A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Monday 17 October 2011

King Sihamoni pardoned 5 jailed members of CFF


By Khmerization
Source: RFA

King Sihamoni has just signed a royal decree granting a pardon to 5 members of Cambodian Freedom Fighters (CFF) who were convicted of a plot to topple the government when they allegedly launched an attach on government buildings in Phnom Penh in 2000.

The 5 convicted members of CFF, who were sentenced to 15 years jail each, were granted a royal pardon in a royal decree signed by King Sihamoni on 22nd September 2011. However, for unknown reason, the prisoners were only released on Saturday 15th October and the pardon was kept secret until the decree was publicly released on Sunday yesterday, 16th of October.

The 5 pardoned CFF members are: Seng Narin, Tumlorp Mill, Bun Chanto, Hem Bunthoeun and Chan Bun Kheng. These individuals were from Pailin.

In November 2000, a group of gunmen launched an attack on the Defence Ministry buildings. Many people, including opposition activists and some military officers, were arrested. The alleged leader, Chhun Yasith (pictured), who is a Cambodian-American, was sentenced to a life imprisonment by a U.S court for orchestrating the coup and is now serving in a U.S jail.

Read Khmer article below:
ព្រះមហាក្សត្រ​លើកលែង​ទោស​ឲ្យ​សមាជិក​ចលនា CFF
ដោយ ទីន ហ្សាការីយ៉ា
2011-10-16

ព្រះ​មហា​ក្សត្រ​ខ្មែរ​បាន​ប្រទាន​ការ​លើក​លែង​ទោស​ដល់​ទណ្ឌិត​មួយ​ចំនួន​ដែល​ជាប់​ពាក់ព័ន្ធ​នឹង​ចលនា​កង​ទ័ព​សេរី​ជាតិ​កម្ពុជា (CFF)។

RFA, Screenshot

ស្លាក​សញ្ញា​របស់​ចលនា CFF

ព្រះ​មហា​ក្សត្រ សម្ដេច​ព្រះ​បរមនាថ​នរោត្តម​សីហ​មុនី បាន​ចេញ​ព្រះ​រាជ​ក្រឹត្យ​លើក​លែង​ទោស​ទណ្ឌិត​ចំនួន ៥​នាក់ ដែល​តុលាការ​បាន​ផ្ដន្ទា​ទោស​ក្នុង​ម្នាក់ៗ ចំនួន ១៥​ឆ្នាំ ពាក់ព័ន្ធ​និង​ការ​បង្កើត​ចលនា​កង​ទ័ព​សេរី​ជាតិ​កម្ពុជា CFF នោះ​ឲ្យ​មាន​សេរីភាព​វិញ​ហើយ។

នៅ​ក្នុង​ព្រះ​រាជ​ក្រឹត្យ​ចេញ​កាល​ពី​ថ្ងៃ​ទី​២២ កញ្ញា ឆ្នាំ​២០១១ ហើយ​គេ​ទើប​នឹង​បាន​ផ្សព្វ​ផ្សាយ​នៅ​ថ្ងៃ​អាទិត្យ ទី​១៦ តុលា បាន​ត្រាស់​បង្គាប់​ឲ្យ​រដ្ឋាភិបាល​កម្ពុជា​លើក​លែង​ទណ្ឌិត​ចំនួន ៥​នាក់ រួម​មាន​ឈ្មោះ សេង ណារិន ទម្លាប់ មិល ប៊ុន ចាន់​តូ ហែម ប៊ុន​ធឿន និង​ឈ្មោះ ចាន់ ប៊ុន​ខេង។ អ្នក​ទាំង ៥​នាក់ រស់​នៅ​ខែត្រ​ប៉ៃលិន ត្រូវ​បាន​សមត្ថកិច្ច​ចាប់​ខ្លួន​កាល​ពី​ឆ្នាំ​២០០០ ជាប់​ចោទ​ពី​បទ​ភេរវកម្ម និង​ក្រុម​ប្រដាប់​អាវុធ ហើយ​តុលាការ​បាន​ផ្ដន្ទា​ទោស​ក្នុង​ម្នាក់​ចំនួន ១៥​ឆ្នាំ។

