A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday 12 October 2012

Son of Phnom Penh Governor Kep Chutema bought a house for a poor family [Hope the money is clean money from his own pocket, not corrupt money] កូនប្រុសលោក កែប ជុតិមា ជាអភិបាលរងខណ្ឌដង្កោ ទិញផ្ទះមួយខ្នង ជូនដល់គ្រួសារក្រីក្រ

​ លោក តិ​មា សោភា អភិបាលរង​ខណ្ឌដង្កោ ដែលជា​កូនប្រុស​បង្កើត​របស់លោក កែប ជុតិមា អភិបាល​រាជធានី​ភ្នំពេញ បាន​ចំណាយលុយ ៤.៥០០ ដុល្លារ ទិញ​ផ្ទះ ផ្តល់​ឲ្យ​ប្រជាពលរដ្ឋ​ក្រីក្រ​មួយ​គ្រួសារ​ Mr. Tema Sophea, Deputy Governor of Dangkor District and son of Phnom Penh Governor Kep Chutema, has spent $4500 to buy a house for a poor family.
(ថ្ងៃទី 12 តុលា 2012) | ដោយ: សុផល  CEN

ភ្នំពេញ: ​លោក តិ​មា សោភា អភិបាលរង​ខណ្ឌដង្កោ ដែលជា​កូនប្រុស​បង្កើត​របស់លោក កែប ជុតិមា អភិបាល​រាជធានី​ភ្នំពេញ បាន​ចំណាយលុយ ៤.៥០០ ដុល្លារ ទិញ​ផ្ទះ ផ្តល់​ឲ្យ​ប្រជាពលរដ្ឋ​ក្រីក្រ​មួយ​គ្រួសារ​។

​ការសម្រេច​ទិញ​ផ្ទះ ផ្តល់​ឲ្យ​ប្រជាពលរដ្ឋ​ក្រីក្រ​នោះ បានធ្វើ​ឡើង ក្រោយពី​អាជ្ញាធរ​ខណ្ឌដង្កោ បាន​រុះរើ​ផ្ទះ​ប្រជាពលរដ្ឋ​ក្រីក្រ​មួយ​គ្រួសារ ដែល​រស់​នៅលើ​ប្រឡាយ​ភូមិ​ម័ល កាលពី​ព្រឹក​ថ្ងៃទី​១២ ខែតុលា ឆ្នាំ​២០១២ ស្ថិតក្នុង​ភូមិ​ម័ល សង្កាត់​ដង្កោ ខណ្ឌដង្កោ រាជធានី​ភ្នំពេញ​។​

​ផ្ទះ​ថ្មី​នោះ ស្ថិតនៅក្នុង​សហគមន៍​ទួលសំបូរ ភូមិ​ទួលសំបូរ សង្កាត់​ព្រៃវែង ខណ្ឌដង្កោ រាជធានី​ភ្នំពេញ​។​

​ លោក តិ​មា សោភា អភិបាលរង​ខណ្ឌដង្កោ បាន​មានប្រសាសន៍ថា អាជ្ញាធរ​បាន​រុះរើ​ផ្ទះ​ប្រជាពលរដ្ឋ​ក្រីក្រ​ខាងលើនេះ គឺ​ដើម្បី​ដោះស្រាយ​ចរាចរណ៍ និង​កសាង​ផ្លូវ​ចូល​ភូមិ​ម័ល តាម​ប្រឡាយ​លូរ​ទឹកស្អុយ ហើយក៏​មានការ​យកចិត្ត​ទុកដាក់​ពី​អាជ្ញាធរ​ខណ្ឌ លើ​ប្រជាពលរដ្ឋ​ក្រីក្រ​មួយ​គ្រួសារ​នេះ ដោយយោង​តាម​អនុសាសន៍​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះ​ណា​ចក្រ​កម្ពុជា​ថា មិនត្រូវ​ឲ្យ​ប្រជាពលរដ្ឋ​ណា​ម្នាក់​ស្លាប់ ដោយសារ​ភាព​អន់​ឃ្លាន​នោះឡើយ​។​

