Mam Sonando, owner of Beehive Radio, to arrive in Phnom Penh tonight (Thursday 12 July) despite a threat of arrest on charges of 'secession'.
លោក ម៉ម សូណង់ដូ នឹងមកដល់ប្រទេសកម្ពុជាយប់នេះ
ព្រហស្បតិ៍ 12 កក្តដា 2012 Free Press Magazine
តាមលោកស្រី ឌិន ផាណារ៉ា ភរិយា
និងជាជំនួយការផ្ទាល់របស់លោក ម៉ម សូណង់ដូ ប្រធានវិទ្យុសំបុកឃ្មុំ
និងជាប្រធានសមាគមអ្នកប្រជាធិបតេយ្យ បានឲ្យដឹងថា
ស្វាមីរបស់លោកស្រីនឹងមកដល់ប្រទេសកម្ពុជានៅវេលាម៉ោង១០យប់ថ្ងៃ
ព្រហស្បតិ៍នេះ។
លោក ម៉ម សូណង់ដូ ប្រធានវិទ្យុសំបុកឃ្មុំ
លោក ម៉ម សូណង់ដូ
បានចាកចេញពីប្រទេសកម្ពុជាដើម្បីបំពេញទស្សនកិច្ចនៅសហរដ្ឋអាមេរិក
និងប្រទេសបារាំងតាំងពីថ្ងៃទី១២ ខែមីនា មកម្ល៉េះ។
ប៉ុន្តែកាលពីពេលថ្មីៗនេះ
លោកត្រូវបានចោទប្រកាន់ដោយនាយករដ្ឋមន្រ្តីខ្មែរ ហ៊ុន សែន ថា
ជាអ្នកនៅពីក្រោយខ្នងនៃសកម្មភាពអបគមន៍នៅភូមិប្រម៉ា
ឃុំកំពង់ដំរី ស្រុកឆ្លូង ខេត្តក្រចេះ
ដោយធ្វើការព្រមានតាមចាប់ខ្លួន
ទោះជាប្រធានសមាគមអ្នកប្រជាធិបតេយ្យរូបនេះលាក់ខ្លួននៅទីណាក៏
ដោយ។
ឆ្លើយតបនឹងការចោទប្រកាន់
របស់នាយករដ្ឋមន្រ្តីនេះ លោក ម៉ម សូណង់ដូ
បានប្រកាសតាមវិទ្យុបរទេសមួយថា
លោកមិនបាននៅពីក្រោយខ្នងសកម្មភាពនេះទេ ហើយថា
លោកនឹងវិលចូលប្រទេសវិញដើម្បីប្រឈមនឹងបញ្ហានេះ។
ប៉ុន្តែទោះជាយ៉ាងណាក៏ដោយ
យប់នេះលោក ម៉ម សូណង់ដូ នឹងមកដល់ប្រទេសកម្ពុជា ដោយគេរំពឹងថា
អ្នកគាំទ្រលោកប្រមាណជាង២០០នាក់នឹងទៅទទួលលោកដោយផ្ទាល់នៅព្រលាន
យន្តហោះអន្តរជាតិភ្នំពេញ៕
2 comments:
u needs to face justice in PHN court
witness proven, he was the ring leader..
no Visa extended, no money, no support., but to come back to motherland.,
good man !
Do you think so, boy? Must I believe you..?
Post a Comment