A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday 4 January 2013

Chief monks in Kampong Cham tried to intervene to exonerate an abbot on charges of the murder of another monk residing in his pagoda [This is justice in the Kingdom of Wonder] មេធាវី​ដើម​បណ្ដឹង​សាមណេរ​បាត់​ខ្លួន​ទាម​ទារ​ផ្សឹក​ចៅអធិការ​វត្ត​ប៉ើស២

ដោយ ម៉ម មុនីរតន៍ 2013-01-03 RFA
រឿងរ៉ាវ​ប្ដឹង​ផ្ដល់​ទៅ​តុលាការ ចោទ​ប្រកាន់​ថា​ចៅអធិការ​ព្រះនាម ស្រួយ គីមហ៊ង នៅ​វត្ត​ប៉ើស២ ក្នុង​ស្រុក​ក្រូចឆ្មារ ខេត្ត​កំពង់ចាម ថា​បាន​ធ្វើ​ទារុណកម្ម​ព្រះសង្ឃ​ក្នុង​វត្ត​មួយ​អង្គ​ព្រះនាម ម៉ាន់ សុខហេង រហូត​ដល់​សុគត​នោះ នៅ​ស្មុកស្មាញ​នៅ​ឡើយ។
ប្រភព​បាន​អះអាង​ថា មក​ទល់​ពេល​នេះ ឥទ្ធិពល​តុលាការ​ដែល​បាន​ចោទ​នោះ​មិន​អាច​យក​ឈ្នះ​លើ​ឥទ្ធិពល​ជំនឿ​សាសនា​ អ្នក​គោរព​គាំទ្រ​របស់​ព្រះ​ចៅអធិការ​វត្ត​ព្រះនាម ស្រួយ គីមហ៊ង បាន​ឡើយ​នៅ​ពេល​នេះ។
លោក គា អ៊ាវ ជា​មេធាវី​ការពារ​ក្ដី​ឲ្យ​ដើម​បណ្ដឹង​អះអាង​នៅ​ថ្ងៃ​ទី២ ខែ​មករា ឆ្នាំ​២០១២ ថា​ព្រះ​មេគណ អនុគណ និង​មន្ត្រី​ជំនាញ​ខេត្ត​កំពង់ចាម កំពុង​អន្តរាគមន៍​ប្រឆាំង​នឹង​បទ​ចោទ​របស់​តុលាការ ដើម្បី​ឲ្យ​ជន​សង្ស័យ​រួច​ផុត​ពី​សំណាញ់​ច្បាប់ ខណៈ​របាយការណ៍​នានា​បង្ហាញ​ថា​ចៅ​អធិការ​វត្ត​ប៉ើស២ ព្រះនាម ស្រួយ គីមហ៊ង គឺ​ជា​អ្នក​ដែល​ស្ថិត​នៅ​ពី​ក្រោយ​ការ​សុគត​សាមណេរ ម៉ាន់ សុខហេង។
លោក គា អ៊ាវ៖ «និយាយ​ថា​ឥឡូវ​ស្ថិត​សង្ស័យ​ចុះ ប៉ុន្តែ​ចង់​មិន​ចង់​គាត់​មាន​ការ​ពាក់ព័ន្ធ​ក្នុង​រឿង​ហ្នឹង ហើយ​អ៊ីចឹង​ត្រូវ​ផ្សឹក​គាត់​សិន ដើម្បី​ស្រាវជ្រាវ​អង្កេត​ច្បាប់​គេ គាត់​គឺ​ជា​ឧក្រិដ្ឋជន ជន​ជាប់​សង្ស័យ​ក្នុង​រឿង​បទឧក្រិដ្ឋ។ អ៊ីចឹង​បើ​ជាប់​សង្ស័យ​ក្នុង​បទ​ឧក្រិដ្ឋ ត្រូវ​តែ​ផ្សឹក​គាត់​ដើម្បី​ស៊ើប​អង្កេត ហើយ​បើ​យើង​មិន​ផ្សឹក​គាត់​ហ្នឹង ពិបាក​រក​ភស្តុតាង​នោះ»
