A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 11 December 2012

Nepotism and cronyism within the Cambodia National Rescue Party សំណាញ់​គ្រួសារ​និង​បក្សពួក​និយម​ក្នុង​ជួរ​បក្ស​សង្គ្រោះ​ជាតិ

Th CPP and its spokesman, Phay Siphan, have accused the newly-formed CNRP of nepotism and cronyism by appointing family members to important positions within the party. The CPP is a party born out of nepotism and cronyism which seen the leaders of the CPP appointing their family members to all powerful positions within the party and the government, therefore it has no right to criticise others on this issue. In Khmer we say "don't try to clean other people's arse while your arse is full of shits!"  

ដោយ តាំង សារ៉ាដា RFA
2012-12-09 មន្ត្រី​ជាន់​ខ្ពស់​របស់​រដ្ឋាភិបាល និង​ក្រុម​អ្នក​វិភាគ​ខ្លះ​បាន​ផ្ដល់​អនុសាសន៍​ដល់​ក្រុម​បក្ស​សង្គ្រោះ​ ជាតិ​ថ្មី ដែល​ទើប​នឹង​ច្របាច់​បញ្ចូល​គ្នា​រវាង​បក្ស​ប្រឆាំង​ពីរ ថា​គួរ​ចាប់​ផ្ដើម​កាច់​ចង្កូត​នាវា​បក្ស​នេះ ប្រកប​ដោយ​ភាព​ស្អាតស្អំ ចេញ​ឲ្យ​ឆ្ងាយ​ពី​អ្វី​ដែល​គេ​ហៅ​ថា គ្រួសារ​និយម និង បក្សពួក​និយម។