​    ​
​ លោក​បាន​មានប្រសាសន៍​បន្តថា ក្រុមគ្រួសារ​ក្រីក្រ ដែល​រស់​នៅលើ​ប្រឡាយ​ខាងលើនេះ មាន​មនុស្ស​រស់នៅ​ចំនួន ៥ នាក់ ក្នុងនោះ មាន​ប្រពន្ធ​ឈ្មោះ មុំ សុគន្ធ អាយុ ៤៩​ឆ្នាំ មុខរបរ​រើស​អេតចាយ ប្តី​ឈ្មោះ វ៉េង លី អាយុ​៤៧​ឆ្នាំ បច្ចុប្បន្ន​វិកល​ច​រិ​ក មានកូន​ចំនួន​បីនាក់ ទី​១​ឈ្មោះ វ៉េង ណា​ឃីម ភេទ​ប្រុស អាយុ ១៥​ឆ្នាំ មុខរបរ​រើស​អេតចាយ ទី​២ ឈ្មោះ វ៉េង ស្រី​ជាតិ ភេទ​ស្រី អាយុ ១៣​ឆ្នាំ ជា​សិស្ស​រៀន​ថ្នាក់​ទី​៦ និង​ទី​៣ ឈ្មោះ វ៉េង មាស​សំណាង ភេទ​ប្រុស អាយុ ១១​ឆ្នាំ ជា​សិស្ស​រៀន​ថ្នាក់​ទី​៤​។​
​    ​
​អំណោយ​ជា​ផ្ទះមួយ​ខ្នង​នេះ គឺជា​ថវិកា​របស់លោក​ផ្ទាល់​តែម្តង ដែល​ចំណាយ​ថវិកា​ចំនួន ៤.៥០០ ដុល្លារ ដែល​ផ្ទះមួយ​ខ្នង​នេះ ស្ថិតនៅក្នុង​សហគមន៍​ទួលសំបូរ ភូមិ​ទួលសំបូរ សង្កាត់​ព្រៃវែង ខណ្ឌដង្កោ រាជធានី​ភ្នំពេញ និង​មាន​អំណោយ​ជា​គ្រឿងឧបភោគ​បរិភោគ​មួយចំនួនទៀត រួមមាន អង្ករ ៥០​គីឡូក្រាម មី ១​កេស ត្រីខ ១​យួរ ទឹកត្រី ១​យួរ ទឹកស៊ីអ៊ីវ ១​យួរ និង​ថវិកា ៣០​ម៉ឺន​រៀល​។​
​    ​អ្នក​មីង មុំ សុគន្ធ បាន​ថ្លែង​អណរ​គុណ​យ៉ាង​ជ្រាលជ្រៅ ឥត​ក្រៃលែង ចំពោះ​អាជ្ញាធរ​ខណ្ឌដង្កោ ដែល​បាន​ចំណាយ​ថវិកា​ផ្ទាល់ខ្លួន ដើម្បី​ទិញ​ផ្ទះ​ជា​ជម្រក​ដ៏​កក់ក្តៅ​សំរាប់​រូបគាត់​។​
​    ​
​ ចំណែក​លោក វ៉េង លី ជា​ជន​វិកល​ច​រិ​ក ដែលជា​ប្តី​របស់​អ្នក​មីង មុំ សុគន្ធ ត្រូវបាន​អាជ្ញាធរ​ខណ្ឌដង្កោ បញ្ជូនទៅ​មន្ទីរ​សង្គមកិច្ច និង​កូន​របស់គាត់ ត្រូវបាន​អាជ្ញាធរ​ខណ្ឌ ជួយ​ឲ្យ​បាន​ចូលរៀន​សូត្រ​ផងដែរ​៕​

1 comment:

Anonymous said...

Good job! It doesn't matters where the money came from,baught a home for the poor is all it count.Bravo friend....If the money came from corruption at least to buy a home for poor Khmer people,unlike Cpp thugs robbed from poor giving to their rich cronies.

Yobal Khmer