ការ​បញ្ជាក់​របស់​លោក គា អ៊ាវ ដែល​ជា​មេធាវី​ការពារ​ក្ដី​ឲ្យ​ដើម​បណ្ដឹង​នៃ​ជន​រងគ្រោះ​របស់​ការិយាល័យ​ មេធាវី​ឯកជន​ខេត្ត​កំពង់ចាម នេះ ធ្វើ​ឡើង​បន្ទាប់​ពី​មាន​កិច្ច​ប្រជុំ​ដ៏​ស្វិតស្វាញ​មួយ​នៅ​ចំពោះ​មុខ​ដើម​ បណ្ដឹង និង​ចុង​ចោទ​របស់​ថេរសភា​សង្ឃ កាល​ពី​ចុង​ខែ​ធ្នូ ឆ្នាំ​២០១២។ នៅ​ក្នុង​កិច្ច​ប្រជុំ​នោះ ព្រះ​មេគណ​ខេត្ត​កំពង់ចាម និង​មន្ត្រី​សង្ឃ​មួយ​ចំនួន​ទៀត សម្រេច​មិន​ឲ្យ​ផ្សឹក​ចៅ​អធិការ​វត្ត​ប៉ើស២ ព្រះនាម ស្រួយ គីមហ៊ង ទេ ដោយ​ចាត់​ទុក​ថា​លោក​មាន​ភាព​ស្អាតស្អំ និង​តែង​តាំង​ជា​ចៅ​អធិការ​វត្ត​ប៉ើស២ នេះ​ជា​ថ្មី​ឡើង​វិញ ក្រោយ​ពី​ត្រូវ​ភៀស​ខ្លួន​អស់​ជា​ច្រើន​ខែ​មក​នោះ។
ទាក់​ទិន​បញ្ហា​នេះ ព្រះរាជ​អាជ្ញា​រង​អម​សាលា​ដំបូង​ខេត្ត​កំពង់ចាម លោក រៀល សុភិន លោក​បាន​សម្រេច​ចោទ​ប្រកាន់​រួច​ហើយ​ទៅ​លើ​ចៅ​អធិការ​វត្ត​ប៉ើស២ ពី​បទ​ថា​បាន​ប្រើប្រាស់​ហិង្សា​ដោយ​មាន​ស្ថាន​ទម្ងន់​ទោស បណ្ដាល​ឲ្យ​មរណភាព​ក្រោយ​ពី​ហេតុ​ការណ៍​កើត​ឡើង។ ក៏ប៉ុន្តែ សំណុំ​រឿង​បទ​ឧក្រិដ្ឋ​មួយ​នេះ ត្រូវ​បាន​បញ្ជូន​ដល់​ដៃ​ចៅក្រម​ស៊ើប​សួរ គឺ​លោក សែប វិសិដ្ឋមុន្នី រួច​ហើយ ក្រោយ​ពី​ព្រះរាជ​អាជ្ញា​អម​សាលា​ដំបូង​ខេត្ត​កំពង់ចាម សម្រេច​ចោទ​ប្រកាន់​ចៅ​អធិការ​វត្ត​ពី​បទ​ប្រើប្រាស់​ហិង្សា​បណ្ដាល​ឲ្យ​ សាមណេរ​សុគត កាល​ពី​ខែ​មេសា ឆ្នាំ​២០១២។
វិទ្យុ​អាស៊ី​សេរី ពុំ​អាច​ស្នើសុំ​ការ​បំភ្លឺ​បាន​ទេ​លើ​សំណុំ​រឿង​នេះ ពី​លោក សែប វិសិដ្ឋមុន្នី ចៅក្រម​ស៊ើប​សួរ​សាលា​ដំបូង​ខេត្ត​កំពង់ចាម នៅ​ថ្ងៃ​ទី២ ខែ​មករា ឆ្នាំ​២០១២ ដោយ​ទូរស័ព្ទ​ចូល​ជា​ច្រើន​លើក តែ​ពុំ​មាន​អ្នក​ទទួល។
ព្រះ​មេគណ​ខេត្ត​កំពង់ចាម ព្រះនាម ខៀម ហម បដិសេធ​ថា នៅ​ថ្ងៃ​កើត​ហេតុ ចៅអធិការ​វត្ត​ប៉ើស២ ពុំ​មាន​វត្តមាន​នៅ​ក្នុង​ព្រឹត្តិការណ៍​នោះ​ទេ។ លោក​មាន​ថេរ​ដីកា​បន្ត​ថា បើ​សិន​រក​ឃើញ​ថា​ចៅ​អធិការ​វត្ត​បាន​ប្រព្រឹត្ត​ដូច​ការ​ចោទ​ប្រកាន់​ពិត​ ប្រាកដ​នោះ ថេរសភា​សង្ឃ​នឹង​អនុវត្ត​តាម​គោលការណ៍​ច្បាប់។ បើ​តាម​ព្រះ​មេគណ ខៀវ ហម នេះ គឺ​ជា​គំនុំ​បុគ្គល