A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Friday 2 September 2011

SRP promises to put up party signs again after they were pulled down by authority


By Khmerization
Source: RFA

The opposition Sam Rainsy Party (SRP) has said it will put up party signs in Battambang again in 7 days after they were pulled down by authority on 22nd August.

On 22nd August, police and authority pulled down SRP party signs, but allowed the party signs of the ruling Cambodian People's Party to be installed there.

SRP president of Battambang branch said if the authority did not respond to his request for the re-installation of the SRP party signs in 7 days he will order the signs to be re-installed regardless of whether the authority agrees or not.

Mr. Prach Chan, Governor of Battambang province, said the reason the authority pulled down the SRP party signs was because of opposition and complaints from the home owners in the area.

Read article in Khmer below:
បក្ស ​សម រង្ស៊ី​ បាត់ដំបង​សន្យា​លើក​ស្លាក​គណបក្ស​វិញ​ក្នុង​រយៈ​ពេល ៧ ថ្ងៃ
ដោយ សួន សុផល មុន្នី
2011-09-01

ជម្លោះ​ក្នុង​ការ​លើក​ស្លាក​សញ្ញា​គណបក្ស សម រង្ស៊ី នៅ​តាម​ទី​ធ្លា​សាធារណៈ​ក្នុង​ក្រុង​បាត់ដំបង នៅ​ពុំ​ទាន់​ដល់​ទី​បញ្ចប់​នោះ​ទេ ក្រោយ​ពេល​អាជ្ញាធរ​ដក​ស្លាក​គណ​បក្ស សម រង្ស៊ី ចេញ​ពី​ទី​សាធារណៈ​រួច​មក។

RFA/Soun Sophalmony

ស្លាក​សញ្ញា​គណបក្ស សម រង្ស៊ី ដែល​នគរបាល​ក្រុង​បាត់ដំបង​រឹប​អូស កាល​ពី​ថ្ងៃ​ទី ២២ សីហា ឆ្នាំ ២០១១។

គណបក្ស សម រង្ស៊ី បាន​ចោទ​អាជ្ញាធរ​ខេត្ត​បាត់ដំបង​ថា មាន​ភាព​លំអៀង​ទៅ​រក​គណ​ប្រជាជន​កម្ពុជា និង​ព្រមាន​ថា ក្នុង​រយៈ​ពេល ៧ ថ្ងៃ​ទៀត បើ​សិន​ជា​អាជ្ញាធរ​ខេត្ត​មិន​ព្រម​ឆ្លើយ​តប​តាម​សំណើ​នោះ​ទេ គណបក្ស សម រង្ស៊ី និង​យក​ស្លាក​គណបក្ស​ទៅ​ដាក់​តាំង​តាម​ទីតាំង ដែល​បាន​ស្នើ​សុំ​រួច​ហើយ។

មន្ត្រី​ជាន់​ខ្ពស់​នៃ​អាជ្ញាធរ​ខេត្ត​បាត់ដំបង​បាន​ច្រាន​ចោល​សំណើ​របស់​តំណាង​រាស្ត្រ​គណ​បក្ស​ប្រ​ឆាំង​សម រង្ស៊ី ដែល​បាន​ដាក់​លិខិត​មួយ​ច្បាប់​សុំ​ឲ្យ​ជួយ​បង្ក​លក្ខណៈ​ទៅ​តាម​ច្បាប់ ដើម្បី​ឲ្យ​បាន​លើក​ស្លាក​គណបក្ស ទៅ​តាម​គោលការណ៍ ស្នើ​ភាព​គ្នា​ដូច​គណ​បក្ស​ដទៃ នៅ​តាម​ទី​ធ្លា​សាធារណៈ​ក្នុង​ក្រុង​បាត់ដំបង។

លោក ប្រាជ្ញ ចន្ទ គណៈ​អភិបាល និង​អភិបាល​ខេត្ត​បាត់ដំបង មាន​ប្រសាសន៍​នៅ​ថ្ងៃ​ព្រហស្បតិ៍ ទី​១ ខែ​កញ្ញា ឆ្នាំ ២០១១ ថា គណបក្ស សម រង្ស៊ី មាន​ចិត្ត​មានៈ​មិន​ព្រម​សម្រប​សម្រួល ជា​មួយ​ម្ចាស់​ទី​តាំង​កម្មសិទ្ធិ ក្នុង​ការ​យក​ស្លាក​គណបក្ស​ទៅ​ដាក់​នោះ​ឡើយ។ ដូច្នេះ​ហើយ អាជ្ញាធរ​ខេត្ត​បាន​ផ្ទេរ​ភារកិច្ច​នេះ ទៅ​ឲ្យ​អាជ្ញាធរ​ក្រុង​បាត់ដំបង​ជា​អ្នក​ដោះស្រាយ។

