December 27th, 2012 
mo009 
ការរស់នៅរបស់មនុស្សត្រូវតែមានសង្ឃឹមបើទោះបីជា
យើងត្រូវរស់ក្រោមការជិះជាន់ គាបសង្កត់
បំភិតបំភ័យដូចជា សព្វថ្ងៃក៏ដោយ
ព្រោះប្រវត្តិសាស្ត្របានបង្ហាញ
និងបញ្ជាក់ឲ្យយើងបានឃើញហើយថា
នៅពេលណាជាតិខ្មែរនិងពលរដ្ឋជួបនឹងគ្រោះភ័យ
គឺតែងតែមានវត្តមានរបស់អ្នកស្នេហាជាតិ
មកជួយសង្គ្រោះយើងបានទាន់ពេលវេលា។
ដូចជាសព្វថ្ងៃនេះពលរដ្ឋខ្មែរនិងប្រទេសជាតិរបស់យើងកំពុងតែជួបនូវ
គ្រោះថ្នាក់ដ៏មហាសែនធ្ងន់ធ្ងរ តែយើងមានភ័ព្វសំណាង ដោយសារមានគណបក្ស
សង្គ្រោះជាតិក្រោមការដឹកនាំដោយ ផ្ទាល់ពីសំណាក់លោក សម រង្ស៊ី
ជាប្រធាននិងលោក កឹម សុខា ជាអនុប្រធាន
ជាមួយគ្នានោះក៏មានវត្តមានរបស់ឥស្សជននយោបាយឆ្នើមៗជាច្រើនរូប
បាននិងកំពុងតែស្ថិតនៅក្នុងជួរគណបក្សសង្គ្រោះ ជាតិផងដែរ។
ហេតុនេះយើងជាប្រជាជាតិខ្មែរ មិនត្រូវអស់សង្ឃឹមទៀតឡើយ
យើងត្រូវតែរួមដៃគ្នាចងកម្លាំងគ្នាជាធ្លុងមួយដើម្បីធ្វើការ
សង្គ្រោះប្រទេសជាតិនិងប្រជាពលរដ្ឋរបស់យើងពីមហាគ្រោះថ្នាក់ដ៏ធំ
ក្រោមការដឹកនាំរបស់គណបក្សប្រជាជនកាន់អំណាចឲ្យទាល់តែបាននៅឆ្នាំ
២០១៣ខាមុខព្រោះថាពលរដ្ឋដែលជាម្ចាស់ឆ្នោតគឺជាកម្លាំងចលករមួយក្នុង
ការជំរុញ ធ្វើឲ្យមានការផ្លាស់ប្តូរ
ដើម្បីឲ្យអ្នកប្រជាធិបតេយ្យមកដឹកនាំប្រទេសជាតិ រួចចាកផុតពីគ្រោះ
កំណាចដ៏អាក្រក់នេះ។ គណបក្សសង្គ្រោះជាតិ ដែលតំណាងឲ្យពលរដ្ឋខ្មែរ
អ្នកស្នេហាជាតិ គឺបានយកចិត្តទុកដាក់ និងគិតគូរពីផលប្រយោជន៍របស់ជាតិ
និងពលរដ្ឋជាធំ ព្រោះថ្នាក់ដឹកនាំគណបក្សសង្គ្រោះជាតិ
គ្រប់រូបហ៊ានធ្វើអ្វីៗគ្រប់បែបយ៉ាង
រាប់ទាំងហ៊ានបូជាកម្លាំងកាយចិត្ត និងអាយុជីវិត
ធ្វើយ៉ាងណាឲ្យតែជាតិមានភាពសុខសាន្តរីកចម្រើនជឿនលឿនពលរដ្ឋរស់នៅ
ក្នុងកម្រិត ជីវភាពមួយដ៏សមរម្យនិងថ្លៃថ្នូរ។
ក្នុងនោះផងដែរតាមការកត់សម្គាល់
នៅបន្ទាប់ពីគណបក្សសង្គ្រោះជាតិបានបង្កើតឡើងហើយមានការទទួលស្គាល់ពី
