The arrest of anti-drug czar Moek Dara was politically motivated ធ្លាយ​រឿង​​​ចាប់​ខ្លួន ​ម៉ឹក ដារ៉ា បណ្ដាល​មក​ពី​បញ្ហា​នយោបាយ​​

The arrest of drug czar Moek Dara was politically motivated because Moek Dara had a long-running dispute and rivalry with his deputy Khieu Samorn.

សិលាពល

August 24, 2012 - Free Press Magazine

ដោយ​រំជួល​ចិត្ត​ពេក​​​លោក ​ជា ឡេង​ ​ដែល​បង្ហាញ​មុខ​​ក្នុង​​បន្ទប់​​សវនាការ​​សាលាឧទ្ធរណ៏​អំឡុង​ថ្ងៃ​ទី​៤​កាល ​​ពី​ម្សិលមិញ​​​​​​​បាន​សម្រក់​​ទឹកភ្នែក ហើយ​​និយាយ​ថា ការ​ចាប់​​ខ្លួន​លោក និង លោក ​ម៉ឹក ដារ៉ា អតី​តប្រធាន​នាយកដ្ឋាន​ប្រឆាំង​ការជួញដូរ​គ្រឿងញៀន​​ថា បណ្ដាល​មក​ពី​រឿង​​នយោបាយ ។

លោក ម៉ឹក ដារ៉ា ពេល ត្រូវ បាន អនុរក្ស ពន្ធនាគារ បណ្ដើ ចុះ ពីសាល ជំនុំជម្រះ សាលា ឧទ្ធរណ៏

អតីត​មន្ត្រី​នគរបាល​ប្រឆាំង​ការ​ជួញ​ដូរ​គ្រឿងញៀន​រូប​​នេះ​បាន​​និយាយ​ ​ថា ​​មាន​ជម្លោះ​កាច់​កុង​ប៉េង​ជើងគ្នា​​ដ៏​រ៉ាំរ៉ៃ រវាង​​​លោក ម៉ឹក ដារ៉ា និង​អនុប្រធាន​​របស់​គាត់​​គឺ​លោក​ ខៀវ សាម៉ុន ដែល​បច្ចុប្បន្ន​​ជា​ប្រធាន​​នាយកដ្ឋាន​ប្រឆាំង​​ការ​ជួញ​ដូរ​គ្រឿងញៀន​​។

លោក ជា ឡេង បាន​លើក​ឡើង​​ថា​ ” ខ្ញុំ​ឈឺចាប់ណាស់​ជំពោះ​​រឿង​​នេះ ពី​ព្រោះ​វា​ជារឿង​អយុត្តិធម៌​ណាស់​ចំពោះ​ខ្ញុំ , អ្នក​ទាំង​អស់​ដឹង​​ទេ​​ថា នៅ​ពេល​​នោះ លោក ខៀវ ​សាម៉ុន មាន​​ជម្លោះ​​ជាមួយ​លោក ​ម៉ឹក ដារ៉ា..”។

គួរ​បញ្ជាក់​ថា លោក ម៉ឹក ដារ៉ា និង​លោក ជា ឡេង ដែល​ត្រូវ​បាន​​ចាប់​​ខ្លួន​​ដោយ​អង្គភាព​ប្រឆាំង​អំពើ​ពុក​រលួយ​​​ ត្រូវ​ជាប់​ចោទ​ជា​ច្រើន​ករណី​​ទាក់ទង​​សំណុំ​​រឿង​គ្រឿងញៀន ដែល​ត្រូវ​បាន​​តុលាការ​​ខេត្ត​បន្ទាយ​មានជ័យ​ ​ផ្ដន្ទាទោស​​ឲ្យ​​ជាប់​ពន្ធ​នាគារ​​អស់​មួយ​​ជី​វិត ​កាល​ពី​អំឡុង​​ខែ មករា ដើម​ឆ្នាំ នេះ ៕