Former Sihanouk's bodyguard speaks

Yim Plouk, the 86 year-old former army lieutenant colonel during the French colony and former Sihanouk's bodyguard, is showing off his medals and army decorations awarded by Sihanouk for his service to the ex-king and during his time in the army.

តាអាយុ៨៥ បង្ហាញមេដាយ បំពាក់ដោយសម្តេចតា 

Angkor Media–លោកតាយឹម ភ្លុក អាយុ៨៥ឆ្នាំ សព្វថ្ងៃ រស់នៅតែ ម្នាក់ឯង នៅភូមិតាតុក២ ឃុំមោង ស្រុក មោងប្ញស្សី ខេត្ត បាត់ដំបង បានរៀបរាប់ថា គាត់កើតក្នុងគ្រួសារកសិករមួយ ជាកូនទី៤ ក្នុងចំ​ណោម បង ប្អូន៨នាក់ ស្រុកកំណើត កើត ជានៅខេត្តព្រៃវែង។ កាលពីកុមារគាត់បានទៅនៅវត្ត ដើម្បី បានរៀនអក្សរ សាស្ត្រលេខនព្វន្ត នឹងគេ រហូតដល់អាយុ ២២ឆ្នាំ ក៏ចេញពីស្រុកផ្សងព្រេងទៅដល់ខេត្តរតនគិរី បាន ជួប​នឹងគ្រូមន្តអាគមម្នាក់ ឈ្មោះតាកាញ៉ិ អាយុជាង ១០០ឆ្នាំ ជាជនជាតិព្នង។ គាត់ក៏សុំគ្រូតានោះរៀន​មន្តអា គម ផ្សេងៗ ដូចជា របៀបកាប់មិនមុត ដុតមិនឆេះ ការពារ អាបធ្មប់ អំពើអំព័ទ្ធ និងរៀនផ្សំឱសថបុរាណ ជាដើម។ លុះបាន១ឆ្នាំ ទើបលាគ្រូវិលមកស្រុកវិញ។ លុះអាយុ២៧ ឆ្នាំ ក៏ចូលធ្វើទាហាន ដោយមានមេ​បញ្ជាការ ឈ្មោះស្រីយ៉ា ធ្លាប់ចូលប្រឡូកក្នុងសមរភូមិ វាយជាមួយឥស្សរៈ មិនដែល មានគ្រោះថ្នាក់អ្វីទេ និងផ្លាស់អង្គភាពជារឿយៗ លុះមកដល់ សម័យសង្គមរាស្ត្រនិយម ក៏បានពាក់ស័ក្តិ៤កន្លះ។ រូបគាត់ ធ្លាប់​បានទទួលគ្រឿងឥស្សរិយយស ជាបន្តបន្ទាប់ ដូចជា មេដាយ ប័ណ្ណសរសើរ ជាដើម ដែលសព្វថ្ងៃ នៅសល់ មេដាយ៣គ្រឿង ដែលបំពាក់ដោយសម្តេចព្រះនរោត្តម សីហនុ កាលព្រះអង្គនៅជាព្រះប្រមុខរដ្ឋ។

លោកតាយឹម ភ្លុក បន្តទៀតថា ក្រោយមក សម្តេចឪ បានយករូបគាត់ទៅធ្វើជាកងអង្គរក្ស ឬកងរក្សាព្រះអង្គ ដោយបាន បន្សល់ទុកកាតទាហានពណ៌សខ្មៅ មានព្រះឆាយាលក្ខណ៍ សម្តេចឪ កាលព្រះអង្គនៅក្មេង ទៀតផង។