The Interior Ministry returns the application for the registration of the National Salvation Party, saying it contained two errors. The first error is that election law requires 80 thumbprints, but the application only have 78 thumbprints. The second error is that the thumb-printers did not provide their proper addresses.
ក្រសួងមហាផ្ទៃបំភ្លឺរឿងរុញសំណុំលិខិត សុំចុះបញ្ចីឈ្មោះរបស់គណបក្សសង្រ្គោះជាតិត្រឡប់ក្រោយ
ដោយៈស.បទុម
Tuesday 21 August 2012 -Free Press Magazine
ក្រសួងមហាផ្ទៃនៅថ្ងៃទី ២១
សីហានេះបានអះអាងថាការកោះហៅឲ្យគណបក្សសង្រ្គោះជាតិ
ឲ្យមកយកសំណុំលិតសុំចុះបញ្ជីឈ្មោះរបស់ខ្លួនត្រឡប់ថយ
ក្រោយវិញ មិនពាក់ព័ន្ធនឹងរឿងនយោបាយទេ គឺ
បណ្ដាលមកពីគណបក្សនេះ ពុំបានបំពេញលក្ខណត្រឹមត្រូវ
ស្ដីពីការចុះបញ្ជីគណបក្សនយោបាយ ។
(ពីឆ្វេង ទៅ ស្ដាំ) លោក កឹម សុខា អនុប្រធាន គណបក្សសង្រ្គោះជាតិ និងលោក សម រង្ស៊ី ប្រធានគណបក្សសង្គ្រោះជាតិ
លោក ខៀវ សុភ័គ
អ្នកនាំពាក្យក្រសួងមហាផ្ទៃបានថ្លែងប្រាប់ក្រុមអ្នកកាសែតថា
ការដែលក្រសូងមហាផ្ទៃ ហៅ
គណបក្សសង្គ្រោះជាតិឲ្យមកយកឯកសាររបស់ខ្លួនទៅវិញ
គឺបណ្ដាលមកពីកំហុសពីរយ៉ាង ក្នុងនោះមាន
ទីមួយតាមច្បាប់តម្រូវឲ្យគណបក្សនយោបាយដែលស្នើសុំចុះ
បញ្ជីឈ្មោះត្រូវតែមានស្នាមមេដៃ អ្នកបង្កើតយ៉ាងតិច៨០នាក់
តែពាក្យស្នើសុំរបស់គណបក្សសង្គ្រោះជាតិមានតែ៧៨នាក់ និង
ទីពីរ អ្នកដែលមានស្នាមមេដៃទាំងនោះពុំមានអសយដ្ឋានច្បាស់លាស់ ។
លោក ប៉ុល ហំម អ្នកនាំពាក្យរបស់គណបក្សនេះ
មិនអាចទាក់ទងសុំការបំភ្លឺបានទេ
ដោយទូរស័ព្ទចូលច្រើនដងពុំមានអ្នកទទួល ។
ប៉ុន្តែយ៉ាងណាក៏ដោយមន្ត្រីមួយរូបរបស់គណបក្សនេះ
ដែលនិយាយសុំមិនបញ្ចេញឈ្មោះ បានទទួលស្គាល់ថា
ពិតជាមានកំហុសដូច្នេះមែន ហើយថា នេះជារឿងបច្ចេកទេស
ដោយសារតែឈ្មោះ ភូមិ ឃុំ
មួយចំនួនក្នុងខេត្តព្រៃវែងត្រូវបានប្ដូរ
ខុសពីអត្តសញ្ញាណប័ណ្ណរបស់ពលរដ្ឋដែលគណបក្សទទួលបាន ។
ឧទាហរណ៏ដូចជាពីដើមនៅខេត្ត ព្រៃវែងមានឈ្មោះ ឃុំ អ្នកលឿង
ឥឡូវប្ដូរទៅជាឃុំព្រៃកខ្សាយ (ក ) ជាដើម។
មន្ត្រីដដែលបានបន្តឲ្យដឹងថា
ពេលនេះគណបក្សពុំទាន់បានកំណត់កាលបរិច្ឆេទច្បាស់លាស់ដើម្បី
បញ្ជូនសំណុំលិខិតទៅជាថ្មីទេ ព្រោះកំពុងធ្វើការកែសម្រួល ៕
2 comments:
Post a Comment