Prince Ranariddh announced retirement from politics from today, 10th August [Ranariddh has deserted and left his supporters to die once against]

                  

លោក អានន្ទ យកលិខិតប្រកាសឈប់ពីនយោបាយ របស់សម្តេចក្រុមព្រះ ជូនលោក សយ សុភាព
Noranarith Anand Dayat, Ranariddh's chief of cabinet, presented Ranariddh's letter announcing his retirement from politics to Soy Sopheap, publisher of Deum Ampil newspaper.
សម្តេចក្រុមព្រះ ប្រកាសឈប់ ធ្វើនយោបាយ 

Friday, 10 August 2012  ដោយ ៖ សយ សុភាព-Posted:ID068 Deum Ampil Newspaper

ពីប្រទេសបារាំង នៅថ្ងៃសុក្រ ទី១០ ខែសីហា ឆ្នាំ២០១២ នេះ សម្តេចក្រុមព្រះ នរោត្តម រណឫទ្ធិ ព្រះប្រធាន គណបក្ស នរោត្តម រណឫទ្ធិ បានប្រកាសលាលែងពី ប្រធានគណបក្ស នរោត្តម រណឫទ្ធិ និងប្រកាសឈប់ ធ្វើនយោបាយ ចាប់ពីពេលនេះតទៅ។ នេះបើយោងតាមលោក អានន្ទ ដាយ៉ាត នាយកខុទ្ទកាល័យ សម្តេចក្រុមព្រះ បានមានប្រសាសន៍ ប្រាប់មជ្ឈមណ្ឌលព័ត៌មាន ដើមអម្ពិល នៅរសៀល ថ្ងៃសុក្រ ទី១០ ខែសីហា ឆ្នាំ២០១២ ។

ការប្រកាសឈប់ធ្វើនយោបាយនេះ ជាការបញ្ចប់នូវជម្លោះផ្ទៃក្នុង រវាងព្រះអង្គម្ចាស់ នរោត្តម រណឫទ្ធិ និងលោក សៅ រ៉ានី អគ្គលេខាធិការគណបក្ស នរោត្តម រណឫទ្ធិ ហើយនិងឈានទៅដល់ការដកពាក្យ បណ្តឹងនៅសាលាដំបូង រាជធានីភ្នំពេញពីសំណាក់លោក សៅ រ៉ានី ថែមទៀតផង។

លោក អានន្ទ បានបន្តថា ការប្រកាសឈប់ធ្វើនយោបាយនេះ បន្ទាប់ពីព្រះអង្គបានសរសេរលិខិតជាផ្លូវការជូន ជនរួមជាតិ ក៏ដូចជាថ្នាក់ដឹកនាំ និងសហជីវិន សហជីវនី នៃគណបក្ស នរោត្តម រណឫទ្ធិ ទាំងអស់ ដោយព្រះអង្គ បានបញ្ជាក់នៅក្នុងលិខិតនោះថា រាល់កិច្ចការ និងសេចក្តីសម្រេចផ្សេងៗរបស់គណបក្ស នរោត្តម រណឫទ្ធិ ព្រះអង្គនឹងមិនទទួលខុសត្រូវតទៅទៀតឡើយ។

លោក អានន្ទ បានឲ្យដឹងទៀតថា លិខិតរបស់ព្រះអង្គ នឹងត្រូវផ្សព្វផ្សាយជាផ្លូវការ នៅក្នុងរយៈពេលប៉ុន្មាន ម៉ោងខាងមុខនេះ ។

ការប្រកាសលាឈប់នេះ នឹងបើកផ្លូវឲ្យលោក សៅ រ៉ានី មានលទ្ធភាពតាមផ្លូវច្បាប់គ្រាប់គ្រាន់ ដើម្បីធ្វើសមាជ ផ្លាស់ប្តូរឈ្មោះពីគណបក្ស នរោត្តម រណឫទ្ធិ ទៅជាគណបក្សជាតិនិយម រួចហើយគណបក្សនេះ នឹងទៅរួមបញ្ចូល ជាមួយគណបក្ស ហ្វ៊ុនស៊ិនប៉ិច របស់លោក ញឹក ប៊ុនឆៃ ស្របទៅតាមកិច្ចព្រមព្រៀងថ្ងៃទី២៤ ឧសភា ដែលគណបក្ស នរោត្តម រណឫទ្ធិ និងគណបក្ស ហ្វ៊ុនស៊ិនប៉ិច ឯកភាពបង្រួបបង្រួមទៅជាគណបក្ស ហ្វ៊ុនស៊ិនប៉ិច តែមួយ៕