លោក ប្រាជ្ញ ចន្ទ៖ «គាត់​ថា អញ្ចឹង​គេ​មិន​ព្រម​ឲ្យ​ដាក់​ដូច​ជា​នៅ​មុខ​ផ្ទះ គណបក្ស​ប្រជាជន គេ​ម៉េច​ឲ្យ​ដាក់​គណបក្ស សម រង្ស៊ី នៅ​ផ្ទះ​គេ។ អា​ហ្នឹង​រឿង​វា​អ៊ីចឹង​ទេ​សំខាន់​អ្នក​ដែល​នៅ​ហ្នឹង​គេ​មិន​ព្រម»។

កាល​ពី​រសៀល​ថ្ងៃ​ទី​៣១ ខែ​សីហា លោក ស្រី មួរ សុខហួរ បាន​ដាក់​លិខិត​មួយ​ច្បាប់​ទៅ លោក ប្រាជ្ញ ចន្ទ អភិបាលខេត្ត​បាត់​ដំបង​ឲ្យ​ជួយ​បង្ក​លក្ខណៈ​ទៅ​តាម​ច្បាប់ ដើម្បី​ឲ្យបាន​លើក​ស្លាក​គណ​បក្ស តាម​គោលការណ៍​ស្នើ​ភាព​គ្នា​ដូច​គណ​បក្ស​ដទៃ។ អាជ្ញាធរ​ក្រុង​បាត់ដំបង បាន​បដិសេធ​មិន​ព្រម​ប្រ​គល់​ស្លាក​គណបក្សសមរង្ស៊ីចំនួន៤ផ្ទាំង ឲ្យទៅ​គណ​បក្ស សម រង្ស៊ី ហើយ​បាន​ទាមទារ​ឲ្យ​គណ​បក្ស​នេះ​ធ្វើ​លិខិត​ស្នើ​សុំ​ជា​ថ្មី។

អភិបាល​ក្រុង​បាត់ដំបង លោក អឿម សុខុន ថ្លែង​ថា សាលាក្រុង​បាត់ដំបង​នៅ​មិន​បាន​ទទួល​លិខិត​របស់​សាលាខេត្ត​ទេ។ ប៉ុន្តែ លោក​បញ្ជាក់​ថា ៖ «ខ្ញុំ​អាជ្ញា​កណ្ដាល ទី​មួយ​កន្លែង​ដែល​យើង​បាន​ហាម​ឃាត់​នោះ ដោយសារ​ទីតាំង​នោះ​វា​មាន​ទំនាស់​ជាមួយ​ប្រជា​ពលរដ្ឋ ឥឡូវ​នេះ​ខ្ញុំ​សុំ​គោលការណ៍ ប៉ិច (PEC) ហើយ ដើម្បី​មាន​គោលការណ៍​ហ្នឹង»។

ចំណែក​ឯ​លោក វន ពន ប្រធាន​គណៈកម្មាធិការ​ជាតិ​រៀប​ចំ​ការ​បោះឆ្នោត​ខេត្ត​ហៅ​កាត់​ថា ប៉ិច (PEC) នៅ​ខេត្ត​បាត់ដំបង​មាន​ប្រសាសន៍​ថា ក្នុង​ដំណាក់​កាល​នេះ (PEC) ខេត្ត​ពុំ​មាន​តួនាទី​ក្នុង​ដោះ​ស្រាយ រឿង​ជម្លោះ​លើក​ដាក់​ស្លាក​គណបក្ស​នយោបាយ​នោះ​ទេ។ ចំណែក​លិខិត​របស់​សាលា​ក្រុង​បាត់ដំបង​ក៏ (PEC) មិន​ទាន់​បាន​ទទួល​ដែរ ៖ «អត់​មាន​តួនាទី​អី​ទេ ទាល់​តែ​ពេល​ឃោស​នា។ យើង​អត់​ទាន់​បាន​ដឹង​ខ្លឹមសារ​គាត់​និយាយ​ពី​អី​ផង។ យើង​ដឹង​ខ្លឹមសារ​ពី​អី យើង​នឹង​ឆ្លើយតប​ទៅ​គាត់​វិញ»។

