោតក្នុងប្រទេស
កម្ពុជាបានកត់សម្គាល់ថាមានបញ្ហាជាច្រើនដែលធ្វើឱ្យគណបក្សប្រជាជន
កម្ពុជារបស់លោកនាយករដ្ឋមន្ត្រី ហ៊ុន សែន បាត់បង់ប្រជាប្រិយភាពយ៉ាងគំហុក
ហើយអាចចាញ់ឆ្នោតនៅថ្ងៃទី២៨ ខែកក្កដា ឆ្នាំ២០១៣។
ក្នុងនោះរដ្ឋាភិបាលដឹកនាំដោយគណបក្សប្រជាជនកម្ពុជាបានបណ្តោយឱ្យមាន
អំពើរំលោភសិទ្ធិមនុស្សកើតឡើងយ៉ាងពេញបន្ទុក
លទ្ធិប្រជាធិបតេយ្យកំពុងប្រឈមនឹងគ្រោះថ្នាក់
អំពើពុករលួយកើតមានយ៉ាងធ្ងន់ធ្ងរ
ការបណ្តេញប្រជាពលរដ្ឋចេញពីដីធ្លីផ្ទះសម្បែងបានក្លាយទៅជាវិបត្តិដ៏
ធំនៅក្នុងសង្គមជាតិ ប្រព័ន្ធតុលាការមិនឯករាជ្យ
ហើយប្រជាពលរដ្ឋរាប់លាននាក់គ្មានការងារធ្វើ
និងកំពុងរស់ក្រោមបន្ទាត់នៃភាពក្រីក្រ។
លើសនេះទៅទៀតរដ្ឋាភិបាលដឹកនាំដោយគណបក្សប្រជាជនកម្ពុជា
បានធ្វើឱ្យប្រទេសកម្ពុជាជំពាក់បំណុលបរទេសយ៉ាងច្រើនសន្ធឹកសន្ធាប់
ប្រជាពលរដ្ឋធ្វើចំណាកស្រុកមានចំនួនកាន់តែច្រើន
ហើយនៅពេលដែលប្រជាពលរដ្ឋក្រោកឡើងតវ៉ាប្រឆាំងនឹងអំពើរំលោភដីធ្លី
បែរជាអាជ្ញាធរប្រើប្រាស់កម្លាំងសមត្ថកិច្ចឱ្យបង្ក្រាបយ៉ាង
សាហាវព្រៃផ្សៃ។
ចំណុចទាំងអស់នេះហើយដែលធ្វើឱ្យពលរដ្ឋអស់ជំនឿលើគណបក្សប្រជាជន
កម្ពុជា ហើយត្រៀមបោះឆ្នោតគាំទ្រគណបក្សសង្គ្រោះជាតិនៅថ្ងៃទី២៨
ខែកក្កដា ឆ្នាំ ២០១៣។
ស្របពេលដែលលោកនាយករដ្ឋមន្ត្រី ហ៊ុន សែន
អំពាវនាវឱ្យប្រជាពលរដ្ឋបន្តបោះឆ្នោតគាំទ្រគណបក្សកាន់អំណាចដើម្បី
ខ្លួនអាចធ្វើជានាយករដ្ឋមន្ត្រីតទៅទៀតនោះ ក្រុមអ្នកវិភាគបញ្ហានយោបាយ
និងបញ្ហាសង្គមក្នុងប្រទេសកម្ពុជាបានលើកឡើងថាប្រជាពលរដ្ឋខ្មែរគួរ
សម្រេចចិត្តឱ្យបានត្រឹមត្រូវដើម្បីឱ្យប្រទេសជាតិរួចផុតពីគ្រោះថ្នាក់
ហើយមានការរីកចម្រើនឆាប់រហ័សដូចប្រទេសជិតខាង។
មានន័យថាប្រជាពលរដ្ឋខ្មែរទូទាំងប្រទេសមិនត្រូវបោះឆ្នោតគាំទ្រគណបក្ស
ប្រជាជនរបស់លោក ហ៊ុន សែន តទៅទៀតទេ
ព្រោះគណបក្សនេះដឹកនាំប្រទេសរាប់សិបឆ្នាំមកហើយមិនបានធ្វើឱ្យមាន
ការរីកចម្រើនគួរឱ្យកត់សម្គាល់ឡើយ។
ផ្ទុយទៅវិញសម្បត្តិធម្មជាតិមានដូចជាព្រៃឈើ និងធនធានរ៉ែគ្រប់ប្រភេទ
ត្រូវបានបំផ្លិចបំផ្លាញយ៉ាងមហន្តរាយ
ហើយផលប្រយោជន៍បានតែលើក្រុមមេដឹកនាំ
និងមន្ត្រីពុករលួយលួចជាតិបំផ្លាញជាតិតែប៉ុណ្ណោះ។
កន្លងមករបាយការណ៍របស់អង្គការឃ្លាំមើលបរិស្ថានពិភពលោកបានលាតត្រដាង
យ៉ាងច្បាស់ជុំវិញការបំផ្លាញធនធានធម្មជាតិក្នុងប្រទេសកម្ពុជា
