SRP and HRP agreed to merge with Sam Rainsy as president and Kem Sokha as vice-president

Kem Sokha and Sam Rainsy held a press conference via a videolink from the Philippines after the talks.  

សម​ រង្ស៊ី និង កឹម សុខា ឯកច្ឆន្ទគ្នា នឹងបង្កើតគណបក្សថ្មី នាពេលឆាប់ៗនេះ ដោយលោក សម រង្ស៊ី ជាប្រធាន, លោក កឹម សុខា ជាអនុប្រធាន 

Tuesday, 17 July 2012 17:29  DAP News

ដោយៈបាន ចក់-អេង គឹមជាង-Posted: ID-009

 

ភ្នំពេញ៖ បន្ទាប់ពីកិច្ចជំនួបរវាងក្រុមមេដឹកនាំ គណបក្ស សម រង្ស៊ី និងគណបក្សសិទ្ធិមនុស្ស ចំនួនពីរថ្ងៃ ពីថ្ងៃទី ១៦-១៧ ខែកក្កដា នៅប្រទេសហ្វីលីពីន ក្រុមមេដឹកនាំគណបក្សប្រឆាំងទាំងពីរ បានសម្រេចជាឯកច្ឆន្ធថា នឹង បង្កើតគណបក្សថ្មីមួយទៀតនាពេលឆាប់ៗខាងមុខនេះ ដោយលោក សម រង្ស៊ី ធ្វើជាប្រធានគណបក្ស និងលោក កឹម សុខា ជាអនុប្រធានបក្ស។

ថ្លែងតាមរយៈវីដេអូ ខនហ្វើរិន ពីទីក្រុងម៉ានីល ប្រទេសហ្វីលីពីន មេដឹកនាំគណបក្សប្រឆាំងទាំងពីរ គឺលោកសម រង្ស៊ី និងលោក កឹម សុខា បានមានប្រសាសន៍ប្រាប់ដល់អ្នកសារព័ត៌មានជាតិ-អន្តរជាតិ ព្រមទាំងសមាជិក នៃ គណបក្សទាំងពីរនារាជធានីភ្នំពេញនៅរសៀលថ្ងៃទី១៧ ខែកក្កដា ឆ្នាំ២០១២ថា ពួកគេនឹងបង្កើតគណបក្សមួយ ថ្មីទៀត នាពេលឆាប់ៗនេះ ដើម្បីតទល់ប្រកួតប្រជែងជាមួយនឹងគណបក្សកាន់អំណាចបច្ចុប្បន្ន (គណបក្សប្រជា ជនកម្ពុជា)។

លោក សម រង្ស៊ី បានមានប្រសាសន៍ថា ការសម្រេចរបស់គណបក្ស សម រង្ស៊ី និងគណបក្សសិទ្ធិមនុស្ស គឺជាការ ត្រឹមត្រូវ ដើម្បីជួយសង្គ្រោះជាតិ និងផ្តូលរំលំការគ្រប់គ្រប់របស់រដ្ឋាភិបាលបច្ចុប្បន្នដែលលោកអះអាងថា មាន សារធាតុបែបកុម្មុយនីស្តនោះ។ «យើងបានសម្រេចជាប្រវត្តិសាស្រ្ត ចាប់ពីថ្ងៃនេះទៅឆាកនយោបាយនៅប្រទេស កម្ពុជាមានការផ្លាស់ប្តូរដ៏សំខាន់។ សេចក្តីសម្រេចនេះគឺជាការសម្រេចរវាងគណបក្សទាំងពីរ ដែលប្តេជ្ញាចិត្ត បំពេញបេសកកម្មស្រោចស្រង់ប្រទេសជាតិជាមួយគ្នា….»។

យោងតាមសេចក្តីថ្លែងការណ៍រួមរបស់គណបក្សទាំងពីរ បានឲ្យដឹងថា នាពេលនេះពួកខ្លួនបាន ជ្រើសរើសជាឯក ច្ឆន្ធជ្រកក្រោម «ចលនាប្រជាធិបតេយ្យសង្រ្គោះជាតិ» មុននឹងពួកគេសម្រេចបង្កើតគណបក្សថ្មីនោះ។