ក្រសួងមហាផ្ទៃគឺពលរដ្ឋដែលជាអ្នកស្នេហាជាតិមិនថាតែនៅក្នុងស្រុកឬ
ក្រៅស្រុកនោះ ទេពួកគាត់បានគាំទ្រ
និងចូលរួមជាមួយគណបក្សសង្គ្រោះជាតិ យ៉ាងច្រើនសម្បើម
ដែលធ្វើឲ្យចរន្តនេះមិនចាញ់ចរន្តកាលពីឆ្នាំ១៩៩៣នោះឡើយ។
បញ្ហានេះបានធ្វើឲ្យពលរដ្ឋរបស់យើងមួយចំនួនដែលពួកគាត់អស់សង្ឃឹម
កំពុងមានសង្ឃឹមឡើងវិញ ដោយសារតែវត្តមានរបស់គណបក្ស
សង្គ្រោះជាតិនៅក្នុងឆាកនយោបាយ នៃប្រទេសកម្ពុជា ហើយគណបក្ស
សង្គ្រោះជាតិ គឺជាគូប្រយុទ្ធដ៏ស្វិត
ស្វាញជាមួយគណបក្សប្រជាជនកាន់អំណាចសព្វថ្ងៃ
ក្នុងការរំដោះជាតិរបស់យើងចេញពីការដឹកនាំ
និងគ្រប់គ្រងប្រទេសតាមរបៀបផ្តាច់ការបក្ខពួកនិយម និងគ្រួសារនិយម។
ហេតុដូចនេះហើយយើងមិនត្រូវអស់សង្ឃឹមនោះឡើយ
ក្តីសង្ឃឹមរបស់យើងតែងតែមានជានិច្ចគ្រាន់តែថាយូរ
និងឆាប់តែប៉ុណ្ណោះដូចជាពេលឥឡូវនេះយើង
មានគណបក្សសង្គ្រោះជាតិជាក្តីសង្ឃឹមថ្មីរបស់យើងគ្រប់គ្នា។ជុំវិញ
ករណីនេះផងដែរលោក សុន ឆ័យ ប្រធានក្រុមអ្នកតំណាងរាស្ត្រគណបក្ស សម រង្ស៊ី
ដែលនឹងក្លាយទៅជាថ្នាក់ដឹកនាំរបស់គណបក្សសង្គ្រោះជាតិនៅពេលដ៏ខ្លី
ខាងមុខនេះលោកបានមានប្រសាន៍ថាយើងកើតមកជាមនុស្សត្រូវតែមាន
ក្តីសង្ឃឹម បើកើតមកជាមនុស្សហើយគិតតែភ័យ ខ្លាចនិងព្រួយបារម្ភ
មិនដឹងជារស់ យ៉ាងម៉េចទេ។ លោក សុន ឆ័យ
បានលើកទឹកចិត្តបងប្អូនដោយលោកបានធ្វើការរំលឹកពីរឿងអតីត កាលថា
យើងធ្លាប់បានតស៊ូកាលពីសម័យដែលយួនឈ្លានពានយើង
ដែលកាលណោះគ្មានអ្នកណាថាទៅតស៊ូជាមួយយួនទេ
ហើយយួនក៏មិនព្រមចេញពីស្រុកយើងដែរ ដោយសារតែយួនមានលុយ
និងមានរុស្ស៊ីនៅពីក្រោយ
ព្រមទាំងកម្លាំងទ័ពរបស់ពួកគេក៏មានច្រើនផងដែរ។
យើងជាអ្នកតស៊ូគឺនៅព្រំដែនសៀម បង
ប្អូនខ្លះស៊ូលះបង់ជីវិតដើម្បីជាតិ
ហើយទីបំផុតការតស៊ូរបស់យើងកាលពីសម័យនោះគឺទទួលបានជោគជ័យជា
ផ្លែផ្កាយ៉ាង ត្រចះត្រចង់ ដែលទាំងអស់នេះដោយសារតែយើងមានជំនឿ