ហើយថែមទាំងបានបញ្ចេញឈ្មោះក្រុមមន្ត្រីមានអំណាចជាមនុស្សរបស់បក្ស
ប្រជាជន ដែលជាប់ពាក់ព័ន្ធក្នុងការកាប់បំផ្លាញព្រៃឈើបំផ្លាញធនធានរ៉ែ
និងសម្បត្តិធម្មជាតិទាំងឡាយយ៉ាងមហន្តរាយផងដែរ។
ក្រុមអ្នកតាមដានបញ្ហាសង្គមក្នុងប្រទេសកម្ពុជាបានលើកឡើងថាដល់
ពេលដែលពលរដ្ឋខ្មែរត្រូវទម្លាក់លោកនាយករដ្ឋមន្ត្រី ហ៊ុន សែន
និងបក្សប្រជាជនចេញពីអំណាចហើយ
ដើម្បីសង្គ្រោះប្រទេសជាតិឱ្យបានទាន់ពេលវេលា
ក៏ដូចជាធ្វើឱ្យជីវភាពរស់នៅរបស់ពលរដ្ឋប្រសើរជាងមុន។
ក្នុងនោះអ្នកស្រឡាញ់ជាតិទឹកដីអ្នកស្រឡាញ់លទ្ធិប្រជាធិបតេយ្យ
អ្នកស្រឡាញ់យុត្តិធម៌ក្នុងសង្គម
និងអ្នកស្អប់ខ្ពើមអំពើពុករលួយត្រូវចូលរួមជាមួយគណបក្សសង្គ្រោះជាតិ
ដែលមានលោក សម រង្ស៊ី ជាប្រធានព្រោះ
គណបក្សនេះមានគោលនយោបាយយ៉ាងច្បាស់លាស់ក្នុងបញ្ហាបម្រើ
និងការពារផលប្រយោជន៍ពលរដ្ឋ ក៏ដូចជាបម្រើនិងការពារផលប្រយោជន៍ជាតិ។
ជាក់ស្តែងគោលនយោបាយគណបក្សសង្គ្រោះជាតិបានផ្តោតការយកចិត្តទុកដាក់
យ៉ាងសំខាន់ទៅលើការលើកកម្ពស់ជីវភាពរស់នៅរស់ពលរដ្ឋ កម្មករ-កម្មការិនី
ក៏ដូចជាមន្ត្រីរាជការ
និងកម្លាំងប្រដាប់អាវុធទូទៅព្រមទាំងបញ្ហាការពារបូរណភាពទឹកដីផងដែរ។
លើសនេះទៅទៀតគណបក្សសង្គ្រោះជាតិមានគោលនយោបាយច្បាស់លាស់ក្នុងបញ្ហា
ការពារធនធានធម្មជាតិ សម្បត្តិធម្មជាតិ
និងបញ្ឈប់អំពើរំលោភយកដីធ្លីពលរដ្ឋពីសំណាក់មន្ត្រីជាន់ខ្ពស់
អ្នកមានអំណាច អ្នកមានលុយ និងក្រុមហ៊ុនដែល
ទទួលបានដីសម្បទានសេដ្ឋកិច្ចពីរដ្ឋាភិបាល។ ការបោះឆ្នោតគាំទ្រគណ
បក្សសង្គ្រោះជាតិមានន័យថាចូលរួមសង្គ្រោះជាតិឱ្យរួចផុតពី
គ្រោះថ្នាក់ ហើយជាការចូលរួមចំណែកពង្រឹងលទ្ធិប្រជាធិបតេយ្យ
ការគោរពសិទ្ធិ មនុស្ស និងធ្វើឱ្យកម្ពុជាក្លាយជានីតិរដ្ឋពិតប្រាកដ
គ្មានអំពើរំលោភសិទ្ធិមនុស្សគ្មានការបណ្តេញប្រជាពលរដ្ឋចេញពីដីធ្លី
យ៉ាងកំរោលតទៅទៀត។
សរុបសេចក្តីមកប្រជាពលរដ្ឋខ្មែរទូទៅមិនគួរបោះឆ្នោតគាំទ្រគណបក្ស
ប្រជាជនរបស់លោក ហ៊ុន សែន តទៅទៀតទេ
ព្រោះក្រោមការដឹកនាំរបស់រដ្ឋាភិបាលលោក ហ៊ុន សែន
ជាច្រើនអាណត្តិកន្លងទៅនេះសម្បត្តិធម្មជាតិ
និងធនធានរ៉ែក្នុងប្រទេសកម្ពុជាត្រូវបានបំផ្លាញស្ទើររលត់រលាយ
ទាំងស្រុង
ហើយដីធ្លីជាច្រើនលានហិកតាត្រូវបានប្រគល់ទៅឱ្យក្រុមហ៊ុនឯកជន
ក្នុងស្រុក និងក្រុមហ៊ុនបរទេស
ក្នុងខណៈដែលពលរដ្ឋខ្មែររាប់លាននាក់គ្មានទីជម្រក
