Mr. Ty Sokun, Undersecretary of State of Ministry of Agriculture, caused a traffic accident in which a motocylists had his leg broken was let go without charge រថយន្តរបស់ លោក ទី សុគន្ធ បុកម៉ូតូ បណ្តាលឲ្យ បាក់ជើងឆ្វេង នៅក្រុងតាខ្មៅ

                                                                    Mr. Ty Sokun 
 
Sunday, 24 February 2013 ដោយ៖ ដើមអម្ពិល-ID-007 DAP News

កណ្តាល៖ រថយន្តរបស់ លោក ទី សុគន្ធ អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានព្រលះជាមួយ ម៉ូតូមួយគ្រឿង ពេញទំហឹង បណ្តាលឲ្យ ជនរងគ្រោះដែលជា ម្ចាស់ម៉ូតូ រងរបួសបាក់ជើងឆ្វេង ។

ហេតុការណ៍គ្រោះថ្នាក់ ចរាចរណ៍ ខាងលើនេះ បានកើតឡើង កាលពីវេលា ម៉ោង១៖៣០នាទី រសៀលថ្ងៃទី២៤ ខែកុម្ភៈ ឆ្នាំ២០១៣ ស្ថិតនៅតាម បណ្តោយផ្លូវ អា៩ កែងផ្លូវ២១បេ ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ។

សេចក្តីរាយការណ៍ ពីសមត្ថកិច្ច មូលដ្ឋាន បានឲ្យដឹងថា នៅវេលាម៉ោង កើតហេតុ រថយន្តរបស់ លោក ទី សុគន្ធ ម៉ាក ឡង់រ៉ូវ័រ ដែលបើកបរដោយ អង្គរក្សរបស់លោក ហើយរូបលោក ដែលនៅក្នុងរថយន្ត ជាមួយនោះ បានធ្វើដំណើរ ក្នុងទិសដៅ ពីជើងទៅត្បូង តាមបណ្តោយ ផ្លូវ២១បេ លុះមកដល់ចំណុច កើតហេតុ ខណៈជនរងគ្រោះ កំពុងតែបើកម៉ូតូ តាមបណ្តោយផ្លូវ អា៩ ក្នុងទិសដៅ ពីកើតទៅលិច ដោយមិនពាក់មួកសុវត្ថិភាពផងនោះ ក៏បុកគ្នា មួយទំហឹង បណ្តាលឲ្យ ជនរងគ្រោះ ដួលម៉ូតូ ហើយបាក់ជើងឆ្វេងតែម្តងទៅ ។

ក្រោយកើតហេតុ គេបានឃើញ សមត្ថកិច្ច មូលដ្ឋាន និងមន្រ្តីនគរបាល ចរាចរណ៍ជើងគោក ចុះទៅវាស់វែង នៅកន្លែងកើតហេតុ ដើម្បី ធ្វើការសម្របសម្រួល ដោយមិន កសាងសំណុំរឿង បញ្ជូនទៅតុលាការនោះទេ ។

យ៉ាងណាក៏ដោយ ក្រោយគ្រោះថ្នាក់ ចរាចរណ៍ ខាងលើនេះ លោក ទី សុគន្ធ បានចេញលុយថ្លៃព្យាបាល ដល់ជនរងគ្រោះដែលត្រូវគេបានបញ្ជូន ទៅកាន់មន្ទីរពេទ្យ  ហើយលោក  ទី សុគន្ធ ក៏បានធ្វើដំណើរ ទៅមើលជនរងគ្រោះ នៅមន្ទីរពេទ្យផងដែរ៕