និងមានក្តីសង្ឃឹមព្រោះយើងគិតពីរឿងជាតិរបស់យើងធំជាងរឿង
ផ្ទាល់ខ្លួន
ដោយសារយើងជាប្រជាជាតិមួយដែលត្រូវតែមានសិទ្ធិរស់នៅថ្លៃថ្នូរ
មានអ្នកដឹកនាំត្រឹមត្រូវ និងមានជីវភាពដែលយើងអាចរស់នៅសមរម្យ។
នេះគឺជាមូលដ្ឋានក្នុងការធ្វើឲ្យគណបក្ស សម រង្ស៊ី និងគណបក្ស
សិទ្ធិមនុស្សរួបរួមគ្នាដោយបង្កើតបានគណបក្សសង្គ្រោះ ជាតិ
ដែលធ្វើឲ្យបងប្អូនមានសង្ឃឹមឡើងវិញហើយកត្តានេះក៏ធ្វើឲ្យ
ថ្នាក់ដឹកនាំចលនាប្រជាធិបតេយ្យសង្គ្រោះជាតិកាន់តែមានសង្ឃឹមខ្លាំង
ឡើងមួយកម្រិតទៀតផងដែរ។
លោក សុន ឆ័យ បានបន្តថា ជាមួយគ្នានោះយើងមានក្តីឈឺចាប់ផងដែរ
កាលពីឆ្នាំ១៩៩៣
បងប្អូនពលរដ្ឋដែលជាអ្នកស្នេហាជាតិបានលះបង់គ្រប់បែបយ៉ាងដោយ
ធ្វើយ៉ាងណាឲ្យតែអ្នកប្រជាធិបតេយ្យទទួល
បានជ័យជំនះលើពួកផ្តាច់ការដែលពេលនោះអ្នកប្រជាធិបតេយ្យទទួល
បានជ័យជំនះហើយយួនក៏បានចេញ ពីស្រុកខ្មែរ។
តែគួរឲ្យស្តាយណាស់កាលណោះអ្នកកាន់អំណាចមិនមាន
ជំហរច្បាស់លាស់បណ្តោយឲ្យគេទិញដូរពុលអំណាច ឈ្លក់នឹងលុយ
កាក់ឲ្យគេដណ្តើម
និងធ្វើរដ្ឋប្រហារទម្លាក់ចេញពីអំណាចបានដោយជោគជ័យ ។
កត្តាទាំងអស់នេះក៏បណ្តាលមកពីការមិនសាមគ្គីភាព
និងដោយសារតែភាពមិនច្បាស់លាស់ជាមួយប្រជាពលរដ្ឋរបស់ខ្លួន
អ៊ីចឹងហើយបានជាពេលនេះគណបក្សសង្គ្រោះជាតិបានចេញជាគោល
ការណ៍យ៉ាងច្បាស់ និងជាក់លាក់ដើម្បីផ្តល់ក្តីសង្ឃឹមដល់ពលរដ្ឋ និងប្រ
ទេសជាតិរបស់យើង។
ប្រធានក្រុមតំណាងរាស្ត្រគណបក្ស សម រង្ស៊ី បន្តថា
ក្នុងនោះផងដែរលោក សម រង្ស៊ី ដែល ជាប្រធានគណបក្ស សង្គ្រោះជាតិ
គឺព្រលឹងវិញ្ញាណ
និងឧត្តមគតិរបស់លោកស្ថិតនៅជាប់នឹងបងប្អូនជានិច្ចបើទោះបីជាលោក
កំពុងតែរស់នៅក្រៅប្រទេសក៏ដោយ តែលោកបានធ្វើកិច្ចការ
ងារជាច្រើនដើម្បីប្រទេសជាតិនិងប្រជាពលរដ្ឋរបស់យើង។ លោក សម រង្ស៊ី
មានឧត្តមគតិស្រឡាញ់ជាតិទឹកដីនិងស្រឡាញ់
ប្រជាពលរដ្ឋយ៉ាងពិតប្រាកដនិងច្បាស់លាស់បំផុត៕
No comments:
Post a Comment