និងគ្មានដីធ្លីសម្រាប់ប្រកបរបរកសិកម្មចិញ្ចឹមជីវិត។ នៅថ្ងៃទី២៨
ខែកក្កដា ឆ្នាំ២០១៣
ពលរដ្ឋខ្មែរទូទៅត្រូវចូលរួមបោះឆ្នោតគាំទ្រគណបក្សសង្គ្រោះជាតិ
ឱ្យបានច្រើនដើម្បីឱ្យគណបក្សនេះឡើងគ្រប់គ្រងអំណាចដោះស្រាយបញ្ហា
ជាតិសំខាន់ៗដូចជាបញ្ហាព្រំដែន បញ្ហាអន្តោប្រវេសន៍ខុសច្បាប់
លុបបំបាត់អំពើពុករលួយនិងកែទម្រង់ប្រព័ន្ធយុត្តិធម៌ប្រកបដោយ
ប្រសិទ្ធភាព។ សន្លឹកឆ្នោតរបស់ពលរដ្ឋក្នុងការគាំទ្រគណ
បក្សសង្គ្រោះជាតិមានតម្លៃខ្លាំងណាស់ដើម្បីធ្វើឱ្យប្រទេសជាតិមានការ
រីកចម្រើនឆាប់រហ័ស ប្រជាពលរដ្ឋមានជីវភាពធូរធារជាងមុន៕
6 comments:
very low down to earth for your jobs today keep planting all evil negative garbage into Khmer brain. and iif you wanna rescue you must saving life from killing field first and then buildd school build school. school a million of school and do not criticize people they biuld school did you hear me. ? and hewasn't it right? and Khmer are hunger poor homeless and no food no food you do you hear me. no clean water no hospital we need we desperately need aid why you fight very hard to stop foreign donation to the Khmer hunger and millions ol them are widower and children why? why you stop foreign aid. why?. you Sam rainsy rescue or destroying now?. you are destroying khmer right? wasn't it true? Khmer do not need you l. ok? .Mike
Yes, if you love your country vote for the Cambodia National Rescue Party. But if you hate your country, please vote for the CPP because Hun Sen will sell Cambodia to Vietnam.
the truth is rainsy father sam sary money is gon now and it is time for sam rainsy he follow his father trick to cheat some khmer like you. You ever heard rainsy recue anything from 1975 to now, nothing right?.polpot kill million where rainsy at?. Mike
Stupid Mike,
You only know how to FART loud and proud !!!!
If you love cambodia, vote for CNRP. If you love Sam Rainsy, vote for Funcinpec.
Post a Comment