ទោះ​បី​ជា​យ៉ាង​ណា​ក៏ដោយ ក្រុម​មន្ត្រី​បក្ស​ប្រឆាំង​និយាយ​ថា អ្វី​ដែល​ជា​ការ​សំខាន់​ជាង​គេ​នៅ​ពេល​ចំពោះ​មុខ​នេះ គឺ​ការ​រួបរួម​អ្នក​ប្រជាធិបតេយ្យ។
នៅ​ពេល​នេះ​មន្ត្រី​នៃ​គណបក្ស​កាន់​អំណាច​ដែល​ជា​គណបក្ស​តែង​រង​ការ​ រិះគន់​ពី​មហាជន ថា​ដឹកនាំ​ប្រទេស​ដោយ​ការ​ចង​សំណាញ់​អំណាច​តាម​រយៈ​សាច់សាលោហិត និង​បក្សពួក​និយម​នោះ បាន​បក​រិះគន់​ក្រុម​បក្ស​សង្គ្រោះ​ជាតិ​ថា កំពុង​រៀបចំ​ថ្នាក់​ដឹកនាំ​គណបក្ស​របស់​ខ្លួន​ប្រកប​ដោយ​សាច់ញាតិ និង​បក្ស​ពួក​និយម។
អ្នក​នាំ​ពាក្យ​នៃ​ទីស្ដីការ​គណៈរដ្ឋមន្ត្រី លោក ផៃ ស៊ីផាន ​ដែល​ធ្លាប់​ផ្លាស់ប្ដូរ​ពី​គណបក្ស​មួយ​ទៅ​គណបក្ស​មួយ បាន​ផ្ដល់​អនុសាសន៍​ដល់​ថ្នាក់ដឹកនាំ​បក្ស​សង្គ្រោះ​ជាតិ​ថ្មី​ថា គួរ​ចាប់​បង្កើត​យន្តការ​សំបូរ​បែប​មួយ​ក្នុង​ការ​ផ្ដល់​ឱកាស​ដល់​សមាជិក​ ផ្សេងៗ​របស់​ខ្លួន​ឲ្យ​បាន​ចូលរួម​ក្នុង​ក្រុម​ដែល​ធ្វើ​សេចក្ដី​សម្រេច​នៃ​ ថ្នាក់ដឹកនាំ​កំពូល​របស់​បក្ស។
ការ​ថ្លែង​របស់​លោក ផៃ ស៊ីផាន ធ្វើ​ឡើង​នៅ​អំឡុង​ដែល​បក្ស​សង្គ្រោះ​ជាតិ ចាប់​បង្កើត​គណៈកម្មាធិការ​អចិន្ត្រៃយ៍​របស់​ខ្លួន​ចំនួន ១៦​រូប ដោយ​មាន​សមាជិក ៨​រូប​មក​ពី​ខាង​បក្ស សម រង្ស៊ី និង ៨​រូប​ផ្សេង​ទៀត​ពី​ខាង​បក្ស​សិទ្ធិ​មនុស្ស។
សមាជិក​ចំនួន ៨​រូប​ពី​ខាង​គណបក្ស សម រង្ស៊ី មាន​លោក សម រង្ស៊ី លោក យឹម សុវណ្ណ និង​ភរិយា គឺ​អ្នកស្រី កែ សុវណ្ណរតន៍ លោក អេង ឆៃអ៊ាង និង​លោក គួយ ប៊ុនរឿន ដែល​ជា​បង​ថ្លៃ​ប្អូន​ថ្លៃ​នឹង​គ្នា លោក សុន ឆ័យ អ្នកស្រី មូរ សុខហួរ និង​លោក ម៉ែន សុថាវរិន្ទ្រ ដែល​ជា​មនុស្ស​ស្និទ្ធស្នាល​នឹង​អ្នកស្រី ជូឡុង សូមូរ៉ា ភរិយា​របស់​លោក សម រង្ស៊ី។
ចំណែក​សមាជិក ៨​រូប​ផ្សេង​ទៀត​ពី​ខាង​បក្ស​សិទ្ធិ​មនុស្ស​វិញ មាន​លោក កឹម សុខា លោក ម៉ៅ មុនីវណ្ណ លោក ប៉ុល ហំម លោក អ៊ូ ចាន់រិទ្ធិ និង អ៊ូ ចាន់រ័ត្ន បង​ប្អូន​បង្កើត​នឹង​គ្នា លោក សាម ស៊ុនឌឿន លោក យ៉ែម បុញ្ញឫទ្ធិ និង​លោក តុប វាន់ចាន់។
លោក ផៃ ស៊ីផាន មាន​ប្រសាសន៍​ថា ការ​ដាក់​សែស្រឡាយ ឬ​បក្ស​ពួក​ច្រើន​ក្នុង​ថ្នាក់​ដឹក​កំពូល​របស់​គណបក្ស​ដូច្នេះ អាច​នាំ​ឲ្យ​មាន​ទំនាស់​ផលប្រយោជន៍​ដ៏​ធំ​ទៅ​ថ្ងៃ​មុខ។
ទោះ​បី​ជា​យ៉ាង​ណា​ក៏ដោយ មន្ត្រី​គណបក្ស​ប្រឆាំង​បាន​បក​ស្រាយ​ថា ការ​ជ្រើសរើស​សមាជិក​សំរាប់​គណៈកម្មាធិការ​អចិន្ត្រៃយ៍​នៃ​គណបក្ស​សង្គ្រោះ​ ជាតិ​ថ្មី​នេះ គឺ​ធ្វើ​ឡើង​ដោយ​ការ​ប្រុងប្រយ័ត្ន​ទៅ​តាម​សមត្ថភាព និង​ការ​ទទួល​ខុស​ត្រូវ​ខ្ពស់ គួបផ្សំ​នឹង​បទពិសោធន៍​ខ្ពស់​នៃ​សមាជិក​នីមួយៗ។
លោក សុន ឆ័យ បន្ត​ថា អ្វី​ដែល​ជា​ការ​ចាំបាច់​ចំពោះ​មុខ​សំរាប់​គណបក្ស​ថ្មី​នេះ គឺ​ការ​ចាត់​តាំង​តួនាទី​សំខាន់ៗ​សំរាប់​សមាជិក​បក្ស​សង្គ្រោះ​ជាតិ។
ក្រុម​អ្នក​ឃ្លាំមើល​ខ្លះ​និយាយ​ថា គ្រួសារ​និយម ឬ​បក្ស​ពួក​និយម មិន​ថា នៅ​ក្នុង​ជួរ​រដ្ឋាភិបាល បក្ស​ប្រឆាំង សង្គម​ស៊ីវិល ឬ​សមាគម​នោះ​ទេ សុទ្ធតែ​អាច​ផ្ដល់​លទ្ធភាព​គ្រប់គ្រាន់ គ្រប់​ពេល និង​គ្រប់​បែប​យ៉ាង ក្នុង​ការ​ធ្វើ​ឲ្យ​មាន​អំពើ​ពុករលួយ ការ​រំលោភ​អំណាច​ជា​លក្ខណៈ​ប្រព័ន្ធ និង​ទំនាស់​ផល​ប្រយោជន៍​មិន​ចេះ​ចប់។
អ្នក​វិភាគ​ឯករាជ្យ​លោក​បណ្ឌិត ឡៅ ម៉ុងហៃ មាន​ប្រសាសន៍​ថា ដើម្បី​កសាង​ប្រជាធិបតេយ្យ​នៅ​ក្នុង​ប្រទេស​ទៅ​បាន លុះ​ក្រុម​អ្នក​នយោបាយ​ត្រូវ​ជៀសវាង​ជា​អតិបរមា​នូវ​ការ​ប្រកាន់​គ្រួសារ​ និយម។
ទោះ​បី​ជា​យ៉ាង​ណា​ក៏ដោយ លោក ម៉ៅ មុនីវណ្ណ សមាជិក​គណៈកម្មាធិការ​អចិន្ត្រៃយ៍​នៃ​គណបក្ស​សង្គ្រោះ​ជាតិ​មក​ពី​គណបក្ស​ សិទ្ធិ​មនុស្ស ថ្លែង​ថា អ្វី​ដែល​សំខាន់​បំផុត​សំរាប់​សភាពការណ៍​ចំពោះ​មុខ​មុន​ការ​បោះ​ឆ្នោត​ឆ្នាំ ​២០១៣ ខាង​មុខ​នេះ គឺ​ក្រុម​អ្នក​ប្រជាធិបតេយ្យ​ត្រូវ​តែ​រួម​គ្នា​ដើម្បី​ប្រជែង​ជាមួយ​បក្ស​ កាន់​អំណាច​ដ៏​យូរ​ឆ្នាំ​នោះ។
លោក មៅ មុនីវណ្ណ បន្ត​ថា សមាសភាព​សមាជិក​គណបក្ស​សង្គ្រោះ​ជាតិ​ថ្មី​នេះ នឹង​បន្ថែម​ពី​ចំនួន ១៦​រូប រហូត​ដល់ ១៩​រូប ទៅ​តាម​ការ​ចែង​ក្នុង​បទបញ្ជា​ផ្ទៃក្នុង​របស់​បក្ស៕

2 comments:

Anonymous said...

What is the word arse ? You mean Ass?

Anonymous said...

"Arse" is a spelling used in Australia, UK, NZ, Canada... "Ass" is an American spelling. They mean the same thing.