លោក កឹម សុខា បានមានប្រសាសន៍តាមរយៈវីដេអូខនហ្វ្រើរិនដែរថា ការបង្រួបបង្រួមរបស់លោកជាមួយនឹង គណបក្ស សម រង្ស៊ី ដើម្បីឈរលើគោលការណ៍តែមួយគត់ គឺផលប្រយោជន៍ជាតិ និងប្រជាជនជាធំ។ លោក កឹម សុខា បានបញ្ជាក់ថា «យើងយកគោលការណ៍ទាំងអស់នេះ យើងប្រកាន់គោលការណ៍ អនុវត្តតាមរយៈការ បោះឆ្នោតដោយសេរី ត្រឹមត្រូវ និងយុត្តិធម៌។ យើងទាមទារឲ្យមានការផ្លាស់ប្តូរគណៈកម្មាធិការជាតិរៀបចំការ បោះឆ្នោត គឺមានការកែប្រែនូវនីតិវិធីដ៏ស្មុគស្មាញនៅក្នុងការរៀបចំការបោះឆ្នោត ដែលធ្វើឲ្យប្រជាពលរដ្ឋយើង មានសិទ្ធិបោះឆ្នោតមិនអាចបោះឆ្នោតកន្លងមកនេះ ហើយយើងនឹងទាមទារបរិយាកាស បោះឆ្នោតនេះឲ្យវាទូលំ ទូលាយ….»។

ប៉ុន្តែទោះជាយ៉ាងណាក៏ដោយ ការច្របាច់បញ្ចូលគ្នារវាងគណបក្សទាំងពីរ សម រង្ស៊ី និងសិទ្ធិមនុស្សនេះ ពុំបាន ធ្វើឲ្យគណបក្សកាន់អំណាចបច្ចុប្បន្នរសើបដៃជើងឡើយ។ រដ្ឋលេខាធិការ និងជាអ្នកនាំពាក្យ នៃទីស្តីការគណៈ រដ្ឋមន្ត្រីលោក ផៃ ស៊ីផាន បានមានប្រសាសន៍ប្រាប់មជ្ឈមណ្ឌលព័ត៌មានដើមអម្ពិលថា ការបញ្ចូលគ្នារវាងគណ បក្សរបស់លោក សម រង្ស៊ី និងលោក កឹម សុខា វាជារឿងផ្ទៃក្នុងរបស់គណបក្សប្រឆាំងតែប៉ុណ្ណោះ ហើយការ បញ្ចូលគ្នានេះ ក៏មិនអាចធ្វើឲ្យគណបក្សប្រជាជនកម្ពុជា ដែលបច្ចុប្បន្នមានវត្តមានសម្តេចទាំងបី ជាប្រមុខដឹកនាំ នោះខ្សោយឡើយ។

លោកផៃ ស៊ីផាន បានបញ្ជាក់ «គណបក្សទាំងពីរ រូមបញ្ចូលគ្នាក៏ពុំមានតូលេខណាមួយដែលអាចមកផ្ទឹមបាន ពាក់កណ្តាលជាមួយគណបក្សប្រជាជនបានទេ ហើយគណបក្សប្រជាជននៅតែនាំមុខបោះសំឡេងជាងគណ បក្សទាំងពីរដដែល»។

លោកសម រង្ស៊ី និងលោកកឹម សុខា ពុំបានបញ្ជាក់អំពីកាលបរិច្ឆេទច្បាស់លាស់ថា ពូកខ្លួននឹងត្រូវបង្កើតបក្សថ្មី នៅថ្ងៃណាទេ ហើយក៏មិនបានបញ្ជាក់អំពីឈ្មោះបក្ស ដែលខ្លួនមានគម្រោងបង្កើតនោះដែរ។

សូមបញ្ជាក់ថា កិច្ចព្រមព្រៀងស្តីពីសមាសភាពចលនាប្រជាធិបតេយ្យសង្រោះជាតិ ដែលគណបក្សសម រង្ស៊ី និងគណបក្សសិទ្ធិមនុស្សបានសម្រេចបង្កើតនោះ គឺអ្នកទាំងពីរបានឯកភាពគ្នារៀបចំយន្តការដឹកនាំចលនាប្រជា ធិបតេយ្យសង្គ្រោះជាតិនោះ គឺតម្រូវឲ្យមាន គណៈកម្មាធិការនីតិបញ្ញត្តិ គណៈកម្មាធិការប្រតិបត្តិ និងគណៈកម្មា ធិការវិន័យតែប៉ុណ្ណោះ ហើយថ្នាក់ដឹកនាំលោក សម រង្ស៊ី ជាប្រធាន, លោកកឹម សុខាជាអនុប្រធាន។ រីឯលេខា ធិការដ្ឋានវិញ អ្នកស្រី មួរ សុខហួរ ជាប្រធានលេខាធិការដ្ឋាន, លោកយ៉ែម បុញ្ញប្ញទ្ធិជាអនុលេខាធិការដ្ឋាន។ សម្រាប់អ្នកនាំពាក្យចលនានេះ មានលោក ប៉ុល ហំម និងលោក យឹម សុវណ្ណ៕