ព្រះ​រាជ​ក្រឹត្យ​លើក​លែង​ទោស​ពី​ព្រះ​មហា​ក្សត្រ​បាន​ចេញ​តាំង​ពី​ខែ​កញ្ញា ប៉ុន្តែ​ក្រុម​គ្រួសារ​ទណ្ឌិត​ទាំង​នោះ ទើប​នឹង​បាន​ឲ្យ​ដឹង​នៅ​ថ្ងៃ​ទី​១៦ តុលា ឆ្នាំ​២០០១១ នេះ។ ក្រុម​គ្រួសារ​ទណ្ឌិត​ទាំង​នោះ បាន​ឲ្យ​ដឹង​ថា រហូត​មក​ទល់​ពេល​នេះ​ទើប​មាន​ទណ្ឌិត​តែ​មួយ​រូប​ទេ ក្នុង​ចំណោម ៥​នាក់​នោះ ដែល​គេ​ដោះ​លែង​ចេញ​ពី​ពន្ធនាគារ​ឲ្យ​មាន​សេរីភាព​វិញ កាល​ពី​ថ្ងៃ​សៅរ៍ ទី​១៥ តុលា។

អ្នក​ស្រី វែន ដារា ជា​សមាជិក​ក្រុម​ប្រឹក្សា​ខែត្រ​ប៉ៃលិន​នៃ​គណ​បក្ស​សម​រង្ស៊ី ដែល​ជា​ភរិយា​របស់​ទណ្ឌិត​ឈ្មោះ ប៊ុន ចាន់​តូ ដែល​កំពុង​នៅ​ក្នុង​ពន្ធនាគារ​នៅ​ឡើយ​នោះ បាន​ឲ្យ​ដឹង​ថា អ្នក​ស្រី​ទើប​បាន​ទទួល​ព្រះ​រាជ​ក្រឹត្យ​កាល​ពី​ថ្ងៃ​ទី​១៥ តុលា តាម​រយៈ​ក្រុម​គ្រួសារ​របស់​លោក សេង ណារិន ដែល​គេ​បាន​ដោះ​លែង​ហើយ​នោះ។ ទោះ​ជា​យ៉ាង​ណា អ្នក​ស្រី​បាន​ថ្លែង​អំណរគុណ​ដល់​ព្រះ​មហា​ក្សត្រ ដែល​ប្រទាន​ការ​លើក​លែង​ទោស​ដល់​ស្វាមី​របស់​គាត់។

លោក អំ សំអាត ជា​មន្ត្រី​ស៊ើប​អង្កេត​ជាន់​ខ្ពស់​នៃ​អង្គការ​សិទ្ធិ​មនុស្ស​លីកាដូ។ លោក​មាន​ប្រសាសន៍​ថា មន្ត្រី​តុលាការ និង​មន្ត្រី​ពន្ធនាគារ​ត្រូវ​តែ​អនុវត្ត​តាម​ព្រះ​រាជ​ក្រឹត្យ​ព្រះ​មហា​ក្សត្រ​នេះ គេ​មិន​ត្រូវ​ពន្យារ​ពេល​ដូច្នេះ​ទេ។

វិទ្យុ​អាស៊ី​សេរី​មិន​អាច​ទាក់​ទង​មន្ត្រី​សាលា​ដំបូង​រាជ​ធានី​ភ្នំពេញ​បាន​ទេ​នៅ​ថ្ងៃ​អាទិត្យ ទី​១៦ តុលា ដើម្បី​សុំ​បំភ្លឺ​អំពី​ករណី​នេះ។ ចំណែក​ប្រធាន​ពន្ធនាគារ​ព្រៃ​ស លោក ស៊ុយ វ៉ាន់សន ក៏​មិន​ធ្វើ​អត្ថាធិប្បាយ​ដែរ​ជុំវិញ​ករណី​នេះ ដោយ​លោក​ប្រាប់​ថា លោក​ទើប​តែ​វិល​មក​ពី​បរទេស។

មន្ត្រី​នាំ​ពាក្យ​នៃ​គណ​បក្ស​សម​រង្ស៊ី លោក យឹម សុវណ្ណ បាន​អះអាង​ថា ទណ្ឌិត​ទាំង​៥ នេះ ជា​អតីត​សមាជិក​សកម្ម​របស់​គណ​បក្ស​សម​រង្ស៊ី។ លោក​បាន​សាទរ​ចំពោះ​ព្រះ​មហា​ក្សត្រ​ដែល​ព្រះ​អង្គ​ព្រះ​រាជ​ទាន​ការ​លើក​លែង​ទោស​ដល់​អ្នក​ទាំង​នោះ។ ទោះ​ជា​យ៉ាង​ណា​ក៏​ដោយ លោក យឹម សុវណ្ណ បាន​ពន្យល់​ថា ការ​ចាប់​ខ្លួន​អតីត​សមាជិក​គណ​បក្ស​សម​រង្ស៊ី​ដាក់​គុក​ក្នុង​ម្នាក់​ជាង ១០​ឆ្នាំ​មក​នេះ ជា​រឿង​នយោបាយ។

ចលនា​កង​ទ័ព​សេរី​ជាតិ​កម្ពុជា (Cambodian Freedom Fighter CFF) បាន​ដឹក​នាំ​ដោយ​លោក ឈុន យ៉ាសិទ្ធិ ជន​ជាតិ​ខ្មែរ​សញ្ជាតិ​អាមេរិក។ កាល​ពី​ឆ្នាំ​២០០០ កន្លង​ទៅ លោក ឈុន យ៉ាសិទ្ធិ ស្នាក់​នៅ​ប្រទេស​ថៃ បាន​ដឹក​នាំ​ប្រតិបត្តិការ​យោធា​មួយ​ឈ្មោះ​ភ្នំ​ភ្លើង វាយ​ប្រហារ​លើ​ទីស្នាក់ការ​ក្រសួង​ការ​ពារ​ជាតិ និង​ទីស្ដីការ​គណៈរដ្ឋមន្ត្រី​នៅ​រាជ​ធានី​ភ្នំពេញ ប៉ុន្តែ​ប្រតិបត្តិការ​នោះ​បាន​បរាជ័យ។ ជា​បន្ត​បន្ទាប់​មក​ទៀត អ្នក​ដែល​ជាប់​ពាក់ព័ន្ធ​ក្នុង​រឿង​នេះ​ជា​ច្រើន​នាក់ ត្រូវ​បាន​រដ្ឋាភិបាល​ចាប់​ខ្លួន​ដាក់​គុក ក្នុង​នោះ​រួម​មាន​សមាជិក​គណ​បក្ស​សម​រង្ស៊ី​ទាំង ៥​នាក់ ដែល​ព្រះ​មហា​ក្សត្រ​ប្រទាន​ការ​លើក​លែង​ទោស​នៅ​ពេល​នេះ​ដែរ។

កាល​ពី​ឆ្នាំ​២០១០ តុលាការ​សហ​រដ្ឋ​អាមេរិក​នៅ​ទីក្រុង Los Angeles រដ្ឋ​ការ​លី​ហ្វូ​នី​ញា បាន​កាត់​ទោស​លោក ឈុន យ៉ាសិទ្ធិ ឲ្យ​ជាប់​គុក​អស់​មួយ​ជីវិត ក្រោម​បទ​ចោទ​ប្រកាន់​ថា បាន​ចូល​រួម​ដឹក​នាំ​ចលនា​កង​ទ័ព​សេរី​ជាតិ​កម្ពុជា CFF ក្នុង​គោល​បំណង​ផ្ដួល​រំលំ​រដ្ឋាភិបាល​កម្ពុជា​មិន​បាន​សម្រេច​កាល​ពី​ឆ្នាំ​២០០០ នោះ៕

No comments: