មន្ត្រីគណបក្សប្រឆាំងព្រួយបារម្ភចំពោះសកម្មភាពលួច
និងបំផ្លាញស្លាកសញ្ញារបស់គណបក្សខ្លួនពីជនមិនស្គាល់មុខ
តាមខេត្តក្រុងនានាឆ្ងាយពីទីប្រជុំជន។
ស្លាកសញ្ញាគណបក្ស សម រង្ស៊ី ដែលនគរបាលក្រុងបាត់ដំបងរឹបអូស កាលពីថ្ងៃទី ២២ សីហា ឆ្នាំ ២០១១។ The Sam Rainsy Party sign in Battambang City confiscated by police on 22 August 2011.
បញ្ហានេះ
មន្ត្រីការពារសិទ្ធិមនុស្សបានចាត់ទុកជាសញ្ញាអវិជ្ជមានសម្រាប់
គណបក្សប្រឆាំងនៅមុនការបោះឆ្នោតជាតិអាណត្តិទី៥
ចូលមកដល់នាឆ្នាំ២០១៣។
មន្ត្រីគណបក្សប្រឆាំង ឬបក្សនៅក្រៅរដ្ឋាភិបាល មានគណបក្ស សម រង្ស៊ី
និងបក្ស សិទ្ធិមនុស្ស
បានស្នើឲ្យអាជ្ញាធរមូលដ្ឋានជួយយកចិត្តទុកដាក់ការពារស្លាកសញ្ញា
របស់គណបក្សខ្លួនដែលដាក់តាំងតាមចិញ្ចើមផ្លូវជាតិ
ឬផ្លូវលំតាមខេត្តក្រុងនានា កុំឲ្យជនល្មើសលួច និងបំផ្លាញ។
លោក យឹម សុវណ្ណ មន្ត្រីនាំពាក្យ និងជាសមាជិកសភាគណបក្ស សម រង្ស៊ី
មានប្រសាសន៍នៅថ្ងៃទី៦ ខែធ្នូ ថា សកម្មភាពលួច
និងវាយបំផ្លាញស្លាកសញ្ញាគណបក្សប្រឆាំងនៅតំបន់ឆ្ងាយពីទីប្រជុំ
ជន ពីជនខិលខូចមានរូបភាពកាន់តែអាក្រក់។
ទោះយ៉ាងណា មន្ត្រីបក្សប្រឆាំងរូបនេះ
មិនបានបញ្ជាក់ថាការបំផ្លាញស្លាកសញ្ញាបក្សកើតឡើងប៉ុន្មានករណីទេ
ដោយបញ្ជាក់ថា មានស្លាកសញ្ញានៅខេត្តកណ្ដាល កំពង់ស្ពឺ ស្វាយរៀង
ព្រៃវែង និងខេត្តកំពង់ចាម ជាដើម ត្រូវជនល្មើសលួច និងវាយកម្ទេច។
លោកថា
ករណីនេះសមត្ថកិច្ចមិនដែលចាប់បានជនសង្ស័យណាម្នាក់បញ្ជូនទៅ
តុលាការផ្ដន្ទាទោសតាមបណ្ដឹងបក្សប្រឆាំងទេ។
សមាជិកសភាបក្សប្រឆាំងរូបនេះ បានស្នើឲ្យសមត្ថកិច្ចមូលដ្ឋាន
ត្រូវបំពេញការងារឲ្យបានស្មើភាព
ដូចអនុវត្តជាមួយគណបក្សកំពុងកាន់អំណាចដែរ។
ចំណែកមន្ត្រីគណបក្ស សិទ្ធិមនុស្ស ក៏បានលើកឡើងពីសកម្មភាពបំផ្លាញ
និងលួចស្លាកសញ្ញារបស់បក្សខ្លួននៅតាមមូលដ្ឋាននេះដែរ។
លោក ព្រាប ឆើត ជំទប់ទី២ ឃុំអំពិល មកពីគណបក្ស សិទ្ធិមនុស្ស
បានឲ្យដឹងថា កាលពីថ្ងៃទី៥ ខែធ្នូ
ស្លាកសញ្ញាបក្សខ្លួននៅឃុំអំពិល ស្រុករមាសហែក ខេត្តស្វាយរៀង
ត្រូវជនមិនស្គាល់មុខលួច និងវាយកម្ទេច។ បញ្ហានេះ
លោកស្នើឲ្យសមត្ថកិច្ចគ្រប់ស្ថាប័ន ជួយបង្កើនសកម្មភាពរបស់ខ្លួន
ដើម្បីធានាឲ្យគណបក្សនិមួយៗចុះធ្វើការងារនយោបាយតាមមូលដ្ឋានបាន
ស្មើភាពគ្នា។
នាយប៉ុស្តិ៍រដ្ឋបាលឃុំអំពិល លោក ញ៉ា ថែន មានប្រសាសន៍ថា
សមត្ថកិច្ចកំពុងស្រាវជ្រាវរកមុខសញ្ញាបំផ្លាញស្លាកសញ្ញារបស់គណបក្ស
សិទ្ធិមនុស្ស នេះហើយ។ ប៉ុន្តែលោកថា
មិនទាន់មានសាក្សីណាម្នាក់បានឃើញហេតុការណ៍បំផ្លាញស្លាកសញ្ញានេះ
ទេ។
មន្ត្រីសិទ្ធិមនុស្សប្រទេសកម្ពុជា បានឲ្យដឹងថា
មុនការបោះឆ្នោតចូលមកដល់ម្តងៗ តែងឃើញរូបភាពគំរាមសកម្មជន
ឬសកម្មភាពបំផ្លាញស្លាកសញ្ញាគណបក្សប្រឆាំងពីជនមិនស្គាល់មុខមួយ
ចំនួន។ លោកចាត់ទុកសកម្មភាពនេះថា
ជាការបំភិតបំភ័យអ្នកគាំទ្របក្សប្រឆាំង។
លោកបណ្ឌិត ហង្ស ពុទ្ធា នាយកប្រតិបត្តិគណៈកម្មាធិការអព្យាក្រឹត
និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា
(និចហ្វិច = NEFEC) មានប្រសាសន៍ថា
សង្គមមិនទាន់មានលទ្ធិប្រជាធិបតេយ្យពិតប្រាកដ
រូបភាពបំភិតបំភ័យសកម្មជន ឬស្លាកសញ្ញាបក្សប្រឆាំងតែងកើតមាន
ទោះតិច ឬច្រើនក្តី។ ប៉ុន្តែយ៉ាងណាក៏ដោយ
លោកស្នើឲ្យសមត្ថកិច្ចគ្រប់ជំនាញ
ត្រូវបំពេញតួនាទីឲ្យអព្យាក្រឹតរវាងគណបក្សប្រឆាំង
និងបក្សកាន់អំណាច។
មន្ត្រីបក្សប្រឆាំង បានអះអាងថា មកដល់ចុងឆ្នាំ២០១២ នេះ
ស្លាកសញ្ញាបក្សខ្លួនដែលលើកតាមផ្លូវ
ឬទីសាធារណៈតាមខេត្តក្រុងនានា ត្រូវជនមិនស្គាល់មុខលួច
និងបំផ្លាញមិនតិចជាង ២០ករណីនោះទេ។ ប៉ុន្តែ
សមត្ថកិច្ចមិនដែលចាប់បានជនសង្ស័យណាម្នាក់បញ្ជូនទៅកាន់តុលាការ
ឡើយ។ កាលបរិច្ឆេទនៃការបោះឆ្នោតជ្រើសតាំងតំណាងរាស្ត្រអាណត្តិទី៥
នឹងចាប់ផ្ដើមនៅថ្ងៃអាទិត្យ ទី២៨ ខែកក្កដា ឆ្នាំ២០១៣៕
1 comment:
Worry about signs!? Turn back on your young comrade Mr Soung sophorn? I start to lose faith on this party.Don't get me wrong I didn't like Cpp one bit....They all corrupted pigs! I want democrat people rally behind Mr Soung Sophorn to the court with him to face Hun sen whether he wins or loses.I knew he sue a wrong person but at least stay behind him don't abandon your young comrade.He should sue the authority like mayor or police chief and coordinators officers that coordinate the event.Good luck young fellow....
Yobal Khmer
Post a Comment