ប្រធាន​ក្រុមប្រឹក្សា​គណបក្ស សម រង្ស៊ី ប្រចាំ​ខេត្ត​បាត់ដំបង លោក ស្រី មូរ សុខហួរ បាន​ថ្លែង​ថា ទោះ​បី​អាជ្ញាធរ​ច្រាន​ចោល​សំណើ​របស់​គណបក្ស សម រង្ស៊ី ក៏​គណបក្ស សម រង្ស៊ី នៅ​តែ​រក្សា​ជំ​ហរ​ដដែល។

លោក ស្រី មូរ សុខហួរ ៖ «បើ​សិន​ជា​ស្លាក​គណបក្ស​ប្រជាជន​កម្ពុជា នៅ​កន្លែង​ណា​ ទី​កន្លែង​នោះ​ត្រូវ​តែ​មាន​ស្លាក​គណ​បក្ស​ដទៃ​ទៀត។ ដូច្នេះ យើង​សុំ​ហ្នឹង​ត្រឹម​ត្រូវ​ណាស់។ យើង​សុំ​យក​មក​កន្លែង​ដដែល​វិញ ពី​ព្រោះ​យើង​ឃើញ​មាន​ស្លាក​គណបក្ស​ប្រជាជន​កម្ពុជា។ បើ​យើង​មើល​មាត្រា​ទី​៤ នៃ​ច្បាប់​នៃ​គណ​បក្ស​នយោបាយ​និយាយ​ថា ច្បាប់​នេះ​ការពារ​គណបក្ស​ណា​ក៏​ដោយ​ឲ្យ​ស្នើ​ភាព​គ្នា»។

មន្ត្រី​អង្គការ​សិទ្ធិមនុស្ស លីកាដូ លោក ស៊ុន តឹក ថ្លែង​ថា ការ​លើក​ដាក់​តាំង​ស្លាក​គណបក្ស​នយោបាយ មិន​មែន​តែ​គណបក្ស សម រង្ស៊ី មួយ​ទេ គឺ​មាន​គ្រប់​គណបក្ស​ទាំង​អស់។ ក្នុង​នោះ​រាប់​ទាំង​គណបក្ស​ប្រជាជន​ផង។ ដូច្នេះ បញ្ហា​នេះ ទាមទារ​ឲ្យ​មាន​ភាពស្មើគ្នា​ចំពោះ​មុខ​ច្បាប់។ លោក​បន្ត​ថា នៅ​តាម​ទី​កន្លែង ដែល​គណបក្ស សម រង្ស៊ី បាន​ស្នើសុំ​នោះ គឺ​ជា​ទីតាំង​សាធារណៈ ខុស​ពី​ការ​អះអាង​របស់​អាជ្ញាធរ ដែល​ថា ជា​ទីតាំង​ឯកជន។

ទោះ​យ៉ាង​ណា នៅ​ក្នុង​លិខិត​របស់​លោក ស្រី មូរ សុខហួរ ដាក់​ជូន​ទៅ​អាជ្ញាធរ​ខេត្ត បាន​បញ្ជាក់​ថា ករណី​នេះ គណបក្ស​យើង​ខ្ញុំ មិន​ជំទាស់​ទៅ​នឹង​ការ​បដិសេធ​របស់​អាជ្ញាធរ​ទេ ដរាប​ណា​អាជ្ញាធរ​បង្គាប់​ឲ្យ​គណបក្ស​ដទៃ ដក​ស្លាក​គណបក្ស​ចេញ​ពី​ទីតាំង​ទាំង​នោះ​ទាំង​អស់។ បើ​ពុំ​ដូច្នេះ​ទេ ក្នុង​មួយ​សប្ដាហ៍​ទៀត គណបក្ស​យើង​ខ្ញុំ និង​យក​ស្លាក​សញ្ញា​គណបក្ស​ទៅ​ដាក់​នៅ​ទីតាំង​ទាំង​នោះ​ដែរ៕

3 comments:

Anonymous said...

dildo sign must be down

Anonymous said...

If CCP thinks they are good and peope love, why they are fear of Sam Ransy Part. No common sense.

Anonymous said...

as long as you pay your bill, the sign can go up.