និង​ទំនាស់​ផល​ប្រយោជន៍ ដែល​ឈាន​ទៅ​ដល់​ការ​ប្រើប្រាស់​ប្រព័ន្ធ​តុលាការ ដើម្បី​ជា​ឈ្នាន់​ក្នុង​ការ​ចោទ​ប្រកាន់៖ «រឿង​ហ្នឹង​វា​ស្រពិចស្រពិល​ មែន​ហ្នឹង ពីព្រោះ​វា​រក​អ្នក​ដើម​ចោទ​រក​អត់​ឃើញ។ ឥឡូវ​សាកសព​ដែល​ថា​លោក​សម្លាប់​ហ្នឹង វា​រក​អត់​ឃើញ​ទៀត ម្ដង​ថា​យក​មក​ដុត​នៅ​វត្ត​បឹងកុក ម្ដង​ថា​យក​ទៅ​កប់​ចោល ដូច​វា​រក​អត់​ឃើញ​ខ្មោច​ហ្នឹង។ វា​អត់​ច្បាស់​អា​តឹង​ណឹង​ហើយ​បាន​វា​នៅ​អល់អែក​ហ្នឹង វា​អត់​មាន​ភស្តុតាង​អី​សោះ​ពរ»
ក៏​ប៉ុន្តែ មេធាវី​ការពារ​ក្ដី​ឲ្យ​ដើម​បណ្ដឹង​លោក គា អ៊ាវ បញ្ជាក់​ថា នេះ​ពុំ​មែន​ជា​ការ​ចោទ​ប្រកាន់​ដើម្បី​កេង​ចំណេញ​ផល​ប្រយោជន៍ ឬ​ជា​វិវាទ​នោះ​ទេ។ លោក​បន្ត​ថា តែ​មាន​សាក្សី និង​ភស្តុតាង​រក​ឃើញ​ថា​ចៅ​អធិការ​វត្ត​ព្រះ​នាម ស្រួយ គីមហ៊ង បាន​ប្រើប្រាស់​ហិង្សា​រហូត​ធ្វើ​ឲ្យ​សាមណេរ​សុគត​យ៉ាង​ពិត​ប្រាក៖ «ពេល​ អ្នក​ដែល​ដាំ​ស្ល​ឡើង​ទៅ​ជួប​គាត់​នោះ គាត់​ថា​ឲ្យ​លាក់​កុំ​ឲ្យ​និយាយ​កុំ​ឲ្យ​អី។ អ៊ីចឹង​សម្ដី​សំដៅ​ទាំង​អស់​របស់​អ្នក​ដាំ​ស្ល​ដែល​និយាយ ដឹង​ថា​លោក​ឲ្យ​លាក់​លោក​ថា​កុំ​ឲ្យ​បែកការ​រហូត​ដល់​លោក​ឲ្យ​លុយ​យក​ទៅ​ ចាត់​ការ​រឿង​សព​រឿង​អី​ហ្នឹង​ទៀត សួរ​ថា​នេះ​ជា​រឿង​ប្រឌិត​ម៉េច​បាន មាន​រឿង​ហេតុ​ផល​ទៅ​ប្រឌិត​រឿង​អ៊ីចឹង។ មួយ​ទៀត យើង​សួរ​ទៀត​ថា ពេល​ដែល​នេន​ហ្នឹង​គាត់​របួស​ធ្ងន់ ហើយ​ដែល​ដេក​ស្ដូកស្ដឹង ហើយ​ដែល​និយាយ​អត់​ចេញ​តិចៗ​ហ្នឹង គ្រា​ដាក់​ឡាន​ហ្នឹង ពេល​ឡាន​ពេទ្យ​ទៅ​យក​លោក​ហ្នឹង សួរ​ថា​ជា​រឿង​ប្រឌិត​យ៉ាង​ម៉េច»
ចំណែក​លោក ស្រី សុភ័ក្រ ប្រធាន​មន្ទីរ​ធម្មការ និង​សាសនា​ខេត្ត​កំពង់ចាម បញ្ជាក់​ថា លោក​មិន​ទាន់​ទទួល​បាន​បណ្ដឹង​នេះ​នៅ​ឡើយ​ទេ។ ក៏ប៉ុន្តែ លោក​បញ្ជាក់​ថា ទោះ​ជា​យ៉ាង​ណា​ការ​សម្រេច​ដាក់​ឲ្យ​ចៅ​អធិការ​វត្ត​មាន​ទោស គឺ​ការ​សម្រេច​របស់​ថេរសភា​សង្ឃ។ ចំណែក​មន្ទីរ​ធម្មការ និង​សាសនា ពុំ​មាន​សិទ្ធិ​លូក​ដៃ​ចូល​កិច្ចការ​ផ្ទៃ​ក្នុង​ណា​មួយ​របស់​ព្រះ​សង្ឃ​នោះ​ ទេ៕

No comments: